Sakar murli du lundi 18 mars 1963

> >

18-03-1963 madhuban aabu praatah murli saakaar baba om shanti madhuban

helo, good morning ham madhuban se bol raheen hain, aaj shukravaar hai san 1963 march ki athaarah taarikh hai, praatah class mein baapdaada ki murli sunte hain

record :-

jaane na najar pahchaane jigar…

om shanti । yeh sthaapna hai nai, jisko sirf brahma mukhvanshaavli braahman-braahamniyaan hi samajhti hain । kahne mein bhale tum brahmaakumaar va brahmaakumaari kahlaate ho; parantu likha-padhi mein athva jahaan bhi ho sake to brahma mukhvanshaavli kehna athva likhna theek hai; kyonki yeh knowledge hai nai aur bahut pecheedi । koi ko jab kaha jaata hai ki yahaan baba-mama rehte hain to nae log samjhenge, shaayad ye yugal hain । aise kab nahin samjhenge ki brahma ki mukhvanshaavli hai । sirf aise bhi nahin kehna hai, brahmaavanshi । aise to baap ke bachche sabhi hain, parantu mukhvanshaavli akshar kahaan bhi likhne va daalne se phir vo aise nahin samjhenge ki ye brahma ki koi kukhvanshaavli bachchi hai । kyonki har ek akshar ka arth bada achhi tarah samjhaana padta hai । brahma ke oopar hi saara madaar bahut hai ye to theek hai ki brahmaakumaar ye to jaante ho ki brahma mukhvanshaavli to saari duniya hai kyonki jabki brahma ko prajaapita kaha jaata hai to kyonki pahle to ye log vahaan likh diya hai ki krishna ko itni raaniyaan theen, itne bachche the । kyonki shaastra mein to rola pada hai bahut । phir vo rola to chal bhi nahin sakta hai koi sensibal sune to, prajaapita brahma mashhoor hai । krishna ko kabhi koi prajaapita nahin kahenge, jo unko baithkar ke likhen ki itne bachche hue phalaana hue, kahaan se aae vo sabhi? yaani vo to bilkul wrong hai । kyonki shaastron mein bahut rola hai thoda kam rola nahin hai । vaastav mein vo log nahin samajhte hain ki ham koi gandagi likhte hain ya glaani karte hain. kyonki gaate to hain na bachche , yada yada hi dharmasya glaanirbhavat bhaarte ye akshar kehna to theek hai, parantu glaani kaha kisko jaata hai vo to bichaare samajhte nahin hai । kismen hai glaani to zaroor koi kahaan likhat mein hai । manushya ki jo vaani chalti hai yug mein vo to koi sirf baat karne ki nahin hai, par ye glaani kahaan likhi hui hai to baap aakar ke samjhaate hai ki ye shaastra mein likhi hui hai । baap aakar siddha kar samjhaate hai, shaastron mein kitni glaani likhi hui hai । eeshvar sarvavyaapi hai, yeh bhi shaastron mein hai । dekho manushya kehte hain to aise nahin kehte hain kyonki saara madaar bhaarat ka in shaastron par ho gaya hai । shaastron mein hi glaani likhi hui hai । usmein bhi samjhaaya jaata hai ki ham brahmakumaariyaan hain to itne jo hain so to zaroor edopted hue honge na । aise to nahin ki brahma ko itne laukik bachche ho sakte hain। gaaya jaata hai prajaapita brahma, to prajaapita kaise to kaha jaata hai zaroor brahma ke saath phir maata chaahiye । agar maata bhi hove to bhi itne bachche paida kar na sake । praja itni saari । to unko ye samjhaana padta hai, ki vaastav mein tum bhi prajaapita brahma ki santaan ho kyonki parampita paramatma ne jab nai srishti rachi hai to pahle brahma dvaara braahamnon ko racha hai kyonki ye saakaar srishti hui na । vo niraakaar srishti to hai hi, vo niraakaar paramatma to aatmaon ka baap hai hi । parantu phir saakaar srishti jab rachi jaati hai to gaaya jaata hai parampita paramatma brahma dvaara rachte hai । kyonki prajaapita naam sirf brahma ka hai । vishnu ko va shankar ko prajaapita nahin kahenge । kyonki ye sabhi bachche hain jo gyaan mein hote hain aur jinko service karni hoti hai ye sabhi vichaar karte hain ye hain vichaar saagar manthan ki baaten । are bhaai baap ko yaad karo aur apne pad ko yaad karo । manamnaabhav madhyaaji bhav vo to bilkul thoda hai । vo to hai pahle aur pichhaadi ki baaten । ye hai kisko detail mein samjhaana । to dekho prajaapita brahma ki to zaroor mukhvanshaavli hi ho sakti hai । phir vahaan stri ka prashn hi nahin uthta । maata to vahaan hai hi nahin । vaastav mein tvamev maataashcha pita to ek paramatma ko hi kaha jaata hai । tum maat pita ham baalak tere ye bhi ek badi bhaari gaanth hai । yahaan saakaar mein mama-baba baithe hai unko 'tum maat-pita' kah nahin sakte । ye mahima inki mama sarasvati ki aur in brahma ki nahin ho sakti hai । to dekho rola ho gaya na । ye inki aur inki mahima hai hi nahin । ham ye kehte hi hain unko tum maat pita ham baalak tere yaani paramatma ki mahima karte hain । agar unke hisaab se leven to vo pita hai to ye maata ho jaati hai । parantu nahin । phir yahaan duniya mein bhi jagdamba ka mashhoor hai । jagdamba phir alag ho jaati hai । is maata brahma ko to jagtaamba nahin kaha ja sakta hai । bahut rola hai samajhne ka । ye chakkar jab talak koi ne poora na samjha hua ho to ye baaten samjhaana bada mushkil hai । to ye jo bhi guhya samjhaani hai ye jaise baba ne kal parson bhi badi achhi point nikaali thi ki bachche kalhayug mein ya abhi jo laukik baap hote hai vo to khushi ke liye bachche ko janma dete hai ki vaaris banen hamaare । to baap bachche ko sukh dene liye create karte hai । to behad ka baba bachchon ko mukhvanshaavli kriet karte hain bachchon sukh dene ke liye । us din baba ne baith karke ye bataaya । ye bahut guhay point thi ekdam । parantu aisa nahin hai ki sabhi ke buddhi mein baith sakti hai ya koi samjhaae sakte hain । nahin । vo theek hai manamnaabhav madhyaaji bhav, vaap ko yaad karo aur varse ko yaad karo । parantu ye detail mein samjhaana ismen badi buddhi chaahiye । badi sense chaahiye inmen । so to phir clear chaahiye buddhi bhi achhi, vo misaal bhi hai na sherni ka doodh sone ke bartan mein hi tikta hai । to vo chaahiye । jale khade nahin dhaaran kar sakte hain । baap ne samjhaaya tha ki baap bachche to bade khushi se maangate hai । devi-devtaaon ke mandir mein jaaenge, phalaane ke paas jaaenge । devi ke paas jaaenge । maai jaaengi, marda jaaenge kahenge- hamko ek bachcha chaahiye । koi naam nikaalne vaala koi chaahiye ki hamaari vanshaavli kat na ho jaae, hamaare kul ka naam nikaale । to bahut bichaare mattha maarte hain jinko vanshaavli nahin rehti hai । parantu vo to bichaare kehte hain ham bachche ko sukh denge । par bachcha janma lete bhi kabhi kabhi beemaar hote hain kabhi kabhi vo andha bhi janma le lete hain kabhi aage chalkar ke duhkh bhogte hain rogi hota hai to kya kaha jaata hai, past janma ke aise karma hai । ismen maa-baap ka to dosh nahin kahenge, vo to bichaare kehte hain hamne to sukh ke liye inko janma diya parantu woh jo past mein karma kar ke aae hain woh unke aage padte hain bahut samjhe na । kyonki karma ulte karke aae hain । abhi is samay mein baba ne samjhaaya hai ki baba bachchon ko adopta karte hain sukh ke liye aur unko baithkar ke sukh ke liye karma sikhlaate hain to abhi ham bachchon ko baap baithkar ke karma se sikhlaate hain dekho past ke liye abhi baba aage ke liye ham ko saavdhaan karte hain kyonki yeh baaten koi geeta ya bhaagvat ya unmein koi likhi hui nahin hai vahaan to kuchh bhi nahin hai geeta aur bhaagvat mein kuchh goya hai hi nahin bilkul kuchh । woh to jaise dant kathaaen hain sab dant kathaaen aur baap kehte hain dekho bachchon main tum bachchon ko adopta karta hoon dekho direct kehte hain na, kisko kehte hain - apne bachchon ko । aatma kaho jeevaatma kaho । aatma to sunegi organ se । kehte bhi hain na ki aatma va jeevaatma aisa karma karke aai hai jo phir abhi unko bhogna padta hai to phir bhi to tum aatmaon ko shareer to lena hi hai parantu aatma ko baithkar ke sikhlaate hain ki hai bachche abhi tumko aise karma sikhlaata hoon ek to samjhaay dete hain vahaan maaya nahin hoti hai parantu phir bhi yatha raaja raani tatha praja । yeh bhi to zaroor koi purushaartha se nambarvaar bante honge jo ham yahaan kehte hain ki ham aise abhi karma seekhen jo ham bhavishya mein aise banen, ham daasi na banen, ham raaja banen, saahookaar bane । dekho abhi maarjan hai na । yeh sabhi baaten peechhe bhool jaaengi । is samay mein ham purushaartha kar rahe hain baap dvaara ki ham aise karma karen । bhale vahaan duhkh nahin hoga parantu martabe to phir bhi hai na । woh to hai hi sukhdhaam usmein koi shak nahin hai phir bhi martabe to hain na bachche । achha yeh duhkhadhaam hai phir bhi martabe to hai na । sanyaasi hain, bade saahookaar hain, duhkhi hain, phalaana hai । to vahaan martabe zaroor rehte hain duhkh nahin rehta par martabe zaroor hote hain । sukh to sabko hi milta hai । us martaba ko paane ke liye tum bachchon ko purushaartha karaaya jaata hai । baap baith karke purushaartha karaate hain । to bachchon ko aise karma se sikhlaata hoon jo phir vahaan jaakar karke koi aisa bachcha paida nahin hoga jo baap kahe ki hamaara bachcha past mein aise karma karke aaya hai jo duhkhi hote hain jaise abhi hote hain । pharka hai na bachche, yeh point badi guhya hai parantu yeh buddhi mein aise dhaaran karna ya kisko aise prakaar se samajhna ye phir mahaarthiyon ka kaam hai । ghode saahookaar bhi kaam nahin kyonki jo jo jitna jitna is samay mein, kyonki likha to hua hai na aaj tumko bahut guhya pvoint sunaata hoon, baaten sunaata hoon to zaroor koi guhya baaten sunaate honge । to guhya baaten to jitna jo bhi service mein honga unko achhi tarah se samajh aaengi, unke oopar vo achhi tarah se vichaar chalaaenge । yeh baat hai to theek bahut, samjhaane ki badi meethi baat hai । yeh ek hi baat samjhaane se kisko unka kapaat khul jaaega kyonki hai na aisi baat । abhi yeh baat kaun samjhega ki aisi achhi baat hai jo bilkul oonche koti ke honge gyaani tu aatma mahaarthi । baaki sekand aur third grade ke buddhi mein yeh baat nahin baith sakegi ki dhaarna kar leve । kyonki aise – aise guhya point hamko dhaaran karni hoti hai jo koi ko samjhaane se vo samjhe । itna gyaan jo dete hain na yeh bilkul right hai, to right to baat samjhenge parantu phir ham samajhte hain na ki right to bahut samjhenge parantu vo aakar karke vo hi samjhenge aur lenge jinki takdeer mein hoga aur phir ham yeh samajh sakte hain ki jo jo bhi achhe honge apne sikildhe kalpa pahle vaale woh to phir utha hi lenge । aur phir hota kya hai ki jo baat dhaaran karni hai woh phat se dhaaran karaani hai, kyonki dhan die dhan na khute । kyonki yeh hamaari knowledge hi aisi hai । aise nahin hai ki koi parampara yeh knowledge chali aai hai ya itni samay koi dhaaran karte jaate hain । nahin! woh to samjha jaata hai ki bachche ki yeh knowledge bas abhi mili phir vaapas jaaenge vahaan, tab yeh knowledge khalaas ho jaaegi kyonki drama anusaar jo bhi part apna hai 84 janma ka ab ye hua poora । peechhe hai praalabdha ka part । phir yeh gyaan ka jo hai buddhi mein woh saara nikal jaata hai । aise mat samajhna ki koi vahaan ye gyaan buddhi mein rehta hai । vahaan aatma gyaan ke sanskaar le jaati hai, kyonki yahaan padhaai mein to aisa hota hai na bachche । abhi jo kuchh bhi aatma yahaan padhti hai to vahaan sanskaar le jaati hai । us anusaar unko vahaan janma milta hai । abhi yeh sanskaar ham lete hi hain raajaai ke । vahaan hamaare paas bilkul bhi gyaan nahin hoga kuchh bhi nahin । kyonki vahaan phir gyaan ki gati nahin, woh part poora hua gyaan ka uski praalabdha mil gai । phir ham jaise ki vahaan ja kar ke apne raajaai mein honge aur vahaan raajya karenge । phir yeh gyaan praayahlop ho jaata hai aise nahin hai ki parampara chalne vaala hai । manushyon ne likh diya hai yeh sabhi parampara se chala aata hai । parampara- ye shabd likh diya hai, woh samajhte hain ki yeh shaastra satayug treta dvaapar kalhayug mein sabhi sunte honge । parantu in bechaaron ka to koi dosh hai nahin kyonki drama bana hua hai jisko hamne jaan liya hai । kai to dekho tum jaate ho to dekhte ho shiv ki baith karke pooja karenge vo ye kahenge ye kalpana hai phalaana hai yaani koi arth sahit thodi hota hai kuchh bhi । phir ham samajhte hai dekho ye kitne moorkha hain । phir ham, ye samajhte hain par aise ham to moorkha the na । jab ham pooja vagairah karte the tab hamko kuchh pata thodi padta tha ki kya karte hain ham । kyonki pooja karte the phalaana karte the, karte to sabhi hain na, dekho sanyaasi vagerah sabhi karte hain na, nahin to bhala usmein shiv ka chitra rakhne ki darkaar hi kya hai । to yeh bhakti maarga hai kaise na kaise kuchh na kuchh matlab pooja karni hai । woh jo kah diya hai ki eeshvar sarvavyaapi hai to bhala yeh jo sarvavyaapi sarvavyaapi kehte hain, sarvavyaapi agar ho to bhala sarvavyaapi sarvavyaapi ki pooja thodi karenge । ye bhi to bhala nahin ho sakta hai । to bachche in sab ka dosh to hai nahin । ye jo bahut achhe meethe shurudh bachche hain ye jaante hain ki barobar jo mahaarthi aage hue the , jo raaja banenge, vo utne hi gyaan lenge utne hi service karenge vo kar rahe hain । phir tum bachche yeh bhi jaante ho ki barobar jo oonche te oonche hain, kyonki jaante to hain na । chalo mama baba ko to bhala jaante ho aur bachchon ko bhi, to inse tum samajh sakte ho ki haan kaun achhi service mein laga hua hai aur unki buddhi mein achhi points hain aur achhe bade-bade dukaan sambhaal rahe hain । dukaan bhi to sambhaal rahe hain na to dekho bade-bade jo puraani dukaan sambhaalte the to nai dukaan jamaane ko bhej do to dekho nai dukaan jamaane mein kitni deri lagti hai । woh to zaroor lagegi na । aur unmein bhi phir agar koi achha hove to dukaan ko jaldi se uthaay sakte hain । to dekho yeh dhandha hai na, ye business hai, vyaapaar hai । koi birla vyaapaari, to vyaapaar ka akshar ho jaata hai na । ratnaagar to barobar bhaai ratnaagar yaani ratan ka vyaapaar karne vaala, to abhi woh ratan to nahin hai na । yeh hai gyaan ratan, yeh gyaan ka saagar hua । yeh ratan unke paas hai । aur em end object bhi samjhaai jaati hai ki inse jo gyaan ke ratna milte hain vahi hamko maalaamaal karte hain bhavishya ke liye kyonki hamko milte hi hain svarga mein raajaaon ka raaja banna yaani saahookaar banne ke liye । to yeh to jaante ho na ki yahaan koi saahookaari ki baat nahin hai abhi । nahin! yeh to hai hi bhavishya ke liye । is gyaan se ham itna ooncha bante hain । abhi yeh to bachchon ko samjhaaya gaya hai ki gyaan se sadgati hoti hai aur sabki honi hai । sadgati kaha hi jaata hai satayug ko kalayug ko kaha jaata hai durgati । abhi kalayug se sadgati sach gaddi sthaapan karne vaala hai svarga sthaapan karne vaala sivaay parampita paramatma ke koi aur ho hi nahin sakte hain parantu bachchon ko baba ne baar-baar kaha hai ki gaandhi ka naam sadaiv lete raho kyonki gaandhi ki badi mahima hai । to woh gaandhi jo kah diya hai na patit paavan to apne ko bhi patit kah diya hai । vo samjha hai ki patiton ko paavan karne vaala sirf ek hai । parantu vahaan hai to geeta, dekho pharka kitna ho raha hai kyonki manushyon ko to pata nahin par ham to jaante hain na । abhi to aajkal ham sab record mein bhi bharte hain । usmein to aur hi khabardaari karni padti hai । dekho gaandhi ka bhi naam bahut baala hai aur geeta haath mein hai । geeta kiske haanth mein hai ? unheen ke haath mein hai jinko hi kaha jaata hai bhaai kaurvapti । abhi unmein to kuchh aisi baat likhi hui hi nahin hai na । abhi woh utha kar kehte bhi hain patit paavan seetaaraam । seetaaraam phir raghupti raaghav raaja raam ki taraph kyon gaya jabki vahaan krishna hai geeta ka bhagwan to bhala uska naam phir kyon liya ? to uska matlab hi hai asal raaeetiyas akshar sabhi seetaaon ka pati, question uthta hai na । to vo to zaroor bhagwan hi hoga aur to koi doosra ho hi nahin sakta hai । abhi itna goodh hai yeh samjhaane ki baat jo baba baithkar ke samjhaate hain, haanth mein geeta, naam bhi lete hain patit paavan, hai bhi barobar geeta ka bhagwan patit paavan, parantu krishna nahin hai, parampita paramatma shiv hai । to kitna yeh gaanthi pad gai hai, isko kaha jaata hai gaanthi jo koi doosra nahin us gaanthi ko samjhaae sake aur baap baithkar ke samjhaate hain । to un logon ko yeh bhi to samjhaana pade na ki bhaai patit ko paavan karne vaala to vahi hai । to koi bhi patit ko ham aatma kah hi nahin sakte । to jab yeh hai hi patit duniya to yeh mahaatmaaen aae kahaan se? phir jab mahaatmaaen, unko to guru kaha jaata hai to bhala vo guru aae kahaan se jo paavan kare? jab kaha jaata hai patit to sab sab guru bhi pateet ho gae । to bachche yeh baaten baith kar ke yukti se samjhaana bhi jab koi badi sabha lagti hai na unmein ye guhya point bachchon ke samjhaane se vo jo buddhivaan honge vo jaldi pakad lenge । aate gareeb log hain । agar koi bade aadmi aate bhi hain to unko tum log ja karke mattha maarte ho ki aao, isliye vo maan dene ke liye aate hain, bade aadmi koi samajhne ke liye nahin aate hain । unko to kursi par mangaao to jhat aaega sabha mein, kyonki unka bahut maan hota hai । baaki aise mat samjho ki unko tum bahut jor karke le aate ho vo koi tumse samajhne ke liye aate hain , bhale koi bhi ho bhale tum log kisi judge ko bulaao, ya raadhaakrishnan bhi tumhaare paas aa jaave vo badaai ke liye aaenge ki ham jaakar ke itni sabha mein mukhya president banen । aise mat samjho samajhne ke liye aate hain, koi ek bhi bada aadmi samajhne ke liye nahin aate hain । samajhne vaale phir bhi hai hi gareeb kyonki baba hai hi gareeb navaaj to unmein se koi na koi jo saadhaaran hoga vo aakar ke samjhenga । dekho baba ne kaha hai na saahookaaron 100 mein ek saadhaaran 100 mein 10 achha । baaki 90% phir gareeb hi gareeb nambarvaar aise aane hain zaroor । aate hi aise hain । kyonki kaam chalna to hai na bachche to aise hi chalta rahega aur dheere - dheere chalega jhaad kyonki manzil badi oonchi hai, bhatti mein baithna kiseeko ye bada mushkil hai kyonki law hai ki shaastron ka bhi kaayda hai bachche ek haphta to zaroor bhatti mein baithna pade, bithaate bhi hain saat roj । abhi kiseeko ko kaho saat roj hamaare paas baith jaao to kabhi baithenga nahin । abhi vo saat roj bhi chaahiye brahman ke sang mein phir shoodra ka muh bhi nahin dekhna chaahiye kyonki uska rang lag jaata hai, kyonki uski vibration hi kharaab kar dete hain , yeh badi knowledge guhya hai । are! bhagwan aakar ke padhaate hain srishti ka maalik banaane ke liye koi maasi ka ghar thode hi hai aur dekho ye hai phir gareebon ke liye kyonki ye sab hain phir nambarvaar, usmein bhi tum dekhlo number one tumhaari mama gai hai । bhale yeh to chalo nimitta bana hua hai । abhi to hai hi sab se gareeb । gareeb bhi hain saadhaaran bhi hai saahookaar to koi hai nahin । to dekho sabse gareeb, ye jaise ki pahle maata peechhe pita । pahle jagdamba peechhe jagatpita । tvamev maata abhi tvamev maata akshar unka hai maata cha pita, parantu nahin manushya ko bhi kuchh martaba chaahiye na to baba ne vo apna martaba phir bhi maata ko dilaaya hai । gaaya yahi jaata hai parantu yahaan to manushya ka martaba hona chaahiye na, vo aage nahin geet gaate the manushya ka kya martaba kya koi nahin hai jaanta । kyonki is samay mein bhaarat kuchh hai nahin । vaise to dekho ekdam se geet sunenge kah denge bhaarat hamaara sabse achha desh hai, saare jahaan se achha hindostaan hamaara । abhi in bechaaron ko to ye maaloom nahin ki hindustaan bahut achha tha । abhi to koi kaam ka nahin hai । abhi to worth note a penny hai । tha, aise to nahin kehte hain tha, abhi kehte hain । hamaara bhaarat desh sabse achha hai, yaani achha tha । yeh sab log jaante hain ki bhaarat praacheen mein bada first class tha ekdam । vahaan god end goddess raajya karte the । jin ka chitra dikhaate hain । inko hi to kehte hain na lakshmi naaraayan । yeh hai prinsipal chitra । kyonki krishna ko to khalaas kar diya na gaaliyaan dekar ke, dvaapar mein le ja karke । iseelie to baba ensiyas rehta hai ki lakshmi naaraayan ka chitra mile । aur madir bhi tum dekhenge, aaj bade bade mandir shri lakshmi naaraayan ka banaate hain । bade bade aadmi bhi paisa lakshmeenaaraayan ke mandir par kharcha karte hain । to jaisa jaisa dekhte hain vaayumandal aise chitra banaate hain । to baba samjhaate hain aur hai bhi ham tumko raajaaon ka raaja banaaenge, nar se naaraayan banna hai kyonki hai hi satya nar ko naaraayan banaane ki katha, knowledge । aur barobar kingdom jab sthaapan hoti hai to zaroor king end queen ka naam to baala hai hi barobar aur chitra bhi bade achhe dikhlaate hain । bhale unmein buddhi kuchh bhi nahin hai । are kahaan dekho to saanvara naaraayan ko bana dete hain to gori lakshmi ko de dete hain । kahaan dekho naaraayan ko chaar bhujaaen aur unko do bhujaaen, koi arth hi nahin nikalta hai । to bachche aise buddhuon ko samjhaana to padta hai na । to bigar chitra bachche kaise samjhen । bachche hain na, bilkul anjaan bachche hain, bilkul anjaan । yeh bachche aise hain jaise baba kehte hain ki ham jab gae the chakraasa mein to vahaan kheti karne vaale vo pahaadi log the । unko koi padhaata tha to padhte hi nahin the । kehte the hamko yahi dhandha achha lagta hai samjhe na । to is samay mein yeh jo hai rilizias to hai nahin, adharmi to hain hi । vo kehte hain ham rileejiyas nahin maante hain । are kyon kehte hain rileejias nahin maante ? jabki itna praacheen devi devtaaon ka dharma hai kyonki woh jaante hain hamaara religion kaun sa hai । abhi hindu rilijan nahin hai na, to hindustaan ka rilijan hindu kehna ismen koi saar hi nahin hai to na maaloom hone ke kaaran, yeh drama anusaar na maaloom hote hain to kehte hain ham religion ko nahin maante, kyonki ham jaante hi nahin apne rilijan ko to phir maan ke kya karenge aur koi bhi nahin jaante hain sab samajhte hain ki hindu dharma hai, aadi sanaatan । to dekho jab devi-devta dharma tha to devi-devta dharma kahe to puraani baat bhi yaad aa gai । to dekho bahut achha tha abhi hindustaan ko achha thodi koi kahenge । to dekho yeh ghamand । isko bhi kaha jaata hai na jaise deh abhimaan vaise vaise bhaarat ke naam mein - yeh sabse achha hai bahut । nahin to vaastav mein to sabse kangaal hai bilkul hi । har baat mein sab kangaal hi hai rogi kangaali, handred percent har ek baat mein kangaal hai । kyonki iski mahima 100 percent oonchi to iski hi mahima 100 percent neechi । ab jab 100 neechi hai to ye bechaare na jaanne ke kaaran kah dete hain – ek taraph mein geet gaaenge saare jahaan se achha hindustaan hamaara aur doosri taraph mein kahenge kya haal hua hai bhaarat ka । yeh kehte hain ki ye achha tha vo achha tha aisa tha, yeh bahut achhe rehte the aage, koi inka thikaana thodi hai । taakat to kuchh hai hi nahin vaastav mein । yeh to loan lete hain, har baat ka loan lete hain । ye to dekho koi vakta main takleeph hongi to vahaan se lashkar bhi mangaate hain । eyroplen mein militri bhi mangaay lenge । kyonki taras padta hai bhaarat ke oopar sabko । kyonki vo jaante hain ki bhaarat bahut achha tha । ab ye kangaal bana hai । bhaaratvaasi yeh bhi nahin jaante hain ki ham bahut achhe the ab kangaal bane hain insolvent bane hain bilkul hi । kya baba ne us din kaha ki- anaath hai । yeh bhaarat vaastav mein anaathaaashram hai is samay mein, kyonki jis jagah mein gareeb rehte hain aur unko daan diya jaata hai । anaath yaani orfan bachche । anaath ka asal arth hai hi orfan । naastik samjho । to ye to ham jasante hain duniya mein aur koi nahin jaante hain । hamaare mein bhi jo sensibal hai, sarvisebal bachche hain jinmen dimaag mein pur hai woh samajhte hain, unko khushi rehti hai kisko samjha bhi aise hi sakte hain । baaki jo lallu panju to un bichaaron ko kuchh pata bhi nahin hai । baap to aise hi kahenge na । baap kahenge ki nahin bachche jaise tumhaari mama baba hamaare varsa le rahe hain na, tumhaare mama baba jisko kehte ho brahma jagatpita aur jagtaamba jaise vo purusartha karke varsa lete hain, tum bhi follow karo na unko । jo kaha jaata hai pholo father end mother vo isko kaha jaata hai ki nahin । kyonki mere ko to follow nahin karna hai na । mere se to tumko raajaai leni hai, mere ko follow to karna nahin hai । mere paas chale aaenge । bolte hain main aaya hoon guide ban karke, so to tumko tumko pyaar se ya aag mein bhi jalaae karke tumhaara shareer khatma kara karke main to le jaaoonga, parantu bhavishya srishti ka maalik banne ke liye follow mother end father । jaise woh purushaartha karte hain, jaise vo dhaaran karte hain vaise tum bhi dhaarna kar karke un jaisa banon । baap to aise hi kahenge na bachchon ko dekho ye baap kehte hain । behad ka baap kehte hain ki aise banon aur yog rakho aur meri mat par chalo vaphaadaar bano pharmaanbardaar bano । agar phir nahin bante to phir sajaae bhi khaaenge dekho kitna saaf achhi tarah se baba bolte hain, direct jaise laukik baap samjhaate hain vaise paarlaukik baap baith karke padhaate hain ye koi ko buddhi mein thodi aata hai । agar ye baat bhi buddhi mein kaayde sar rahe ki baap padhaate hain to bachche khushi ka paara saara din chadha rahe । agyaan kaal mein saara din rehta hai । student life mein bachchon ko nasha rehta hai ham ye padhte hain phalaana master hamko padhaate hain, master ko kyon nahin yaad karenge, parantu yahaan dekho teen hai full power vahi baba vahi teacher vahi sadguru unko to teen guna jyaada yaad karna chaahiye, balki unko to 300 guna jyaada yaad karna chaahiye, parantu aho maaya yaad karne hi nahin deti hai । dhaarna karne hi nahin detri hai । nahin to bachche samjhaana to bahut sahaj hai । ek-ek point achhi tarah se baith karke vichaar karen aur koi ko bhi baith karke samjhaave ki ham anubhvi hain, hamko baap aise karma sikhlaate hain jo bhavishya mein ham aise na kahenge ki ye past ka karma hai jo inko aage aate hain isliye ye duhkh paate hain । to ye point badi achhi thi ekdam । parantu jo sensibal honga na unko achhi tarah se buddhi mein baithengi aur pahle pahle vo samjhaane lag padenge. kyonki jab baba baith kar ke bachchon ko nai baaten sunaate the to bachchon ko nai baaten sunaani padti thi to yaad ho to sunaaven na । bachchi ek-ek baat, ek ek guhya raaj maano to isko udaay sakti hai yaani jo gyaan lene vaale hain nae-nae bhi to inmen to abhi dhaarna honi chaahiye । dhaarna hove hi tab jab unko baba mein lav hove kyonki baba mein lav to chaahiye na bachche । yeh praanon se pyaara kyonki yeh jeev ko 21 janmon ke liye jeevon ko jamaghto ki phaansi se bachaate hain । woh bolta hai na aage to main kaal bhej deta tha, tumhaari in aatma ko lekar karke garbha jel mein vahaan phir main unko saja deta tha । abhi to dekho main in kaalon ka kaal hoon । abhi tumhaare paas satayug treta mein in kaal aadi ka naam nahin hoga । yeh naam rakh die hain baaki aatma to aape hi shareer chhod kar ke doosra shareer leti hai । yeh kaal aadi ki koi baat nahin hoti hai, yeh to aise hi baithkar samjhaaya hai । aatma to khaali apna shareer chhod kar ke garbhajel jaati hai aur jo unka hisaab kitaab apna shareer ka hai woh dharmaraaj baithkar unko saja deta hai । ismen kaal ki koi baat nahin hoti hai । kaal to naam rakh diya hua hai ki bhaai kaal aa karke inki aatma ko lekar ke jaate hain, woh likha hua hai na shaastron mein ki woh saavitri aur satyavaan ki baaten । hai nahin aisi baaten, yeh to baith karke banaai hai aisi baaten bahut । nahin to aape hi automatically aatma ek shareer chhodkar karma anusaar garbha mein jaati hai woh garbha mein jaati hai aur woh garbha jel hai, kyonki garbha jel aur garbha mahal ka bhi drishtaant hai । ki bhaai ek baitha hua tha baahar hi nahin aate the, drishtaant dete the kyonki vahaan abhi unko aaraam hi hai aur vahaan unko jab duhkh hota hai to bolta hai baahar nikaalo hamko । to yeh sabhi baaten samjhaai to jaati hai na, to hai to sahi kuchh na kuchh shaastron mein parantu samjhaae kaun sake । garbha jel kab hai, garbha mahal kab hai । dikhlaaya hai zaroor ki haan patte par krishna angootha chooste aate hain to rakh diya hai saagar ka naam, par hai saagar ki baat । to baap baith kar ke yeh sabhi baaten samjhaate hain । yeh baba ne baat samjhaai hai, vahi samjha rahe hain sab nai nai baaten । parantu udaahran bhi ho aur inmen manners bade achhe si seekhne padte hain । vo school ke manners alag baat hain । yeh to hai pavitrata ke manners, sarvagun sampanna 16 kala sampoorn, sampoorn nirvikaari, em end object hi hai ki aisa banna hai । aisa banna hai to sabhi paanch vikaaron ko chhodkar bahut meetha banna hai । hubhu jaise baba meetha hai । isko bhi kehte hain vaah! vaah! vaah! vaah! to baba jab achhi achhi points baithkar ke sunaate hain to dil mein khushi bahut hoti hai vaah! vaah! vaah! vaah! point to aisi hai jo koi kisko bhi samjhaave to samjhe ki ye barobar hai । baba karma bhi aisa sikhlaate hain । karma akarma vikarma ki gati to hai hi geeta mein aur bhaagvat mein । parantu dekho ek hi thokar de diya hai krishna bhagvaanuvaala kahke saari geeta khandan kar di hai । abhi agar kisko kaho, bolega- krishna bhi vahi, to shiv bhi vahi । bolte-shankar bhi hote, so bhi vahi । to chalo sarvavyaapi kah dete hain to peechhe baat hi khatam ho jaati hai । bachchi meethi hai, to bhala ja karke kisko sunaave? sabse achha to vaanaprastha vaale hain, vo nahin kahenge ki mujhe phursat nahin hai । to kyon nahin vaanaprastha vaalon ko sunaaven । dekho, dehraadoon mein jo baba kehte the- hai to ismen bhi na, vaanaprastha aashram bahut jagah hain । dhoondhe kaun? daayreksans to milte hain, dhoondhate thode hi hain । centre jamaane ke pahle to graahak dekhna chaahiye ki yahaan graahak aise hain, jinko ham baith karke samjhaave, aur phursat hai? baaki to dhandhe mein itne choor hain । ajmer mein gaye, vo chariye-khariye moonjhe log vo bichaare rahni-karni । bhale koi saahookaar hote hain unki rahni-karni aisi gandi hai, wahin hagenge wahin khaayenge, wahin piyenge wahin kitchen mein aayenge । yahaan hai, yeh bheed dekho । vo koi snaan thode hi karte hain । aise bade-bade achhe-achhe ghar ke manushya bahut hain jo snaan nahin karte hain । hag karke office mein aayenge, andar to jaaenge hi । office mein aa karke baith jaayenge, khaayenge । ghar mein jaayenge । koi snaan ki baat thode hi hoti hai । dher ke dher aise hote hain । vahaan school mein bahut hi jaate hain । koi snaan-paani thode hi karte hain aur jaate hain । yahaan dekho, kitni parhej hai । chhote-chhote bachchon ke oopar kitna jaapta hai ki karke aaye ho, yahaan phiro viro nahin । bhale abhi talak kuchh aise hain, nahin to kaayda hai ki vahaan jaave, snaan karke peechhe aave । kahin-kahin jo vaishnav hote hain, vo karte hain, to bhi vo jernam daal dete hain । thoda paani daal dete hain । vo apvitra pavitra ho jaave । wahin baba bhi khud karte aate hain, apvitra pavitra ho jaave isliye wahin chhitta daal dete hain । chhoti snaani kar dete hain । vo abhi kahaan hai! baat mat poochho । aajkal jo vilaayat se ho karke aate hain, vo to bas, baat mat poochho । dekho, abhi kitna fashion nikla hai । jo bhi thoda naitikta mein ho, fashion, naatak, vagairah mein jaane se hi unmein anaitikta ke sanskaar aa jaayenge । bas, unmein dekho sab khush । dilli mein bahut gaane-bajaane sunte rehte hain । dilli mein jaao to jo bhi bade-bade empi. aadi hain na sabko gaane ka shauk, fashion ka shauk । bas, ismen hi vo khush rehte hain, kyonki samajhte hain ki abhi ham vilaayat jaise ho gaye hain । isliye samajhte hain ki vaah! abhi dekho, hamaara bhaarat to jaise paristaan ban gaya hai aur in bichaaron ko to maaloom nahin hai ki yeh paristaan hi kabristaan hone vaala hai । kitna apne ko khayaal rahega । yahaan baithe-baithe jab khayaal aata hai ki abhi bomb chhootenge । kitni achhi hai, kitni fashionable hai, kitni dhanvaan hai, kitne bade-bade mahal mein rehte hain, aaj hain, kal honge nahin । us samay mein inka kya haal hoga, kyonki yeh to ham jaante hain । duniya mein to koi nahin jaante hain ki abhi bombsa girenge; kyonki vo to maaya ke andh mein hain । samajhte hain vo bhi andh mein hain । to kitni-kitni achhi hai, aati hai, kitni naphees-naajuk, aur jaayenge kaise? ye dekho, bombe kaisi achhi bani hai । baba jab bombe mein jaate hain to vichaar aata hai kya mere hote yeh bombe hoga nahin । baba aise kehte-kab hongi? parantu hongi bhi, kuchh to aage hongi zaroor । yeh bombe, aisi first class, kya hoga us samay mein haay! jabki yeh earthquakes honge, natural calamities hongi ya yeh saagar hi thodi-bahut uthal khaaenge? aise uthal khaate hain । kahaan sunne mein aata hai । kahaan-kahaan vo chadh jaate hain, so doobaay dete hain । us samay mein unka kya haal hoga! ham to abhi jaante hain ki yeh haal hone vaala hai । ham jaante hain-jo achhe-achhe bachche hain vo jaante hain ki jab jaana hoga, hamko pahle hi se aana hoga, jaise ki ham ankaanshiyaash hote hain aur ham samajh jaayenge ki shareer chhod dete hain । achha, hamko to bahut first class shareer milne ka hai । dekho, ye gyaan ki baaten hain । sabki yeh baat nahin hai । sabko to beemaariyaan bhi hongi jo ekdam dar marenge । beemaari mein bhi jo pakki avastha vaale honge vo jaayenge aur kahenge kya harja hai? kamaai to kar hi li hai । shareer chhodenge to hamko achha shareer hi milega । agar jaana bhi hai, to achha hi karega, kyonki hamne kamaai bahut achhi ki hai, jo ham ja karke bhogenge । samjha na! ja karke ooncha pad lenge । haan, yeh zaroor hai, jo bilkul achhe-achhe hain vo to rahenge hi; parantu yeh to khushi rehti hai na ki achha baithega । vo aayenge bhi aise hi ankonshiyasnes ke maaphik । abhi ham jaate hain । chalo, chhodo shareer ko । aise bahut saadhu-sanyaasi log hote hain jo aise hi baithe-baithe samajhte hain ki shareer chhodne ka hai । phir kabhi ka chhoot jaata hai, kabhi ka rah jaata hai । aise baba bahut padhte hain aur sunte hain । yahaan to jo bachche achhe hain vo jab baithenge aur itna yaad mein honge, jinka buddhi ka yog theek laga hota unka khushi ka paara chadh jaaega aur kahenge ki abhi yeh shareer chhodte hain । abhi mehnat ki hai । jaakar koi raaja ke paas hi janma lenge । dekho, jaate hain na phalaana । baba ne hi bataaya-phalaana gaya, to ja karke jammu ke raaja ke paas janma liya । ye to achha hi hai na । vahaan ja karke bhi to ham kuchh kaam karenge na । bhale hamaara organ chhota hoga । to bhi hamaare gun to honge na । gunon ki bahut chhotepan mein bhi pahchaan ho jaati hai । aage hemraaj tha chidaakaashon ka । vo chhota tha, khel karta tha । unke oopar aise kya karke sarpa aata tha । aise karta tha । aise-aise mahima karte the । yeh to ham abhi jaante hain ki ham aise jaate hain, jo hamaara kahaan bhi rahenge vaad nahin hoga । hamaari chalan us samay me, us ghar mein badi first class hogi; kyonki gyaan ki paraakaashtha hoti hai aur pavitra banne vaale, yeh bhi to buddhi mein rehta hai na । jinmen gyaan ki paraakaashtha hai, kahaan bhi jaayenge to unko sukh denge । to ham jo itna satayugi sanskaar le jaate hain, jiske ghar mein jaayenge unko ham kitna sukh dete honge । kai bachche hote hain, bada sukh dete hain । kai hairaan kar dete hain । ro-ro karke ekdam rogi ban jaate hain aur koi to bada phool ke muaaphik rehte hain । ham to jaante hain na ki krishna ki kitni mahima hai, to hamaari kitni mahima hogi jab ham kahin janma lenge । maa ko bhi darda nahin denge, aavaaj nahin karenge, royenge-peetenge nahin, rogi nahi banenge । yeh to ham samajhte hain na; partu yeh bhi kaun samajhte hoge? jo-jo achhi service mein lage hon । baaki buddhu log thode hi samajhte honge । ye sabhi baaten hain sochne ki, samajhne ki, vichaar-saagar-manthan karne ki । baaki aise thode hi, baaki jaakar bhaashan karna hai, yeh bhi seekhne ka hunar hota hai । kar lete hain । andarooni pakki avastha chaahiye । aavaaj karne vaala ya bhaashan karne vaala sirf baahar ka bolta nahin chaahiye । aise baba ke paas bahut hain । bhaashan bahut achha karti hai । andar kapad dhool bhi nahin hai । aise bhi hain । chalo bachchi, toli le aao । pahle mel ko dekar aao । jo aaeesi S. padhte hain, yahaan jo 'pi si pi T si college' hai usmein jaao to dekho kitna nasha hoga unko । vo jaante hain ki ham ja karke supritendent banenge । jaise baadshaahi hai । aajkal pulis mein naukri ek baadshaahi hai, sabse jaasti । chalo, pulis ka koi naam na badnaam kare । koi bhi bada aadmi ho to unke oopar bhi chhaanta daal dete hain । mainne akhbaar mein bhi to padha tha । alaahaabaad ka justice mulla, usne koi pulis vaale ko dekha ki isne to bada julma kiya hai । to usne kuchh likh diya ki yeh pulis to jaise ki unke oopar chhaanta daala tha । to jaise ki sabhi pulis ke oopar aa gaya ki pulis me bahut lolesnes hai । pulis me lolesnes hai, to sabhi ke oopar aa gaya na । to baith karke unka aavaaj nikla ki yeh to ek ke badle mein saari pulis ke oopar kalank lagaay diya । to usne speech ki aur bhi kuchh kaha tha, koi se tang hua tha । aise pulis vaale bahut tang karte hain । (kisi ne kaha- kaha tha ye jaise badmaashon ki toli hai) haan, aise-aise akshar usne kaha । to saare pulis ka naam le liya na । particular to kuchh nahin kiya । phir unki speech nikli, aitraaj uthaaya, phir bade judge ne judgement me se vo akshar nikalvaay diye । daada, aaj somvaar hai । shivbaaba kehte hain । somvaar aur vrihaspatvaar, hai to sabhi din apne liye । baba yahaan hai to peechhe kya hai! hamaara to jaise sabhi shiv ke hi din hain । roj padhaate hain na । phir bhi bhog lagaate hain । koi shiv ka somvaar ke din karte hain, koi mangal ke din, koi budh, sabka koi ek jaisa thikaana nahin hai । phir bhi baba kehte hain- achha, shivbaaba daada aur meethi mama ka meethe-meethe sikeeldhe nambarvaar purushaartha anusaar yatha yogya bachchon ko good morning ।