Sakar murli du samedi 15 mai 1965 - 1

> >

15-05-1965 madhuban aabu praatah murli saakaar baba om shanti madhuban

helo, good morning aaj pandrah mai ka praat class hai

duniya mein dekhte zaroor ho, parantu jo kuchh bhi padha hai, shaastra padhe hain, jap kie hain, tap kie hain, ye sabhi bhool jaao, kyonki jab mar chuke aur baap ke ban chuke to deh to rahi nahin, baaki ban gae dehi । to mar jaane se kya hoga? jo kuchh bhi padha hua hai, vo sab bhool jaaega kyonki jo kuchh bhi padhe hue ho, sab wrong padhe hue ho । agar koi padhe hue me se prashn poonchhate hain to goya jaise ki bhoole nahin hai, phir bhi unko vahi yaad aata hai ki raamaayan mein yeh likha hua hai, vedon mein yeh likha hua hai । are, tum to mar gae na । tum ashareeri ban gae, tumko vaapas jaana hai, phir puraani duniya ko kyon yaad karte ho? bhaktimaarga ki baaton ko kyon yaad karte ho? isko kaha jaata hai dehaabhimaan । baba ghadi ghadi kehte hai dehi abhimaani bhav । tumne jo kuchh bhi padha hai vo sabhi bhoolna hai, kyonki vaapas jaana hai । to bhaktimaarga mein jo kuchh bhi padhe hain is bhakti ko bhool jaao, kyoki abhi tumko gyaan mil raha hai ki baap ko yaad karo । baap ko yaad karo aur destineshan yaani jahaan jaana hai, jahaan ke rahvaasi ho, shantidham ko yaad karo । baaki jo kuchh bhi padhe ho use bhool jaao, kyonki satayug mein to kuchh padhne ka hai nahin । to abhi jo kuchh bhi padha hua hai, bhaktimaarga poora ho jaata hai । agar koi prashn poochhte hain ki geeta mein yeh likha hai to baba bolte hai- dekho, phir ji pade । phir vo dehaabhimaan aa gaya aur vo puraani baaten yaad karne lage । vo puraani baaten chhod do । beeti so beeti dekho, phir gaaya jaata hai ki duniya na jeeti dekho । to jo kuchh bhi hai duniya, bhaktimaarga ki duniya hai । ye bahut hi kuchh karte rehte hain । tum bachchon ne bhi bahut hi kiya । in sab baaton ko bhool jaao । sab padhe ho, koi is janma mein nahin padhe ho, ye shaastron aadi ki kathaaen janma-janmaantar padhte aae ho । abhi inko bhool jaao, kyonki jabki gyaan saagar sab kuchh samjha raha hai, to phir tumhaare paas prashn kyon uthte hai, jabki tumhaara buddhiyog hai hi apne ghar vaapas jaane ka । yaad to hai tumko gyaan ki baaten । to jis samay mein naatak poora hota hai, baaki koi thoda samay rehta hai to unko ghar yaad padta hai । vo to theek hai ki unki buddhi mein saara naatak rehta hai । koi bhi naatak ho, maaya machhandar ka naatak hai, jab poora hota hai to ghar yaad padta hai । phir bolte hain peechhe vo repeat karenge । to vo to hain had ki repetition । ab to baap bolte hain ki tumko phir nai duniya mein satayug ki raajdhaani ki repetition karni hai । isliye yeh sab bhaktimaarga chhod do, kyonki inmen tumhaari durgati hui hai । durgati ko phir yaad nahin karo । shaastron ko yaad kiya yaani durgati ko yaad kiya । achha, yaad hi kyon kare jabki unse durgati hui hai । to durgati ki cheej ko yaad nahin karna hai । vedon mein, shaastron mein kya hai, yeh durgati ki cheej hai । ye to padhte aaen hai, padhte aaen hai, durgati mili hai । yeh baap aakar samjhaate hain, kyonki duniya ko to in sab baaton ka kuchh pata hi nahin hai । vo to samajhte hain ki bhakti to abhi 40 hajaar varsha tak chalegi । pata nahin kitne tamopradhaan banenge, phir kya kya karenge, parantu abhi margin hi nahin hai । bhaktimaarga mein jitna hua, ho gaya, ham to vinaash ke saamne khade hai । ab 40 hajaar varsha bhakti kaise chalegi ya kalhayug kaise chalega । baap kehte hain ye sabhi baaten jo bhi beeti hai vo bhool jaao । abhi to apne shantidham aur sukhdhaam ko yaad karo, kyonki koi bhi cheej yaad karte ho to baba bolte hai ki phir durgati ko kyon yaad karte ho? kyonki un cheej se durgati hai । to ye gyaan kada hai na । ye hua naya gyaan । manushyon ki buddhi me baithna jara mushkil hota hai । baithega phir bhi unki buddhi mein jo hamaare brahman ya daivi kul ke honge । doosre koi ki buddhi me bilkul baithega hi nahin । agar baithega bhi to koi me thoda baithega, kyonki unko praja mein aana hai । praja bhi koi kam thode hi banni hai । praja bahut banni hai । isliye baba kehte hain । kaun-sa baba kehte hain? jab baba kehte hain to shivbaaba ko yaad karo, kyonki kehte, sikhlaate to hain na । vahi to kehte hain na ki tum deh sahit sabhi chhod karke aatma samjho । abhi tumhaari .buddhi us yaatra par hai । tumhaara moh oopar mein jaane ka hai । pichhaadi ki baaton ko yaad mat karo, isliye baba ne samjhaaya hai ki manushya jab marte hain to pahle sir is taraph mein hota hai, peechhe jab shamshaan ka darvaaja aata hai to phiraay dete hain । yeh dastoor tum logon mein bhi hoga । tum abhi is behad ki duniya se oopar jaate ho । tumko to oopar hi jaana hai, yaad karna hai । tumhaare par hain pichhaadi mein । vahaan bhi aise hi karte hai, pair peechhe shahar ki taraph mein kar dete hain aur shamshaan ki taraph mein munh kar dete hain । yeh to bahut common baat hai na । is samay tum jaante ho ki hamaara sir oopar mein hai । dekho, krishna ka oopar me hai na, pichhaadi mein unko laat maari hui hai । hoobhu dekho accurate baat hai na । to tum bhi har vakta yaad rakho ki jaise ham vahaan ja rahe hain aur is taraph mein hamaari laat hai । yeh bilkul chhi-chhi aur dirty duniya hai । yeh kaun kehta hai ki dirty duniya? aatma kehti hai । vo bolte hai ki ham abhi ja rahe hain saajan ke paas ya baba ke paas kaho । vo aaya hai lene ke liye aur yeh yukti bataate hain । yeh yukti aur koi bhi manushya bata nahin sakte hain । koi bhi sanyaasi vagairah itna janma-janmaantar kya kya sab samjhaate hain । ye sabhi apni-apni baaten samjhaate hai । aham brahmaasmi yaani ham brahma hain, eeshvar hai is rachna ke । aise nahin kahenge maaya ke । maaya ke kaha to mua bhala । maaya ke thode hi koi maalik hote hai । paanch vikaar ke maalik thode hi koi hote hai । baba ne samjha diya hai ki kabhi bhi maaya ko dhan nahin samajhna । maaya ko sampatti kaha jaata hai kya? dhan ko sampatti kaha jaata hai । maaya ko to akshar hi doosre hai । kehte hain na iske paas maaya bahut hai, maaya nahin kehna chaahiye, kehna chaahiye iske paas sampatti bahut hai । agar koi kahe ki iske paas maaya hai to samjha jaata hai ki inke paas paanch vikaar shaayad bahut hain । ye sampatti aur maaya ka bhi koi ko pata nahin padta hai । baap baith karke samjhaate hai ki bachche, jitna ho sake, jitna yeh jo kuchh bhi padha hua hai sab bhool jaao । samajh to sab gae ki satayug se le karke hamne yahaan tak kiya, abhi hamko vaapas jaana hai । puraani baaton ko yaad nahin karna hai, nahin to phir moonjh padenge । gaaya jaata hai na ki jo kuchh bhi padhe hue ho ye sab bhoolo kyonki jo kuchh padhe hue ho, inke baare mein ved shaastra granth tap jap jo kuchh bhi kiya hai isko raatri kaha jaata hai, kyonki tum jaante ho, duniya mein aur koi bhi nahin jaante hai । baba bolte hai ki tumhaare mein bhi koi nambarvaar purushaartha anusaar jaante hai । to is puraani duniya se vairaagya chaahiye na, shareer se bhi vairaagya । saari duniya se vairaagya । vo sanyaasi koi shareer se vairaagya nahin karte hai, vo to ghar se vairaagya karte hain । vo khud mukh se kehte hain, hamne hartha and hom tyaag kiya hai । hartha and hom maana dhan-daulat aur ghar, baal-bachche । ismen dhan bhi aa gaya na । abhi phir kyon aa karke dhani bane hai? isko phir kaha jaata hai lobh ka bhoot । dekho, bhaag kar aae hain aur bahut dhanvaan ban gae hain । baap kehte hai ki is samay me sabhi tamopradhaan hain, jadajdeebhoot avastha ko paae hue hai । vo doosri duniya nahin jaanti hai, tum jaante ho, kyonki vo to samjhenge ki abhi 40 hajaar varsha pade hai ।. bhagwan ke mahaavaakya hai na ki abhi jadajdeebhoot avastha ho gai hai, tamopradhaan ho gai hai । to isko koi tamopradhaan nahin kehte hai । is kalhayug ko to satopradhaan kehte hain । bachche jo geesri pahante hain un bachchon ko satopradhaan kaha jaata hai, jab ekdam buddhe hote hain tab unko tamopradhaan kaha jaata hai । kalhayug ko ye kehte hai ki kalhayug bachcha hai yaani satopradhaan hai । 40 hajaar varsha ke baad tamopradhaan hoga । to dekho, ghor andhiyaare mein daal diya hai na । abhi tum kisko bataate ho to bolte hai- vaah! ye sabhi vidvaan pandit aachaarya, ye shaastra sab jhoothe hain aur tum sachche ho? to unko kah dena, tum khud kehte ho na- jhoothi maaya, jhoothi kaaya, jhootha sab sansaar । to zaroor sabhi jhooth bolte honge ।…tum sabhi log kehte ho na ki patit-paavan, aao! sab patit hai । abhi patiton mein kya .hota hoga । patit to patit hi rehte hain yaani bhrashtaachaari hote hain । unme kya akla hoga! kyonki agar akla hota hoga to shreshthaachaariyon mein hota hoga । bhrashtaachaariyon mein akla kahaan se aae? bhrashtaachaari government mein akla kahaan hai! dekho bhala, yeh bhrashtaachaari government hai, worth not A paini hai, insolvent hai । yeh bhaarat shreshthaachaari tha to dekho kitna dhan tha । dhanvaan ko samajhte hain ki yeh bada sayaana hai । dekho, kitna dhan ikattha kiya, parantu aur jo manushya dhan ikattha karte hai yeh kamaai karke ya dhandha karke । tumhaara to dekho dhandha kaisa hai! bas, ye avinaashi gyaan ratnon ka daan tumko milta hai to tum dhanvaan bante ho । koi naukri nahin karte ho, na koi dhandha karte ho । tum to baap se baith karke avinaashi gyaan ratnon se jholi bharte ho । phir vo jholi bhar karke auron ki jholi zaroor bharna hai । agar aur ki jholi nahin bharte ho to tumhaari jholi bhari hui nahin hai, kyoki jiske paas dhan hota hai, agar kisko na daan karte hai to unko manhoos kaha jaata hai, aur bhi bahut hi naam hote honge gujraati mein, english mein । english mein maaijar kaha jaata hai, jo daan nahin karte hai । aise bahut hote hain jo dhan ikattha karte rehte hain aur kabhi kisko paisa nahin denge ekdam । aise dher hote hain । baap abhi bolte hain ki tum jaante ho ki baba ko priy bhi vahi lagte hain jo dhan le karke, buddhi roopi golden tijori bharkar phir auron ko samjhaate hain । kabhi bhi koi sanyaasi bhi aave to unko bolo, baba hamko kehte hain । baba sabka hai, kyonki baba to sabhi kahenge zaroor । unko bhi kehna hai parampita paramatma । to baba hi hua na । ham baap ko sarvavyaapi thode hi kahege । achha bhala, sarvavyaapi kahege ya purushaartha karke baap se varsa lena hai ya unki shreemat par chalna hai? kyonki baap ki shreemat par bachchon ko chalna hai tabhi to shreshtha banenge na । yaani sarvavyaapi se to kuchh shreemat lete nahin hai । agar mat li hai, peechhe sarvavyaapi hai, to beda hi garka ho gaya hai । baap ko to baap hi maanna padta hai na । dekho, tum bachchon ke sanmukh sweet baba baithe hue hain । baba kehte hai yu aar maai sweet children । mere jo kukh vanshaavli the vo sweet nahin hain । unko to bhaga diya । jo tum sweet mukh vanshaavli ho vo to ekdam bahut sweet ho । isne bhi to bhaga diya na । saakaar ne bhi apne saakaar bachchon ko bhaga diya na । vo vikaari hain । shreemat par, shivbaaba ki mat par bhi nahin chalte hain to prajaapita brahma ki mat par bhi nahin chalte hai । prajaapita brahma ki mat so shreemat, aise kahenge na । to vo nahin chalte hain, pavitra nahin bante hain to ekdam worth not A paini hain । baba to bahut kade- kade shabd kehte hai । are, guru naanak bhi kehte hai ki bhaar khaate hai । moot paleeti kapad dhoye asankh chor haraamkhor । mahaatmaaon ko aisa thode hi kehna chaahiye । yeh to sikkhon ka guru hai, vo kah dete hain ki asankh chor haraamkhor, asankh paapi paap kar jaay, asankh nindak sir dhare bhaar । yaani nindak kisko kehte hain? sarvavyaapi ko । vo mahima karte hain na । vo aise to nahin kehte hai ki sarvavyaapi hai । bhaarat mein jo bhi agar dharma hai to sikkha dharma hai । aur nahin to bataave koi? yoon to bahut hi bataate hai, shivaaji ko bhi maante hain, phalaane ko bhi maante hain, jhaansi ki raani ko bhi poojte hain, unka bhi manaate hain । dekho, shivbaaba ko koi jaante nahin hai । abhi tum bachche samajhte ho na । abhi kya karenge? shivbaaba ki itni mahima to is samay mein ho hi nahin sakegi, jo aa karke shivbaaba ko, kyonki koi ne bhi kisko bhi sukh nahin diya hai sivaay shivbaaba ke, kyonki vo liberator hai na । tum english mein bhi samjhaay sakte ho ki liberator ko kaha hi jaata hai duhkh harta kyonki liberate kisse karte hai? duhkhon se, raavan ki janjeeron se । gaaya bhi jaata hai ki vo duhkh harta sukh karta hai । sirf kah denge sarvavyaapi hai to munashya kya samjhega? ek taraph mein ek baat kehte hain, doosri taraph mein doosri baat kehte hain । ek baat kehte hai patit-paavan aao, phir kah dete hain sarvavyaapi maana khud hi patit hai । hai kitni sahaj baat samajhne ki, isliye inko kaha jaata hai bilkul hi patthar buddhi । to patthar buddhi koi apne ko patthar buddhi samajhte thode hi hai । baith karke dekho tum bachchon dvaara aise ko abhi aag lagvaate hain, koi lanka ko to nahin na, kehte hain is rudra gyaan yagya se, kiska yagya hai? in shaktiyon ka, jo baba ne sthaapan kiya hai । inse yeh jo vikaari bandaron ki duniya hai sabka vinaash karaay dete hai । dekho, kitni hai duniya, kitne bandar hain! 500 karod bandar hai, usmein bhi khaas bhaarat । aakhaani yaani yeh stori bhaarat ke oopar hai । jab bhi tum bhaarat ki stori bataao- bhaarat sukhdhaam, bhaarat duhkhadhaam aur ham rahne vaale hai shaatidhaam ke । itna bhi tum yaad karte raho aur sabko yahi bataate raho ki yeh to bhool gae ho ki bhaarat sukhdhaam tha । abhi tum jaante ho ki bhaarat duhkhadhaam hai । ham aatmaaen to shantidham ke rahne vaale hai । to aham aatmaaen sukhdhaam mein the । is shareer ke saath sukh bhogte the । aham aatmaaen jab raavan ka raajya aata hai to phir ham duhkh bhogte hain । phir baba aate hain to hamko duhkh se chhudaay phir shantidham mein le jaate hain । abhi ye to bilkul sahaj hai । bas, doosri baate sabhi bhool jaao । shaastro me kya likha hai, yeh kya hai, yeh to bahut hi likha hua hai, shaastron mein dher hai । jitne guru honge। guru kitne honge? karodo guru honge । vaastav mein bhaarat ke to sabhi purush guru hai, kyonki stri ka pati guru hai, eeshvar hai, phalaana hai । dekho, guru hi guru hai । vo bichaari kiski guru nahin hai । jab bhi shaadi ke samay hathiyaala ya egreemet karte hain to bolte hain ki yeh tumhaara guru hai, teacher hai, tumhaara sab kuchh yahi hai । ab to unka apna astitva khalaas kar diya । bhaarat mein kitne guru hue? sabhi guru ho gae na । abhi baba bolte hain ki nahin, ye maataaen sabki guru hai । main inko guru pad par le jaata hoon । in maataaon dvaara gyaan deta hoon । kalash maataao ke oopar rakhta hoon । gaaya bhi jaata hai na । kalash maataao ke oopar rakhta hoon phir asur aate hain । koi to asur aa karke achhi tarah se knowledge le karke, phir koi vakta mein jab unko maaya pakadti hai to asur ban jaate hain, bhasmaasur ban jaate hai ।. naam to hain na bhasmaasur yaani baap ka ban karke phir asur bante hain । apan ko phir bhasmeebhoot kar dete hain । kaise? phir kaam chita par baithkar jal marte hain । hota hai na barobar! sabhi dekhte ho ki yahaan anjaam karte hain- baba, abhi kaam chita par nahin baithenge । abhi bhasmaasur asur bhasma bana, asur bana । kyon? kaam chita par baitha । bhasmaasur kiska naam hai? jo kaam chita par baithte hai unke to anek naam hai । bhasmaasur akaasur bakaasur kas jaraasindhi dher ke dher naam hai । hai to is samay ke na । geeta ke samay ke hain । bhaagvat mein hai । baap baith karke achhi tarah se samjhaate hain ki bachche, abhi grihastha vyavhaar mein raho, dekhte hue ki barobar pati brahman nahin bana hai, ye shoodra hi hai, to bhi tumko tod nibhaana pade, nahin to jhagda bane । sirf purushaartha karna hai ki vikaar mein mat jaao । so to baba bahut hi yuktiyaan bata dete hain, parantu apni dil saaph chaahiye na । koi vikaar ke liye maare to prime-minister ko ya kisko bhi ek chitthi likh dena । are, kabhi-kabhi koi duhkhi hote hain to prime minister ko chitthiyaan bhi likhte hain । aage likhte the । abhi bhi tum magistrate ko chitthi likh do ya koi achha ho, chalo laal bahaadur shaastri ko hi likh do ya koi ko bhi ki yeh hamko maarte hain । magistrate ko likhna sabse achha hai । inspektar general oph pulis ko likhna sabse achha hai । ham pavitra rehti hai bhaarat ko pavitra banaane ke liye, kyonki patit hai । to ab baap kehte hai ki kaam shatru hai, unko jeeto । to ham pavitra banti hai bhaarat ko pavitra banaane । abhi yeh hamko maarta hai । iske liye aapke paas kya judgement hai? hamko kaise chhudaaenge? ab yeh likhne ke liye taakat chaahiye na, nashtomoha chaahiye । aise nahin ki likhna aur phir chhod karke tadaphna, kyonki maaya peechhe bahut tadphaaega । vo pati bhi bahut yaad aaenge jo maarte hain, kyonki pati ke oopar stri ka bahut moh hota hai । athaah moh hai, kyonki yeh baba anubhav bolte hai । koi pati baith karke stri ko khoob maarte hai, koi ne aakar unko chhudaaya, do thappad lagaaya, bujurga bhi hote hai na । peechhe vo stri jinko maara vo mutthi gaali aadi deti hai- are, hamaare pati ko maara । yeh baba ka anubhav hai, kyonki unmein bahut moh hai na । to tum kyon isko chhoda? baba sab anubhav ki baat sunaate hain । koi ke bachche maa ko maarte hain, jaakar unko do thappad lagaao, to bhi phitti hai mua ne aa karke mere bachche ko thappad lagaaya । are mutthi, tumko maarta tha, chhudaate the, phir tumko yeh kyon lagta hai! dekho, har baat me yeh baba anubhvi hai । pati stri ko maarte hai phir unko chhudaane ke liye jaao, unko lagaao do thappad । bujurga hoga so to zaroor chhudaaega na । lagaao thappad to peechhe phitti rahegi । dekho, moh hai na । yahaan bhi stri ko pati ke oopar aur bachchon ke oopar moh bahut hota hai । vo jaise bandari hoti hai । bandar ko itna moh nahin hota hai jitna bandariyon ko hota hai । tumne bandariyon ko dekha hai! bachcha marega to ekdam kabhi nahin chhodegi । vo mara pada hoga yaani murda hoga to usko uthaakar phirti rahegi, kyonki bahut bachchiyon ne to dekha nahin hai na । baaki baba samjhaate hain । jinhonne dekha hoga unko maaloom hai । mar jaaega baas aadi ho jaaegi, phir bhi usko latkaati phirti rahegi । to moh hua na । isliye kaha jaata hai bandari mein moh bahut hota hai । in sab puraani cheejon mein moh nahin rakhna hai! abhi to gaate aate hai, kehte aate hain ki mere to ek, phir doosra na koi । main us ek ke oopar balihaar jaaoongi, vaari jaaoongi । bhool to nahin gae ho? dekho, baap kehte hai main sunta aaya hoon । tum log aise bhaktimaarga mein janma by janma kehte aae ho, yaad karte aae ho ki aapke oopar balihaar jaaoongi aur aapke bigar mera doosra koi nahin । mera to girdhar gopaal । geeta mein bhagwan krishna ko daal diya hai । mera to girdhar gopaal doosra na koi, aise kehte hai, kyonki aaya tha koi vakta mein aur barobar unko aisa banaaya tha jaise abhi tum bana rahe ho । to is samay ka bhaktimaarga mein gaayan hota hai । vo gaati rehti hai, parantu vo girdhar gopaal to hai nahin aur shivbaaba tumhaare saamne baithe hue hai । abhi jab anjaam karte ho to baba rimaainda karaate hain ki bhaktimaarga mein tum aise-aise kehte aae ho । ab main jab aaya hoon tumko vaikuntha ka maalik banaane ke liye, phir tum meri mat par nahin chalte ho । phir ye baba kehte hain abhi sabse tumko vairaagya hai । tere par balihaar jaaoongi, doosra na koi । achha, abhi baba kehte hain mere ko yaad karo aur unse nashtomoha hoti jaao । jab talak rehna hai kahaan rahegi? jangal me to jaakar nahin rahengi । baba ke paas to itni jagah nahin hai jo sabko yahaan rakh saken । dekho, abhi kitne bachche hai, kahaan rahenge? rah sakte hai? bahut hi impossible hai, kyonki rehna bhi hai grihastha vyavhaar mein, apne ghar mein rehna hai । baba aise to nahin kehte hain ki yahaan aakar raho । haan, yahaan refresh hone ke liye bhale aao । centres mein refresh hoti rehti ho, phir bhi madhuban mein baap se direct refresh hone mein bahut maja aata hai । jaise ki ham baba ke paas, daada ke paas, mama ke paas baithe hai । abhi mama hai nahin, phir bhi photo rakh diya hai । nahin to photo murde ka rakhte hai । jab mar jaate hain to unka photo rakhte hain । mama to ji rahi hain na । tumko yaad bhi hai । to dekho, photo rakh dete hain । abhi jaante ho ki shivbaaba hai, brahma bhi to hai, maat-pita bhi to hai, mama bhi hai aur tum meethe bachche nambarvaar purushaartha anusaar ho । bachche kitne hai, dekho! yeh buddhi ki baat hai na ki zaroor prajaapita brahma to brahman bahut honge । ab ye brahman kab honge? gaaya jaata hai brahman devi-devtaay namah । yeh brahman khud gaate hain, par yeh kya hai, bas, bado se suna hua hai aur kehte aate hai । abhi tum brahman service karte ho, roohaani seva karte ho aur phir devta banenge । to dono ko namaste । usmein bhi jaasti namaste kinko karte hain? braahmanon ko । devtaaon ko bhi nahin karte hai, braahmanon ko karte hai । kyon? ye seva kar rahe hai na । ye hamko kaante se phool banaate hai । devtaaai thode hi kisko kaante se ..., devtaaen kaante se phool bane hue hain abhi । to phir mahima kiski hai? shivbaaba ki, jo kaante se phool banaate hai । to balihaari shivbaaba ki hui na । shivbaaba bhal nahin aave to kya ham-tum yahaan hote? nahin hote । to balihaari shivbaaba ki । baba kehte hain sabse mukhya hai jayanti shivbaaba ki, kyonki sabko aa karke jeeydaan dete hai । sabhi murde hue pade hain na । maaya raavan ne inko bilkul hi behosh kar diya hai ekdam । to dekho, baba aa karke hosh me laate hain । tum kitne hosh me aae ho? baba khud kehte hai ki dekho, main kitne hosh mein aaya hua hoon । kitna nasha tha apne us paai-paise ke javaahraat ke dhandhe ka । abhi ekdam bolte hain- are, yeh vyaapaar karna to theekriyon ka kaam tha । ...abhi to baap se maalaamaal ho rahe hain । nasha chadhta hai na ki ham baba se bhavishya 21 janma ke liye maalaamaal ho rahe hain । is duniya ke liye nahin । yeh bhi to jaante ho ki yeh mrityulok hai । ismen to ekdam kuchh bhi nahin hai । yeh to khatam ho jaana hai । mrityulok kya hai, amarlok kya hai, koi jaante nahin hai । amarlok jaane ke liye mrityulok mein amarnaath ko aana to pade na । to dekho, mrityulok mein amarnaath aaya hua hai na । shivbaaba usko kahenge na । to aaya hua hai tum bachchiyon ko, paarvatiyon ko yahaan amraktha suna rahe hain । tum sab paarvatiyo ho, ek paarvati thode hi hai । phir tum vahaan amarlok mein amar banti ho yaani vahaan marne ka naam hota hi nahin hai । yahaan to marne ka naam sunkar manushya ekdam darte hain । voriyarsa marne se darte nahin hain, vo mare pade hain । dekho, abhi ladaai mein jaaenge to vo darte hai? nahin । vo samajhte hain ham mare pade hai । jaaenge to marenge । maarenge ya marenge । vahaan aur koi dhandha karenge ? tumhaare mein bhi nambarvaar hai । nahin to buddhi mein to bilkul seedha baitha hua hai na । dekho, buddhi jaati hai oonche te ooncha barobar ham aatmaon ka nivaas sthaan, jahaan baba bhi rehte hain । achha, peechhe aao neeche, brahma vishnu shakar ki rachna । abhi yahaan aao, prajaapita brahma, jagtaamba jagat ki amba । koi poochhe kiske bachche hai? kahenge shivbaaba ke । inko varsa kahaan se milta hai? shivbaaba se । tum jaante ho mama-baba aur childran barobar ham varsa le rahe hain shivbaaba se kear brahma । baba kehte hain, main brahma dvaara , mainne aage bhi kaha hai na ki main saadhaaran boodhe tan mein pravesh karta hoon jabki unki vaanaprastha avastha hai । bahut janma ke ant ke janma ke bhi ant mein pravesh karta hoon । nahin to yahaan bhaarat mein vaanaprastha avastha itni kyon gaai jaati hai! aur barobar baba ki vaanaprastha avastha mein aaya hua bhi hai, jo chhudaaya hai । vaastav me vaanaprastha avastha me dhandhe-dhori chhod dete hai । to automatically baba ne chhudaaya । nahin to buddhi mein thode hi tha ki ham koi chhodenge । ham to vahaan kehte the ki ham to yahaan abhi makaan banaaenge, phalaana karenge । yeh to sabko rehti hai na । jitni kamaai utni kuchh na kuchh ganvaaya । dekh liya ki nahin, abhi to baba aaya hai, abhi to ham maalik ban rahe hain । vaah! ham vaikuntha ke maalik bante hain! koi ko aise baadshaahi mile to pagla ho jaave । jab badi race hoti hai na, phir unmein na। 10-20 laakh aate the । koi gareeb hota hai, kisko ticket aa jaati to jaldi nahin dete the । unko bilkul achhi tarah se dheere dheere, usko maar bhi dete the, phalaana bhi karte the, jismen vo chariya na ho jaave । achaanak kisko jaasti paisa aa jaave to chariya ho jaave, pagla ho jaave । yeh to dekho, ekdam baadshaahi hai । to ismen kitna gambheer, kitni samajh honi chaahiye । to dekho, baadshaahi milti hai, ab inko kya karenge! abhi to baba se baadshaahi leni hai aur tum bachchon ko buddhi mein hai ki barobar baadshaahi li thi । ham kalpa-kalpa baba se baadshaahi lete hai, phir ham raavan se haarte hain । ab ye to maaloom ho gaya na । koi badi lambi-chaudi baat to nahin hai na । saari stori, jo koi bhi nahin jaante hain, tumne jaani । yeh ho gai world ki history-geography ki stori । stori kisko kaha jaata hai? naatak ko । naatak hai na, buddhi me baitha । buddhi mein bilkul accurate baithta hai । baba tumhaari buddhi me abhi baitha rahe hai । barobar mool vatan se aate hai, sukshmavtan mein rehte hai, phir yahaan aae hai । dekho, abhi phir baba se baadshaahi le rahe hain । phir ham kaise gumaaenge! abhi brahman hain, peechhe devta banenge, phir kshatriy banenge, phir vaishya banenge, phir shoodra banenge । ekdam baajoli uthaati hai । ab is baajoli ka chitra ham kaise banaave jo manushya ko samjhaave । dekho, yeh gola hai । gola mein aise oopar mein choti hai, peechhe sir hai, peechhe pet । abhi taange to bahut lambi-chaudi hain, usko ham is gol chakkar mein aise lamba kaise banaaven? isliye kehte hain ki viraat swaroop banaao । viraat swaroop mein dikhlaate hain- devta kshatriy vaishya shoodra । choti nahin dikhlaate hai । brahman ka naam hi nahin hai । brahman ka naam nahin hai to brahma ka naam nahin, brahma ka naam nahin hai to phir shivbaaba ka naam nahin hai, baap ka bhi naam nahin hai । dekho, braahmanon ki choti nahin hai, sirf kehte hai- ye devtaaen ye kshatriy, ye vaishya, ye shoodra । viraat mein aise dikhlaate hain na, aur to kuchh dikhlaate nahin hain । choti hai nahin । shobhti nahin । phir choti ke oopar shivbaaba vo chitra hi nahin shobhta hai । isliye phir maala theek hai- yugal, pravrittimaarga shivbaaba aur ye baith karke vijaymaala banaate hain । abhi vijaymaala ban rahi hai na । buddhi mein hai na ki ham shivbaaba ko yaad karke vijay maala mein aaenge । yeh to common daudi hai । jaise school mein padhte hain । vahaan ek kila thonk diya, jo is thammale par pahle jaaenge aur yahaan aakar pahle pahunchenge, aise nahin ki thammale par pahle pahunchenge aur phir yahaan nahin aaai । thammale ko pahunch karke phir vaapas aa jaaenge । jo pahle aave । yeh bhi aise hi hai । pahle ham daudi padte hai, rudra baba ko haath laga karke phir pahle aakar gaddi par baith jaaenge । win tabhi hogi । samajhte ho na । barobar yeh school bhi to hai na, paathshaala bhi to hai, parantu ismen hain guhya baaten, gupta baaten । achha, abhi time poora ho gaya । baba itna hi time dete hain । baba ka kehna bhi hai ki thoda kam bolo, nahin to phir khushi mein tumhaara gala kharaab ho jaata hai । baba bachchon ko bhi kehte hain ki aao, koi bhi service leni hai, dil me koi baat ho to aa karke time le karke poonchh sakte ho । aise na ho ki koi kahe- ham baba se mile nahin, hamko baba se baat karni thi । bhale vaastav mein baat to koi karne ki hoti nahin hai, kyonki baba kehte hain- manmana bhav, baba ko yaad karo । mantra to mere ko achha mil gaya । baaki achha, ham grihastha vyavhaar mein rehte hai, bahut kuchh mein moonjhate hai, atak karte hai ki yeh karen ya na karen to ye bhale poonchho । inmen tumhaara kalyaan hai, nahin to koi vikarma kar denge । jo bali chadhe hai unke liye । bali chadhe hai, unke oopar jaapta rehta hai ki ye kaise bali chadhe hain । aise nahin ki trasteepna unka hai, koi paap ke khaate me paisa de deven, bichaare ke oopar paap chadh jaaega aur phir trustee ho karke paisa bhi un se bigar poochhe nahin uthaana hai । to pahle se hi bata dete hai ki grihastha vyavhaar mein so to bhale karo, parantu kuchh karna hai, koi aisi baat ho to poonchhana । aise na ho kisko de do to usse paap ho jaave, kyonki baap samjhaate hai- jab se yeh maaya shuru hoti hai, jo kuchh bhi len-den hota hai unmein paap hi hota hai । guru ko do to bhi paap, phakeer ko do to bhi paap, phalaane ko do to bhi paap । kaayda hota hai ki jab bhi daan kiya jaata hai to paatra ko diya jaana chaahiye । kupaatra ko diya to vo kupaatra kupoot jo paap karenge, tumhaare sir par baithega । vo hai had ki baat, yeh hai behad ki baat । isliye warning dete hain । baaki karo, baba aise nahin kahege ki mujhe do । shivbaaba aise kahenge! kyoki daata hai na । vo to bolenge ki khabardaar hokar raho, kahi tumhaare se phir vikarma na ho, nahin to nuksaan tumko hi pahunch jaaega । samjha na! sab paisa apne paas hi rakho । tumko daan karna hai to mere se direction lo । jaao meethe bachche, ja karke teen pair prithvi par, chaahe chaar pair prithvi par, paanch pair prithvi par ek hospital, college aur university nikaalo । bas, usme likh do- second mein jeevanmukti, second mein vishwa ki baadshaahi । bahno aur bhaaiyo! aa karke second mein vishwa ki baadshaahi ka raasta lo, ham bataaenge । koi bhi aave to bolo- are! tumne suna nahin hai! dekho, baap ka bachcha janma liya aur had ka baadshaah ban gaya । abhi tum baba ko janma lo, ham usko janma liye hai, kyonki ham jaante hain ki baba kehte hain- mujhe yaad karo, vishwa ka maalik bano । dekho, second ki baadshaahi hai na aur phir unki mat par chalo । vikaar mein nahin jaana padega, yeh nahin karna padega, baat to theek hai । second bhi gasha thode hi koi ne lagaaya hai । sanyaasiyon ko bahut kehte hai- grihastha vyavhaar mein rahkar hamko jeevanmukti chaahiye jaise janak ko mili । yeh misaal bahut dete hai ki hamko aise chaahiye । ab vo moorkha aise to samajhte nahin hai ki sanyaasi kaise dege jinhonne ghar-baar chhoda hai । vo to dene vaala ek hai, doosra na koi, jo tum bachchon ko de rahe hai । sahaj baat hai na । toli le aao । tumhaari buddhi mein shuru se le karke pichhaadi tak zaroor hona chaahiye ki drama kaisa chalta hai । saara din hona chaahiye । actors ho na । actor ko saare naatak ka buddhi mein zaroor hoga । bhale unka part kaun-sa bhi hai, bilkul halke mein halka part hai to bhi buddhi mein vo drama zaroor hoga । taise tumko bhi buddhi mein saara drama rakhna padta hai ।.. jo jaasti rakhta hai, jaasti svadarshan-chakra phiraata hai, vo samjha bhi sakta hai । ''meethe-meethe, laadle''- dekho, kaun kehta hai, yeh pakka yaad rakho ki shivbaaba kehte hain bachchon ko । kaun-se bachche? aatmaaen, jo apne organs se sunte hai । baba bhi aa karke loan le karke organs se । aajkal jo bail banaate hai, unko jyotirlingam yahaan dete hai । tum logon ne kabhi dekha hai? yahi jyotirlingam hai । shiv ke mandir mein bail rakhte hain to vo samajhte hai- shiv ki savaari । abhi shiv nahin kehte hain, shankar ki । shiv ki to savaari ho nahin sakti hai । manushya koi bail ke oopar baith sakenge । to dekho, ye kuchh samajhte to hai nahin । to aajkal shiv ko bhi yahaan de dete hai ki bail par savaari thi । ab bail par thi ya manushya par thi? nandeegan par thi ya bhaageerath par thi? do akshar hai- ek nandeegan phir bhaageerath । ab bhaageerath arthaat bhaagyashaali rath to yeh thahra । yaani makaan shivbaaba ko loan lena ye kya samajhte ho? yeh bhaageerath thahra na । abhi bail ya yeh? dekho, itni samajh nahin aati hai । shiv ke mandir ke saamne bail khada kar dete hai, so bhi janaavar, kyonki samajh mein koi ko aata nahin hai । abhi dekhte ho, bhaagyashaali rath hai na aur barobar yahaan hi bhrikuti ke beech me nivaas karta hai । abhi itna bada to nahin hai । to ye bhi samajhne ki aur samjhaane ki sookshm baaten hain । bahut nasha chaahiye । shivbaaba gyaan saagar ke bachche ho । saara buddhi mein baithna hai jo ekdam phirta rahe । saara drama, mukhya actors । chhote actors to nahin bataae jaaenge na । chhota naatak hoga to sabko actors ka naam bhi maaloom rehta । kitne hoge? 50-60-70 actors honge । jo chaitanya naatak hote hai unmein koi jaasti actors nahin hote hai । yahaan to dekho kitne actors hai! abhi sabki biography thode hi samjhenge । mukhya principal vo jaan gae barobar baba, brahma vishnu, shankar, jagdamba aur phir vahi lakshmi-naaraayan sooryavanshi-chandravanshi, aur koi chitra hi nahin hai । nahin to chitra to dekho athaah hain- gadhe ki seesi, suar ki seesi, hanumaan ki seesi, phalaane ki seesi, bahut hain । ek jagdamba nahin hai, par hajaaro jagdamba kar diya hai । hai to ek na । jagat amba ek honi chaahiye na । jagtaamba 2-3-4 to nahin hogi na । agar 2-3-4 kahen to jagatpita ko 2,4,5 beebi ban jaave । vo bhi to nahin banta hai । achha! meethe-meethe bachchon prati dil va jaan, sik va prem se yaadapyaar aur good morning ।