Sakar murli du vendredi 4 juin 1965 - 1

> >

04-06-1965 madhuban aabu praatah murli saakaar baba om shanti madhuban

helo, svadarshan chakradhaari brahman kul bhooshno ko ham madhuban nivaasiyon ki namaste, aaj shukravaar joon ki 4 taarikh hai। praatah class mein baapdaada ki murli sunte hain।

record:-

chhod bhi de aakaash sinhaasan…

omshaati ।

baap baith karke bachchon ko samjhaate hain । isko kaha jaata hai behad roohaani baap । behad roohaani baap so to sabhi aatmaon ke hain । sabhi aatmaaen roop zaroor badalti hai । karmakshetra par part bajaane niraakaar se saakaar mein aati hain । bachche kehte hain ki aap bhi hamaare muaaphik roop badal do । saakaar roop dhaaran karke hi to gyaan denge na । to kisko pukaarte hai? parampita ko ki abhi aap bhi roop badlo । to koi bail ka roop to nahin badlenge, janaavron ka roop to nahin badlenge । manushyon ko hi sunaana hai to manushya ka roop badlenge, jaise bachche badalte hai । bachche bhi jaante hain ki ham niraakaar hain aur phir saakaar bante hai । hai bhi barobar, vo niraakaari duniya, yeh hai saakaari duniya । to zaroor roop bhi aise hi badlenge, manushya banenge । manushya ke tan mein aaenge । khud bhi kehte hai ki jaise tum aatmaaen garbha mein aate ho aur pahle chhota saakaar tan dhaaran karte ho । main aise nahin.. .main koi ke garbha mein nahin jaata hoon । main ek saadhaaran tan mein aata hoon aur aa karke unki jeevan kahaani bataata hoon । jiske shareer mein aaenge uski jeevan kahaani bataaenge aur kahenge ki tum apne 84 janma ki jeevan kahaani ko nahin jaante ho, koi ek jeevan ki nahin । to jo nahin jaante hai main unmein hi baith karke abhi samjha raha hoon । nahin to parampita paramatma bhi to niraakaar roop hai, vo aa karke sunaaven kaise? zaroor shareer dhaaran karna hi pade aur shareer bhi bujurga ka dhaaran karna pade । .bujurga ke shareer se hi achhi tarah se samjha sakenge । koi bachche ke shareer se to nahin samjhaaenge । isse siddha hota hai ki krishna to hai satayug ka shahjaada, vo to paavan hai । inko patit duniya mein, patit shareer mein aana hai । jo krishna gora tha so saanvara ho gaya, jisko kaha jaata hai kaala ho gaya । kaala kaise hua?, manushya to jaante nahin hai । vo to kah dete hai ki sarpa ne dasa । abhi sanyaasi barobar maataaon ko kehte hai ki ye sarpiniyaan hai । samjha na । dasa hoga to zaroor vikaar mein gaya hoga, vaammaarga mein gaya hoga to saanvara ban gaya hoga, aise kahenge । abhi main to koi saanvara ya gora banne vaala nahin hoon । saanvara aur gora inko kaha jaata hai, shyaam-sundar inko kaha jaata hai । abhi ye to samajhne ki achhi baat hai na । mera to shareer hi nahin hai jo saanvara aur gora bane aur na main patit banta hoon na phir paavan banta hoon । main ever paavan hoon । abhi vo khud aa karke bachchon ko apna parichay dete hai aur phir samjhaate hai ki main kalpa-kalpa kalpa ke sangam par aata hoon tab jabki kalhayug ka ant aur satayug ki aadi hoti hai, kyonki mujhe aa karke phir sukhdhaam sthaapan karna hai arthaat svarga sthaapan karna hai । svarga ka doosra naam hai hi sukhdhaam । kyon? phir kalhayug hai duhkhadhaam । abhi manushya ka to yeh kaarya hai nahin, kyonki is samay mein sabhi manushya maatra patit hain aur sab apan ko patit aur bhrashtaachaari to kehte hi hai । dekho, kehte hain na government mein bhrashtaachaar hai to barobar government bhrashtaachaari ho gai na । aise to nahin kahenge ki satayug ke shri lakshmi-naaraayan mahaaraaja-mahaaraani ki government mein koi bhrashtaachaar ya patit hai । kabhi koi kahenge? kabhi nahin koi kahenge । is samay mein sabhi kehte hai । agar unko samjhaaya jaae ki barobar yahaan to sab patit hai । achha, abhi bataao ki bhaarat jab svarga tha, devi-devtaaon ka raajya tha aur ek hi raajya tha, ek hi dharma tha tab kya tha? paavan bhi the, kaha hi jaata hai- sampoorn paavan aur bahut shreshtha, jinki phir pooja hoti hai । pooja kaun karte hai? bhrashta hi shreshtha ki pooja karte hai । dekho, sanyaasi pavitra bante hain to apvitra unko mattha tekte hai । follow to nahin karte hain na । sanyaasiyon ko koi bhi grihasthi taddu follow nahin karte hai । vo apne grihastha mein hi rehte hai, sirf kah dete hai ki main phalaane sanyaasi ka follower hoon । ab yeh bhi to jhooth hua na । follower maana hi jabki tum unke chalan ko follow karo । vo to sanyaasi ban jaate hai । hi, jab tum bhi sanyaasi ban jaao tab sanyaasiyon ka jo sanyaasi hai vo kahenge ki hi, ye sanyaas ke followers hai yaani vo vikaari hai । vikaaron ka sanyaas kiya hai । abhi jo grihasthi tadtu followers bante hai, vo pavitra to bante hi nahin hai । phir na unko vo kehte hai, na ye samajhte hain ki ham to follow karte hi nahin hain । guru bhi samajhte hai ki ye to sanyaas karte hi nahin hain, phir hamaare follower kaise hue? to hamaare tabhi kya hai? follow to nahin hue na । yahaan to vo baat nahin hai । yahaan to maat-pita ko poora follow karna hai । gaaya jaata hai- follow mother and father । yeh jaante ho ki mother and father baap ko yaad karte hai.. baap ka pharmaan maante hai ki abhi aur sang yaani sabhi dehdhaariyon ka(se) buddhi ka yog tod, mujh apne baap ke saath jodo to phir baap ke paas arthaat muktidhaam mein pahunch bhi jaaenge, phir tum jo pahle se hi olraaundar ho, satayug mein aane vaale, so phir satayug mein chale jaaenge । dekho, ye olraaundar 84 janma koi to lete honge na- shuru se and, phir and se hi shuru । ab yeh tum bachche samajhte ho ki ham olraaunda hamaara part shuru se ant tak chalta hai । doosre dharma vaalon ka part shuru se ant tak to chalta hi nahin hai । sirf aadi sanaatan devi-devta dharma ka, so bhi shuru se kahen to barobar sooryavanshi hi kahenge । tum jaan to gae ki abhi ham 84 janma ka olraaunda chakkar lagaate hai । yeh samajhte ho ki barobar jo dharma vaale peechhe aate hain vo to itna achha olraaundar nahin hain । yeh bhi to samajh ki baat hai na । yeh sivaay baap ke aur to koi nahin samjhaave । olraaundarsa hai hi nahin । ya koi bhi doosre dharma vaale, islaami kaho, bauddhi kaho, vo 84 janma lete honge? shuru mein aate hain? nahin aate hain, vo peechhe aate hai । gaaya bhi jaata hai ki pahle- pahle aadi sanaatan deityism so bhi aadhaakalpa । dekho, ek dharma ko aadhaakalpa mila hua hai- sooryavanshi aur chandravanshi । yeh jo braahyan dharma hai, yeh chhota hai, thoda time chalta hai, kyonki komfluensa yug hai । komfluensa yug hamesha thoda chhota hota hai । us chhote komfluensa. .abhi isko hi sangam bhi kaha jaata hai aur kumbha bhi kaha jaata hai । abhi yeh hua sachcha- sachcha kumma jiska sirf tum bachchon ko maaloom hai ki sangam hai aur doosra koi nahin jaante hai । yeh to nishchay ki baat hui na । achha, ye kaun bataate hain? yeh to baap bataaenge, aur to koi nahin bataaenge । manushya, manushya ko to nahin bataate hai । yeh to baap bataaenge, kyonki knowledgeful baap hai । inheritensa baap se milta hai । yaad baap ko karte hai । he baba! abhi is duniya mein duhkh hai, aao, aay patit ko paavan banaao । duhkh hai na । yeh duhkhadhaam hai । sab duhkhi hain । dekho, bhatakte rehte hain । baap se milne ke liye kahaan dhakka khaate hain, kahin jap tap teertha anek guru karte hai, kitne teertha ghoomte hai । phaayda to kuchh bhi hota hi nahin hai । abhi to tum jaante ho ki yeh bhatakna chhootne ka hai । satayug mein to koi teertha yaatra nahin hoti hai । vo bhaktikaanda, vo gyaankaanda । vo bhaktimaarga aadhaakalpa vo gyaanmaarga,. । to is samay mein tum bachchon ko is puraani duniya se vairaagya dilaate hai, kyonki gaaya jaata hai- gyaan theek din, bhakti phir raat । phir baap kya kehte hain? yeh jo saari patit duniya hai, unse vairaagya dilaate hain । yeh hua behad ka vairaagya aur phir vo sanyaasiyon ka hai had ka vairaagya । hartha and hom yaani apne ghar se chhoot karke phir bhi isi duniya mein jangalon mein rehte hai । tumhaara to aisa sanyaas nahin hai na । tumhaara to is saari puraani duniya se vairaagya hai, kyonki yeh chhoot jaane vaali hai । yeh saari duniya vinaash ko.. .yeh kabristaan hone vaali hai । abhi is samay mein kabristaan hai, uske oopar paristaan banega । paristaan tha, phir vo kabristaan bana । phir ye khel hua na- kabristaan phir paristaan । to paristaan kaun sthaapan karte hain? baap karte hai, jisko yaad karte rehte hai । raavan ko to koi yaad nahin karte hai na । baap ko yaad karte hai । jab raavan raajya hota hai to raam ko yaad karte hain । jab hai hi raam raajya to raavan ko yaad thode hi karenge । nahin, peechhe automatically hi raavan raajya aa jaata hai । drama anusaar bani-banaai । to yeh sabhi buddhi se samajhne ki baat hai । ismen pahle- pahle ye samajhna hai । jab ye samajh jaaenge to sab sanshay mit jaaenge । jab talak baap ko na pahchaana hai tab talak sanshay buddhi hi rahenge । kaha jaata hai nishchay buddhi vijayanti yaani nishchay hone se ki hi, barobar ham sabka baap vo hai aur vahi hamko behad ka varsa de sakte hain, nishchay se vijay maala mein pirote hai । abhi ek-ek akshar se ek second mein nishchay kar dena chaahiye । ' 'baba' '.. .to nishchay hua na । aise to 'baba' sabko kehte rehte hai । bahut manushyon ko baba- baba kehte hain- saai baba, phalaana baba, parantu nahin, vo koi sabke baap... aur baap to niraakaar ko kahenge, saakaar ko thode hi kahenge । abhi niraakaar ka question hai । saakaar mein to.. .gaandhi ji ko sab bhaarat ka baapu ji kehte the । achha, bhaarat ka baapu ji, par yahaan to world ka baapooji chaahiye na । abhi world ka baapu ji to hai hi god father । world god father ka arth kya hua? duniya ka baapu ji, baap । to world ka god father, yeh to bahut bada hua na । to zaroor us world ke god father se world ki baadshaahi milti hai, kyonki sthaapna vahi karte hain । kehte hai na- baba brahma dvaara sthaapna karte hain । kahaan ki? raajdhaani ki, svaraajya ki । kaun-sa svaraajya? vishwa ka svaraajya । abhi tum jaan gae ki barobar ham vishwa ke maalik the । ham so devi-devta the । peechhe chandravanshi bane, vaishyavshi bane, shoodravshi bane, abhi phir brahman vanshi... । dekho, tum bachchon ko olraaunda milta hai na । abhi doosra to koi bhi in baaton ko nahin samajhte hain । phir baap kah bhi dete hai ki mere is gyaan yagya mein vipna bahut padenge । isko kaha hi jaata hai- rudra gyaan yagya । yeh bhi phir bata dete hain ki koi yagya rachte hain to aise to nahin kahenge ki vinaash hoga । vo to bolenge shanti hogi, uske liye ham yagya rachte hain । ye phir kehte hain- is rudra gyaan yagya se yeh vinaash jvaala prajvalit hui hai, honi hai । hui thi, ab honi hai । barobar yeh to zaroor kahenge na । sanyaasi bhi kehte hain ki brahmaakumaariyon ka gyaan vinaash laaega । vo kehte hai ham shanti ka purushaartha karte hai, ye kehte hai ki is rudra gyaan yagya se... । kahenge na- brahmaakumaariya kehti hain yeh jo rudra gyaan yagya racha gaya hai, inse ye vinaash jvaala niklegi aur sabhi bhasma ho jaaenge । bas, khatam ho jaaenge aur phir devi-devtaaon ki sthaapna ho jaaegi, ham so devi-devta banenge । ab yeh to ye kehti hai na! to vo kehte to sach hai ki inho ke kaaran yeh duniya vinaash hogi, kyonki vo samajhte hai ki ye sab jhooth kehti hain aur tum phir kehte ho, nahin, vo jhooth kehte hai । barobar aasuri sampradaay to jhooth hi jhooth aur eeshvareey sampradaay to sach hi sach, kyonki tumko samjhaane vaala to baap hai, jisko troodh hi kaha jaata hai । vo sach bolte hain । nar se naaraayan ki sachchi katha, satya katha bataate hain । abhi vahaan to koi nar se naaraayan nahin banega । janma-janma satyanaaraayan ki itni kathaaen sunte aae hai । kehte hain yeh praacheen katha hai, parampara se chali aai hui hai । satyanaaraayan ki katha to yeh hai, yeh parampara se to nahin chalti hai । yahaan nar se naaraayan bane aur unko phir 84 janma le karke tamopradhaan banna hi hai yaani asur banna hi hai, bhrashtaachaari banna hi hai । abhi bachche to samajh gae ki ham barobar 84 janma... । baap aaya hua hai, samjhaate hai ki tumne abhi 84 janma poora kiya hai । ab phir se nai duniya mein tumhaara raajya hoga । iske liye yeh raajayog ka gyaan hai । jaise barrister yog । kiske saath yog? unhonne likh diya hai krishna ke saath ki krishna bhagvaanuvaach । abhi wrong ho gaya । barrister yog, to barrister se hi yog lagega, jinmen bairistari ki hi knowledge hogi । sahaj raajayog ki knowledge to sirf parampita paramatma mein hai, jisko hi bhaarat ka praacheen raajayog kaha jaata hai ।.. .aage barobar kalhayug tha, unko satayug banaaya tha aur barobar vinaash bhi hua tha । ab phir vinaash... । vinaash ki to baaten dekhte ho ki barobar hai । mooslon ki hi baat hai । moosal phir to kabhi nahin nikalte hain na । satayug-treta mein to koi ladaai hoti nahin hai, peechhe shuru hoti hai । pahle to mukkon se hogi, phir baanon se hogi, phir talvaaron se hogi, phir bandookon se hogi, phir topon se hogi, abhi to mooslon se last । ladaai ka bhi to aise hota hai na । aage to aapas mein ladte bhi the aur phir talvaaron se bhi ladte the । phir bandook baaji chali, peechhe topbaaji chali, abhi to bokhsa baaji । ye ant ho gaya । bas, phir koi ladaai nahin lagegi । nahin to saari duniya ka vinaash kaise ho? unke saath phir natural calamities mooslaadhaar barsaat, phaimin- isko kaha jaata hai natural calamities । abhi samjho, earthquake hoti hai । bhale insurance to bahuton ka hota hai । par isko kaha jaata hai god fatherly natural calamities । usmein ham log kya kar sakte hai? achha, vo to bhale had ki hove to thoda-thoda nuksaan bhar dene । abhi jo natural kelemiteej hongi usmein kitne ka inshayorensa hoga? kaun denge? koi denge? bahut insurance karte hi hai । abhi jab vinaash hoga, itna nuksaan, itna sab kaun ... । sabhi mar hi jaaenge, kisko insurance milega hi nahin, kyonki abhi baap ke paas insure karna hai, jisse mil sakta hai । abhi indayorensa karke tum inrayor karte ho । yeh to jaante ho ki paai-paisa... । baap ne samjhaaya hai ki inshayorensa to bhaktimaarga mein bhi karte hai, par vo hai alpakaal kshanbhangur return aur yeh hai direct । insure karna hi hai । agar koi sab insure kar dega to unko baadshaahi mil jaati hai! baba khud kehte hai jo bhi mere paas tha, mainne sab... aur koi ko bhi nahin diya । mainne apan ko baba ke paas full inrayor kar diya । to dekho, full inshayor kiya to full baadshaahi... । to ismen.. insure karke phir moonjhana nahin hota hai । insurance karke phir bhaag to nahin jaana hai na, unka hi rehna hota hai ।.. .yeh bhi insurance hai । bhaktimaarga mein bhi sab koi insurance karte hain । vo bhi insure karte hain, phir eeshvar arth daan-punya karte hai to phir doosre janma mein achha janma... । jo bahut-bahut daan karte hai to raajaai janma... kyonki jaise-jaise jo karma karta hai unka.... । abhi yeh hai inshayorensa magnate । bas, inki insurance- kaudi do, do mutthi chaaval do aur bhavishya mein 21 janma ke liye mahal lo । isko kaha jaata hai inshayorensa magnate । phir samjhaate bhi hain, yoon to tumhaara sab kuchh khatam hi hona hai, phir tumko kaun insurance bhar kar dega! koi hoga hi nahin to tumko insurance kahaan se milega! koi milega? kyonki yeh duniya hi khatam ho jaati hai । nai duniya ko amarlok kaha jaata hai aur yeh hai mrityulok । ismen sabhi khatam ho jaane vaale hai । kinki dabi rahegi dhool mein, kinki raaja khaay, kinki chor... aise gaate hain । dekho, loot bhi kitni hoti hai! jab koi bhi aaphat aati hai to chor loot bahut machaate hai । kahi bhi kuchh aaphat hogi to chor logon ko bahut lagta hai, daaka bahut lagaate hain । aag bhi lagegi to.. .vo chori karne lag padenge । choron ki buddhi mein hi chori । unka dhandha hi yeh hai । chor jo hoga, unki buddhi mein invention chalti rahegi ki kaise main kahin daaka lagaaoon, kaise main kahin kisko loot-! vo bahut yuktiyaan rachte hain । aisi badi badi yuktiyaan rachte hai । tumne suna tha, aagaakhaan ki stri vilaayat mein gai thi, to choron ne vahaan jaakar pakda । kisko chhodte thode hi hai । aajkal to dekho kaise chori hoti hai! daaka kaise lagaate hai! bade-bade London jaise shahar mein, motor mein yeh gaya, saamaan nikaala, jvelri nikaali, daala aur yeh bhaage । daaka lagaate rehte hai na । abhi to pichhaadi hai । kinki dabi rahegi, kinki raaja khaay, kinki chor. .kinki aag lagegi, kinki dab jaaegi । barobar yeh samay hai na! yahi samay gaaya jaata hai । ab kya karna chaahiye? abhi baap ko yaad karo aur unko madad karo । madad koi gaandhi ke muaaphik nahin । gaandhi ko madad karte the na । are, rail mein baithe rehte the, khaali baahar mein aise karte the.. unmein kitna daal dete the । inke yeh raajya lene mein va is sthaapna karne mein... । congress raajya yaani kaurav raajya, kyonki raajaai raajya chala gaya, phir praja ka praja par yaani ye panchaayti raajya sthaapan karne mein kitne mare, kitna kharcha hua, karodon kharcha hua, laakhon-karodon mare, jel mein gae, kitna duhkh dekha । achha, phir kya hua? raam raajya sthaapan hua? are, baat mat poochho । yeh to aur hi raavan raajya, raakshas raajya ho gaya । dekho, inka empi. ek kriplaani hai na, vo to likhta tha- yeh koi raam raajya thode hi hai jo baapu ji ne sthaapan kiya hai, yeh to raakshas raajya sthaapan kiya hai । abhi unko koi kah sakte hai? yeh right bolte hain na । ye barobar aur hi jaasti duhkhi ho gae hai, kyonki raamraajya to baap sthaapan karenge na । manushya thode hi raamraajya ya svarga sthaapan kar sakte hai । narkavaasi koi svarga thode hi sthaapan kar sakte hain । is samay mein sabhi narkavaasi hai na, patit hain । patit manushya koi paavan ... thode hi sthaapan karenge । yeh to baap ka kaam hai na । dekho, bolte hain ki baba, vo mahtatva jahaan aatmaaen rehti hai, aap bhi vahaan se aao । aakaash nahin kehte hai । jaise ham garam mein aae hue hai, aap aao aur aa karke jaise apna roop dharte ho, aakar dharo । to bolte hain ki mainne abhi yeh roop dhara hai । main abhi jo niraakaar hoon so saakaar mein aaya hua hoon parantu aise nahin ki main ismen hamesha rah sakta hoon । savaari hoti hai, to savaari koi saara din aur raat thode hi karte hain । yeh inki savaari dikhlaate hain, bail ki savaari । nadeegan bhi kehte hai to bhaageerath bhi kehte hain । bhaagyashaali rath to manushya dikhlaate hai । abhi yeh right ya vo right? bail par kaise aaenge? bail ka akshar kyon aaya? yeh gaooshaala hai, vo to bail dikhla dete hai । barobar kahin-kahin phir gau ko bhi dikhla dete hain ki gau se amrit... । gajmukh suna hai na । abhi bail par savaari aur gajmukh se maataaon ko yeh knowledge dete hai aur unke mukh se yeh amrit yaani gyaan nikalta hai । arth to hai na । vo bail bhi dikhlaate hai, gau bhi dikhlaate hain । gaoomukh yahaan bhi hai । gajmukh ek mandir hai jahaan bahut jaate hai, par badi seedhi hai, jo aise-aise nahin ja sakenge aur chadh sakenge । main samajhta hoon ki koi 400 ya 700 stepsa hai । 700 stepsa । ham log gae hai, dekh karke aae hain । abhi kaun bichaara jaaega! to bhi naam jo sunte hai ki vahi gaoomukh hai, mandir hai । vahi gau ke mukh se amrit tapakta hai । so ja karke peena hai । dekho, mahima kaisi karte hain! ...jab bichaare utarne lag padte hai to vo bichaare bolte hai ki kahaan aa gae hain । unko aise to nahin bolte hain ki 700 stepsa hain । vo ek gaoomukh ka mandir hai, chalo jaao bhaai । peechhe aise kar-karke jaate hai, bichaaron ko ... taago mein darda pad jaata hai । 700 stepsa chadhna koi maasi ka ghar hai kya? abhi vahaan kya ... jaate hain? bas, vahaan gau ke mukh se ganga ... । vo ganga yahaan kahaan se aai? yeh pahaad se to paani... । kuen mein paani kahaan se aata hai? pahaad se aata hai । bada-- to gaoomukh yeh hai ... kyonki pahaad ke chashme hai । vo bhi aise gau ka mukh bana dete hai । dekhe hue hain । jaise patthar ka hota hai aur unmein se vo paani... । bas, prem se... । vo samajhte hai ki gaoomukh se amrit nikalta hai । ab itni mehnat karke gae, dakshina di, unko yeh kiya aur mehnat ki । hai kuchh bhi nahin । duhkhi hone ke kitne gapode hain । kitna door door teerthon par jaate hain । abhi amarnaath jaate hai । dekho, mehnat karke jaate hain aur takleeph hai jaane mein । kahaan-kahaan aisi pahaadiyaan aati hai jo barpha hai aur uske oopar se chalna padta hai । thoda brod hai zaroor । pair sarak jaae to neeche chale jaaen । vahaan sabhi thagi hai । vahaan shankar ne paarvati ko katha sunaai । shankar ko dikhlaate bhi hain sookshm vatan mein । abhi yeh sthoolavtan mein thode se mile oopar mein pahaad. । achha, agar dikhlaana hai to evresta ki choti par to dikhlaao । yahi baaju mein.... are bhaai, yahaan paarvati ko katha sunaai । paarvati ki kyon durgati ho gai thi jo unko gyaan ki katha sunaate hai? kuchh bhi samajh nahin । baap aakar samjhaate hain ki dekho, kitne besmajh ban gae hain । yeh raavan kitna besmajh banaate hain aur bade--0 besmajh । presidenta raadhaakrishnan phalaana bhi vahaan teertha yaatra karne chale jaate hain, samajh kuchh nahin hai । amarnaath aur paarvati yahaan ho kaise sakte hain jo katha sunaai aur unko katha kyon sunaai? katha to tum sunte ho sadgati ke liye । mutthi paarvati ki kya durgati hui? so bhi vahi paarvati dikhlaate hain aur hai kuchh bhi nahin । jaao vahaan, gapode maarte hi rehte hain ki ling nikalta hai ।...... vahaan ling nikalta hai, unki phir shiv aur paarvati pooja karte hain । kehte hain shiv-shankar, phir vahaan hi kehte hain ki shankar ne paarvati ko katha sunaai । phir vo ling ko shiv-shankar bhi kah dete hain । vahaan ling hai bhi nahin ।.... .yeh jo bolte hain, samajhte hain ki poornamaasi hoti hai phir aape hi barpha ka ek ling ban jaata hai । to yeh vandar dekhne ke liye hi baba gaya ki dekhen, yeh kaise ho sakta hai! barpha se aape hi ling ban jaae aur kab talak rahega! vo to gal jaaega । phir kya hoga! kyonki gal to jaaega na । agar niklega bhi ya banega bhi.. .to jaakar dekhen ki kya hai! baba ne katha sunaai thi ki unse poochha, kyonki gae the jaise koi officer jaate hain, kyonki baba samajhte the ki abhi aise na jaaenge to ye sanyaasi aur phalaana hamko gid- gid karne lag padenge । phir baba to ekdam samjhaaya tha ki ghode ke oopar hi chadhta raha । sanyaasiyon ne bahut maara । bas, unko bola.. .bakbak nahin karo । vo chup ekdam baith gae, vo samjhe yeh koi bada kamishnar hai ya koi governor hai aur main ghode par hi chadh gaya । jab vahaan tha, vahaan bhi to barpha thi । bachche-- the, abhi unko barpha mein kaise utaaren । to bola saahab-saahban । chup raho, ullu! tum pahchaante nahin ho ki ye kaun hain! bas vo bichaara pujaari bhi is bachche jitna chhokra tha । yeh bachcha hai na, itna vahaan chhokra tha, kyonki baba ko gyaan ka thoda nasha chadha hua tha । are, kahaan hai vo shiv ka ling? baat hi aise kehte the jo koi.... । saahab-saahab, shiv ka ling yeh ham barpha ka bana rahe hain... । to vo kya karte the, vahi khod karke aisa ling banaate the । barpha bhi neeche, ling koi aise nahin tha । dekho, yeh shiv ho gaya । achha, phir shankar kahaan hai? bola, saahab, yahi to shivshankar hai na । achha, paarvati kahaan hai? dekho, barpha mein baith karke yeh paarvati banaaya hai । vahi haar-vaar sab lagaakar baith gaya । bola, yeh hai shiv-paarvati । achha, vo jo parrot the.. .? parrot nahin hai, kabootar hai । are, kabootar to peejan hua । padhaaya jaata hai parrot ko । dekha ki barobar do tote the, vo us samay mein bhi ude, bole, ye hain । vandar khaaya ki kahaan shankar, kahaan paarvati, kahaan sunne vaale phir tote bhi, kahi shiv aur itne sab presidenta, sanyaasi, bade-bade. aadmi aate hain, vo us chhokre pujaari ko aa karke naman karte hain! kyonki amarnaath ka mela lagta hai, peechhe bahut dher jaate hain । baba unke do roj aage chala gaya । samajhte the ki phir bheed hogi, gand ho jaaega । baba jab lauta to raaste mein yeh mili । pahle se ho karke aae । kachda bahut ho jaata hai । to dekhe bahut bade-bade aadmi... । suna to zaroor tha । saahukaar dekh karke aae । are, yeh kitni jhooth । jhooth hi jhooth, pooja kare aur kitna paisa ikattha aave । are, kitne paise aate hain? saahab, aajkal itna paisa hota hai । kaun-kaun baantate hain? bas, vo bichaara saahab-saahab hi karne laga । main tha to deshi । haan topla-vopla blichis padi hui thi । to saahab hi kahenge aur kya kahenge! saahab! chaar hissa hota hai, ek hissa government leti hai, ek hissa pande lete hain, ek hissa ye musalmaan lete hain, ek hissa pujaariyon ko baantate hain । aise chaar hissa mil karke baantate hain । are, tum log kahaan se aae ho? saahab! ham neeche phalaani jagah mein naukri karte hain । are tankha kitni milti hai? 30 rupaya । 30 rupaya vaala vo brahman oopar mein magaae karke aur unko ye sab naman karte the । abhi pata nahin, vahaan hai ya nahin । isko koi 20-22 varsha hua । teertha yaatraaon mein kya hai! yeh tum bachche jaante ho । ab janma-janmaantar yeh teertha yaatra hote aae hain, kyonki kehte hain yeh praacheen hai । peechhe ek tootta hai to doosra banaate hain, ek mandir toot jaata hai to doosra banaate rehte hain । to kitna kharcha lagta hai mandiron ke oopar । to dekho, behad ka baap aakar samjhaate hain ki sab paisa uda karke itne mandir banaae, vo bhi ud gaya, gajanvi loot gaya । earthquakes hue, unmein bhi bahut sabhi chale gae । tum paisa gumaaya phir shaastra, phir patthar ki pooja, phalaane ki pooja karte-karte, kharcha karte karte tumne sab ka sab gumaae diya? baba aise poochhenge na । haan bachchon! main tumko itna banaaya! usko kuber jaisi milkiyat kaha jaata hai । tumhaare paas itna dhan tha, abhi kuchh bhi nahin raha । dekho, tum kitne solvent the, kitne insolvent ban gae । to solvent tu insolvent phir insolvent tu solvent kaise bante hain- yeh sab kahaani baba bataate hain । main aa karke solvent banaata hoon । tum । 00 percent solvent ban rahe ho na । pyooriti pees and prosperity । jaante ho isliye yahaan aae hue ho । jaante ho ki ye baap se inheritensa lene aae hue hain । abhi koi manushya se to nahin milega, koi patit se to nahin milega, jo kehte hain- patit-paavan, aao । koi patit thode hi denge । jisko kehte hain vo tum bachchon ko de rahe hain aur barobar bhaarat mein maante hain ki bhaarat hai birth place । kiski? parampita paramatma ki । to sabse ooncha teertha hua na । aur phir kya aakar karte hain? sarva patit ko paavan banaate hain । to sabka teertha ho gaya na । agar geeta mein krishna ka naam na hota, abhi to drama anusaar hai, vo hota to sab aa karke yahaan phool chadhaate, kyonki sarva ko sadgati dene vaala yaani jo bhi inke paigambar vagairah hain, vo sabhi abhi kabradaakhil hain । baap na aae to unko sadgati kaun deve? sarva ka sadgati daata to yahaan aana chaahiye na । vaastav mein bade te bada teertha bhaarat khanda hai, parantu maaloom na hone ke kaaran koi kisne teertha banaaya, koi kya teertha banaaya, apna-apna teertha banaaya, nahin to yeh sabka teertha hai । jaise kaha jaata hai ki baap ki mahima aprampaar hai, vaise jahaan aate hain us bhaarat ki mahima bhi aprampaar hai, kyonki bhaarat hi haivin banta hai, bhaarat hi phir hell banta hai । to mahima kitni badi hai haivin ki । aprampaar mahima haivin ki kahenge aur phir aprampaar ninda yeh bhaarat ki kahenge । are, ekdam aasuri sampradaay । yeh samajhne ki baat hai na । baba kitna bhaarat ko aur sabko sadgati dete hain । yeh bhaarat khanda bahut bahut naami hai । is bhaarat khanda ki mahima bhi badi bhaari hai । sirf ek nuksaan ki baap ke badli mein bachche ka naam de diya । sab khandan ho gaya । isliye bas shuru hi ho gaya- jhoothi maaya, jhoothi kaaya, jhootha sab sansaar । abhi satayug ko jhooth thode hi kahenge । sat maana sat aur yeh hai iron ej kalhayug maana jhooth । to sachkhanda baba sthaapan karte hain aur raavan aa karke isko jhooth khanda banaate hain । phir baba aa karke sachkhanda.. । dekho, tum abhi sachche ban rahe ho na । sachkhanda ke maalik ban rahe ho । yahaan aate hi ho, kyon aate ho? baba se behad ka varsa lene । baba kya kehte hain? baba kehte hain- manmanaabhav madyaajeebhav । abhi aur sarva ka buddhiyog hataay maamekam yaad karo, kyonki aana hi hai । chaahe yaad karo ya na karo, vaapas sabko aana hai । yaad karenge to pavitra banenge aur baap se knowledge sunenge to varsa lenge । jeevanmukti ka varsa sabko milna hai, parantu sabko svarga ka varsa to nahin mil sakta hai na । svarga ka varsa to raajayog sikhlaane vaale paate hain.. । baaki sarva ki sadgati to honi hai na । sabhi ko vaapas to le jaaenge na । isliye kehte hain main kaalon ka bhi kaal hoon । dekho, kaal tumko bolte hai- kha jaata hoon । main kaalon ka kaal hoon jo sabko kha jaata hoon tum sabko vaapas le jaata hoon । to khushi hoti hai । mahaakaal ka bhi mandir hota hai । isko kaal nahin kahenge, isko phir mahaakaal... । to mahaakaal ka bhi mandir hai । bahut jagah mein hain । pahaadon par bhi mandir hain । to ye sabhi baaten baap samjhaate hain na । kaun samjhaate hain? jaise tum apna sweet hom chhod karke yahaan part bajaane ke liye aae ho vaise main bhi apna sweet hom chhod karke... । nirvaandhaam hai sweet silence hom । sabhi yaad bhi nirvaandhaam ko karte hain । koi se poochho buddha kaha gaya? paar nirvaana gaya । yaad to sab unko karte hain na, kyonki jeevanmukti yaad karaane vaala.... svarga yaad karaane vaala to koi hai nahin । baaki hai mukti ka dhaam । ye sanyaasi to sab vahaan hi jaaenge na । aajkal hai bhi mukti ka hi dhaam dhoom par bachchon ko jeevanmukti chaahiye na । to phir baap aate hain । unko bhi jeevanmukti chaahiye । abhi bandh hain, tamoguni hain, is knowledge ko samajhte kuchh nahin hain । to unka abhi time nahin hai । baap ne samjhaaya hai ki yaadav sampradaay aur kaurav sampradaay sena kehte hain । sena mein kaun kaun the? ye sabhi the na । dhritraashtra ke bachche yaani andhe ki aulaad, unki sena mein kaun-kaun the? dekho aate hain na- bheeshmapitaamah, dronaachaarya, ashvatthaama । ye kiski sena mein the? dhritraashtra ki । andhe ki aulaad andhe । dekho, hai barobar । jinko phir tumne jab baan maare hain to kanyaaon dvaara । likha bhi hua hai ki kanyaaon dvaara baan maare hain । abhi baan vo to nahin hain, gyaan ke baan hain। tab un logon ko pichhaadi mein yeh maaloom hai ki barobar inko gyaan ka baan maarna sikhlaane vaala behad ka baap hi hai । bas, maarna hai । vinaash to is samay mein hona hi hai । so to ho hi gae । koi gyaan baith karke nahin liya hai । vo to kehte hain vo mar gae aur phir arjun ne baan maare hain to ganga ka jal nikal aaya । abhi ganga ka jal baan maarne se kahaan se niklega? ganga ka jal to unko mil raha hai, gyaan to mil raha hai । phir baan maara aur ganga nikli ye sab gapode hain । to kitna sahaj samajhne ki hai । samajhte ho, phir bhi dekho gyaan aisa hai ki baahar mein jaane se vo nasha ud jaata hai । yahaan baithe ho, practical mein samajhte ho ki barobar hamko baba baith karke yathaartha reeti se saari srishti ka chakkar sunaate hain । bas, yahaan se koi ko to dhaaran hoti hai aur yahaan se baahar nikalne se koi ki 1 percent, 2 percent, 5 percent, 10 percent, 50 percent, 90 percent dhaarna ud jaati hai । yeh knowledge hi aisi hai । vo marakyoori chem hoti hai । aise khada nahin rehta hai । (kisi ne kaha- paara) vaise yeh yog khada nahin rah sakta hai, ghadi ghadi toot jaata hai । koshish karte hain ki ham aapko yaad rakhen, parantu nahin, aisa hai jo wahin yaad karo, wahin phir tirak jaata hai । yeh yog aisa hai । achha, toli khilaao । praacheen yog to baap hi aakar samjhaaenge na । praacheen yog ye log kaise samjhaaenge? so bhi bhagvaanuvaach! sanyaasi bhagwan thode hi hain ।.... phat se kah degi ki shivbaaba ko yaad karo to jaag jaaega । yeh yaad rahne mein mushkilaat hai bahut । kehte hain na- raam kaho-raam kaho । jab marne lag padte hain to bhi mitra-sambandhi ya gurua-gosaai raam kaho-raam kaho। maut to sabka aana hi hai । ye chhote bachche kehte hain shivubaaba ko yaad karo- shivubaaba ko yaad karo । to dekho, inka thoda ishaara aur jo bhoole hue baithe honge, thoda bhi yaad kiya phaayda to bahut ho gaya । achha! idhar aao । meethe-meethe sikeeldhe gyaan sitaaron prati, maat-pita, baapdaada ka yaadapyaar aur good morning ।