Sakar murli du vendredi 28 août 1964 - 1

> >

28-08-1964 madhuban aabooraatri murli saakaar baba om shanti madhuban

helo, good evening yeh athaaees agasta ka raatri class hai

murli nahin suni hai ya khajaana nahin mila hai. bachchon ko points milti hain na । to ek din ki bhi murli miss nahin karni chaahiye; kyonki phir bhi ye raajayog ki study hai na । to school roj atainda karna chaahiye । agar school mein roj nahin padhte hain, to phir murli mangaakar padhni chaahiye । bhale bachche yaad mein rehte hain aur apne varse ko bhi yaad karte hain । bhale svadarshan chakradhaari bhi bane hain va trikaaldarshi bhi bane hain, to bhi koi ko samjhaane ke liye jo guhya points nikalti hain vo padhni hain, dhaaran karni hai । nahin to agar murli rojaana nahin padhenge to kachche ban jaaenge; kyonki padhaai regular chaahiye । jaise koi bada imtahaan hota hai to manushya sachhi tarah se attention dete hain । ye bhi bachchon ke liye bahut bada bhaari istahaan hai । ismen bhi gaphlat nahin chaahiye । bhale koi yaad mein rehte hain, vo to theek hai; kyonki yaad se vikarma vinaash honge । yogaagni se janma-janmaantar ke jo rahe hue paap hain vo bhasma ho sakte hain । bahut hain, koi kam nahin hai । koi ek janma ka nahin hai, janma-janmaantar ka hai । to unko bhasma karne ke liye phir yaad ki agni chaahiye । yaad to bachchon ko bahut sahaj samjhaai gai hai । aise nahin hai ki bas koi ke saamne baith jaana hai, unko hi yaad ya nishtha kahenge । yaad to bilkul hi sahaj hai । yaad jaisi simple cheej aur koi hoti nahin hai । aaka jab apan ko nishchay karte hi hain aur hai bhi… ki barobar ye aatma ek shareer chhodti hai yaani main ek shareer chhodta hoon, doosra leta hoon । aise bhi ye samajhte sabhi hain ki main aatma shareer chhodta hoon, doosra leta hoon । kabhi bhi koi aise nahin kahenge ki main paramatma hoon aur ek shareer chhodkar doosra leta hoon । aise kabhi koi nahin kahega । chaahe koi bhi saadhu sant, mahaatma ho ye bhi samajhte hain ki punarjanma to lete rehte hain; parantu ye nahin kahenge ki meri aatma ek shareer chhod karke doosra koi paramatma ka shareerleta hai ya main paramatma hoon ek shareer chhod karke doosra leta hoon, ye kabhi kah na sake । isliye tum bachchon ko samjhaaya gaya hai ki paramatma sarvavyaapi ka gyaan to kiski buddhi mein hoga bhi nahin । vo to jaise phaaltu hai । sarvavyaapi ka gyaan samajhna, ye to aise hi hai jaise janaavar, unko bhi ye pata nahin hai; kyonki kehte hain na- bille mein, kutte mein hain । to manushya bhi jaise aise ho gae hain- patthar bhittarthikkar kyonki sabko ek samaan kar dete hain na । to baba varmig dete hain ki bachche, shankhadhvani zaroor karni hai । dhaarna zaroor karni hai । ye to bachchon ko samjhaaya gaya hai ki yahaanpyooriti first hai । agar koi pavitra nahin bante hain to unki buddhi me kuchh bhi gyaan baithega nahin । pavitrata to mukhya bata di hai bachchon ko ki pyooriti first । baap ko bhi achhi tarah se yaad karna chaahiye ki beloved most hai baba । unko jitna yaad karenge itna hi buddhi ka taala khulega । pure rahenge । ismen mehnat hai । aise koi nahin samajh baithe ki ham to hai nahin, aatma so paramatma ka to bachcha hai nahin, vo to baap hai nahin । bas, aise kahkar chhod nahin dena hai । ye to yaad karne ka nirantar purushaartha karna hai । baba ne bahut dapha samjhaaya hai bachchonko ki khaate bhi tum yaad mein rah sakte ho arthaat nishtha mein rah sakte ho । nishtha ka matlab ye nahin hai ki koi ke saamne baith jaave ya kahe ki main yog mein baith jaata hoon । nahin, aise vo thahrega nahin । ye to practice karni hai । khaane ke vakta mein practice karni chaahiye ki main baba ki yaad mein khaata hoon । to baba yaad padta rahe । aise nahin hai ki koi khaate samay mein saara samay yaad karte rahenge aur khaate rahenge । ye bada mushkil hai । yaad zaroor karna hai । train mein baithte ho, vahaan to koi dhandha-dhori hai nahin । to bhi vahaan aape hi yaad me rah sakte ho । ye to bilkul hi sahaj hai । main aatma hoon baba ne mujhe kaha hai ki mujhe yaad karo to tumhaara vikarma vinaash ho jaaega । to yaad hi karna hai । to yaad koi badi baat nahin hai । inko kabhi bhi tum yog ka akshar nahin do, kyonki ye bahut common hai; kyonki baap hai na । ye sabhi jo apne ko yogi samajhte hain, yogi to ek bhi nahin hain । yogi to tumheen bachche ho sirf, jinko baap sikhla rahe hain athva yogeshvar sikhla rahe hain । yog sikhlaane vaala hi ek eeshvar hai ।...baap hai aur unko hamesha hi baba-baba kehte ho, jaise common baat hoti hai na । jaise laukik bachche baba kehte hain, ye to common baat hai । vaise tum bachchon ko kaha gaya hai ki tum aatma to ho hi, sirf bhool gae ho । yaad bhi karte ho । baba ne samjhaaya na ki kehte ho- parampita । parampita kisne kaha? bachche ne kaha । ye to hai na zaroor ki kehte hain- ham bachche hain parampita paramatma ke yaani god father ke yaani apne ko bachche to samajhte ho na । to barobar father aur hai । aise nahin kahenge ki ham father hain । jaise baap hai, unke 6-7 bachche hain, to bachcha kahega- baba । vo aise to nahin samjhega ki baba ham bachchon me vyaapak hai । to isliye ye baap ko bahut achhi tarah se yaad karna hai; kyonki paap ka bojha bada sir par hai । dekho, mama bhi, baba bhi kitni mehnat karte rehte hain । to bhi abhi karmaateet avastha nahin pahunchi hai । bada time chaahiye abhi aur; kyonki dekha jaata hai ki jitna koshish karte hain yaad karne ki utna jaldi bhool jaate hain । to yaad ki badi mehnat hai । manushya jo yog samajhte hain, vo koi aise nahin hai ki baithne se yog lagta hai । baithte, khaate, chalte, koi se bhi baat karo, unko bhi aise kaho ki baba ko yaad karo, behad ke baba ko yaad karo; kyonki behad ka baba varsa dene vaala hai । barobar behad ka baba bhaarat ko svarga ka varsa dete aate hain । baba jo aate hai, jinke yahaan bade mandir bhi hain- somnaath ka mandir hai, shiv ka mandir hai, baba to hai hi nai duniya svarga ki sthaapna karne vaala । ye to samajhna chaahiye na ki baba ne zaroor bhaarat ko kabhi svarga banaaya hai । is samay mein narka hai aur kalhayug ka ant hai । zaroor baba aa karke phir svarga ki sthaapna karte hain । aate hain jabki world ki history repeat honi hai । to baap ko bhi phir aana hai । baap jab aate hain to nishaani yahi hai ki barobar vinaash hota hai । mahaabhaari mahaabhaarat ladaai hoti hai, kyonki aate hi hai nai duniya sthaapan karne ya nai rachna rachne । hai to bahut sahaj । tum bachchon ko to bilkul heeshaj ho gaya ki baba hamaare liye vaikuntha ka khajaana le aaya hua hai । to bachchon ko bahut achhi tarah se khushi rahni chaahiye । khushi bhi itni rahni chaahiye ki baba ka varsa yaani vishwa ka maalikapna to hamko milna hi hai; kyonki baap ne to samjhaaya hai na bachchon ko ki bachche, tum bachche hi varsa paate ho । tum hi vishwa ke maalik bante ho । 5000 varsha pahle bhaaratvaasi vishwa ke maalik the । baap ne samjhaaya na, jo kehte hain ki Christ se 3000 hajaar varsha pahle sirf ye bhaaratvaasi the । doosra to koi dharma tha hi nahin । vishwa ke maalik the । koi door ki baat nahin hai । 5000 kyon kehna chaahiye? aur hi vo to kehte hai- thi thaaujend before Christ yaani 3000 varsha pahle ye bhaarat vishwa ka maalik tha । ye to bachchon ko samjhaaya gaya hai na ki barobar bhaaratvaasi ye vishwa ke maalik the aur barobar shiv ko paramatma hi kehte hain । to bachchon ko jitna ho sake utna ek to yaad mein rahe aur doosra murli miss nahin karen । baba kehte hain na ki tum aae ho aur tumne murli nahin suni hai । pata nahin kaun-si nai-naeeguhya baaten baba ne samjhaai hongi aur shaayad tape me to vahaan tum sunte hi nahin ho; kyonki abhi vahaan bachche itne matvaale nahin hain, gareebaabaad hain । bichaare unmein koi taakat nahin hai ki tape khareed karke sun saken, kyonki itna lav nahin hai baap ke khajaane paane ka । nahin to kalkatte mein to bada shahar hai aur koi achchhehonge tumhaare paas koi aisa matvaala, jo tape khareed kare; kyonki tape mein maat-pita baba ki saari complete murli aati hai । tumhaare paas jo likhit mein aati hai, usmein 50% bhi mushkil accurate hogi । kat ho jaati hai na, tape mein saari murli sun sakte ho । bada bhaari khajaana hai । bhale ye hai gareeb nivaaj aur gareebon ko hi varsa lena hai । ye to baba khud bhi kehte hain aur gaaya bhi hua hai ki gareeb hi sooryavanshi aur chandravanshi raajdhaani ka varsa lete hain, kyonki yahaan jo saahookaar hain unko to jaise svarga hai aur narka hai bichaare gareebon ko । to baap aa karke gareebon ko hi uthaata hai । baba ko wonder lagta hai ki kalkatte mein tumhaare centre me ek tape record bhi koi nahin le sakte hain । to tape rakhe aur likhe ki baba, tape to bhejo । nahin to patna mein to jaate hain । vo tape hi sunta hai । vo murli bhi nahin sunta hai, tape sunta hai; kyonki full aati hai । to wonder hai, kitne dhanvaan log hain ek tape to khareed sakte hain । isse siddha hota hai ki koi ko bhi poora nishchay nahin hai shaayad ki barobar vo hamaara baap hai । bachchi, baaja bajaao । (myoojikabja) meethe-meethe sikeeldhe gyaan sitaaron prati maat-pita aur baap-daada ka yaad-pyaar aur good night ।