Sakar murli du vendredi 19 juin 1964

> >

19-06-1964 madhuban aabooraatri murli saakaar baba om shanti madhuban

helo, good night yahaunnees joon ka raatri class hai

svadarshanchakra phirta rehta hai? kyonki bachchon ke titles bahut hain । bachchon ko light house bhi kaha jaata hai । aise hai na । jaise light house steamer ko raasta bataata hai ki kahin koi teekri se jaakar na latak jaae, to ye bhi aise hai । tum bachche light house ho । tum mukti aur jeevanmukti ke taraph raasta bataate ho, nahin to phir ye ja karke kaanton ke jangalon mein padte hain । tum raasta bataane vaale thahre । mama ka bhi samaachaar bachchon ko sunaate hain । mama ki tabeeyat to theek hai, parantu shaayad ek maas julaai ko aur bhi vaheen rahengi । aise dikhta hai aur phir peechhe agasta, usmein barsaat bahut padti hai । shaayad phir baba likh deve ki agasta mein yahaan barsaat mein aakar kya karengi! isliye phir agasta mein vahaan thahraae denge । shaadiyaan hongi, service to hogi nahin । bombe mein hongi to service karti rahengi aur phir jab mama aaengi, tab phir baba baahar niklega । bachche to jaante hain na ki bachchon ko is dilli ko nai duniya mein nai dilli banaani hai । abhi ye jo hai puraani dilli ko nai kehte hain na, par puraani duniya mein puraani dilli ko phir nai banaate hai aur tum bachche jaante ho ki ham nai duniya mein nai dilli ko banaaenge । samjha na! phir is dilli ka naam paristaan rahega । birla mandir mein yeh likha hua hai ki 5000 varsha pahle dharmaraaj ne paristaan sthaapan kiya tha । yeh dilli paristaan thi । to kab paristaan banegi? jab kabristaan bane । to ab dilli kabristaan hai । ab tum bachchiyaan vahaan phir paristaan banaay rahi ho । dharmaraaj ke bachche ho । jo raajaaen dharma karte hain, unko bhi dharmaraaj kaha jaata hai । dekho, dharma karti ho raaja pad paane ke liye । agyaan kaal mein bhi manushya jo jaasti dhan daan karte hain, vo saahukaar ya raaja ke paas janma lete hai ।… tum bahut dharma karti ho । kya banne ke liye? svarga ka mahaaraaja banne ke liye । tan-man-dhan -bhi behad ka daan karti ho ।…tum bada bhaari dharma karte ho । daani ko philaithropista kaha jaata hai । tumhaare jitna daan bhaarat mein koi nahin kar sakta । bhaarat mein daan bahut hota hai, ye mashhoor hai । is samay tum behad ka daan karte ho sab kuchh, to phir behad ka varsa bhi milta hai । behad ka mahaaraaja aur mahaaraani bante ho ।… .daan karna maana apan ko inshyor karna । agyaan kaal mein bhaktimaarga mein daan karna maana apan ko inshyor karna । baap phir doosre janma mein bahut daan dete hain । bachchon ki abhi ye ek-do ko bahut daan karne vaali paandav sena hai । baba bhi bahut daan karte hain bachchon ko । svarga ka daan dete hain । varsa dete hain ya daan dete hain- baat ek hi rehti hai; parantu phir bhi yeh varsa hai, isko achhi tarah se samjhaaya gaya hai । baap se behad ka varsa milta hai । tumhaari kitni badi sabha hai ye- gyaan soorya, gyaan chandrama, gyaan lucky sitaare । usmein hai nammbar one lucky sitaara phir yeh mama sarasvati, kyonki duniya ko yeh maaloom nahin hai ki yeh jagdamba jagatpita ki kya lagti hai? yeh duniya nahin jaanti hai । yoon gaaya jaata hai brahma ki beti hai sarasvati, brahma ki beti sarasvati to unko do bhujaaen hongi na, brahma ko bhi do bhujaae hain । yahaan to jagdamba ko kitni bhujaaen de di hain । to tum bachchon ko teesra gyaan netra mila hai, jisse tum in sabhi devi-devtaaen vagairah kaun hain, yeh tum sab jaan chuki ho । duniya mein sabhi buddhu hain । samjha! jo apne baap ko nahin jaante, unko kya kahen! to iseelie yeh saari duniya buddhu hai । buddhu hone ke kaaran kamaai nahin jaante hain । buddhu log kama kar nahin jaante hain, guma kar jaante hain । to bhaaratvaasi guma kar jaante hain । duniya gumaay rahi hai, guma kar jaanti hai, tum vo paate rehte ho । ikattha karte raho । vo itna laakhon-karodon gumaay rahe hain, tum padma kaaroon ka khajaana paay rahe ho । dekho, kitna pharka hai । to tum bachchon ko bahut khushi honi chaahiye na । haan, trilokeenaath! trilokeenaath naam hai na gulaabchand… kitne achhe achhe naam rakhte hain, dekho । hans, hansani, aise naam bhi hain na yahaan । madraas mein naam to bade-bade rakhte hain- bhaktavatsalam । nahin to bhaktavatsalam kaha jaata hai bhagwan ko, jo aa karke bhakton ke oopar gyaan ki varsa karte hain । to ye poora naam hai bhaktavatsalam । vahaan aise achhe-achhe bade-bade naam bahut hain aur phir Ceylon mein- bandarnaayke । vahaan bandar-bandar kyon kehte hain? kyonki hanumaan ke bandar ki sena gai thi na । to vahaan ke naam tum dekhenge- bandarnaayak bandar… । vo prime-minister ka kya naam hai? achha, bachche yahaan raaji-khushi baithe hain । dekho, kahaan baithe hue ho! maaya se chhip karke, bhaag karke aur aa karke ye baap ki god mein baithe ho । ye achhe-achhe mere laadle bachchon ko hap karke gai hai । hamaare mahaaveer gajon ko, mahaarthiyon ko graah kha gae hain bahut । ye maaya kam nahin hai । bhagwan ko agar ye baba kah deve jaise god father, parampita kaha jaata hai, to bas pita kahne se hi, parampita kahne se hi ye manushya ko samjhaana hai, vo to baba hai, vo svarga sthaapan karte hain । hamko to zaroor baba se svarga ka varsa milna chaahiye । abhi dekho, kitna sahaj samajhte ho; parantu manushya ki buddhi aisi hai jo svarga vagairah baat ko samajhte hi nahin hain । bolte hain- yeh svarga kya hai, yeh to sab kalpanaaen hai । sanyaasi log inko aa karke bahut dekhte hai । bolte hain ye sabhi to aapki kalpanaaen hai । jo jaisi kalpana karte hain vo aisa ban jaata hai, aise kehte hain । tum bachchon ko sthaapna mein bahut mattha maarna padta hai, kyonki manushya ko rijoovnet karte ho ekdam, kaaya kalpavriksha samaan banaate ho, jaise kaha jaata hai kaaya kalpatru ।…jo chhote mein mar jaate hain akaale mrityu । tum kaal ke oopar vijay pahanti ho । dekho, kaisi bachchi-bachchi, chhoti-chhoti । taara, bachchi tum kaal ke oopar vijay pahanti ho na । dekho, koi sune to kya kahe! baap ke bachche bante hain । abhi baba ke oopar to vijay praapta karne ki baat nahin । haan, baba ke paas jaakar ham rah sakte hain । ham aise nahin kahenge ki shivbaaba ke oopar ham vijay pahante hain । nahin, shivbaaba hamko vijay pahnaate hain maaya ke oopar । aise apan nahin kahenge । yeh zaroor kahenge ki yeh jo tumhaare maat-pita hain, unke oopar tum vijay praapta karo । so to bachche zaroor vijay praapta karte hi hain, kyonki maa-baap neeche aate hain, phir bachche takhta par baithte hain । to yeh theek hai na- maa-baap pahle number mein, phir ye utarte-utaarte ek- do ke oopar takhta par baithte rehte hain । baaki aise nahin kahenge, shivbaaba ke oopar ham vijay pahante hain । vishwa par vijay pahante ho, maaya par vijay pahante ho । baaki shivbaaba ke oopar koi vijay pahne, to phir vo nahin kahenge । samjha na! haan, shivbaaba beshak apne se martaba tum bachchon ko dete hain, par vishwa ka svaami banaate hain, baap nahin bante hain । to shivbaaba ke svaami nahin ban sakte ho । haaro nahin maaya se, nahin to yeh maaya graah ekdam kachcha kha jaaegi । yahaan bahut achha hai । yeh tapasya ka sthaan hai । gyaan ka, yog ka sthaan hai । yahaan sona bilkul achha hai; jaise koi mandir mein ja karke shri lakshmi naaraayan ke aage so jaave । to ye dekho, sab baithe hue hain aur yahaan shant, saphaai, shuddh sthaan hai । vahaan phir bhi bahut hi sote hain, khatiyon ke oopar… khatmal bhi khaate honge । {myoojik baja} dekho, ghar mein baithe ho । aisa koi satsang hota hi nahin hai । aisa itna behad ka ghar bhi nahin hota hai । maat-pita aur sikeeldhe bachche । yahaan tum logon ko bahut nasha chadhna chaahiye aur saara din nasha rehna chaahiye ki ham behad ke baapdaada, mama …jiski mahima hai- tvamev maata; pita, unke saath baithe hue hain । ham unse varsa le rahe hain । kaise? yaad se । wonderful hai । manushya to yaad dilaate hain chitra de karke ।… .vichitra aa karke phir bachchon ko mantra dete hain- maamekam yaad karo । pavitra bano to saath mein le jaaen aur agar pavitra na banenge to phir saja khaaenge । phir aana to sabko hai । bachchon ko badi khushi honi chaahiye is knowledge ki । dekho, aaeeseees, yahaan bade-bade istihaan padhte the, ye bade khushi mein rehte the । guru log ko bhi bahut khushi hoti hai । baba ne bataaya aaga khaan ko do-poch karod varsha mein milte honge, shaayad usse bhi jaasti । aur yahaan to baat mat poochho! tumko bhavishya janma-janmaantar ke liye health-wealth-happiness nirogi kaaya, athaah dhan aur sadaiv harshit, itna varsa baap se milta hai baap ko yaad karne se । isliye kehte hain na- kubjaaen ahilaaen phalaani ganikaaen, vo sabhi baap se varsa pa leti hain । achha bachchi, baaja bajaao । (myoojik baja) meethe-meethe sikeeldhe bachchon prati maat-pita ka yaadapyaar aur good night ।