Sakar murli du dimanche 20 septembre 1964 - 2

> >

20-09-1964 madhuban aabu raatri murli saakaar baba om shanti madhuban

helo, good evening yeh bees septembar ka raatri class hai ।

mama poochhti hai aur doosre taraph mein combined poochhte hain । aise hai na - maat-pita aur daada । maata to gupta ho gai, baaki baapdaada to pratyaksha hai । koi satsang mein ya ghar mein bachchon se kabhi koi poochhte hi nahin hain । baap hoga to alag poochhenge, daada hoga to alag poochhenge, daadi hongi to alag poochhegi, maa hongi to alag poochhegi- aise hota hai na । ye baaten koi shaastron mein to nahin likhi hain । ye baaten hai anubhav ki aur bhaasna ki । bachchon ko ye wonderful bhaasna aati hai, jis bhaasna ke raaj ko koi bhi manushya nahin jaan sakte hain । koi bhi aur dharma vaale nahin jaan sakte hai sivaay tum sangamayugi brahman kulbhooshnon ke; kyonki yoon to prajaapita brahma ka naam baala hai । praja maana hi rachna, so bhi nai । to nai rachna jab hogi tabhi to naya yug bhi hoga to naya dharma bhi hoga, sab naya hi hoga । to ye sab nai baaten hain । to zaroor siddha hota hai ki ye jo geeta likhi hui hai jismen ye agdam-bagdam likha hua hai, ye parampara se chala hua nahin hai । ye bhi tum brahman bachche mahsoos kar sakte ho, anubhav kar sakte ho । samajhte ho । vo to baat hi vahaan nyaari hai ki shreekrishna bhagvaanuvaach, arjun prati yuddha ka maidaan । yuddha ka maidaan to hai, ye to zaroor hai, parantu yuddha ka maidaan ye hai hi ek wonderful ki raavan par yuddha hai । yoon to yuddha ke maidaan bahut samay se yaani dvaapar se chale aae hai । yuddha ka maidaan satayug-treta mein hota hi nahin hai । na roohaani yuddha raavan se hai, na hi jismaani yuddha manushyon ka manushyon se । satayug aur tretaayug mein koi bhi yuddha nahin hai । phir baaki hai baahubal ki ladaai । yuddha ka maidaan to bahut samay se chala aaya hai । so bhi bataaya na ki dvaapar se aur dvaapar mein bhi bahut samay ke baad jabki anya dharma vaalon ki vriddhi ho aur phir ek- do ke oopar ladaai karen । jaise bauddhi hain, to bauddhiyon ki to koi se ladaai ho nahin sakti hai । phir aao islaamiyon ki taraph, unke saath bhi koi ki ladaai ho nahin sakti hai । vo to jab manushya sampradaay bahut hoti hai aur phir temptation hoti hai koi ke oopar chadhaai karne ki tab ladaai hoti hai । phir Christian bhi aise hi samjho ki jab talak vo vriddhi ko na paae hai, peechhe ye ladaaiyaan shuru hoti hain । samjho, koi 1500 varsha hue honge tab phir kuchh na kuchh kisma-kisma ki baahubal ki ladaai hoti hai । ye to tum bachchon ko samjhaaya jaata hai । yoon to ladaai bahut samay se dikhlaate rehte hai । kans aur krishna ki bhi dikhlaate hain । aise dikhlaate hain na ki kans ko maara hai । to agar kans ko maara to kansaki bhi raajaai hogi, krishna ki bhi raajaai hogi । krishna ko to kahenge hi zaroor ki shahjaada tha, raajaai hogi । kans ka kya tha? ye to koi hai nahin । kans to sirf naam hai asuron ka aise hi gaaya hua । ye shaastron mein likha hua hai tabhi ham kans kehte hai । nahin to kans ka koi arth hi nahin nikalta hai । asur hai, raavan hai, phir unki ye sampradaay । kansajraasindhi vo to abhi ki baat hai । kansajraasindhi vagairah inka koi raajya to hai nahin । ye to phir raavan ka raajya kahenge । jab manushya jo paapaatma hote hain, unko ye shishupaal, phalaana naam de dete hain । yahaan to bahut samajhne ki baaten hoti hain । manushya kya samajhte hain hanumaan, phalaana । tum bachche to in sab baaton se chhoot gae ho । manushya to in baaton mein chaaron taraph bhatakte rehte hain । koi bhi bichaaron ko pata nahin hai ki ham kya karte hai, kiski pooja karte hain, kyon dhakka khaate hain । haan, itna kehte hain ki bhagat jab bahut bhakti karenge to bhagwan aaenge । so to bachche jaante hai ki aadha kalpa ka bhaktimaarga jab khalaas hota hai to bhakton ki raksha karne bhagwan ko aana hi hai; kyonki bhagat duhkhi hain । bhagat sukhi to nahin hue na । bhakti sukh ke liye to nahin hui na h kyonki bhagat duhkhi hain tab bhakton ki raksha arth, bhakton ka rakhvaala hai bhagwan । geet mein bhi aise hai na । raksha ki jaati hai unki jo manushya bahut duhkhi hote hain । bhakti duhkhi karti hai na । dar-dar bhatakte rehte hain, thak jaate hain । isliye to baap aakar paanv dabaate hai na । kehte hain- bachche, bahut thak gae ho? drama anusaar abhi sab samajh gae ki aadhaakalpa tum bachchon ko bhakti zaroor karni hai; kyonki raat hai aur srishti ke chakra ko bhi phirna hai । varno mein bhi zaroor aana hai । brahman varna, devta varna, kshatriy varna, vaishya varna, shoodra varna mein aana hai zaroor । gaaye gae hain । gaaye jaate hai; parantu ye chakra kaise phirta hai, ye bichaare koi nahin jaante hain । jaante ho ki barobar gyaan saagar, patit-paavan, phir yahaan sahaj raajayog sikhlaane vaala; vo to bhagwan baith karke sikhlaaega । tum bachche jaante ho ki barobar jisko gyaan ka saagar, sukh ka saagar, shanti ka saagar ityaadi-ityaadi kaha jaata hai, barobar tum unse poora varsa paane ka purushaartha kar rahe ho । abhi purooshaartha poora hi karna hai । samay to baaki thoda hai । abhi to aur sabhi sagaaiyaan cancel karke evan deh sahit deh ke sabhi sambandhon ko baba, maama, chaacha, guru, gosaai, pati, patni ye sabhi se naata tudaate hain । sirf apne saath jodte hain; kyonki mere saath jodne se tum bachche vikarmaajeet banenge, pavitra banenge aur phir apni pavitra duniyaaka maalik banenge । to dekho, sabhi sambandh tudaate hain, ek se judaate hai aur yukti bataate hain ki aise-aisekro । ye sambandh jaldi nahin toot jaate hai । vikarma purushaartha se vinaash karna hai । yoon to bhaktimaarga mein bhi vikarma vinaash hote hain । baba ne samjhaaya hai ki jab shiv ke oopar bali chadhte hain to jo vikarma kie hue hain unki saja bhogte hain । phir vikarma shuru ho jaate hain; kyonki ye hai hi maaya ki duniya । usmein punarjanma phir bhi lena hi pade । ye barobar hai ki bhaktimaarga mein shiv ke oopar bali chadhte hain to usi samay mein vo sajaaen kha-kha kar karmaateet ban jaate hain, par vaapas nahin jaaenge । phir unko achha janma milega । yahaan to tumko yog se vikarma vinaash karna hai । kaashi kalvat nahin khaana hai; kyonki usse kuchh bhi phaayda nahin hoga । koi kalvat bhi khaaenge to gyaan nahin hai na, yog bhi nahin hai, to kya karenge, kahaan jaaenge । ye to shreemat par chalna hai yaad karne ke liye । baaten to sabhi vichitra hain na । dekho, baba kaise samjhaate hain! tum bhi kahenge baba samjhaate hain, ye bhi kehte hai baba samjhaate hai । abhi manushya kaise samjhe ki ye bhi kehte hain ki baba samjhaate hain, ye bhi kehte hai ki baba samjhaate hai । to zaroor inka baba gupta dekhne mein aata hai । ye to barobar shivbaaba hai bhi gupta । ye bachchon se baapdaada ki chit-chat kahenge; kyonki combined hain । husain ka panda chhugu kahaan hai? (kisi ne kaha - ye saamne)…apne-apne saath mein jinko laate hain inko bahut achha sukhaala rakhna hai । baap to aae hi hain sukh dene ke liye to bachchon ko bhi har ek ko sukh dena hai । sukh ki mat koi sveekaar kare ya na kare । baap to denge na । barobar sukh ki mat baap dete hain, phir jitna jiski takdeer mein hai vo mat uthaate hain । nahin to phir apni mat par chalte rehte hain । dhyaani ki party । buddhiyaan ye sunti hai? (kisi ne kaha - haan, gyaan sunti hain) yahaan jo kuchh kehte hai sunti ho? baba ne kya kaha? (kisi ne kaha - shreemat par chalna) । haan । (myujik baja) (mama ne kaha - maat-pita, baapdaada ka meethe-meethe sikeeldhe bachchon prati yaadapyaar aur good night) good night achhi ya morning achha?