Sakar murli du vendredi 10 janvier 1964 - 1

> >

10-01-1964 madhuban aaboopraatah murli saakaar baba om shanti madhuban

ham madhuban nivaasiyon ki namaste। aaj shukravaar January ki das taareekh hai। praatah class mein shivbaaba ki murli sunte hain।

om shanti ।

baap baithkar samjhaate hain gyaan aur bhakti ke oopar; kyonki yeh to bachche achhi tarah se samajh gae hain ki bhakti se durgati hoti hai aur bhakti satayug mein nahin hoti hai aur phir gyaan bhi satayug mein hota nahin hai, milta nahin hai । krishna na bhakti karte hain aur na gyaan ki murli bajaate hain । murli maana hi kisko gyaan dena, uska hi naam bahut ooncha rakh diya hai, kyonki gaaya jaata hai na ki murli mein jaadu hai । jaadu kya hai? koi to jaadu hoga na । khaali murli bajaana, ye koi jaadu nahin hai, yeh to bahut hi phakeer bhi bajaate hain । nahin, yeh gaayan kuchh hai । krishna ko to kaha hi jaata hai ki usmein gyaan ka jaadu hai । agyaan ko to koi jaadu nahin kahenge । nahin, yeh murli ko hi jaadu kehte hain । phir bhi manushya hir gae hain ki yeh krishna murli bajaata tha । murli ki to krishna ke liye bahut hi mahima gaate hain aur baap kehte hain ki shreekrishna jo devta the aur phir krishna jo manushya bhi the, kyonki baap ne samjhaaya hai ki manushya se devta, phir devta se manushya-yeh hota rehta hai । daivi srishti bhi hoti hai aur manushya srishti bhi hoti hai । to manushya se devta bante hain gyaan se । jab satayug hai, us samay gyaan ka varsa mila hua hai । kabhi bhi bhakti nahin hoti hai । bhakti hoti hai dvaapar se lekar, jabki manushya devta se manushya ban jaate hain, kyonki manushya se devta, to phir devta se manushya bhi to bante honge na! to manushya ko hamesha vikaari kaha jaata hai aur devta ko nirvikaari kaha jaata hai aur yeh barobar hai ki devtaaon ki srishti ko pavitra hi kehte hain । dekho, tum abhi manushya se devta ban rahe ho । manushya mein gyaan nahin hai, isliye unko manushya kaha jaata hai । yadi manushya mein gyaan hai tabhi unko devta kaha jaata hai; parantu phir gyaan kaun-sa? gyaan kisko kaha jaata hai? ek to 'pahchaan' ko bhi gyaan kaha jaata hai aur phir srishti ke aadi-madhya-ant ka gyaan, usko bhi gyaan kaha jaata hai, kyonki bhagat nahin jaante hain । daada bhi tumhaare saath kehte hain na ki tum, ham, sab jo hain, unmein gyaan to tha hi nahin । gyaan se hoti hai sadgati । phir jab bhakti shuru hoti hai, to unse kaha jaata hai durgati । isliye bhakti ko raat kaha jaata hai, to gyaan ko din kaha jaata hai । yeh to buddhi mein baithne ke liye sahaj hai na । koi ko bhi baith sakta hai, daiveey gunon ki dhaarna bhi ho nahin sakti hai, kyonki yahaan bhi dekhte ho, jo gyaan ki dhaarna karte hai unki chalan devta jaisi ban jaati hai, jinmen kam dhaarna hoti hai unmein mixture ho jaate hain । aise nahin kahenge ki poora asur hain, nahin । yahaan aa gaya to phir unko asur nahin kaha jaaega; kyonki hai hi iski baat । ye hamaare bachche hain daivi gunon vaale aur vo jo mere bachche nahin hain, maante nahin hain, to phir nahin hain । ye bhi kehte hain-nahin hain । vo baap nahin maante, to baap bachchon ko nahin maante hain, kyonki vo gaaliyaan dete hain । kachchi- kachchi gaaliyaan dete hain । abhi tum samajh to sakte ho ki barobar jab ye manushya hain to bhagwan ko gaali dete hain, jab manushya brahman kul mein aate hain to phir gaali band ho jaati hai; kyoki devta ban jaate hain । to din mein sadaiv yeh gyaan ka vichaar-saagar-manthan karna chaahiye na । students, hamesha apne gyaan ko unnati mein laate rehte hain । apna bhi vichaar karte rehte hain । to tum bachchon ko bhi vichaar-saagar-manthan karna chaahiye, jabki gyaan tumko milta rehta hai, to usko kaha hi jaata hai vichaar-saagar-manthan karne se unmein se kuchh amrit niklega, makkhan niklega । agar vichaar-saagar-manthan na karenge, to baaki kya manthan karenge । baaki to aasuri hi vichaar-manthan karenge aur unse kachda hi niklega । student ho eeshvareey aur yeh jaante ho ki baba hamko jo padhaate hain vo koi bhi nahin padhaay sakte hain; kyonki manushya se devta banne ki padhaai sirf baap hi padhaaenge। devta nahin padhaaenge baap padhaaenge; kyonki devtaaon ko gyaan ka saagar kaha hi nahin jaata hai । gyaan ka saagar sirf ek ko kaha jaata hai । daivi gun unmein hote hain, gyaan se hote hain; parantu yeh gyaan jo tum bachchon ko abhi milta hai, vo satayug mein nahin hota hai । peechhe inka jo phal hai raaj karna aur jo daivi gun dhaaran karte ho, to inmen daivi gun hain । tum khud inki mahima karte ho barobar । kehte ho sarvagun sampanna ho, solah kala sampoorn ho । aise gaate ho na । to tumko bhi to aisa hi banna hota hai na । to apne se poochhna chaahiye- mere mein sabhi daivi gun hain? ya koi bhi aasuri gun hai? aasuri gun hai, to nikaal dena chaahiye, tabhi devta banenge । agar nahin nikaalte hain to bhale devta bante hain, parantu kam darje ke । jaise manushyon ko kehte hain- yeh kam darje ka manushya hai । baatcheet inki karna ye kam darje ke manushya hain । abhi tum daivi gun dhaaran karte ho । tum jaante ho ki tum bahut achhi achhi baaten sunaate ho । tum jaante ho ki ham uttam darje ke banne vaale hain । is sangamayug ko kaha hi jaata hai 'purushottam sangamayug', kyonki tum purushottam ban rahe ho, achhe darje ke ban rahe ho । to tumhaara vaataavran achha hona chaahiye, tabhi achhe darje ke gine jaaenge । chheeh chheeh mukh se nikle, jisko jhagda-vagda banaana, to kaha jaaega ki yeh kam darje ka manushya hai । yeh vaataavran se hi maaloom ho jaata hai । mukh se vachan nikle, to bhi dekhte hain kisko duhkh dene vaale hain, to yeh kam darje ka manushya hai, uttam darje ka hai । ye jo purushottam yug hai unmein ye uttam nahin bante hain । dekho, kitne hote hain, uttam nahin bante hain । kitna kam darje mein chale jaate hain । to bachchon ko phir chaahiye uttam darje ke banen, kyonki baap ka naam bhi to baala karna hai । yahaan bahut aate hain, baahar se bhi aate hain । ab kam darje ka ghar baar bigaad denge, ladaai jhagda karenge, kutte jaisa kaat dega… to vo kam darje ka manushya hai, nahin to tumhaara mukhda sadaiv harshitmukh hona chaahiye । jo harshit mukh nahin hote hain, to phir unmein gyaan nahin kaha jaata hoga । jaise jaise harshit mukh, kyoki tumhaare mukh se ratna nikalne ke hain । dekho, inke mukh se ratna nikalte-nikalte kitna harshit mukh ho gaya hai । aatmaon se ratna nikalte hain na । ratna lete the, ratna nikaalte the, kyonki ratnon ki len-den ka teacher banega । to dekho kitni khushi । phir kya khushi hoti hai, ye gyaan ke ratna jo ham lete hain, ye ratna phir sachche ban jaate hain । ye heere-moti-javaahraat ban jaate hain । ye navratna ki maala to koi heere-veere ki maala thode hi hoti hai । nahin, yeh ratnon ki maala hai । koi unki nahin hai.. । manushya to ye ratna samajhkar angoothiyaan vagairah pahan lete hain । baaki vo ratnon ki maala to sangamayug par padti hai । vo jo ratna hain, vo thode hi ye gahne bante hain । unka thode hi koi maala vagairah ya jevar bante hain । nahin, vo ratna hain jo bhavishya mein 21 janma ke liye maalaamaal banaate hain; kyonki vahaan dher jevar ban jaate hain, heere-javaahar-moti vahaan koi loot to sakte nahin hain । yahaan tum nootan pahno to tum bachchon ko koi loot le jaave । to apan ko bahut bahut bahut samajhdaar banaana chaahiye; kyonki jo koi bhi aasuri gun jinmen hote hain, vo aasuri gun jab nikalte hain to uski sikal hi aisi ho jaati hai । dekho, krodh hai, to taambe jaisa us samay mein sikal ho jaati hai । dekha hai । koi bahut krodh karta hai to unki sikal ttaambe jaisi laal ho jaati hai । kaam vikaar to mashhoor hi hai ki kaala banaay deta hai । jaise krishna ko kaala bana diya hai na । ye kyon? kyonki jab saanvara tha to phir vikaar ke kaaran kaala bana tha । to bachchon ko har ek baat ka baithkar vichaar-saagar-manthan karna chaahiye ki hamko kya banna hai? to ekaant mein padhaai karni chaahiye na । vo to paai-paise ki padhaai hai, yeh padhaai hai akhut dhan ki । to padhaai jo bahut oonchi hai to unmein bahut achhi tarah se attention dena chaahiye । tum suna hoga ki queen Victoria ka jo vajeer bana tha, gareeb tha । baaldaven shaayad hai, main samajhta hoon । vo gareeb tha, deeya jala kar bhi padhaai padhte the । abhi vo padhaai bhi to koi ratna nahin hai na । yeh padhaai koi ratna thode hi hai । nahin, yeh bhi to padhaai hai, akshar padhte hain, knowledge hai ek । yeh knowledge bhi saahookaar bana deti hai, bada position bana deti hai । vo padhkar jaakar queen Victoria ka prime-minister ban gaya । bichaare ke paas tha kuchh nahin । to paisa to nahin kaam mein aaya na, na padhaai kaam mein aai । paisa na tha tabhi to unka gaaya jaata hai । history hai ki deeya jala karke, aage to bijliyo-vijliyo to theen bhi nahin, padhaai ki । padhaai bhi to dhan hai na parantu vo hai had ka dhan, ye phir inki murli mein behad ka dhan hai । hai donon padhaai । so bhi samajh sakte ho ki barobar vo padhte hain, alpakaal kshanbhangur us din ke liye, us janma ke liye kaho । peechhe doosre janma mein to vo padhaai phir nae sire school mein padho, jahaan bhi padho । ye dhan kamaane ke liye to vahaan koi padhne ki darkaar hi nahin hoti hai । bachchon ko akichaar dhan mil jaata hai, dher । ye avinaashi hai na । ye avinaashi padhaai hai । padhaai hai dhan, vo dhan avinaashi ban jaata hai । padhaai tak to bhala samajh lo na bahut dhan tha kyonki jab bhaktimaarga mein aae, vaammaarga mein aae, raavan raajya mein aae, kitna dhan tha, kitne mandir bane hue the, ham jo banaate hain । unse banaaya nahin tha dhan gyaanmaarga mein । par peechhe banaaya hai, banaane ke peechhe vo log aae hain, peechhe aa karke loota hai । to kitne dhanvaan the, bahut dhanvaan the । aajkal ki padhaai se koi itna dhanvaan nahin ban sakte hain । bhale kitne bhi abhi kehte hain-malteemiliyneyar hain, ye hain, phalaana hain; kyonki so bhi sirf raajya ke liye nahin gaate hain, nahin, yahaan india ke liye bahut gaate hain- .aagaakhaan tha । yeh jo badaude mein centre hai na । badaude ke liye bhi likhta hai akhbaar me- one oph the richest in the world । abhi to tum bachche jaan gae ho ki ham vo padhaai padhte hain, isko murli kah diya hai । abhi krishna to murli jaante hi nahin hain, baba ne samjhaaya na, na murli jaante hain, na bhakti jaante hain । vo hai us murli ka jo avinaashi gyaan ratna ki murli suni hai na, kyonki ke gareeb tha na । govde ka chhokra jaakar bana tha na । abhi vichaar karo, jaise baba ne vaaldaven ki sunaai na ki bechaara gareeb tha, padh karke prime-minister ban gaya । abhi. .bhaarat kitna gareeb hai, aur gareeb ko hi tum dekhte ho, museum mein jaao, yahaan jaao to, saahukaaron ko to phursat nahin । vo apna ahankaar hai, deh-abhimaan-main phalaana hoon- phalaana hoon-main phalaana hoon vo ahankaar unmein rah jaata hai । inmen to saara ahankaar mit jaata hai ki main aatma hoon । baaki to sab khatma ho gaya na! abhi aatma ke paas to koi heere nahin hain, javaahar nahin hain, koi dhan nahin hai, daulat nahin hai, kuchh bhi nahin hai । vo to baap khud hi kehte hain ki deh ke sabhi sambandh chhod. .. । jab yeh aatma shareer chhodti hai, saahookaari vagairah sab khatma ho jaati hai । peechhe jab jaakar padhe-kare, tab phir kuchh paisa unko mile kare na, ya karma achha kiya hoga to koi ki ja karke god milega, kyonki daan-punya bahut achha kiya hoga, to koi saahookaar ke ghar janma lega । tabhi to gaaya jaata hai na- yeh past janma ka karma hai jo in saahookaar ke paas janma liya hai va padhaai achhi padhi hai; kyonki aisi kuchh aage bhi knowledge ka daan kiya hai ya college banaai hai ya school banaae hain । uska phal to milta hai na । dharmashaala banaai hai, to bhi unko bahut kuchh milta hai, the parantu vo milte hi hain alpa kaal kshanbhangur, kyonki baap ne samjhaaya ki yahaan daan-punya kiya jaata hai, satayug mein daan-punya nahin kiya jaata hai । kisko karen? jabki hain hi sabhi saahukaar, gareeb hota hi nahin hain, to daan-punya thode hi hote hain । isliye jo bhi karma karte hain to achha hi karte hain, kyoki varsa mil gaya । abhi ka varsa tumko milta hai । tum jo bhi karma karenge, so achha hi karenge, vikarma banega hi nahin, koi ka bhi nahin, kyonki raavan hi nahin hai na । vikarma gareeb ka bhi nahin banega । yahaan saahookaar ka bhi vikarma ban jaata hai । vikarma bante hain tabhi to heart fail, beemaari-seemaari vagairah ye sabhi hota to hai na । yeh karma vikarma kyon hota hai? kyonki vikaar me jaate hain na, to vikarma ban jaate hain, vikaari karma ban jaate hai yaani jo bhi karma karte hain vo vikarma ban jaate hain । vahaan vikaar mein nahin jaate hain, to vikarma kaise banenge? to saara madaar hai hi vikaar ke oopar । to yeh hai maaya ka avgun । isko gun to nahin kahenge na । yeh maaya ka avgun, raavan ka avgun jo ab dekho, manushya vikaari ban jaate hain । baap aakar padhaate hain । god padhaate hain nirvikaari banaane ke liye । bhagwan oopar se aate hain nirvikaari banaane ke liye । bhagwan banaay sakta hai? nahin? maaya se nirvikaar banaate hain, maaya phir unko vikaari bana deti hai । isko yuddha kaha jaata hai na । kinki yuddha? yeh raam vanshi aur raavan vanshi ki । kyonki un logon ne naam theek nahin rakha hai, par hai to theek na । tum baap ke bachche ho aur vo raavan ke bachche hain । to yuddha hai na barobar aur kitne dekho girte jaate hain । tumhaare me bahut achhe- achhe, hoshiyaar- hoshiyaar bahut, vo haar jaate hain, kyonki maaya prabal hai । aisi aisi baaten suno to ekdam tumhaare kaan kharaab ho jaaven, parantu baba jaasti sunaate nahin hain, kyonki ummeed rakhte hain । phir bhi aise bhi adham te adham । doosra dapha jaane se phir usko kahenge adham te adham । uska bhi phir uddhaar karna hota hai । vo hona hi hai zaroor । saare vishwa ka uddhaar hota hai na । to beech mein girte-virte to bahut hain, dher girte hain, ekdam chat khaate mein chale jaate hain । bhale achhe achhe jo centre ke head hokar ban jaate hain, vo bhi adham te adham ban padte hain । kisko adham te adham kehte hai? jo adham se achha ban karke phir adham ban jaate hain । aise bhi to hote hain । ye na samjho ki nahin hote hain । hote hain । aise adham te adham ka bhi uddhaar karte hain । adham to hain hi sab raavan ke raajya mein par baap aakar uddhaar karne ki koshish rakhte hain na aur phir girte hain to bolte hain- dekho, adham te phir adham । to saja bhi badi mil jaati hai, bahut kadi mil jaati hai । bahut adham ban jaate hain, par unka chehra itna narma nahin hota hai । vo adhmapna khaata rehta hai, khaata rehta hai, khaata rehta hai । jaise tum bachche kehte ho na ant kaal jo jo sumire to sumiran rehta hai na । phalaana phalaana simre । phir vo adham se adham kya sumirenge? unki buddhi mein kya aaega? vo hi adhmapna aa jaaega jo gire hain । to phir unka bhi uddhaar karna hai । phir satayug me to aa jaaenge na । to baap baithkar bachchon ko ye sabhi nai baaten samjhaate hain, jo phir kalpa ke baad sunte ho । bhaktimaarga mein ye sabhi baaten hoti hi nahin hain, knowledge-gyaan hi nahin hai, yeh srishti ka chakra kaise phirta hai, to koi janaavar sunenge kya bhala? manushya hi to jaanenge na । manushya hi to gaayan karte hain na- srishti ka chakra phirta hai । kaisa phirta hai, kitna samay lagaata hai? akhanda hai । janaavar to mukh se kuchh nahin kehte hain na । manushya kehte hain mukh se ki adham ban gae hain । baaki kehte hain zaroor । baap ne samjhaaya na manushya to woh bhi manushya hai, yeh bhi manushya hai । krishna ko kya kahenge? manushya daivi gun vaala hone ke kaaran unko devta kaha jaata hai । hai to manushya na । doosra pharka to nahin hai na । saamne dekho,? hai ? pharka thode hi hai । yeh bhi manushya, tum bhi manushya । abhi tum bachchon ko maaloom pada ki yeh....devta kahne vaala, yeh kaise bante hain? phir bante hain to phir kaise girte hain? yeh sabhi tum bachchon ko achhi tarah se maaloom ho gaya yaani jo vichaar-saagar-manthan karte hain, unko dhaarna hoti hai, jo phir murli bhi chala saken । baaki jo vichaar-saagar-manthan nahin karta hai, to buddhu ka buddhu ekdam, kyoki vichaar-saagar-manthan nahin karte hain । jo murli chalaane vaale honge, unka vichaar chalta hoga ki kal hamko kya topic par samjhaana hai? abhi jisko aadat nahin hai vo kya vichaar-saagar-manthan karenge! aur vichaar-saagar-manthan automatically hota hai । jaise baap ne kal bhi samjhaaya na, dekho hamaare paas aane vaale hai unmein gyaan nahin hai to vichaar-saagar-manthan ka khyaal aaega na। jinko samjhaane ka achha hullaas hoga । ye aaya inko nishchay nahin hota hai, main unko samjha nishchay kara deta hoon phir ye hai unke bhaagya ke oopar, koi karenge, koi na karenge । 50 hoge to unmein se 5-7 to beshak kuchh na kuchh samajh jaaenge ya 10 samajh jaaenge, baaki 20-25 bhi samajh jaaenge aur koi nahin bhi samajh sakenge । vo bhi ummeed rakhte hain ki abhi nahin samajhte hain chalo, aage to chalkar samjhenge । ummeed rakhni chaahiye na kyonki ummeed rakhna hi service karne ka shauk hai inmen । thak nahin jaate hain । inme thakna nahin hai । dekhte bhi ho barobar ki do-do saal, ek-ek saal nahin aate hain, phir aate hain, to kya unko gyaan nahin denge? zaroor denge । bhale koi gira hua hai, adham te chadh karke phir adham bana hai । achha, tumhaare paas vijiting room me aate hain to zaroor tum unko kahenge- tum to aage aate the । to kahenge- haan, maaya ne haraay liya, abhi phir aaya hua hoon । to phir aaenge nahin? bolenge haraay liya to bhaag jaao? nahin । aise bahut dher aate hain, dher ke dher aate hain । vo khud bhi kehte hain-main aata tha, gyaan leta tha, phir maaya haraay liya, chhod diya । abhi phir mere ko aata hai ki nahin, gyaan to bahut achha tha । us samay achha lagta tha, phir haraay gaya । smriti to rakhte hain na । jeet pahanna aur haraane ka naam to yahaan hota hi hai । bhaktimaarga mein jeet pahanne ka, haraane ki baat bhi koi nahin jaante hai । aae bhaktimaarga mein sune, kabhi bhagvat suni, phir kabhi raamaayan suni । dekho, itne naam hai na unka, inka koi naam thode hi hai । yeh geeta bhi manushyon ne shaastra bana rakha hai । yeh hai hi gyaan । iska koi vaastav mein shaastra banta hi nahin hai, agar jo banta hai to jhooth ban jaati hai, kyoki yeh to knowledge hai na, inki dhaarna karni hoti hai । is shaastra ko koi pustak nahin kaha jaaega । nahin, iska naam hi koi bhi nahin rakh sakte hain, parantu dharma hai, to dharma ke liye yeh geeta ka pustak racha hua hai ki baap ne aa karke padhaaya tha । vaastav mein yeh geeta hai hi gyaan ka pustak, par bhakti ki line me aa gaya । jhootha ho gaya na, to bhakti line mein aa gaya । nahin to vaastav me is geeta shaastra ki darkaar nahin hai, kyonki jhootha- jhootha shaastra koi kya karega, jismen koi phaayda nahin, isse to kitaab padhna achha hota hai na । college me baithkar padhenge, 2-2 hajaar, 3-3 hajaar pagaar mil jaata hai aur geeta vaale ko kya milta hai? haan, koi ko achhi tarah se baithkar bhagwan yaad karaao aur achhi tarah se arth bhi samjhaao to bhagat aaenge sun karke thoda inko do paisa de denge । phir bhi to naam rakha hua hai na shaastra । usmein bhi geeta ka number one aur geeta ka shaastra vaastav mein padhte hi braahman hain । tum braahman ho na । tumhaara geeta ke oopar hak hai na, kyonki braahman hi padhte hain । vo sanyaasi, vo pandit, koi phalaana, koi shoodra, kitne manushya padhte hain, nahin to padhna hai braahamnon ko aur seekhte bhi ho jab talak yahaan braahman na aae bane, tab talak devta nahin ban sakte hain । vahaan to sabhi shoodra vagairah, musalmaan, paarsi, hindu, angrej vagairah, sabhi bhaashaaon mein hai, sabhi padhte hain । har koi vahaan braahman thode hi hote hain । Christian mein braahman hoga? paarsiyon mein brahman hoga? musalmaanon mein brahman hoga? nahin, yeh bhaarat mein hi braahman hote hain । so bhi kaun se braahman padhte hain, ye jo brahma ke bachche padhte hain । brahman to bahut hain, dher hain । brahman bhi hote hain । the saarasvat brahman aur vo jo ajmer mein rehte hain, unko pushkarni brahman kehte hain । vo dhaama khaane vaale hain aur ye paath sunaane vaale hain । to ye sabhi meethi-meethi baaten tum jaante jaate ho, jiski koi darkaar nahin hai । darkaar to hai sirf alaph aur alaph ko yaad karna jisse baadshaahi milti hai । to isliye jab bhi tum bachchon ko koi bhi mile to unhe kaho ki alaph ko yaad karo । alaph maana allaah yaani baap । alaph ko hi eeshvar kaha jaata hai । dekho yeh alaph hai na । be phir kaise honge? yahaan se mil karke yahaan ho jaaenge be-baadshaahi । alpa dekho, seedha-seedha alaph । alaph ko ek bhi kaha jaata hai aur bas ek hi hai bhagwan, baaki sab hain bachche । alaph maana alaph hota hai na ... be to hota nahin hai na । baba baadshaahi kamaate hain? aise bante hain? nahin, alaph to alaph hi rehte hain । tumko gyaan bhi dete hain, apna bachcha bhi banaate hain aur knowledge bhi dete hain aur tum ye knowledge lete ho । yeh bhi bahut khushi mein rehna chaahiye ki baba kaisa meetha! aay karke hamaari kitni seva karte hain! hamko barobar is vishwa ka aisa maalik banaate hain! phir baap is vishwa mein jahaan ham phir aate hai, vahaan aate hi nahin hain । jo pavitrata ki jagah hai vahaan aate hi nahin hain । kyon nahin aate hai? yeh to geet hai na-jab paavan hote hain to koi bulaate nahin hain, jab patit hote hain to bulaate hain । paavan hokar kya karega aakar? to uska naam hi rakha hua hai patit-paavan । patit duniya ko paavan banaana, to puraani duniya ko nai duniya banaana । unki duty ya kahen part bajaane ka, bas yahi hai । uska naam shiv hi shiv hai । uske shareer ka naam bhi.. yeh to phalaane ka naam hai na । agar brahma ka naam padta to bhi manushya ka naam padta hai na । shiv aur shaaligraam । shaaligraam kaha jaata hai bachchon ko । phir naam hai, shaaligraam kaho aur rudra kaho । iski bhi pooja hoti hai, jinki samajh abhi tumko milti hai, nahin to jo pooja karne vaale hote hain roodra yagya rachte hain, unko ye sab kuchh maaloom nahin hai । oonche te oonch jinka vo rath hai unki bhi to pooja honi chaahiye na । kyoki oonche te ooncha bhagvat, unki bhi to pooja honi chaahiye । to pooja kiski karen? lekin deviyon ke chitra to bahut first class-first class banaate hain, heere-moti-javaahar vagairah dete hain aur unki kya pooja karen! bas, mitti ka banaaya aur chhod vaali mitti ka banaaya, kyonki uska shep to manushya ka ya devi ka ya devta ka to banaate nahin hain । unmein to mehnat lagti hai aur ling banaane me kya mehnat lagti hai! unki pooja mein bhi koi mehnat nahin lagti hai । muphta mein milta hai । aur koi chitra muphta me nahin milte hain । pata hai, ye ling kahaan se aate hain, ye patthar hain na, bah karke, ghis-ghiskar aur gol ban jaate hain । phir unmein jo bahut gol ban jaate hain, unko le aate hain, unmein sone ka bhi thoda-thoda rehta hai । baaki vo hi patthar hain । phir vo patthar ghis bhi jaate hain na । to koi thode kam golaai vaale rehte hain, unko ghis karke ekdam poora anda banaay dete hain । ande ka bhi to misaal diya hai na- ande misal aatmaaen jo braham mahtatva mein nivaas karti hain, isliye oopar naam pad gaya hain-brahmaanda । andon ke rahne ki jagah braham mahtatva । tum barobar braham mahtatva mein ande bankar rehte ho na । baap kehte hain na-tum brahmaanda ke maalik bhi bante ho, jaise main banta hoon aur phir vishwa ke maalik bhi bante ho । to ye sabhi jo bhi baap samjhaate hain, to pahle- pahle samjhaani deni hai baap ki । baap ko yaad sab karte hain । shiv ko baba zaroor kehte hain । ek, shiv ko baba kehte hain, doosra, brahma ko baba kehte hain । prajaapita braham! to saari praja ho gai na । isliye inko kehte hain-praja ka great-great-grand father hai, kyonki praja shuru se hoti hai devtaaon ki, peechhe bhinna- bhinna hoti jaati hai । to ye gyaan bachchon ki buddhi mein yathaartha reeti se hai na । yoon to brahma prajaapita to bahut kehte hain, par unko yathaartha thode hi kahenge-kaise hain prajaapita brahma? kisne banaaya hai? kiska bachcha hai? koi bhi kabhi dekha hai, brahma kiska bachcha hai? tum kahenge-ho parampita paramatma shiv ne unko adopt kiya । tumhaare se bahut poochhte honge brahma ka baap kaun hai? kyonki shareerdhaari hai na । to shareerdhaari to sabhi kehte hain ki ham sabhi eeshvar ki aulaad hain । abhi eeshvar ki aulaad to samajhna chaahiye aatma hai । vo kehte hain ham eeshvar ki aulaad hain, phir jab shareer milta hai tab kiski aulaad ban jaate ho? phir kehte hai-ye prajaapita brahma ki edopshan hain । vo edopshan ko nahin kahenge । aatmaon ko parampita paramatma ne adopt kiya hai, aisa nahin kahenge । manushyon ke liye kahenge । dekho, tumko adopt kiya hai na । prajaapita brahma, phir tum brahmaakumaar-brahmaakumaari । to yeh hua edopshan । shivbaaba adopt nahin karte hain । vo to anaadi hain । itne sabhi actors, jab yeh naatak bana hai vo tabhi ki baat hai ki aatma bhi bani, aatmaon ko phir shareer mila, phir sabko part mila, aatma ko part mila, jo shareer se bajaana hai, yeh anaadi parampara se chala aata hai । phir unki koi bhi shuruaat nahin kah sakte hain । na shuruaat, na and, kyoki jab manushya samjhaate hain ki duniya ki and hoti hai na, to and ho gai, khel khalaas ho gaya, phir banega kaise? isliye and nahin hoti hai । ye part chalta hi chalta hai, ye anaadi hai, poochhne ki darkaar hi nahin rehti hai, samjhaay sakte hain । shareer liya- kab bani? aatmaon ne pahle-pahle shareer kaise liye? pahle-pahle ye shareer ki baat nahin । pralay hoti hi nahin hai, to pahle-pahle ki baat hi nahin nikalti hai । yeh bhi pralay ka bada gapoda hua । samjha na! vahaan manushya bahut thode chhote, jaise pralay ho gai, aise kah sakenge, kyoki pralay to maana pralay ho jaata hai । yahaan tum kahenge jaise pralay ho gai, kyonki abhi yahaan 500 karod manushya, 60 laakh । vo to bahut thode ho gae na, to isko kaha jaaega- to jaise pralay ho jaati hai aur tumko kya dekhne me aaega haan, door-door sab paani-paani paani paani paani । ye sabhi paani me andar chale jaaenge na । ye paani-paani ho jaaega । vahaan pahaadiyaan-vahaadiyo nahin । pahaadiyaan vo ek hi cheej dekhne me aaengi, nahin to jalmay dekhne mein aata hai । bhaarat jalmay hota nahin hai । to ye sabhi baaten samajhne ki hain । abhi yeh to vichaar-saagar to, brahma to vichaar-saagar nahin karta hai na । vo to baba mein jo gyaan hai vo emerge hota jaata hai । phir gyaan ke baad jab shuru karenge, to jaise shuru kiya hua hai, to shuru karte-karte pichhdi mein banda ho jaaega । aur doosri taraph kehte hain-ek second me jeevanmukti mil sakti hai । to vo hai barobar, samajh ki baat hai । achha, beej, to jhaad saara buddhi mein aa gaya । phir unka vistaar karne se to bada time lag jaata hai । manushya ko jhaad ka thoda-thoda baithkar samjhaane se to bahut mushkil ho jaave aur saalon-saal jhaad ke patte koi gine bhi nahin । abhi bhi gapoda maarte hain । kya koi manushya gin sakega? ye ginti koi thode hi hoti hai । nikalte jaate hain, padhte jaate hain, gum hote jaate hain, nikalte rehte hain, koi thode hi ekjekta sabhi bata sakte hain । to gyaan to tum abhi samajh gae ki baba jab se aate hain tab se gyaan shuru hota hai । pahle jaise ki ye padhte hain-alpha be, phir me, te, phir pahla paudi doosra paudi teesra paudi chautha paudi । to dekho kitna samay lag jaata hai । jo tum sab pustaken padh jaate ho, sab kitaab padh jaate ho, sab tumhaari buddhi mein saara srishti ka, bas beej-jhaad । to ye had ke, ye beej behad ke, jiski paanch hajaar varsha aayu hai । baaki beej ke koi laakhon varsha thode hi hote hain । to abhi tum samajhte ho ki abhi ham samajhdaar bane hain । kya samajhdaar bane hai? ham baba ko bhi jaante hain aur ye srishti ke aadi-madhya-ant, dyooreshan, mukhya actors vagairah ko jaante the. jo koi bhi nahin jaante the, ham bhi nahin jaante the । to bas, is knowledge ko tum hi kahenge na aise । aur to vo hi knowledge padhte rehte hain, jo janmajanmaantar padhte aate hain । tum padhke is janma mein, 21 janma me padhte ho? nahin । vo na jaante the to jaise nidhanke the, ladte-jhagadte the । abhi bhi jo achhi tarah se jaante hain vo aapas mein kabhi nahin ladenge-jhagdenge । achha, aaj toli kya hai? bahut purushaarthi, mel ya female koi bhi aave jo bahut purushaartha karte hain । koi bhi purushaartha karne vaala nahin hai? samjhaate hain ki nahin dekho, to bhi dekhne bigar rehte nahin hain । isko na dekhkar, yeh saamne baba ko dekho, phir bhi kuchh na kuchh jo aadat padi hui hai na, to aise kahenge-najar pad jaati hai uske oopar । yeh bhi practice karni hai ki najar na pade । baba kehte hain aise hi mujhe dekho saamne । bhog ki koi bhi cheej khaane ki baahar se nahin aani chaahiye । vo paauthi ho jaati hai । paautha bhog kabhi thode hi lagaaya jaata hai । phal ko kaha jaata hai ki vo paautha nahin hota hai । to kabhi bhi koi baahar ki cheej aave, to bhog nahin lagaana chaahiye, balki tum bachche ho unke, to jab shivbaaba ko bhog nahin lagaate hain, to yeh kyon lagaave? to ye jo vahaan se mithaai bana karke aata hai, vo to bahuton ke haath lagte hain, ye dhakka khaati hai to paauthi ho jaati hai । to paauthi cheej bhi bhog nahin lagaai jaati hai । isliye bhog sadaiv taaja banen । unko likh deven ki bhog kisi ka bhi nahin lagega, jo banaakar aaege । vo taaja banega । dekho, gurudvaara hai, roj prasaad banta hai । sivaay...prasaad vahaan koi bhi cheej nahin lagti hai aur bahut shuddhata se le aate hain । achha, shreenaath dvaare me prasaad lagta hai, vo bhi taaja । mithaai phir prasaad ho karke phir baanti jaati hai । vo prasaad le karke chale jaate hain samudra par । din bahut lag jaate hain । abhi tum ho sabhi shivbaaba ke bachche । jaise shiv ko nahin vo chhi:-chheeh lagaani chaahiye, vaise vaastav mein ye bhi nahin lagaani chaahiye । mithaai vagairah kuchh bhi aave, to taaji bane, taaji lage aur tumko bhi bhog taaja lage । so banaate hain । (kisi ne kaha- bhog hamesha taaja lagta hai । taaji aise toli khilaate hain) । kuchh bhi bhog oopar ka ban sakta hai, bhog 50 rupaye ka bhi ban sakta hai, 100 ka bhi ban sakta hai taaja । sikeeldhe roohaani bachchon prati roohaani baap va daada ka dil va jaan, sik va prem se, mere ko dekho sabhi yaad aate hain, sirf tumko dekh karke nahin kehta hoon, dekhta tumko hoon parantu baba kehte hain na-roohaani bachche । peechhe ye najar padti hai door door door door, phir jaise gaayab ho jaate hain । to main bhi jab dekhta hoon to bachche- bachche bachche bachche, peechhe pahunch gaya door-door ho jaate hain bahut, parantu dil mein yeh hai ki barobar sabhi bachchon ko yaadapyaar kyonki bachche to hain na sab । viraat ke taraph mein bhi bachche anek, kyoki sab aatmaon ki sadgati hoti hai । jo bhi aatmaaen hain, un sabka kalyaan karna hai । dekho is samay ka ye detail mein baithkar samjhaana-ho ye jo kahne vaale hain shri-shri - 1000 ya 108 jagatguru । abhi jagatguru ko ye log kabhi yaad thode hi karte honge । nahin । yeh baba jo sachcha hai na, vo ye yaad karta hai tab jo bhi aatmaaen hain sarva ki sadgati honi hi hai । unke buddhi me kabhi ye baaten baithengi hi nahin, jo baith karke samjhaave ki main sabka baap hoon aur main sabki sadgati karta hoon aur phir bhi kehte hain ki main sarvavyaapi hoon । to bolenge-mera sabhi jagatguru ho gae, agar sarvavyaapi hai to । tum thode hi hue ।