Sakar murli du samedi 26 juin 1965 - 1

> >

26-06-1965 madhuban aabu praatah murli saakaar baba om shanti madhuban

helo, svadarshan chakradhaari brahman kul bhooshno ko ham madhuban nivaasiyon ki namaste, aaj shanicharvaar joon ki 26 taareekh hai, praatah class mein baapdaada ki murli sunte hain।

record :-

takdeer jagaakar aai hoon…

om shaati!

do akshar sune, bachche samajh gae ki ham yahaan nai duniya ke liye takdeer banaakar aai hoon । akshar to achhi tarah se suna na । kaise, kinse? takdeer banaane ke liye tadbeer chaahiye । tadbeer kaha jaata hai mat । bachche jaante hain ki yahaan shreemat milti hai aur ek mahaan mantra milta hai । isko mantra bhi kaha jaata hai । kaun-sa mantra milta hai? manamnaabhav। ye koi sanskrit akshar hai, parantu ye kaun dete hain? parampita paramatma । vo oonche te ooncha aur mat dene ka bhi saagar hai । kya mat dete hai? dekho, ek hi baar mat milti hai, phir to nahin milegi । drama mein ek dapha jo kuchh bhi ho chukta hai.. .kaun dete hain? patit-paavan । patit-paavan kaun hain? parampita paramatma, kyonki sarva ka patit-paavan । patit se paavan ban! kahaan le jaate hain? paavan duniya mein । usko hi sadgati kaha jaata hai arthaat patit-paavan kaho ya sarva ka sadgati daata kaho, baat ek hi hai aur unke saamne baithe ho theek aur pakka jaante ho ki kiske saamne baithe hain । ye hamaara sab kuchh hai । hamaara oonch te oonch takdeer banaane vaala hai । yeh abhi nishchay hai । to ye mahaan mantra milta hai । kis dvaara milta hai? behad ke baap, niraakaar baap dvaara, kyonki niraakaar hi sabka behad ka baap hai, kyonki baap do ho jaate hain na- saakaar aur niraakaar । barobar saakaar baap niraakaar ko yaad karte hain । bachche bhi yaad karte hain to baap bhi yaad karte hain । abhi ye bachche jaan gae ki bas, ek hi mantra se hamaara beda paar hone ka hai । vo mantra koi mukh se nahin japna hai । yeh samajhne ki baat hai, koi japne ki baat nahin hai । samajh milti hai, kyonki besamjhon ko samajh dene vaala sirf ek hai । vo kehte hain ki tum bachchon ko ye maaya roopi paanch vikaaron ne mahaan moorkha bana diya hai । kehte phir kisko hain? apne bachchon ko, jin bachchon ko kalpa-kalpa ye mahaavaakya kehte aate hain ki bachche dekho, tum kalpa-kalpa kitne moorkha ban jaate ho, kitne ghor andhiyaare mein chale jaate ho, kitne paai-paise ke worth ban jaate ho, phir ek mantra se... । guru log ye mantra vantra to bahut dete hain na, anek prakaar ke matra dete hain । bolte hain mantra ek hai । sarva ki sadgati ke liye mantra ek aur ek dene vaala, isliye usko kaha hi jaata hai- satguru, sat mantra dene vaala, jo practical mein phal dikhlaate hain । to yeh practical me phal hai na । bhai, yahaan kyon aae ho? yahaan aae hain apne sukhdhaam ke liye takdeer banaane ke liye । sukhdhaam kisko kaha jaata hai? sukhdhaam satayug ko hi kaha jaaega । yeh to baap ne bahut samjhaaya hai ki yeh duhkhadhaam hai, vo sukhdhaam hai aur aatma ka nivaas sthaan shantidham hai । theek । ismen bachchon ko koi moonjh to nahin hoti hai । bilkul yathaartha reeti se samajhte hain । so bhi kaun samajhte hain? jo yahaan aate hain samajhne vaale । vo brahman hi hote hain, aur koi nahin hote hain । brahman ban karke brahma ke mukh dvaara shivbaaba baith karke mantra dete hain, nahin to mantra kaise deven? baap poonchhate hain- yeh mantra kaise deven jo kalpa-kalpa deta aata hoon ki maamekam sarva deh ke dharma tyaag... । deh ke dharma to bahut hain na । deh aur deh ke dharma hain । kaun-se dharma hain? main shareer hoon- samajh lete hain, phir shareer ke kaaka maama chaacha guru gosaai dhandha-dhori vagairah sab kuchh aa jaate hain । yeh bolte hain- aap mue peechhe mar gai duniya । main mantra hi aisa deta hoon- apan ko aatma samajh aur mar jaao । aatma samajh aur baap ko yaad karo । baaki shareer ka itna jo tumhaara bhaan hai... kyonki baap ne samjhaaya tha ki yahaan deh abhimaani aur satayug mein aatma abhimaani । sangam par tum aatma abhimaani bhi bante ho, phir paramatma ko jaanne vaale bhi ban sakte ho, aastik bhi ban sakte ho । aastik unko kaha jaata hai jo parampita paramatma aur unki rachna ko jaane । aastik na kalhayug mein hote hain, na satayug mein hote hain, sangamayug mein hote hain, jo satayug-treta ke liye aastik ban baap se yeh varsa paay phir satayug mein raajya karte hain । vahaan aastik aur naastik ki baat nahin chalti hai । yahaan aastik aur naastik ki baat chalti hai । aastik brahman aakar bante hain jo naastik the । baaki sabhi duniya naastik hai, kyonki koi bhi baap ko, rachna ko nahi jaante hain, kyonki eeshvar sarvavyaapi kah dete hain । samjhaae kaun! tum bachche jaante ho, baithe ho । tum bachchon ka baap se kaam hai, aur koi se bhi kaam nahin hai, kyonki behad ke baap se kaam hai । unke jo bhi directions milte hain, shreemat milti hai, jo tadbeer karaate hain, yahi kehte hain ki bachche, deh sahit kiska bhi... । dekho, bolte hain na । yeh bhi deh hai na । isko bhi nahin yaad karo । aatma samajh karke parampita paramatma ko yaad karo । isko mahaan mantra kaha jaata hai, jise japne se tumhaari takdeer kaun-si banti hai? tumko svaraajya-tilak milta hai, so bhi svarga ka raajya, 21 janma ka raajya । vahaan raajya paaya, bas vo praalabdha hai । vahaan mantra-jantra kuchh bhi darkaar nahin hai, na vahaan koi bhaktimaarga hai । bhakti-idhar, tumne bhakti karke poori ki । abhi tumhaari poori hui । tum jaante ho ki bhakti poori hoti hai, kyonki vinaash to hua tha na । to kya hua tha? raajayog seekhte the । geeta to hai hi nar se naaraayan banne ke liye na । to barobar jab nar se naaraayan banne ka uddeshya, manushya se devta banne ki baat thi to zaroor phir yeh duniya badalni chaahiye । tum abhi jaante ho na barobar yeh duniya badal rahi hai । nai duniya ke liye ham takdeer banaane aae hain । yeh sabhi achhi tarah se jaante ho na । koi yahaan ke liye takdeer banaane ke liye nahi aae ho । yeh to mrityulok hai । mrityulok mein manushya ki takdeer dekho kaisi hai! maarte, peette, ek do ko khoon karte, yeh karte, vo karte, duhkh dete hain । to iska naam hi hai duhkhadhaam । yeh pakka yaad kar lo । abhi budidhayon ko bhi yeh yaad karne me koi takleeph to nahin hoti hai! yeh hai hamaara duhkhadhaam । kisne kaha? aatma ne kaha । abhi aatmaabhimaani banen । ye aatmaabhimaani kehte hain yeh hai duhkhadhaam । hamaara shantidham hai paramdham, jahaan baba rehte hain, jisko ham bhaktimaarga mein yaad karte hain aur is samay me baba aaya hua hai aur yeh baith karke gyaan sunaate hain aur takdeer banaate hain । dekho, tadbeer dikhlaate hain । kya? bola na- bas, ek hi mahaan mantra inse ki mujhe yaad karo । koi bhi dehdhaari se suno, par yaad videhi ko karo, baap ko yaad karo, kyonki sunaana to deh se padega na । ye bachchiyaan brahmaakumaariyaan bhi to mukh se sunaaengi na । kisko bhi mantra sunaana hoga to zaroor patit ko sunaana hoga ki patit-paavan ko yaad karo aur vo khud kehte hain ki mujhe yaad karo । to tum sab patit karmon se, jo tumhaare oopar vikarmon ka bojha hai vo bhasma hota jaaega । aur koi bhi upaay nahin hai । abhi kya karna chaahiye? ever nirogi banne ke liye koi badi davaai hai? koi injection hai? kuchh bhi nahin । kah dete hain inko injection , par koi injection to nahin hai na । bachchon ko yeh ek hi baat samjhaate hain । are, sanmukh baithe ho, sunte ho ki barobar baba hi hamaari takdeer banaate hain । aae hai yahaan takdeer banaane ke liye aur bahut sahaj raasta bataate hain ki yaad karo । baba, yaad bhool jaate hain । tumko sharma nahin aati hai! vahaan laukik baap yaad aate the jo tumko paai-paise ka kaam-kataari se katal karaate the । vo laukik baap tumko patit banaate the । sab ek , do ko patit banaate hain । jo bhi unke baal-bachche hote hain, sabko patit... । jo bhi unki creation hai vo patit banaate hai aur ye creation paavan ban rahi hai । patit se paavan bana rahe hain । to jo baap kehte hain ki maamekam yaad karo aur phir tumhaara sab vikarma bhasma ho jaaega । phir bhi kehte ho ki baba, bhool jaate hain । baba, ham gutter mein gir jaate hain । baba, ye maaya ham par jeet pahanti hai । to baap kehte hain- ustaad ke bachche hokar tumhaare oopar jeet pahanti hai, nailat hai tumko! baap nailat daalenge na । vo bolta hai- baba, ham gutter mein gir gaya । nailat hai tumhaare ko! tum sunte ho ki gutter mein girte girte kaala munh ho gaya । shaastron mein tumhaara naam hi bandar rakha gaya hua hai । ye bandar sena hai । abhi ladaai karne ke liye koi bandaro ki sena to nahin hoti hai na । bandar ban gae ho । to baba aakar bolte hain- dekho, abhi aaya hoon tumko mandir laayak banaane ke liye । tum jaante ho ki barobar ham shivaalay me raajya bhi karte the aur phir hamko mandir me poojte bhi the । ab poojte aate hain । ab ham so devta the, yeh ham bhool gae hain । ham so devta lakshmi-naaraayan the । dekho, tumhaare mama-baba ko abhi maaloom pada ki ham so devi-devta the । phir kya ban gae! to ye khel dekha na । ham poojya devi-devta the, ham pujaari asur ban gae । abhi ye knowledge kuchh bhoolne ki baat to nahin hai na । usmein bhi aur ditelsa bhool jaate hain । jaise baap kehte hain- dekho, yeh jhaad hai na barobar । achha, ye palle-valle to saari praja hain । baaki mukhya-mukhya to inmen dikhlaaya gaya hai । pahle-pahle founder kaun hain? haan, barobar aadi sanaatan devi-devta dharma tha । ab vo nahin hai । kab tha? 5000 varsha pahle tha । kya tha? satayug tha । abhi kya hai? kalhayug hai । kalhayug ke baad satayug zaroor aana hai । phir shreemat dene vaale ko aana hai zaroor । jab aana hai tab samajhna chaahiye ki duniya badalne ki hai । patit-paavan aate hi hain paavan banaane ke liye । so tum jaante ho aur dhindhora pitvaate rehte ho, parantu jhaad aise jaldi to nahin hota hai na । vighna padne ka hai । naya jhaad... । dekho, bachchon mein vighna padte hain na । abhi kaun ka padta hai? maaya ka । ghadi ghadi naam-roop mein phans marte hain । baap ke naam-roop mein phansana, raho grihastha-vyavhaar mein, parantu baap ko yaad karo aur pavitra raho । aur koi takleeph to nahin dete hain । badi te badi museebat hai ye pavitrata ki । abhi vo to kehte hain na- bhagvaanuvaach! kaam shatru hai । yeh to koi bhoolte nahin hain । bhale krishna ke naam par kah dete hain । aur koi ka bhi naam nahin hai ki bhagvaanuvaach । so to baap hua na । jaante ho ki baba hamaara baap hai । vo abhi bhi phir se kehte hain ki.. .geeta ka bhagwan kahkar gae the- kaam shatru hai, to zaroor kaam par jeet pahnaai hogi । tum bachche abhi jaan gae ki raavan ka raajya... jaise doosre raajya shuru hote hain । dekho, sirf bhaarat ka raajya tha, phir doosre raajya hue । raamraajya hua, phir dekho kitni raajaai ho gai । yahaan phir yeh bhi bhool jaate hain ki ek hai raamraajya, doosra hai raavan raajya । yeh to zaroor hai ki raamraajya satayug mein hoga । kab se kab tak? are, half and half । yaani raamraajya din, raavan raajya raat । raat kyon? bhakti ho jaati hai । peechhe baap aakar kehte hain bachche, abhi yeh duniya khatam hone vaali hai zaroor । uske liye taiyaariyaan sab hain, natural calamities bhi hain aur tum jaante ho, tumhaare liye zaroor nai duniya chaahiye aur phat se chaahiye, kyonki imtahaan to poora hoga na । baap padhaate padhaate jaaenge aur tumko raajaai chaahiye । is prithvi par thode hi raajya karenge । dekho, is prithvi par lakshmi ko bulaate hain paise ke liye ।.. .baba ka pair hai jo yahaan rakhen?.. shivbaaba ke to pair nahin hain na । shivbaaba ka to koi pair thode hi dhara jaata hai । vaise kehte hain devtaao ke bhi isme pair nahi rah sakte hain । tum saakshaatkaar kar sakte ho aur jaante ho ki barobar abhi ham padh rahe hain, devta ban rahe hain । yahaan aaenge, yahin bhaarat mein aaenge, parantu phir ye srishti badal jaaegi, kalhayug se satayug ban jaaega । satayug mein to rehte hi hain shreshthaachaari । shreshthaachaari tum ban rahe ho । phir jab kehte hain shreshthaachaari bano to bhrashtaachaari na bano । bahut bachche hain, jhat likh dete hain- baba, bada jor se nasha aata hai । bas, peechhe rook nahin sakte hain aur gutter mein gir padte hain । baap bolte hain, kyon girte ho? dekho, tum baap ko yaad na karte ho । vahaan tumko koi pakadne vaala to nahin ho sakta hai na । sirf baap ko yaad na karte ho aur gutter mein gir jaate ho aur kya hota hai, jo tadbeer baba karaate hain, mat dete hain, uski mat ke barkhilaaph chalte ho । to shreshtha te shreshtha ki mat ke barkhilaaph chalenge to phir kya honge? bhrashta honge, aur kya karenge! to baba kehte hain bhrashta mat bano । tumko padhaane vaala ek hai । manamnaabhav ka arth ek hai ki maam ekam ko yaad karo, aur koi ko bhi nahin yaad karo । jis dvaara... uske rath ko bhi yaad na karo । vo to tum jaan gae ki yeh rath hai । geeta vaala koi arjun aur krishna barobar do baithaaya hai na- rathi aur rathvaan । abhi tumne suna ki barobar ye rathvaan, ye rath । baap to aa karke gyaan sunaaenge na ki ghodegaadi haank lenge? ghodegaadi haankane ki to baat nahin hai । ghodegaadi mein baithkar gyaan diya jaata hai kya? dekho, kitni nonsensa hai । so bhi satayug mein krishna ke liye ghodegaadi kahaan se aai । krishna ke liye to vahi... । bade aadmi kabhi dekha hai? queen Elizabeth ghodegaadi par baithengi? vo to agar baithti bhi hai ya unki savaari hoti hai to 8 ghode hain aur baat mat poochho । to bhi unki state ceremony hoti hai, usmein vo chadhte hain । baaki nahin to aajkal aeroplane ke bigar to koi baat hi nahin dekho, abhi bachche aae, aeroplane mein jhatpat chadh jaate hain, jhatpat pahunchte hain । ye bhi bachche jaante hain ki barobar science to badi jor hai । isko kaha hi jaata hai- science bhi ek maaya hai । yeh maaya ka bada pompa hai is samay mein, parantu yeh jo ekdam itni badi pomp hai । dekho, kitne bade- bade..... .are, aa jaao, unki badi aaujiya hoti hain । haan, bhai phalaani jagah ka president aaya, phalaani jagah ka prime minister aaya aur 15 roj ke baad unko shoot kar dete hain, gaddi se utaar dete hain । kya ijjat rahi! kitni ijjat mili aur ek second mein chat ho gai । yeh sukh hai? kuchh bhi nahin । baadshaahon ke oopar bhi museebat hai । unko bhi dar lagta hai, pata nahin military vaale koi vakta mein hamko bhi gale se utaar den । sab darte rehte hain । bade-bade darte rehte hain । dekho, tumko kya gyaan milta hai, kitna sahaj milta hai । kitna gareeb ho । ekdam gareeb ban jaate ho । tumhaari kaudi bhi nahin hai, kyonki jo bali chadhte hain unki kaudi thahri? vo to trustee banaate hain । trustee bolte hain ki jaise main tumko chalaaoon vaise chalo baap ko abhi trustee banaao ki baba, sab kuchh aapka hi hai । barobar aap hi trustee hain । baap kehte hain- achha, yeh to jeete ji ki baat hai na । tum bhi trustee ho karke raho । agar apna samjhenge to sachchaai tumhaari nahin rahi । tumko baap ne jaise apni milkiyat ka trustee banaaya hai । shreemat se chalo । to jo trustee bane unko hi to shreemat milegi na । jo trustee na banenge... ।, bachche bhi yahaan aate hain, vo raay poonchhate hain । ham bolte hain, pahle tum mere trustee bane? ham tumko first class raay dete hain । bachchon ki badi khabardaari karo । tum creator ho, tumko unki paalna karni hai । achha, is samay tumko achhi tarah se gyaan mil raha hai ki tumhaara bhavishya sudhre । creation ko dete hain na ki abhi tumko ham aisi mat dete hain jo tum raajaaon ka raaja bano । achha, phir baap ka bhi to dharma hai ki apne bachchon ko bhi yeh mat dena ki baap ko yaad karo । unke oopar bhi to taras khaana chaahiye na । jinko gutter mein daala va daalne ka buddhi mein rehta hai, unko abhi is gutter mein padne se bachaana hai । agar koi bhi bachcha ya stri.... stri, stri nahin rehti hai । bachcha, bachcha nahin rehta hai । badi yukti se chalna padta hai । samjha na । koi-koi kalyaan karte hain, parantu nahin, tumne suna hai ki barobar koi pootna, koi sooparnakha ye striyon ke naam rakhe hue hain । naam to bahut hi hain, parantu bahut naam thode hi hote hain । phir vo dekho, dushaasan jaraasandh ajaamil duryodhan ye abhi ke hain na । abhi ki scene phir se kab hogi? vahi scene phir kalpa baad hogi । beech mein to koi bilkul jaanta bhi nahin hai । knowledge sammukh vahi aakar dete hain । dekho, sammukh hi aa karke mantra denge na । jab phir bhi hoga to sammukh denge, denge bhi unheen ko । to tumheen ko hi..., tum yeh samajh gae ki hi barobar 5000 varsha pahle bhi yeh jo mahaabhaarat ki ladaai ya yeh geeta aur bhaagvat gaai jaati hai, vo inse taaluk rakhta hai, par usmein dekha gaya hai ki ye sabhi jhooth hi jhooth hai । baap bilkul baithkar achhi tarah se sammukh samjhaate hain aur barobar samjhaay manushya ko devta pad praapta karaate hain । to dekho, tum bachche yahaan aae ho । kislie? baap se varsa lene ke liye । tum brahma se varsa nahin lene aai ho, jagdamba se varsa nahin lene aati ho, in sabhi brahmaakumaariyon se varsa lene nahin aai ho । ye bhi to baap se varsa leti hain । jaise leti hain vaise auron ko samjhaate hain । to tum bhi samjho । tum bhi jagatpita ke putra ho, bachche ho । ham barobar jagatpita-jagatmaata ke bachche hain । bachchi hain ya bachche hain? unke sab bachche hain । varsa unse lete ho । jiska bachchi aur bachcha hai, vo brahma bhi to unse varsa lete hain aur phir tum bhi unse lete ho । vo bhi tum sabko alag-alag kehte hain ki he bachche, mujhe yaad karo । main kis dvaara kehta hoon? in dvaara ya in dvaara ye bhi sunti hai । ye bhi tumko aise hi kehte hain ki baba kehte hain । yahi sammukh baap baith karke kehte hain- laadle bachche! maamekam yaad karo । vo phir kya kahengi? he bhaai aur bahnon! baba kehte hain । dekho, samjhaane mein pharka ho jaata hai na । yeh direct teer lagta hai । vo hai via, doosre ke taraph । yahaan mashhoor to hai na madhuban । madhuban mein direct teer lagta hai । sab baaten sab bhool jaate hain । jo bhi deh ke bhaan mein rehte hain, koi duhkhi, koi sukhi, koi phalaana, vo nahi chaahiye । baap kehte hain deh, deh ke dharmon ko bhool maamekam yaad karo । varsa mere se lena hai na । kuchh bhi ho jaave, tumhaara koi bhi mitra-sambandhi mar jaae, varsa to tumko yahaan baap se lena hai aur bahut khushi se, are! main takdeer banaane aai hoon । pahle to vo khushi ki barobar hamaara behad ka baap svarga ka maalik hai । sirf hamaara manners badalta hai । hamaare manners bandar jaise ho gae hain, unko devta jaisi banaate hain । barobar dekhte ho ki manners mein bahut pharka pad jaata hai । pahli-pahli manner vikaar, jo vishay saagar mein doobte the, pahle inse bach jaate hain । ham nirvikaari ban rahe hain, paavan ban rahe hain । peechhe paavan bankar... । baba kya kehte hain? bachche, yeh chakkar ko yaad karo, drama ko aur jhaad ke. । drama ko to ek second mein samajh jaate hain- sat treta dvaapar.. । jhaad ko bhi aise hi, pahle devtaaon ka foundation, phir yeh aise-aise hua । koi takleeph to nahin hai na । isko bilkul simple te simple kaha jaata hai । phir bhi kehte hain baba, bhool ho gai, baba, krodh aa gaya, baba, yeh bhoot hamaare me aa gaya । main bolta hoon- bhoot nikaalo na । ghar se bhooton ko nikaal do । apne dil roopi darpan mein dekho ki ham abhi nar se naaraayan banne ke aur raajya pad lene ke laayak bane hain? dil se poonchhon ki barobar ye jo bhi mama-baba hain, yeh jo samjhaate hain dekho, koi kaam ki to baat hi nahin, krodh ki to koi baat hi nahin । meethe-meethe sikeeldhe bachche, meethe-meethe pyaare bachche, meethe-meethe saubhaagyashaali bachche । saubhaagyashaali bachche kyon kehte hain? are, saubhaagyashaali banne liye aae ho । abhi to durbhaagya hai na । isko kahenge durbhaagya । to bhaaratvaasiyon ka ye durbhaagya hai aur satayug mein bhaaratvaasi saubhaagyashaali the । kitne saahookaar the! bhaarat ki baat hai na । to jaante ho ki barobar duniya badal rahi hai । phir se bhaarat ka ek devi-devta dharma sthaapan ho raha hai । ye tum jaante ho, tum samajhti ho, aur koi bhi kuchh nahin samajhte hain bilkul hi । kaun samjhega? jo bhi devi-devta dharma ka ho, jisne 84 janma bhoga vo sempaling lagte aaenge । dekho, tumhaare mein bahut hain, koi kiska guru, kiska chela koi naanak ko japne vaale, koi hanumaan ko, koi krishna ko, pata nahin kis-kis ko... । nahin, yeh to bolte hain sarva ke liye । kehte hain ki tumko mere paas aana hai na, to bas ant mate so gat । vo drishtaanta dete hain ki apan ko aise samjho ki..... .main bhains hoon bhains hoon bhains hoon phir bhains ban jaate hain । yeh drishtaant dete hain । tumko baba kya kehte hain, main aatma hoon baba ka bachcha hoon ghar jaana hai, naatak poora hota hai । bas yeh naatak poora hota hai, abhi gae ki gae । sirf laayak bante hain jaane ke, jo patit hain । uska upaay bata deta hoon ki maamekam yaad karo । guarantee deta hoon ki sab paapon se mukta ho jaaenge aur punya aatma ho jaaenge । ye to hai hi paapaatmaaon ki duniya । vo hai hi punya aatmaon ki duniya । bhaarat punya aatmaon ki duniya thi tab sirf ek hi bhaarat tha । abhi to jab paapaaatmaaen hain tabhi bhaarat bhi hai, to anek doosre bhi dharma hain । to gaaya jaata hai na ek dharma ki phir se sthaapna, vahi kalpa pahle vaali, jiske liye tum bachche aa karke purushaartha karte ho aur achhi tarah se jaante ho ki sabhi dharma khatam ho jaaenge । hone hi hain, kyonki nai duniya badalti hai । yeh bhi buddhi nahin kahegi ki badalti hai maana phir nai duniya mein bhaarat, aur to koi bhi nahi tha, isliye bhaarat ko praacheen... । yeh bhaarat aise heaven kaise bana? kehte hain- haivinli god father ne banaaya । haivinli god father kab aaya? haivin mein to nahin aaya? nahin । hell me to nahin aaya? nahin । isliye isko kaamphluens kaha jaata hai । kalyaankaari, ospishas pavitra, baap ke aane ka samay । abhi tum to achhi tarah se samajhte ho । tum jaante ho । dekho to, duniya mein koi nahin jaante hain । sirf tum thode se, dekho kitne hain! raavan ki sampradaay kitni badi hai aur raam ki sampradaay... । haan, vriddhi ko paati rahengi । dekhte bhi ho ki vriddhi ko paati rehti hai । abhi bade-bade makaan chaahiye, kyonki bachche phir se baap se apna varsa lene aate rahenge, aate rahenge । dher ke dher ho jaaenge । phir jab vriddhi ko paaenge tabhi sab koi samjhenge inko yeh gyaan dene vaala barobar... । so bhi to tum samjhaate ho, pradarshani banaate ho aur projector sahit tum gaanvado gaanvado me jaaenge । jaana hai, abhi bahut kaam karna hai । to jo kaam karna hai, so jo bachche honge vo purushaartha karte rehte hain । baba kehte hain barobar meethe laadle bachche! main drama plan anusaar vo prabandh rach raha hoon । vo bana raha hoon । is samay tak jo bhi beeti vo poora accurate drama । baap kehte hain ki main bhi drama ke hi bandhan mein hoon jo mujhe patit duniya mein aana padta hai । pukaarte hain- aao, mujhe paavan karne ke liye । dekho, main bhi bandhan me ho gaya na । paramdham chhod karke dekho yahaan kismen aata hoon! bachchon ke liye aata hoon । to aaenge na, beemaari mein aaenge na । plague hogi to doosre to bhaagenge, doctor to nahin bhaagenge । to dekho, inko to aana hi pade na aur pukaarte bhi patit hain- he patit-paavan! paavan karne vaale va is paanch vikaar roopi raavan se liberate karne ke liye, hamko is duhkhadhaam se chhudaae sukhdhaam le chalne vaale । bhale arth nahin jaante hain, par akshar to theek bolte hain na ki god father is liberator । kahaan se liberator aur phir guide? sarva ka liberator ke saath sarva ka guide hai । angreji mein akshar bade achhe hain । liberate kara karke phir vaapas le jaate hain । abhi sabko to aa karke satayug mein nahin le aaenge na । yeh to bachchon ko samjhaaya gaya hai ki dharma nambarvaar aate hain । jab bhaarat ka aadi sanaatan devi-devta dharma hota hai to usme doosre dharma nahin hote hain । phir aise bhi nahin hai ki koi kshatriy dharma hota hai ya chandravanshi hota hai । nahin । jab sooryavanshi hai to bas sooryavanshi hai, phir chadravanshi hota hai yaani sooryavanshi paas ho gaya । vo raajaaen samjhenge na, unke aage lakshmi-naaraayan ka raajya tha । baaki peechhe kya hoga, phir vo nahin jaante hain । phir jab dvait hota hai, tum jaan lena phir pooja lagni shuru ho jaati hai । pata nahin padta hai ki ham pujaari kaise bane va vikaari kaise bane, kab se bane । to bachchon ko baithkar bilkul achhi tarah se sab samjhaate hain ki bachche, gaaya hua hai ki devta vaammaarga mein chale jaate hain । uski nishaani dikhlaate hain । baba ne kaha- ye mandir the gaya mein, jagannaath mein । vahaan dikhlaate hain ki devtaae jab vaammaarga mein gae । kaun gae? vo jo mandir mein neeche vaala krishna । unki raajdhaani thi । devi-devtaaen vaammaarga mein gae hain to phir baat hi aur kya hai! vo nishaani hai । achha hai, kabhi kehte hain ki uda diya hai unhonne, parantu bahut jagah mein hain । kahaan tak uda kar kahaan tak! nepaal mein bhi hain aur bahut jagah mein hain । banaaras mein bhi nishaaniyaan hain । abhi to tum practical mein samajhte ho barobar ham so devta bante hain । jaante ho ham phir se so.. .banenge zaroor । haivin banega । abhi tumko maaloom hai । vahaan to nahin yaad padega । are, kitni sahaj baaten samajhne ki hain । yeh to buddhi mein bilkul hi achhi tarah se dhaaran honi chaahiye । baba ne pahli-pahli baat pharmaan kiya hai, kyoki kya hota hai, bas is vikh ke liye ablaaon ke oopar maar padti hai । to kamedhu krodheshu donon shatru aate hain jo bade te bade shatru hai । kaam ke kaaran phir krodh bhi aata hai, ablaaon ko maarte hain । ablaaen pukaarti hain- baba! hamko maar pad rahi hai vikaar ke liye । abhi vo bechaari yeh to nahin kehti hain pati maarte hain । yeh to jaante ho ki ye sab duryodhan hain । duryodhan kaho, jo bhi kaho, bahut naam pade hue hain- ajaamil jaraasindhi akaasur bakaasur phalaana । so bhi tum bachchon ko achhi tarah se samjhaaya hai part kaise chal raha hai । akaasur-bakaasur vo sabhi gaiyaan chura kar jaate the । to barobar yahaan se maaya ki mat vaale yahaan ki gaiyaan ko churaakar le jaate hain, bhagaakar le jaate hain । abhi unka naam to rakha hua hai- akaasur bakaasur duryodhan vagairah । yahaan phir shaastron mein kya kar diya hai ki shreekrishna bhagaakar le jaate the । are bhaai, tum log julma karte ho । krishna bachcha, unke liye kehte ho ki phalaani ko bhagaaya, phalaani ko bhagaaya.. । vo ho sakta hai? achha, vo to hua shreekrishna ke liye glaani । bhala yahaan kya hai? yahaan kaun bhagaate hain? abhi dekho, brahmaakumaariyaan bhagaati hain, brahma bhagaate hain । unko yeh maaloom hi nahin hai ki ye brahman bachche kiske thahre । unse poonchho- tum prajaapita brahmaakumaari, prajaapita brahma naam suna to hai barobar, parantu vo brahma to sukshmavtan mein hai na । are muththe, prajaapita brahma sukshmavtan mein kaise hoga? zaroor sthoolavtan mein hoga na । brahman bhi gaate hain na- brahman devi-devtaay namah । akshar bhool nahin jaao ki ham direct sammukh takdeer banaane aae hain, kyonki vo doosre teachers hain । koi achha teacher hai, koi kam teacher hai, koi kam teacher hai । yahaan to khud baap hi baithe hai unke saath hi phir vo bhi to achha teacher hai । prajaapita brahma ke mukh dvaara bhagwan ne ved shaastra granth ka arth samjhaaya hoga yaani gyaan samjhaaya hoga । pahle to brahma ne suna hoga na । kahaan ? vo kuchh samajhte hain! to dekho, vishnu ko bhi sookshm vatan mein diya hai, to brahma ko bhi sookshm vatan mein diya hai । abhi vishnu to hai hi satayug ka maalik, brahma hai sangam ka aur de diya hai donon ko sookshm mein, koi raaj to hoga na । koi kiski buddhi mein thode hi aata hai । prajaapita to braahman pahle-pahle yahaan chaahiye । pahle-pahle to choti chaahiye । pahle brahman chaahiye jo phir devta bante hain । brahman kyon? gyaan yagya hai । ismen koi vo yagya nahin hai jismen koi... vagairah । sangam mein sirf yahi yagya । baap samjhaate hain, bachche samajhte hain barobar ye aage bhi yagya racha hua tha । is yagya mein phir sabhi yagya simat gae the yaani unmein svaaha ho gae the । saare yagya to kya, jo bhi puraani srishti hai sab aahuti ho gai । dekho, aahuti hoti hai na । yahi rudra gyaan yagya jisse.... .maut se ye sab khal khalaas ho jaaenge । phir saphaai vagairah ho karke tum bachche phir devta ban karke yahaan aaenge । tum laayak srishti par aane ke laayak banenge । to samajhte ho ki nae bhaarat mein nai duniya mein aadi sanaatan devi-devta dharma ka raajya tha, jinke ye maalik hain । isko dynasty-gharaana kaha jaata hai । sooryavanshi gharaana maana hi vo phir chalta hai, usmein bachche takhta par baithte hain । bachche jaante hain ki abhi satayugi sooryavanshi... phir sab hote hain na । pahle-pahle to brahman hain । gaaya bhi jaata hai ki jab brahman dharma sthaapan hota hai, jinke liye kisko bhi pata hi nahin hai । achha, brahman dharma ka koi shaastra? are, yeh brahman dharma ka geeta shaastra hai, jisse vo devta bante hain । yahaan to dikhla diya hai ki geeta dvaara aadi sanaatan devi-devta dharma sthaapan karte hain । satayug mein to nahin sunaaenge na । zaroor satayug ke aage sunaaenge । satayug ke aage to kalhayug hai । kalhayug mein bhi to nahin aaenge, kyonki badal rahi hai । kehte bhi hai- main kalpa-kalpa kalpa ke sangamayuge aata hoon । kalhayug ant aur satayug aadi ke sangamayuge aata hoon । dekho, barobar bolte hain na । aise nahin ki main yuge-yuge aata hoon । main aata hoon kyonki patit to poore hi patit chaahiye । agar dvaapar mein aaoon to phir patit kalhayug khada hai । phir unke liye thode hi aana hota hai । aaoonga patit, to paavan duniya sthaapan karoonga । to bachche jaante hai ki hamaara taalluk hi unse hain । jo kuchh bhi ghatnaaen ghatti hain ya vighna padte hain, ye kalpa pahle bhi ghatnaaen ghati theen ya vighna pade the । past is past । aage chalo saakshi ho karke, sthaapna ki kya kya, act chalti hai, vo act mein bhi aate raho aur saakshi ho karke dekhte bhi raho । actors ho na । actor mein to zaroor.. creator hai aur director hai । creator bhi hai, director bhi hai, principal actor bhi hai, actor bhi hai । are bhai, niraakaar actor kaisa! actors to vahi hain, karmakshetra par । vo niraakaar bhala kaise? to kaun aaenge? patit-paavan । to samajhte hain niraakaar to aa hi nahin sakte hain । are, par jab sabhi niraakaar aatmaaen saakaar le karke part bajaati hain to kya niraakaar nahin aate hain? ham niraakaar aate hi vahaan shantidham se hain । inko part bajaana hota hai to vo bhi aate hain । unki to bilkul mashhoori hai । niraakaar shivbaaba ka mandir hai, aur to koi tumhaari aatmaon ka to mandir nahin hai । kiska bhi mahaatmaaon ka, aatmaon ka yahaan koi ka mandir nahin hai, sivaay ek ke । vo bhi bolte hain ki main bhi aata hoon parantu main koi janma-maran mein nahin aata hoon । aata hoon zaroor । kyon? patiton ko paavan banaane । mujhe patit ke. । achha bhai, kaun patit hai, unko bataata hoon । tum poore 84 janma ke patit ho, luk bata dete hain । abhi tumko phir paavan banaata hoon । 21 janma tum paavan bante ho, peechhe 84 janma ka aadha kalpa । usmein aayu badi hoti hai । ismen tumhaari aayu bhogi banne ke kaaran kamti hoti jaati hai । so bhi samajhte ho, gaate ho barobar ki bhaarat ka jab aadi sanaatan dharma tha naya tha to badi aayu thi, akaale mrityu nahin hoti thi । yeh to abhi bhi naam sunte ho na ki akaale mrityu nahin hoti thi aur vo kah dete hain ki vahaan average aayu poori rehti thi । ab bhogi ban gae । to bhogi ke liye bahut janma hua na । yeh bhi to samajh sakte ho । to aur sab baat chhod karke... । barobar sanmukh baithte ho, kaanon mein achhi tarah se padta hai, parantu jab phir gorakh dhandhe mein, patit duniya mein jaate ho... । yeh to tum jaise ki paavan hone vaali duniya mein baithe ho, purushaarthiyon ki duniya mein baithe ho aur shreemat.. .de rahe hain । vahaan jaate ho, bahuton se tumhaara vaataavran chalta hai to sang ho gaya na । to dekho, sang taare, kusang bore । ye akshar kahaan se aae? kiska sang taare? yahaan taare, to sabko taare na । barobar tum baithe ho, tum is paap ki duniya se punya ki duniya mein... । usko kaha jaata hai bhaai, us paar tar gaya । chitra dikhlaate hain na, ksheer saagar mein ja karke vishnu । vishnu to ksheer saagar mein, to yahaan aakar raajya karenge na । ye vishnu ka gharaana hai na । abhi vishnu ka gharaana kahaan hai? abhi vishay nadi mein gota kha rahe hai । vishnu ka gharaana abhi yeh bachche samjhe, aur to naya koi samjhe bhi nahin । jo vishnu ka sooryavanshi gharaana tha unko hi to utarna hai na । to bas abhi vishay vaitarni nadi mein yeh aise duhkh uthaate hain, aaraam se to nahin sote hain na । vahaan to dekho aaraam se sote hain aur yahaan duhkh uthaate hain । to kitni sahaj baat । time kitna thoda hai aur 5000 varsha ki kahaani hai । koi doosri to nahin hai na । to yeh kahaani hai na । kahaani jo past ho jaati hai aur phir baith karke sunaate hain । usko past ki kahaani. । abhi past ki yeh kahaani ki bhaarat naya satayug kaise banta hai, manushya devta kaise bante hain । so abhi tum samajhte ho । vo gaate hain- maanush te devta kiye , karat na laagi vaar । zaroor aae the aur barobar manushya ko devta banaaya tha । to jab devta banaaya tha, to abhi tum dev ban rahe ho na । aage sunte the, gaate the barobar ki maanush te devta kiye karat na laagi vaar । yeh kisne kiya? ek onkaar sat naam karta.. .nirbhay, nirvair, akaal moorat, ajoni. .aur niraakaari nirhankaar vagairah-vagairah bahut hi kehte hain । to dekho, akaalmoorta jiska takhta bhi wahin tha jahaan ham rehte the, vo bhi is prithvi ke takhta par aa jaate hain । yeh abhi is samay mein dharti par to nahin rehte । to ye akaaltakhta । akaal ke baithne ka ye takhta । hain sabhi akaal ke takhta । hai na! aatma to mrityu ko nahin paati to akaal hua na । sabhi akaal ke takhta hain । saakaar mein hai, usko kaha jaata hai jo akaal... । tumhaari jo akaalmoorta hai vo maili hoti hai, phir shvet hoti hai, paavan hoti hai । hamaari to ever paavan hai । baap aise kahenge- main jo is takhta par aakar baitha hoon loan liya hai, main to ever paavan hoon na । mere mein to taakat hai na । kehte hi hain- shaktivaan । to phir tumko taakat deta hoon na ki maaya ko kaise jeetna hai । yogbal se kaise tumhaari... । usko bal kaha jaata hai, taakat kaha jaata hai । yaad ka bal tumko milta hai jo us yaad ke bal se tum jeet pahante ho । usko kaha hi jaata hai baahubal, isko kaha jaata hai yogbal । ye yogbal sikhlaane vaala kaun? zaroor shaktivaan chaahiye । is samay mein to sabhi ekdam duhkhadhaam mein pade hue hain na । shakti kahaan se aaegi? kahaan se shakti mile? sarvashaktivaan ek ko hi kaha jaata hai । kabhi brahma vishnu shankar ko kahenge kya ? koi ko bhi kah nahin sakte hain । are, vo to shakti baahubal vaalon.. .bahut hi medal lagi rehti hai ladaaiyon ke maidaan mein । tumko koi medal ki darkaar hai? tumko to bhavishya ke liye varsa milne ka hai । yogbal se vishwa ka maalik । to meethe bachche, beeti baat kitni khauphnaak ho, kitni bhi ghatna ho, unko uda dena hai । ye drama ki bhaavi । yeh koi taalne ke liye koshish kare, taalne ke liye koshish ki jaati hai, par talti kahaan hai! dekho, vo bhi kitna kehte hain- ham baba ko bola dekho, ham isko chhutti nahin denge, lauta do, nahin to ham bigdenge । to baba kehte hain- vaah!.. .ham jaante hain ki inko koi jagah me jaakar kalyaan karna hai । to main jaanta hoon tum thode hi jaante ho, kyonki tum ho hi kalyaankaari । yeh to bahut kalyaankaari hai । bahut koi kalyaan karne vaali hai । to phir usmein to khush hona chaahiye na । ham hain hi sabka kalyaan chaahne vaale । jo bhi yahaan se jaate hain, ja karke kalyaan hi karenge । isliye murjhaane ki koi darkaar hi nahin hai, na ki shikal hi moorchhit ho jaave । bilkul nahin । yeh to bhaavi hai, drama mein chalti hai । baap kehte hain- bachche, main kalyaankaari hoon । har ek baat mein kalyaan । jo bhi jismen tum samajhte ho ki yeh hota hai, nahin, usmein bhi kalyaan hai । kalyaan hi kalyaan hai । akhbaaron mein daalte hain । are bachchi, tumhaara bahut kalyaan hai । akhbaaron mein koi kitna bhi bhau-bhaun kare tum bilkul vo nahin karo । nahin to yeh jaante ho ki kutta aaega, unko thoda aise karo to bhaun-bhaun, aage chalte jaao, pichhaadi hatta jaaega, jaasti bhaun-bhaun karta jaaega । phir kisko bhi darkaar hi nahin hai, inko bhaunkane do । ye jaante ho ki gaaya hua hai- kalkeedhar ke pichhaadi kutte bhaunkate hain । vo phakeer kalkeedhar hote hain na । abhi hain to ye na । tum kalkeedhar ban rahe ho । jo patit hain vo tumhaare pichhaadi bahut bhaukenge kyonki ekdam nai baat hai na । vaah! ye kya bolti hai- sarvavyaapi nahin hai, bhagwan ek hai । krishna ne nahin sunaai thi । ye raavan ne bhagaai । yeh ek bhaunk hai na । to tum kalkeedhar banne vaale ho na । to tumhaare oopar ye manushya bhaunkege manushyon ke oopar । to barobar dog se god bante ho na । kitna der hua? achha, shaayad koi ko jaana hai । phir bhi baba kehte hain- bachche, baap ko yaad karo aur apne varse ko yaad karo aur sabhi baaten koi bhi hoti rehti hain na, unmein itna attention nahin dena chaahiye । ham sab kuchh poonchhate hain- baba, yeh bhala achha tha, service to badi achhi thi । baba phat kehte hain- are par, tum kyon poonchhate ho? unko aur koi jagah mein part bajaana hoga to kya tumhaare kahne se rok den? nahin, unko koi ka kalyaan karna hai, isliye in baaton mein tum kyo itarpheyar karte ho? tumko ham kehta hoon mujhe yaad karo aur barobar apne baap ko yaad karo aur pavitra raho aur mat par chalo, jo roj milti rehti hai । he aatmaon! baap ko yaad karo-he aatmaon! baap ko yaad karo । koi ke bhi shareer ke oopar phida nahin ho । samjha na । tumko bolte hain, bhale kitna bhi tumko achha gyaan sunaate hain, tumko unke is naam-roop mein thode hi phans marna hai । vo bhi to main unko sikhlaata hoon na, to direct mujhe yaad karo na aur main hi direct niraakaar hoon । yahaan bhi tumhaari drishti saakaar par jaakar padti hai । main niraakaar, tumhaara dhaam bhi vahi niraakaar hai । vahaan mujhe yaad karo, wahin jaana hai । baba bole ye khatamlon ki duniya hai । vo khud kehte hain ki mrit paleeti na bano । to dekho, vahi jo kehte hain so hi moot paleeti । aise mat samjho vidvaan, aachaarya vagairah moot paleeti nahin hain । are, inmen bhi bahut hain । ek to janma, doosra, vo bura-ganda dhandha bhi karte hain । meethe-meethe saubhaagyashaali banne ke purushaarthi, gyaan sitaaron prati maat-pita, baapdaada ka dil va jaan, sik aur prem se yaadapyaar aur good morning ।