Sakar murli du mercredi 24 février 1965

> >

24-02-1965 madhuban aabu praatah murli saakaar baba omshaantimdhuban

helo, svadarshan chakradhaari brahman kul bhooshnon ko ham madhuban nivaasiyon ki namaste, aaj budhvaar phebruari ki chaubees taarikh hai। praatah class mein baapdaada ki murli sunte hain।

record :-

jo piya ke saath hai uske liye barsaat hai…

om shanti!

jo baapdaada ke saath hai, kyonki agar sirf kahenge jo piya baba, to baba to hai niraakaar । ab niraakaar ke saath to ham mool vatan mein rah sakte hain va niraakaar ke saath jab vaapas jaane ka hai tab saath honge, kyonki vo supreme aatma guide hai । guide zaroor koi ko kiya jaata hai । to phir dekho, itne sab bachche aatmaaen nambarvaar hain । yeh to bachchon ko samajhna hai ki ham aatmaon ko parampita paramatma ke saath jaana hai । shareer to yahaan hi chhodkar jaana hai, kyonki baap ke saath jaana hai to shareer to nahin le jaana hai । jab knowledge baithkar sunte ho, baap shantidham aur sukhdhaam ka raasta baith karke bataate hain aur phir vahaan jaane ke liye pavitra bana rahe hain aur phir gyaanvaan bhi bana rahe hain, to zaroor saath mein rahenge । saath mein rahne ke liye bachche nambarvaar purushaartha anusaar jaante hain ki brahma daada kaho ya baba kaho, ke tan mein padhaane ke liye aay upasthit hue hain । to zaroor jab bahut bachche sanmukh hain to jahaan bachche hote hain vahaan barsaat to hoti hi hai । doosre deri se sunte hain, tum jaldi se sunte ho, isliye gaaya jaata hai- jo piya ke saath hain unke liye direct barsaat hai । dekho, kal parson bahut the । paanch saatso ke aage gyaan ki barsaat barasti thi, aaj 10-20 ke aage । tum sammukh sun rahi ho । abhi tum sanmukh jaldi sun rahi ho aur doosre deri se sunenge । abhi jo is samay mein deri se sunte hain unko jaldi sunne ka hona chaahiye, kyonki vo sarvisebul hain । unke liye bahut zaroori hai sammukh sunna, kyonki vo pradarshani par hain, service par hain । achhi tarah se samjhaay sakte hain । unko direction de bhi aaen hain ki is pradarshani mein mool mool baat yeh samjhaana ki yeh jo bhi pees konkrensa ho rahi hai, yeh to saari duniya mein ashaanti hai, isliye saari duniya ko shant karna yeh to saari duniya ke maalik ka kaam hai, jisko baap kaha jaata hai । to unko aise samjhaana hai ki tum jo itne baras pay baras ya tum ek nahin, par bahut dher ke dher vilaayat mein jahaan-tahaan rileejiyas heads ki pees konkrensa kar rahe hain aur karte hain । vo samajhte hain ki vo hain guru, paath ya raasta dikhlaane vaale, isliye sabka madaar rehta hai jo guru log hain sabhi dharmo ke heads un par । vo samajhte hain ki ye guru log hain, ye raasta jaante honge, tab to guru karte hain na । agar ye raasta na jaante hon to guru karne ki darkaar hi kya hai, parantu vo nahin jaante hain ki ye jo guru log hain ye koi raasta dikhlaane vaale nahin hain । ye to aur hi raasta bhulaane vaale hain arthaat parampita paramatma se bemukh karte hain । to unke paas pahunch hi na saken । isliye ye guru koi raasta bataane vaale na thahre, balki ye to aur hi raasta bhulaane vaale hain । raasta bhulaane vaale aur dubaane vaale । vo hai paar karne vaala aur raasta bataane vaala । dekho, pharka hai na! yeh ek drama ka part bana hua hai । yeh samjhaana bhi aise logon ko bahut hi kathin hai, kyonki ye ghamandi hain na । vo samajhte hain ki ham raasta jaante hain, ham padhe-likhe hain, yagya tap daan punya teertha shaastra ved ham padhe hue hain aur ham jaante hain ki ham nirvaan dhaam mein ya muktidhaam mein ya jeevanmuktidhaam mein ya jyoti jyot mein samaane, ye bahut hi baaten banaay rakhi hain mat dene ke liye, parantu nahin, phir bhi sabhi gaate hain ki he patit-paavan, he liberator, he guide, kyonki liberator, liberate karke kahaan to le jaaega na । duniya to jaanti nahin hai us desteeneshan(manzil) ko ya muktidhaam ya jeevanmukti dhaam ko ya jahaan ke liye manushya chaahte hain ki ham bhagwan ke paas jaae । abhi bhagwan ke paas jaaen, yeh raasta sivaay bhagwan ke to koi bata hi nahin sakte hain । phir unko yeh to maaloom nahin hai ki unko saath mein chalna hai । yaani supreme aatma jisko kaha jaata hai।… paramatma usko kehte hain na । patit-paavan paramatma vahi to saath mein le jaaenge na । vo to hai hi niraakaar aur vahi aakar kahenge aur unko hi patit-paavan maante hain । shreekrishna to patit-paavan nahin gaaya hua hai na । na shreekrishna, jab satayug mein prince hai ya princess hai ya jo svayanvar baad lakshmi-naaraayan hain unko bhi to koi raaste ka maaloom nahin hai na ki ham kahaan se aae hain, hamko kahaan jaana hai, kab jaana hai, is karmakshetra par kitna samay rehna hai । vo to bilkul jaante hi nahin hain । vo to punarjanma lete aae hue hain, isliye geeta mein jo likha hua hai shreematbhagvat geeta । shreemat bhagvat kaun? to kah dete hain shreekrishna bhagvaanuvaach, parantu shreekrishna ko to mat deni nahin hai । duniya to jaanti nahin hai ki shreekrishna past janma mein koi ke mat se itna sadgati paaya hai । is samay mein jaante ho ki sadgati daata to parampita paramatma hai । satayug mein to aise koi kehte bhi nahin hain ki sadgati koi doosra dene vaala hai । vo baaten to vahaan hoti hi nahin hain । to yeh samjhaana padta hai । dekho, baba ne kaha tha na, vahaan bhi ek mem thi, ye aae the । bolti thi ki bas, god ke paas hi jaana hai, unko hi yaad karna hai, parantu unke paas jaana kaise hai, akele to sab nahin ja sakengi । nahin, unko guide chaahiye । to zaroor guide yahaan chaahiye jo baith karke raasta bataae, phir us shareer ko chhod karke aur phir saath de deve । yeh koi jismaani yaatra to hai nahin । yeh to hai roohaani yaatra । ismen supreme rooh panda zaroor chaahiye । to dekho, yeh unko bahut achhi tarah se samjhaana pade । praarthana bahut achhi karte hain-- O god! bas, ham tumko hi yaad karenge । tum hi liberator ho, tum hi guide ho । aise bhi kehte hain । angreji akshar hai na । to vo bhi yeh jaante hain O god, O god, parantu vo god saath chalna hai, vo yahaan kahaan hai, vo to bichaare nahin jaante hain na । unko kitna bhi samjhaao ki god yahi hai, is shareer dvaara tumko direction de raha hai, to bhi wonder khaate hain ki yeh kaise hoga! yeh guide hai! agar mem yeh samajh jaae ki barobar vo guide kismen zaroor aaega । vo Adam ko bhi samajhte the, beebi ko bhi samajhte the । unko jab samjhaate the ki vo is Adam ke shareer mein hai, to moonjh jaate the । to ye maante nahin । agar maane to achhi tarah se pakad leve । unko yeh samjhaaya bhi jaata hai ki vo to guide hai । yeh saath mein le jaane vaala hai । vo is shareer mein aa karke yeh knowledge deta hai aur knowledge dekar laayak banaay karke, sabko pavitra banaay karke phir yeh shareer chhod kar chale jaane vaala hai, parantu yeh unki buddhi mein nahin baithe । bas yahi hai ki god ko yaad karne se ham god ke paas chale jaaenge… pichhaadi jaaenge, kyonki yeh to baaraat hoti hai na । shiv ki baaraat । usmein pahle kaun-si baaraat jaaegi? pahle zaroor devi-devtaaon ki baaraat jaaegi- sooryavanshi aur kshatriyvanshi ki, peechhe baaraat islaam ki aatmaon ki jaaegi, kyonki vahaan ja karke phir us jhaad mein latakna hai । aise hi latakna hai jaise raat ko ye ullu chakkar laga karke jaakar ulta latak jaate hain । dekhte ho na, vahaan bhi brahm mahtatva mein vo section mein jaakar latak padte hain । jhaad dikhlaaya hai na । vahaan bhi to incorporeal jhaad latka hai । to jabki yahaan se nambarvaar jaaengi to bataao pahle kaun jaaenge? nambarvaar jaaenge na, kyonki vahaan se nambarvaar aate hain, phir nambarvaar phir jaana hai । to zaroor pahle pahle ye devi-devtaaon ki aatmaaen jaati hain aur unko hi baithkar knowledge dete hain, kyonki pahle phir sooryavanshi aur chandravanshi gharaane mein aane ka hai । bhale vo gyaan leve bhi, parantu vo poora nahin lenge । kitna bhi unko samjhaate hain, to yeh nahin samajhte the ki inmen vo aatma hai jo ham sabki guide banegi । itni samajh hove to ekdam charnon par gir pade, pata nahin kya kar deve parantu nahin, unmein itni buddhi nahin hai ki yeh saath mein jaane ka hai aur yeh nambarvaar jaane ka hai । aise nahin ki Christian pahle se nikal padenge, nahin । yeh bhi badi samajh ki baat hai ki baap ke pichhaadi nambarvaar jaana hai । jo pahle aate hain vo to pichhaadi mein sabse pahle jaaenge, jo phir pahle aa saken । to yeh unko samjhaana pade ki sivaay guide koi vaapas ja na sake । saath mein le jaana hai to zaroor guide yahaan aana hi hai । so aate hi hain aur kehte hain ki main liberate karta hoon duhkhon se, is raavan raajya se । phir jo mere dvaara achhi tarah se yeh knowledge lete hain vo pahle-pahle jaaenge । padhaate bhi to hain na sahaj raajayog aur gyaan aur inmen bhi jisko padhaata hoon vo bhi to nambarvaar hi chalenge, kyonki jaisa-jaisa jiska martaba hoga vo pahle-pahle jaaenge । dekho, maala banti hai na । rudramaala to bahut badi hai aur vo accurate hai । brahma ki maala to ban hi nahin sakti hai, inaekyooret hai । kuchh bhi pata nahin padta hai ki kaun sanvaar mein pahle jaaengi । yeh final pichhaadi mein hoga । phir jo raajya karte hain vo phir aa karke vishnu ki maala banenge । ab sab to vishnu ki maala nahin banenge na । yoon bhale aana hai, phir bhi nambarvaar aur-aur dharmo mein, par vishnu ki maala mein sab to nahin piroenge na । sab to devi-devta banne vaale nahin hain । to yeh badi samajh ki baat hai aur buddhi mein rehna hai ki is baba ke saath jaana hai । yeh aage hoga। vo to kehte hain ki machchharon ke muaaphik le jaaoonga । machchhar kyon kehte hain? bhala makkad kyon nahin kehte hain? makkadon ke jhunda hote hain jo dekhne mein aate hain । bas, in jaisa jhunda aur koi jhunda nahin hota hai । ekdam bada jhunda jaata hai । machchharon ka jhunda kabhi itna bada dekhne mein nahin aata hai । aur koi cheej ka itna bada jhunda dekhne mein nahin aata hai, jitna makkadon ka jhunda dekhne mein aata hai । baat mat poochho, ekdam maailon mein, anginat । yeh bhi to jaante hain ki jo aatmaaen hain, jo sabse sookshm hain, vo to ekdam anginat hongi । to aage zaroor supreme shivbaaba hoga, kyonki doosra koi raasta jaante hi nahin hain । ek bhi nahin, na koi gaya । samjhaate bhi the ki ek bhi vaapas gaya hua nahin hai, parantu vo maanenge thode hi । inhonne kaha ki Christ bhi vaapas nahin gae hain । vo bhi yahi hai, nahin to paalna kaun karega? punarjanma lete lete lete aana hai zaroor । jo pahle aate hain to vo yahaan peechhe hote hain, parantu jaate phir bhi pahle hain । to zaroor koi mein hoga, koi halke pojishan mein guide hoga । yeh bhi samajhte hain ki hoga । bas, kaise hoga yeh to detail bahut bhaari hai samajhne ki । jabki iske liye kahenge ki yeh sabse last mein hai, kyonki yeh pahle mein the, aae hain aur abhi sabse last mein hain । to zaroor phir baba ke pichhaadi pahle mein jaaega । to ye unko vahaan bahut achha samjhaana hai ki sivaay parampita paramatma supreme soul jo yahaan aa karke sabko liberate kare to zaroor koi dvaara karte honge । chalo, brahma dvaara karte hain, to zaroor brahma putron dvaara karte honge । to karke peechhe in dvaara sabko karte hain । agar nahin bhi hote hain, kyonki sab to tumhaare dvaara nahin honge na । sab apna hisaab-kitaab bhog samajhna hai । hisaab-kitaab bhogna baba ne samjhaaya hai ki koi badi difficult baat nahin hai । hisaab-kitaab to garbhajel mein bhi bhogte hain । hisaab-kitaab to jab shareer chhodna hota hai, us samay bhi chhod sakte hain । jaise kaashi karvat ka hisaab diya hai na ki usi samay mein jo vo chhodte hain, kaashi karvat khaaya to yeh gaya, khatam, par aatma to khatam nahin hoti hai na । aatma ko hi to sajaaen milni hain na । to unko hi vo shareer sahit saakshaatkaar karaate hain aur sajaaen milti rehti hain । sajaaen milti rehti hai, vo to aatma jaane, aur to koi bhi nahin jaante hain । vo aatma bhogte bhogte bhogte bhogte phir bhi jaakar janma leti hai । ye jo aatmaaen abhi jaane vaali hain unko phat se to janma nahin lena hai । in sabko to vaapas jaana hai । phir nambarvaar aana hai zaroor । to yeh bachchon ko pakka nishchay hona chaahiye ki yeh jo baba ismen pravesh kiya hai yeh jaaega tab inke pichhaadi sajniyon ki paltan jaaegi। sajniyo ki phir nahin kahenge, kyonki sajniyo ka shareer to chhoot jaata hai । baaki aatmaon ko jaana hota hai aur jaana bhi zaroor hai, kyonki part ko repeat karna hai । to yeh sabhi un sanyaasiyon ko heads ko kaise samjhaaya jaay । is tarah se samjhaaya jaay, kyonki 5-10 minute to lagte hain । 5 minute bhi koi leve to unko yeh samjhaaya jaata hai ki sadgati daata va sarvashaanti daata to ek hai na । tum jo ashaant ho vo kisko ya sarva ko shanti to kabhi nahin de sakenge na । isliye sivaay ek ke koi bhi sarva ka shanti daata va sukhdaata va duhkh harta-sukh karta ho nahin sakta hai । vo ek hi hai aur phir vo sabko le jaane vaala hai । shareer to sabka chhootega । usne bhi jo shareer loan liya hai, vo bhi chhodega । phir vo sabko vaapas le jaaega । aisi hai shreemat, yaani parampita paramatma ki yeh mat hai ham braahmanon prati । brahman hi padhenge na । brahma dvaara brahmaakumaar aur kumaariyaan padh rahe hain, jo tumko sabhi yeh bata rahe hain ki shreemat aise kehti hai । usmein shreemat jo tumne kaha hai shreekrishna bhagvaanuvaach, yeh nahin hai । shreemat kaha jaata hai shri shivbhagvaanuvaach । pahle to apan ko ismen correct karo ki geeta ko, jo sarvashaastramai shiromni hai, vo geeta ka bhagwan hi sadgati daata hai । abhi geeta ka bhagwan sadgati daata saakaar to ho nahin sakta hai । zaroor niraakaar chaahiye । pahle to ye correction karo, jo badi te badi bhaari bhool hai, kyonki vo manushya to accurate 84 janma lene vaala hai aur vo to janma-maran rahit hai । aate hain zaroor । bulaate ho zaroor- he patit-paavan! aao । vo aate hain aur kehte hain ki main aata hoon saadhaaran buddhe tan mein, jo apne janmon ko nahin jaanta hai ki kitna janma usne liya hai । so bhi apne 84 janma ko nahin jaante hain, aise hi kehte hain, kyonki kehte hain ki 84 janma lete hain, koi 84 laakh janma to nahin lete hain । to yeh pahla hai jo 84 janma lete hain aur isi ke tan mein aata hoon । yahi tumhaare jismaani jagatpita aur jagatmaata bante hain, kyonki is jisma se hi main aakar knowledge sunaata hoon । to dekho, jagatpita-jagatdamba is samay mein unko kehte hain । satayug mein jo lakshmi-naaraayan hain unko to tum jagatmaata-jagatpita kah nahin sakte ho । to zaroor yahaan kahenge । to yeh jo jagatmaata-jagatpita hain inko hi to gyaan de raha hoon na । brahma dvaara phir unko milta hai, phir jo bhi brahmaakumaar-kumaariyaan hain unko gyaan milta hai । to raajayog ka gyaan deta hoon jisse bhavishya mein jaakar raaj-raajeshvari banenge । tum jaante ho ki satayug mein hain hi raaj-raajeshvari aur raaj-raajeshvar । vahaan unko jagdamba nahin kaha jaata hai, na koi vahaan lakshmi ko goddess oph knowledge kahenge । goddess oph knowledge lakshmi ka jo aage vaala janma hai jismen jagdamba gaai jaati hai, jo brahma ki beti hai, knowledge unko milti hai । to dekho, knowledge le karke phir unko yeh raajaai milti hai । to ye baaten achhi tarah samajhne mein, aisa agar vahaan baith karke vistaar se samjhaate hain, do-do dapha kehte hain, vo ek hi baar samjha deve । ek to vo hai parampita paramatma sarva ka sadgati daata, sarva ka shanti daata, sarva ka sukhdaata aur doosra vahi duhkh se liberator hai aur phir vahi guide hai । vahi phir sabhi aatmaon ko le jaaenge jabki ye vinaash hone ka hota hai । phir to vo baap kehte hain mujhe yaad karo to jo vikarma ka bojha tum sabke oopar hai vo utar jaaega । jinhonne mujhe baith karke gaaliyon bhi di hain, sarvavyaapi maana hai, devtaaon ki glaani ki hai, to vo paap aatma ban gae hain । abhi unko to yog mein bahut mehnat karni padegi । ab itne sanyaasi kabhi nahin mehnat karenge uthaaenge hi nahin । unko shivoham ki aur sarvavyaapi ki her padi hui hai, to uthaate nahin hain । jinka part hai vahi usko uthaate hain aur dekho tum, jo-jo bhi hain, vo shreemat par chal rahe hain । baap kehte rehte hain ki deh sahit, deh ke sabhi jo bhi tumhaare karmabandhan hain, karmabadhneey hain un sabko bhoolo, apan ko ashareeri aatma samjho । shareer hote hue unmein se mamatva mita karke mujhe yaad karte raho, to tumhaara vikarma vinaash ho jaaega aur jo achhi tarah se gyaan ko dhaaran karte hain aur karaate hain, phir karaana pade, so oonch pad paate hain । nambarvaar jo achhi tarah se service karte hain so mere pichhaadi ekdam nambarvaar lautna hai, kyonki nambarvaar vahaan sukshmavtan mein bhi pravesh karna hai meri vijay maala mein । to vahaan ant mein vijaymaala thahri aur aadi mein vishnumaala । peechhe vo maala chadhi devi-devtaaon ki, phir islaami ki, phir bauddhi ki, phir Christian ki । to dekho, aise-.aise sabhaaon ko samjhaane ka kitna sahaj hai । to vo log aape hi nutshell mein samajh karke, jab unko time milega । time lena chaahiye, kyonki baahar vaale bhi to bahut aate hain, bhale hindustaan vaale bhi aate hain । yeh baat to bilkul sahaj hai na ki unke liye gaate hain he bhagwan, he patit-paavan, aao aur kehte bhi ho vo liberator hai, guide hai so zaroor duhkh se sukh ki taraph aape hi le jaaega aur phir sukh mein aape hi bhej dega । samajhne ki bilkul sahaj baaten hain ।.jaho-jahaan bhi samjhaate hain, vahaan yeh samjhaani to bilkul hi mool, mukhya hai ki kaise baap aate hain । samjhaane vaali badi teekhi chaahiye । bhaashan ki room bhi ek alag honi chaahiye, jismen samjha saken । to jo mukhya hai dilli, kalkatta, kyonki yeh bhi buddhi chaahiye ki ham to service nahin kar sakte hain, jo service karne vaale hain unko madad karni chaahiye । manushyon ko samjhaana padta hai । kaise nutshell mein aise akshar se samjhaave jo har ek ko teer lage ki ye to bilkul right kehte hain, vo nikalti rahengi । vo badi service ho jaati hai । isliye vahaan dilli mein murli chali thi to baba khud samajhte hain ki baba ki pyaaitas bahut achhi achhi nikalti theen aur bahut khush hote the । abhi to phir vo ghamandiyo ki kaamphrensej ho rahi hain । to unka ghamanda mitaana chaahiye na । baba to saamne nahin hoga jo ghamanda mitaaenge । ghamanda mitaaya hi hai in bheeshma pitaamah dronaachaarya jaiso ka kanyaaon ne । yeh gaaya hua hai na, kanyaaon dvaara inko baan maare hain । vahaan bhi mukarrar kiya jaata hai ki achha, guljaar ko le jaana । aur to vahaan koi jaasti aise kuchh teekhe nahin hain, kyonki unka bolna-chaalna achha hai aur sandeshi bhi hai । sandeshi hone ke kaaran baba bhi usmein pravesh karke madad kar sakte hain । samjha! kyonki kumaariyon dvaara baan marvaaye। isliye vaastav mein vahaan jagdeesh nahin bhaashan kar sakte hain, kyonki english jaante hain na, isliye unse madad li jaati hai, parantu dekhte ho ki yahaan aahiste- aahiste hindi hoti jaati hai । aage chal karke phir hindi vriddhi ko paaegi । abhi hangaama ho jaata hai na, usmein bhi khaas yeh jo dilli hai usmein hindi ka prachaar koshish karke jaasti karte hain । to phir aage chal karke hindi mein maataaon ko sahaj hoga । aise nahin ki abhi inko teer lagega । nahin, teer lagne mein to bahut time hai । abhi to ye bilkul ghamanda mein hain । jaise bandar ghamandi hote hain na vaise inmen apne shaastron ka bahut ghamanda hai । jabki bhagwan kehte hain inmen koi saar nahin hai । main aa karke tumko inka yathaartha arth samjhaata hoon । to dekho, kitna raat-din ka pharka ho jaata hai aur barobar bahut samajhte hain ki yeh sab phaaltu hai । to vo aate the, milte the । unko kehte hain ki vesta oph time, vesta oph mani । inmen kya saar hua, jabki girte-girte girte neeche chale aae ho! koi baithe honge to samjhenge, koi to ekdam jaise bhuttu । yahaan koi bhi aate hain to koi to attention dete hain, koi to aise-aise. karte rahenge । to baba ke paas bhi bade aadmi milne ke liye aaenge । baith karke samjhaaoonga to ek to attention se sunenge aur doosra jaise ekdam buddhu baitha hai, par samajh mein aata hai ki bhale yeh bada minister hai aur vo chhota hai । vo chhota samajhte hain aur yeh bada buddhu hai । ekdam koi bhed-bakri hai, jhat maaloom pad jaata tha । achha, chalo bachchi, khilaaya hai toli? meethe-meethe, sikeeldhe sarvisebul bachchon prati yaadapyaar aur good morning । kyonki sarvisebul ka abhi pata pad raha hai । dekhte ho, pradarshani mein! subah ko uth baba maala japte hain- kisko karoon, kisko bhejen pradarshani bahut ho gai hai । dilli mein, kaanpur mein, kalkatte mein aur bombe mein । bombe mein us saanvaari ko rees lagi phatphat । to vahaan se mangaaega to vo bolengi baba yahaan se sab manga lete hain phir yahaan kaun madad karega! bigar poochhe hi thok dete hain, na time, na baat, na kuchh । pradarshani mein kam se kam 20-25, jitna jaasti ho sake, par chaahiye sabhi sarvisebul । to dekho, dhoondh kar raha hoon ki kisko bhejen kisko bhejen । to bas vahi yaad padte hain, baaki jo sarvisebul nahin hain vo ekdam yaad bhi nahin padte hain । worth not A paini nambarvaar purushaartha anusaar । achha! meethe-meethe, sikeeldhe bachchon prati maat-pita, baapdaada ka nambarvaar purushaartha anusaar yaadapyaar । dekha, nambarvaar ka arth! abhi sab maaloom padta hai । niraakaar dhaam mein vahaan zaroor milenge । yeh bachche samajhte hain ki haan, ham baba yaani father ke bachche hain,. .father ke saath rehte hain aur yahaan aate hain part bajaane । pichhaadi mein baba bhi aate hain part bajaane । theek hai na! achha! aise meethe-meethe, sikeeldhe sikeeldhe bhi unko kaha jaata hai jo aatmaaen pahle-pahle part bajaane aai hain aur phir se vo milti hain ।