Sakar murli du jeudi 17 septembre 1964 - 2

> >

17-09-1964 madhuban aabu raatri murli saakaar baba om shanti madhuban

helo, good evening, yeh satrah septembar ka raatri class hai।

is service mein vaastav mein thakaan nahin honi chaahiye; kyonki aur hi taakat milti jaati hai । har ek kaarya mein kamaai to zaroor hai; kyonki sabhi on godly service yaani eeshvar ki service mein hain । aasuri service mein 8 ghanta to eeshvareey service mein 12 ghanta; kyonki baap bahut achha ijaapha dete hai; isliye gaaya hua hai ki dadheechi rishi ne haddi bhi de di thi । sanyaasiyon ko itni service nahin karni padti hai । unko haddi nahin deni padti hai । yeh karmana hai na, vo to karmasanyaasi hain । tumko karmana karni hai, tan-man-dhan se bahut seva karni hai । abhi sanyaasi kya karte honge? kis prakaar ki seva karte honge? tan ki service to nahin kar sakenge, kyonki vo to sab koi ja karke saamne pad jaate hai । karma sanyaasi hone ke kaaran unko kuchh karma to karne ki darkaar hi jaise nahin hai । baaki kahe man se to ulti, aythaartha । to service jitni bachche karte hain, itni bachche jaante hain ki hamko oonch pad milna hai । peechhe marks to sabmen hain na । dekho, baba bhi kehte hain - jaise bhandaari hai to itni seva karte hai to inki bhi marks bahut hai; kyonki bahuton ko sukh milne se vo sukh ki aasheervaad inke oopar jaati hai zaroor । jo service jaise achhi karte hain to mahima bhi achhi hoti hai ।… jo bhi aaenge, bolenge - vaah! aise bhandaari ke oopar to balihaari jaave । balihaari jaana bhi koi oonche ke paas hota hai । dekho, tum bachche balihaari jaate ho । kitna oonch baap hai! balihaari jaate ho to baap se phir milta bhi bahut hai ।......yeh bhi mehnat hai - bhaarat ko pavitra banaana, shant banaana, sukhi banaana । ye tumhaari mehnat hai na । jitni yaad mein rehte ho itni shanti phailaate ho । jitna pavitra rehte ho itna bhaarat ko pavitra banaate ho । tum pavitra banne ke liye, shant rahne ke liye purushaartha karte ho । duniya vaale to koi purushaartha nahin karte hain । kaun hai dekho, inko bhulaane mein mehnat lagti hai । ashareeri ho jaave, shareer ka bhaan mitta jaave - yeh bhi to yaatra hoti hai na । to jitna apan ko aatma nishchay kar baap se yog rakhta rahe itna bahut kalyaan hai । raajayog ki padhaai dekhne mein bahut simple aati hai । bairistari padhne ke liye kitni mehnat lagti hai । kitna neeche se ek-do-teen-chaar matric, phalaana paas karte-karte ja karke pichhaadi ko ooncha imtahaan । yahaan to koi doosri baat hai nahin । ek hi imtahaan hai । jo aate hai so ek hi baat padhte hai । chhoti-moti chaupdiyo nahin padhni padti hain, phat se padh lete hain । so bhi baap ne bada achha samjhaaya hai ki pahchaana baap ko aur baap ka hue to jeevanmukti zaroor milegi, kyonki jeevanmukti ki hi raajdhaani sthaapan ho rahi hai aur baap kar rahe hain । to badi simple bhi hai, badi sahaj bhi hai, inmen time bhi koi bahut nahin jaata hai; kyonki shareer nirvaah ke liye sabko time chaahiye । purushon ko bhi time chaahiye to maataaon ko bhi time chaahiye - ghar ki sambhaal karna, baal-bachchon ko sambhaalna । to is samay is taraph mein dhyaan dete hain aur padhaai to thodi rehti hai - subah aur shaam ।.......kamplent sunne vaala ek hai । kamplent karna maana bhakti karna; kyonki kehte hai bhakti karte-karte phir tumhaara duhkh ka chhutkaara ho jaaega । to bhakti karna bhi baap ko kamplent karna hai । bhakti mein bhakti karte hain, duhkhi hote hain । bhakti mein duhkhi kaun karte hain? phir ye raavan । bhakti ko achha to samajhte hain; parantu vaastav mein hai duhkh ki kamplentsa pichhaadi kamplentsa । phir ye sukh ki kamplent । duhkh ki kamplent satayug mein to hoti bhi nahin hai ।... eeshvareey god mein bahut samay to rah bhi nahin sakte hain । agar chaahen to bhi nahin rah sakte hain; kyonki eeshvar ki god to sabse uttam hai na । satayug mein chaahen ki jaasti rahen to rah nahin sakte hai aur duhkh mein koi jaasti rehna nahin chaahega । sukh mein chaahen to rehna mil nahin sake satayug mein । achha, baaja bajaao । aaj savere mein hi class banda karna, raamchandra bhi thaka hua hoga zaroor । saara din mehnat karte hain aur vo bachcha to makkhan nikaalne ki bahut mehnat karte hain । makkhan mukh mein padna hai na jitni mehnat karenge । sirf yaad karne se bachchon ko srishti roopi svaraajya ka makkhan milta hai ।.... makkhan ko bhi yaad karte hain, baap ko bhi yaad karte hain । achha, baaja bajaao । (myujik baja) maat-pita aur baap-daada ka meethe-meethe- meethe sikeeldhe bachchon prati yaadapyaar aur good night ।