Sakar murli du mardi 7 septembre 1965 - 1

> >

07-09-1965 madhuban aabu praatah murli saakaar baba om shanti madhuban

helo, svadarshan chakradhaari brahman kul bhooshnon ko chandrahaas bhaai ki namaste, aaj mangalvaar ki sitambar ki saat taarikh hai। praatah class mein baapdaada ki murli sunte hain।

record :-

yahi bahaar hai duniya ko bhool jaane ki…

om shanti!

meethe-meethe bachche jaante hain is samay mein mahaabhaarat ki ladaai chal rahi hai । aise kahenge na । abhi baba ne samjhaaya hai ki jaise aate mein noon hota hai taise in shaastron mein kuchh na kuchh sach ke liye jaise ki aate mein noon hai । baaki to sab jhooth, praayah jhooth । jaise kaha jaata hai na- ye gyaan praayahlop to maana jaise ki lop hi hai, baaki usmein thoda-sa bacha hua hai । to abhi dekho, ye mahaabhaarat ki ladaai mein vinaash to dikhlaate hain । Europe ko bhi dikhlaate hain ki moosal ya missiles vahaan se inventa hue । ye bhi bachche jaante hain । duniya mein aisa koi bhi doosra manushya nahin hai sivaay tumhaare । ye mahaabhaarat ka episod chal raha hai । episod kaha jaata hai yug ko, jabki ek dharma ki sthaapna hoti hai, kyonki paandavon ki vijay hoti hai aur hai bhi raajayog । vo dikhlaate hain ki krishna rath mein baith arjun ko gyaan dete hain । hai na barobar । abhi ye bhi to bachche samajhte hain ki jab raajayog ka gyaan diya hai to mahaabhaarat ke pichhaadi mein zaroor raajayog se raajaai sthaapan hui hogi, kyonki is samay mein koi bhi raajaai nahin hai । to phir se raajaai sthaapan hui hogi, parantu vahaan to koi ye baaten dikhlaate nahin hain । hona chaahiye । abhi kya karna chaahiye! kyonki mahaabhaarat ka ye naatak bhi banta hai । dekho, edvartaaijment nikal rahi hai ki mahaabhaarat ka ye naatak banaaya hai । ye baaiskop aa karke dekho । abhi tum bachchon ko to sab achhi tarah se maaloom hai aur usmein to sabhi jhooth hogi । abhi vichaar aana chaahiye, kyonki.. jo jhooth hai unko sach samjhaane vaale aae ho । duniya mein sabhi jhooth bolte hain । baap aa karke tumko sab sach bataate hain, kyonki jo bhi ye drama va naatak banaate hain, sab jhoothe hote hain । jaise raamleela ye saari jhoothi bataaenge । ye vishnu avtaar-avatran, ye sab jhoothe bataaenge । jo bhi bataaenge devtaaon ki, sab jhoothe, to mahaabhaarat bhi jhootha । abhi tum sachche to baithe ho, jaante ho । to kya hona chaahiye? achha, vo mahaabhaarat dekhna chaahiye । is hisaab se baba mana to nahin karenge । jaaenge dekhne ke liye ki ye kya banaate hain aur phir kya karen । service to karni hai na । to service ke liye buddhi ko phiraana hota hai, vichaar saagar manthan karna hota hai । abhi bachchon ki itni vishaal buddhi nahin hai । ye aata nahin hai । to dekho, baap daayreksans dete hain ki service kaise kar sakte ho । dekh karke phir jinhonne banaaya hai unko ja karke samjhaana hai vat is right, vat is rong? yaani sach kya hai, is samay mein chal raha hai । tum logon ne ye jo mahaabhaarat ki ladaai dikhlaai hai, ladaai ki hamesha tithi-taareekh chaahiye ki kab lagi hui thi । to abhi kisko pakde? jinhonne banaaya hai । unko ja karke samjhaana chaahiye ki dekho, tumne jo kuchh kiya hai, jhooth to mirai jhooth hai, sach ki ismen sirf ratti hai, kyonki banaane vaale ka naam, gaayan vaale ka naam- sab kuchh dete hain । dekhne ke liye jaana bhi chaahiye । jaise kan-kan mein bhagwan ' banaaya hai, abhi jaakar dekhna chaahiye ki kya ye karte hain, jinhone banaaya hai । phir unko dekhna chaahiye । to dekho, mehnat karni pade na । ismen vishaal buddhi chaahiye, doorandeshi buddhi chaahiye । vo to had ki buddhi hai । koi ki bhi doorandeshi buddhi to hai nahin, jo baith karke un logon ko aise samjhaave । kaisa karna chaahiye, baith karke short mein- ye sach kya hai aur tum log jhooth kya dekhte ho । patra bhi chhapaana chaahiye । service karni hai na । to vo aape hi patra padhenge ki sach kya hai, jhooth kya hai । ye sach hai jo abhi chal raha hai, naatak jo banaate ho vo jhooth hai । aay karke samjho । ye baat bhi samajhne se ki sach kya hai, jhooth kya hai, tum sachkhanda ke maalik ban jaaenge । vahaan neeche likh dena hai jaise ham sabke neeche likhte hain- ye jaanne se tum svarga ka maalik ban sakte ho va likhte hain phir sooryavshi daivi gharaane ka maalik ban sakte ho va likhte hain ki eeshvar se apna varsa le sakte ho । to isko kaha jaata hai vishaal buddhi banna ki yahaan service karen, aisi service karen, aise service karen । dekho, baba daayreksans dete hain na ki aise jaao । achha bhala, koi gae । chalo, koi ne likha ki ham ja karke un sarvottam leader bhaave se mile । abhi milte to hain, parantu milne vaala to vishaal buddhi chaahiye na । unko yahi jaakar samjhaana chaahiye ki dekho, sarvodaya leader, abhi sarva maana saari srishti ke oopar, vo to blissful bhagwan hai । sarva ke oopar to vahi daya karte hain aur ye dekho, bhaarat par bhi vo daya karte hain, kyonki ye bhaarat aaj se 5000 varsha pahle haivin tha, paradise tha, svarga tha । ye devtaaon ka raajya tha । to zaroor satayug ki aadi mein tha । abhi kalhayug ke ant mein to dekh rahe ho ki kya hai, bhrashtaachaar vagairah । to abhi saari duniya ke oopar daya karna, ye to baap ka kaam hai aur vahi to karte hain na, kyonki zaroor kalpa-kalpa vo aate hain, kyonki satayug mein to sab sukhi- sukhi hote hain । baba ne kal-parson bhi bataaya ki sukhi hote hain । abhi ye sarvottam daya kisne ki? abhi main jaanta hoon tab aapko samjhaata hoon । vo sarvottam sarvodaya karne vaala saari duniya ko, kyonki question hota hi hai saari duniya ka aur apan ko saari duniya ka sarvottam leader kahlaate ho, yeh rong hai । ye thodi-si seva karke apan ko jaise ki eeshvareey title dete ho ki ham sarvottam leader hain, sarva par daya karne vaala । to tabhi bhagwan nahin hai? abhi bhagwan kaise sarva ko karte hain, ye to samjho na ki ab kalhayug hai, satayug hai । yeh dekhte ho mahaabhaarat ki ladaai ho rahi hai । zaroor koi hai jo ye patit duniya ko paavan banaate hain । uska naam patit-paavan hai । to jo patit-paavan hai usko hi kahenge na- sab patit ko paavan banaane vaala । sarvottam blissful vo hai na । to abhi gyaan ki buddhi hai na । koi bhi had ki buddhi vaale ne kuchh bhi jaakar samjhaaya, unki buddhi mein kuchh baitha hi nahin, kyonki samaachaar to aate rehte hain na । to baba samajh jaate hain । vo to bichaara kehte hain main ja karke bahut himmat kiya, sarvottam leader se mila, kyonki aise aise manushyon se milna thoda mushkil hota hai । baaki milte bahut hain, dher ke dher milte hain, parantu milne vaala koi vishaal buddhi vaala chaahiye । vo to khush ho gaya ki main sarvodaya leader se mila, unse bhi ham baat kiya । 20 minute ki,30 minute ki, 40 minute ki, kuchh likha hua tha, tumne patra suna hoga । nahin suna hoga । sunaaya tha? kahaan? kaun the? (kisi ne kaha- jabalpur)... chalo achha, vo omaprakaash ya phalaani ya koi maai gai hogi । abhi itni to vishaal buddhi hai nahin, kyonki jab jisse milna hota hai to programme bada yukti se banaana hota hai । to dekho, baap sunte hain ki gaya, unke saath mila । jo kuchh baat kiya vo koi vishaal buddhi nahin । usko had ki buddhi kaha jaata hai । vishaal buddhi ho to unko pahle-pahle bata dena chaahiye ki is saari duniya me ashaanti hai । ye jo duhkhi manushya hain, jinke oopar tum daya karna chaahte ho, is samay mein duhkhi to saari duniya hai । ye hai hi duhkhadhaam । sukhdhaam, duhkhadhaam aur shantidham- bas, ye teen akshar unko kaan mein suna bhi de parantu kya hota hai, us samay me sab bhool jaate hain । bhaarat ki mahima badi karni chaahiye ki bhaarat kya tha aur bhaarat ko banaane vaala aise kaun, jo pavitrata bhi ho, shanti bhi ho, sukh ho? abhi isme poori chaahiye pavitrata ki baat । baaki isse koi ki jameen le karke gareebon ko dena, isko dena, ye sarva to nahin hua na । sarva ko to tum daya kar nahin sakte ho । sarva par daya karne vaala to eeshvar hai, jisko aap bhoole ho । pahle to unko jaano । vo khud ye kaam kar rahe hain । hi, ye achha hai ki achha karte ho, unse le karke dukhiyon ko dete ho, parantu abhi vo samay kahin hai jo baith karke vo tumhaari jameendaari karenge, ye karenge । unko milna bhi ekaanta mein hai, kyonki samjhaani ekaanta me mili jaati hai । nahin to koi na koi kaue baithe rehte hain, beech mein bhi kuchh na kuchh ulti-sulti bakvaad karte rehte hain । ye bhi baba kehte hain ki jinhonne yeh mahaabhaarat banaaya hai uske evaj mein apna bana karke aur patra baantana chaahiye । yeh aa karke ye sachchi mahaabhaarat, jisse ye mahaabhaarat ke baad ye bhaarat kaise heere jaisa banta hai ya ye 100 percent kaise hota hai- aakar samjho aur baap se varsa lo, kyonki jab ye mahaabhaarat ki ladaai hai tabhi to yeh baap hai na । unse hi to varsa le rahe ho na barobar । to baap hai vo apna shivbaaba aur vo rakh diya hai krishna । abhi krishna ko baap bhi nahin kaha ja sake bilkul hi । manushya jabki god father... pukaarte hain to niraakaar ko yaad karte hain । bhagwan krishna ko bhi kaha nahin ja sakta hai aur na koi vo suna hi hai kuchh । dekho, 100 percent ye log sab jhooth bataaenge । to unko saavdhaan kaise karen? to dekho, sunte to roj hain radio mein । edvartaaij karte hain aakar mahaabhaarat dekho । vo mahima dikhlaate hain, hoshiyaari karte hain, par andar sab jhooth hai । jhooth se paisa kamaana aur parampita paramatma se.... ye ek jhoothi stori bataana । stori ko jhoothi kaha jaata hai । to unme se bahut nikal sakte hain, kyonki pradarshani karte hain to bhi ye hisaab kiya to kya do chaar paanch aath.., koi.. se ek bhi nahin nikalta hai । itna hajaar kharcha karna ye sab patra chhapaane hain । ye kya hai, to inmen thodi buddhi chaahiye ki kaise patra me thoda chitra bhi deve aur bataave ki ye mahaabhaarat ki ladaai practical mein ab chal rahi hai । tum log to puraani baaten likho, par vo baat is samay mein chal rahi hai । dekho, yaadav bhi hain, kaurav bhi hain, paandav bhi hain । unko achhi tarah se likh dena । darne ki baat nahin hai । congress ko koi kaurav kaha to ye koi insult nahin hai । vo arth ko samajhte hi nahin hain aur yahaan to right akshar diya jaata hai na । to darte hain ki congress ko dekho... । yahaan bhi hain na । to bolte hain tum log jo congress ko kaurav kehte ho, bhala ye bahut kharaab hai । aise kehte hain । are par, kaurav ka arth hi hai congress । ye panchaayti raajya ko hi to congress kaha jaata hai na । to kuru jo the vo panchaayti raajya the । vahaan koi paandav aur kaurav ko taaj va takhta to the hi nahin । dekho, abhi-- jab ladaai shuru hoti thi to vo logon ne nikaala tha ki start se aise hua hai । hoobhu vahi 5000 baras pahle vaali mahaabhaarat ki ladaai phir shuru ho rahi hai । aise aise likha tha । to bachchon ko saare din mein yahi khyaal rehna hota hai ki ham kaise service karen, kaise kisko ham baith karke baap se varsa dilaave kaise ham baith karke baap ka parichay den । to vichaar-saagar-manthan karna chaahiye na, jin jin se ho sake । ye to baap samajh jaate hain । purushaartha to karaaenge hi zaroor । jo na uthenge, jagenge.... .hai hi jagaane ki baat, to bachchon ko bhi hai jagaane ki baat । to jagaane ke liye hi baap bhi sabke liye kehte hain, koi sirf tum do, paanch ke liye nahin kehte hain । do paanch ko to jaante hain, parantu nahin, auron ko kaise jagaana chaahiye ye mehnat chaahiye, kyonki andhon ki laathi to banna hai na va kaanton ko phool banaane ka bhi tumko banaana to hai na । manushya jo bichaare duhkhadhaam mein hain, unko maaloom hi nahin hai ki sukhdhaam kisko kehte hain ।.. sukhdhaam ko hi vaikuntha kaha jaata hai jiske liye kehte hain ki bhai, ye mara, ye vaikuntha mein gaya । to ye sabhi baaten thodi-bahut gai, shamshaam mein bhi gai, parantu thak padi । jaakar dekhte hain, koi bhi nahin sunte hain । are, sunega kaise?... jab baba kehte hain ki 20 baras surda bajaao, to phir baba misaal dete hain- bhend kya samjhe raaj se jiski boli be । reedh ko baithkar tum gyaan ka surda bajaao vo sunegi kuchh? baba yahaan kehte hain na- dekho, koi hai, koi bakri hai yaani janaavar ke misal hain । ye itna unke liye gyaan ka baaja bajta hai, vo peechhe be samajhte hi nahin hain kuchh bhi । buddhi mein nahin baithta hai । to unko janaavar ki soorat bhi bataate hain na । ye dekho, itna sahaj gyaan hai bilkul hi jo dekhne se baba kehte hain ek dapha kisko samjhaao, tak buddhi mein aa jaaega ki oonche te ooncha bhagvat, phir brahmaavishnu devta, peechhe ye history hai neeche mein । usmein pahle-pahle hain srishti par brahman choti । ye varna । ye to bilkul sahaj hai na ।.. .choti hai oonche te oonchi । peechhe dekho, choti se hamaara pad kam hota hai । ye kitni gupta baat hai! is samay mein jo tumhaari mahima hai so jab koi devta bante ho tab thode hi tumhaari mahima hoti hai । yahi to dekho tum shaktiyaan banti ho । shaktiyon ki pooja hoti hai, mela-malaakhda lagta hai । kaise lagte hain! tum kabhi bhi nahin sunengi ki lakshmi ka koi mela lagta hai । lakshmi, mahaalakshmi, jiski pooja karte hain, vo to bas aai ek deepmaala aur unka aavaahan karne ke liye ki hamko thoda dhan do, parantu unke mele nahin lagte hain। yeh jagandamba ke dher ke dher mele yahaan to bahut lagte hain । koi na koi prakaar se koi na koi din mukarrar rakh mela bhi laga dete hain amba ke oopar । to abhi ye sab baat tum jaante ho ki mama kaun hai, lakshmi kaun hai । nahin to aise koi ki buddhi mein thode hi... aage tum logon ki buddhi mein ye thode hi tha ki amba kaun hai, inki position kya hai, iski pooja kyon hoti hai, lakshmi ki pooja kyon hoti hai । jaante to hain barobar shri lakshmi-naaraayan, phir unki bhala ye pooja kyon hoti hai? abhi kahin hai vo lakshmi, jiska poojan karte hain? dhan kaun denge? dekho, aata hai koi buddhi me? abhi dekho deepmaala hogi, lakshmi ko poojan karenge । lakshmi ho gai satayug mein । ab vo lakshmi hai kahin? ye to kisko maaloom nahin hai iski aatma kahin hai । shareer to hai nahin । shareer zaroor tha । peechhe kahin gaya? tum bachchon ko to buddhi mein hai ki shri lakshmi, are vo to abhi janma bhogte-?, abhi tumko maaloom hai । iske aage kuchh nahin maaloom tha । abhi maaloom pada ki 84 janma bhog karke phir ja karke antim janma mein ye jagandamba banti hai । vo lakshmi adopt ki jaati hai । unka bhi to doosra naam hoga na, jo phir unka naam badlaaya jaata hai, kyonki jab adopt kiya jaata hai to unka naam badlaaya jaata hai । bahut bachche kehte hain- baba, hamko jo adopt kiya, ham braahman bane hain, hamaara naam kyo? bolte hain- kyo? kya karen? maala ka naam to deve parantu vo naam ko vatta laga dete hain, to kiska naam deve kiska na deve? abhi naam deve aur na deve to bhi heartfail ho jaaega । isliye baba kehte hain abhi dekh liya na ki naam kitne ka diya, phir vo kaha hai? vo to naam ko vatta laga diya yaani naam bhi first class mile the, phir unko vatta laga, phir unka doosra naam pad gaya । phir doosre naam se usko bulaaya ja... । tum to sabhi.. .prajaapita brahmaakumaar kahlaaenge na sab jagah mein । bhale shareer nirvaah ke liye vo jo tumhaara dhandha hai usmein apna vo sachche naam denge, parantu yahaan se koi tumhaara poochhenge to unko bolenge hamaara naam vo the, abhi ye naam hai । jaise sanyaasiyon ka badla jaata hai । hamaara asal naam vo tha, abhi hamaara ye naam hai, kyonki ham adopt kie hue hain । agar tum ye naya naam bhi do to bhi to chal nahin sakte hain na । address to phir bhi sabhi ghar ki dete hain । isliye office mein bhi ye naam nahin de sakte hain । ye to buddhi me rehta hai ki barobar abhi ham brahmaakumaar hain । baba ne samjhaaya na, yahaan baithe ho to tumko pakka hai ki ham brahmaakumaar hain, kyonki saamne brahma bhi baitha hai, shivbaaba bhi baitha hai । jab ghar mein jaate ho aur office mein jaate ho, apna naam saara din bataate ho ki hamaara..., chitthi likhte ho to apne baap ke naam par likhte ho । naam likhenge to apna surname to likhen na । sahi karenge to bhi naam to likhenge na ki phalaana । jaise bhai, vishvakishor aise thode hi likhenge- prajaapita brahmaakumaar vishwa kishor । nahin । dekho, jab chitthi likhte hain, beekekriplaani । par unko ye maaloom hai ki hamko ye naam dena hi padta hai । nahin to vo samajh nahin sakenge । to vo naam dena padta hai aur tumhaara gupta naam phir doosra hai । to dekho, ye bhi to aalo aate hain na, kyonki vahaan jaaenge, tumko baap yaad aaega, vo maa yaad aaegi । saara din, jo laukik sambandhi hain, unse vyavhaar mein chalte ho to bhool jaate hain । to grihastha vyavhaar mein rah karke apan ko shivvanshi aur brahmaakumaar nishchay kar aur phir yaad mein rehna pade, ye to mehnat hai na । bhale ghar mein baithe rahen, phir vo to yaad karna padta hai na । to saara din yaad na ho sakti hai, jaasti samay yaad na ho sakti hai, tab baba kehte hain chart likho । ye itni itni takleephen tumko aati hongi zaroor । office mein jaaenge, vahaan jaaenge, makaan banaaenge naam denge, apna jo naam denge us laukik vyavhaar ka, jaat-paat sabhi apne denge । bhai, agravaal hai, kriplaani hai, phalaana mera baap hai.... sab poonchhana padta hai । dekho, ek taraph mein tum ho unka aur yaad tumko vo karna hota hai । to baba kehte hain grihastha vyavhaar mein rah karke... । vyavhaar mein bhi raho । vyavhaar mein to tumko ye sabhi apna laukik naam dena hi hai, parantu laukik ke hote hue class parlaukik ko yaad karna hai । ye dekho mehnat hai । dekho, abhi ye baaten nai hain samajhne ki । to bichaare moonjhate hain । aise to kabhi koi samjha nahin sakte hain । abhi ye jo mahaabhaarat ka bhi naatak hai unmein krishna ka rath zaroor dikhaaenge aur arjun ko bhi dikhlaaenge ki aise gyaan de rahe the । phir vahaan vo sanskrit mein shlok bhi zaroor bolenge । to jaakar dekhna chaahiye ki ye log kya banaate hain aur vo jo banaate hain, dekh karke phir unke against baith karke likhna hai ki bhala ye kya hua, is geeta ki result kya hui? koi result hai nahin । peechhe bhi vo usmein bataaega zaroor ki ye paanch paandav kutta le karke aur pahaadi par dikhlaaenge jaakar galte hain, aur kya dikhlaaenge unmein! to dekhne mein koi harja to nahin hai na, kyonki ham dekhte hain to koi shauk se to nahin dekhte hain । wahin ja karke dekhte hain ki auron ko shiksha kaise deven । to jo aane vaale hain, jo achha royal royal dekhen ya jo bhi dekhen thode kyonki mahaabhaarat ki ladaai to bahut dekhne jaate hain । pandit bhi jaaenge, phalaane bhi jaaenge, ye bhi jaaenge । to service ka khyaal karna chaahiye na । ye bhi kitni service hai! kitne manushya dekhte hain! kitne hajaaron dekhte hain । abhi itna hi hajaaron patra bhi chhapaana pade । dekhen result ki kya aate hain? inmen se samajhne ke liye koi aate hain? to usmein ek taraph apna parichay bhi likhna hai, jo samjhaaya jaata hai । bhai, ye likhne se tumko sachchi mahaabhaarat ki ladaai ka gyaan practical mein mil jaaega, jo is samay mein mahaabhaarat ki ladaai chal rahi hai । ye chaalu hai । thodi- thodi karke pichhaadi mein aa karke ladaai lagni hi hai ekdam । moosal to hain na । to isko kaha jaata hai vishaal buddhi । ghar baithe bhi baba ko kyon, kahaan se khayaalaat aaya? vo radio se sunte hain na । ye sab jagah jaaenge । kalkatte jaate hain, baambe mein jaate hain, dilli mein jaate hain । ye hai bhi apni sab jhoothi baaten । ismen geeta.... band ho jaati hai । to ye jo hain, ye sab koi svarga mein to aane vaale hain nahin । haan, jo convert ho gae hain, unmein se koi na koi zaroor nikal aaenge, kyonki devi-devtaaai sab convert ho gae । koi hindu bana, koi kshatriy bana, koi phalaana bana । koi koi kya kya ban gae sab doosre doosre dharma ke । vo to nahin aa sakenge na । unmein jo convert ho gae hain vahi aaenge, jinhonne kalpa pahle bhi raajya liya । peechhe jitna takdeer mein hoga itna vo lenge, kyonki jab gyaan lenge to auron ko bhi to samjhaaenge । agar auron ko na samjhaaya to apan samjhenge ki haan, devi-devta dharma mein aaenge to sahi, par bahuton ko nahin samjhaaya, praja bhi nahin banaai, bahuton ka kalyaan nahin kiya to thoda varsa milega । aaenge, svarga mein aaenge । bas । dekho, ye bhi to bahut achha hua na ki svarga mein aane ke laayak ban jaate hain । jaise ahamdaabaad se vo maai aai । pahle dekho kitni buddha thi । phir jab aaste aaste thoda buddhi mein baitha to khush hone lagi- ye hai to bahut hi achha । dekho, teen-chaar bachchiyaan bhi theen । ek bachchi ko kuchh thoda lagne laga, kyonki phir samajh mein aata hai ki inka kuchh dekhne mein aata hai, jo inko gyaan achha lagta hai । aur koi jaise sunta hai na, tum yahaan baith karke dekhenge, jab naya koi aata hai to saamne baba to dekhte rehte hain sab taraph mein ki vo attention dete hain, uska kaandh kuchh hilta hai, samajhte hain ye to theek baat hai । kis- kis ka kandh aise chalta hai । unka bahut karke to ye hai hi aise । jab ye gyaan sunne ko hote hain to right samajhte hain ki ye to right hai, ye to dil se lagta hai aur na dil se lagega to unka maatha hilega nahin ya koi bilkul hi buddha hoga to yahi dekhega, yahaan dekhega, jhat maaloom pad jaaega । jo baahar vaale aate hain, jhunda hai, ek hai, do hain, baba unko sabko najar zaroor rakhte hain । koi aise na samjhe ki unko dekhta nahin । baba dekhte rahenge, jaanch karte rahenge- ye naya jo aaya hai, laayak hai ya naalaayak hai । behad ka baap hai na । vo to samjhega jab baap nahin, daada bhi samajhte to hain na, koi bhuttu to nahin hai na । achha, bhale samjha dete hain bhai, isko bhuttu hi samjho to tumhaara attention shivbaaba mein rahe । baba jab kehte hain na ki aise hi samjho to sachmuch kai bachche aise hi samajh bhi lete hain । vo khyaal nahin rakhte hain ki phir bhi ye to sabse teekhe honge hi zaroor jo pahle number mein jaata hai । vo bhool jaate hain, peechhe unko kuchh kaho bhi ki bhai dekho,.. .sabhi shivbaaba hi bajaate hain, main bhi sunta rehta hoon । ye pakka samjho ki jo bhi murli roj chalti hai, shivbaaba hi chalaate hain ।.. .ham khaali sunte hain, chalaate nahin hain । to bachche samajhte hain ki haan bhai, ye bhi to aise hi hai na, hamaare muaaphik hi hai jaise । unme apna thoda aa jaata hai, kyonki vo samajhte hain ham to seva karte hain na, ye to sunte rehte hain na, to ham inse teekhe ho gae aur sachmuch aise maan bhi lete hain । vo phir doorandeshi nahin hote hain । ye to bachchon ko samjha dete hain, yukti bataate hain ki bachche, aise hi samjho to shivbaaba ko yaad karte rahne se vikarma vinaash hota hai । vo yuktiyaan nikaalkar bataate rehte hain । ismen koi dehaabhimaan ki to baat hi nahin hai । vo to apna jo jo dehi-abhimaani rehte hain, baap ki yaad mein rehte hain, vo zaroor kuchh na kuchh kaam karta hoga । aise to nahin hai ki kuchh chup karke baithne vaala hoga । to dekho, baap raay dete hain na achha, ye bhi yahi samjho, chalo shivbaaba ne padha, suna aur vahi baba baith karke tum bachchon ko direction dete hain । theek hai na । to bhale phir bhi yaad to karo na ki shivbaaba ne hi radio mein suna aur shivbaaba hi in dvaara baith karke direction dete hain ki aise karo, aise service karo, aise doorandeshi bano, aise vichaar-saagar-manthan karo । to phir sabki buddhi mein aata hai, phir vo 2-4 aapas mein milte hain ki bhai aisa karna chaahiye, aise patra chhapaana chaahiye । achha, to zaroor koi do jaakar jo samajh hove... । hamesha do jaate hain । dekho, pravrittimaarga hai na to hamesha pravrittimaarga ki hi raay dete rehte hain । vo sanyaasi to nivrittimaarga hain । jhaad ke oopar bhi samjhaana chaahiye । dekho, ye svarga mein aane vaale hi nahin hain to kisko svarga ke raajayog sikhla kaise sakte hain, jabki drama dikhlaata hai । to ye aate hi hain jab srishti rajoguni hai । ye koi svarga me to aate hi nahin hain । haan, ye ham samajhte hain inmen bahut hi convert ho gae hain । dharma vaale bhi hain aur unmein koi koi hamaare devi-devta dharma vaala bhi gaya hua hai । haan, aage chalkar phir unka naam bhi bataate hain ki barobar ye log pichhaadi mein aaenge, jab inka kuchh na kuchh dekhenge ki barobar ab to ye baaten bilkul hi theek samajhte hain । bhagwan sarvavyaapi nahin hai- ye to bilkul achhi tarah se samjhaate hain, saath saath me ye bhi siddha karte hain ki geeta ka bhagwan krishna nahin hai । nahin to geeta saari khandan ho jaati hai bilkul hi । ekdam khandan ho jaati hai । to abhi dekho, hai bhi sahaj, parantu thode-bahut samajhte hain aur samjhaay sakte hain । aage chalkar bahut hi niklenge zaroor, kyonki kaante se phool bahut banne ke hain na । are, badi raajdhaani sthaapan hone ki hai । aage jab chalenge to vo bhi sunenge ki ye right hai । inko padhaane vaala, ye gyaan beshak parampita paramatma hai, na ki krishna । krishna ho hi nahin sakta hai vo peechhe siddha kar denge । jaise tum bachche bhi to sensible ho, buddha to nahin ho na । yeh to samjhaaya hi jaata hai ki right kya hai, wrong kya hai? sukh right hai, duhkh wrong hai । dukh rong mein kaun le jaate hain, right mein kaun le jaate hain, sach kaun bataate hain, jhooth kaun bataate hain- ye samjhaane ke liye to bahut sahaj hai na, parantu aage raavan ke us par jaate the, ye thode hi samajhte the raavan kya hai, kab hai, iska kya? kyon ye seeta hi bas churaae gae the isliye inko das sheesh diya tha? bas, raam raajya me yahi vighna aakar pada tha? ye aae the raamraajya mein? inko to ye thode hi maaloom hai ki haan barobar ye dvaapar se shuru hua hai । ye raamraajya mein tha hi nahin । ye dvaapar mein shuru hua hai, aise hi chala aa raha hai । abhi raavan ko aise koi thode hi samjhenge । in baaton ko sivaay tumhaare koi ek bhi nahin samajh sakte hain । so bhi nambarvaar purushaartha anusaar yathaartha reeti se baithkar kisko samjhaayen, vo to phir padhaai ke oopar sab nambarvaar hai । koi to bahut raseeli achhi tarah se samjhaate jaaenge । abhi phir bhi to aate hain । phir bhi to chitra nikaalne hi hote hain- raavan ke, unke । unmein abhi achhi tarah se knowledge deni hai । yeh dushman kab se aaya hua hai, tithi-taareekh daalni chaahiye । ye raavan ka raajya kab se shuru hota hai? kaise ye puraana dushman hai? vo to thode dushman hain, ye to puraana hai । in par jeet pahanni hai । is raavan par jeet pahanne se jagatjeet ban sakte hain । jagatjeet banaane vaala phir bhi to bhagvaanuvaachya । to ye sabhi baaten sunkar ek kaan se nikaal karke doosre kaan se chala jaave vo to kuchh kaam ka nahin raha । phir service karni chaahiye । baba to anek prakaar ki yuktiyaan bataate hain । abhi ye naatak mein kitne aaenge! kitni service ho sakti hai! desh-deshaantar abhi kitne patra chhapaane chaahiye! patra bhi ek dapha chhapa karke, phir ek dapha nahin, phir aage chalkar vichaar-saagar-manthan karke phir aur kuchh nae namoone se patra chhapaave, kyonki hamko gyaan milta rehta hai aur daayreksans milte rehte hain- patra mein ye likhna chaahiye । abhi ye jo doosre patra chhapaao usmein ye likho । sab nahin chhapaay lo । vo poora hove to, abhi itna nahin । vo to teer lagta hai to aur kuchh point milegi teer lagaane ki । jaate bahut hain । samjha na । jab aisa koi rileejiyas khel hota hai to rileejiyas vaale bahut jaate hain aur jo vo stori hoti hai pyaar ki aur gand ki, ismen koi gand ki baat nahin hoti hai । to aise gande purush bahut jaate hain । aajkal jaate to sabhi hain । gandagi to lagi hui hai barobar । yaani patit kehna to gandagi kahenge na । he patit-paavan! sabhi patit । to sabhi gande thahre na । manushya apan ko aise gande thode hi samajhte hain । koi bhi abhi pavitra rahkar agar phir patit bante hain, dekho, mua kaala munh kar diya । phir mua gande ka ganda ban gaya, dirty kilar । abhi bahut chitthiyaan aati hain, jinka magazine mein dete hain, jo manthali nikalti hai । unmein dekha na ki phalaane ke prashn ka uttar diya । phalaane ka prashn aur ye uttar । are ye dekho, prashn daalte hain । kal chitthi aai । akhbaar mein prashn pada hai aur kal shaadi kar raha hai । kisne padha hai? akhbaar mein unka prashn pada hua hai । usne banaakar daala hai aur kal vo shaadi kar raha hai । vo maaya ne naak se pakad diya । aise to bahut hote hain । yeh baba ke paas bahut yangastarsa aate hain aur ham samajh jaate hain inki kya taakat hai jo maaya ko jeet sake । unki shikal hi kahaan hai! ye aage chalkar phir jab vo bolenge- baba, hamko mama-baba shaadi ke liye bahut tang karte hain । bas, baba ko vichaar... to unko likh do ki abhi shaadi kar do ekdam, doosra din nahin daalo, parantu baba kah nahin sakte hain । samajh jaate hain ki ye mua ki mua । ye poochhte hain na, ye mua । ye poonchhane ki to darkaar hi nahin hai ki main shaadi karoon ya mujhe ye jor dete hain ya kanya kehti hai ki baba, mujhe ye shaadi karaate hain । are, tumko shaadi karna hai ya na karna hai, ye to tum ho maalik । chaahe jahannum mein jaao, vishay vaitarni mein gota khaao, chaaho apne ksheer saagar mein chalo- ye tumhaare oopar hai । poonchhate ho maana tumhaari dil hai shaadi karne ki । aise to bahut hi yangastarsa yahaan aate hain aur phir 6 maheene, 8 maheene, na 2 maheene, do varsha ke peechhe dekho to vo shaadi kar lete hain । baba ne drishtaanta bataaya na । aise bahut hain, shaadi kar lete hain । to ye manzil hai badi jabki chalte chale-chalte chale-chalte chale । aise thode hi hai koi ekdam vishvaas kiya jaata hai ki ye to zaroor rahenge । haan, bahut achha, shaadi karte rehna, patra likhte raho, unka javaab milta rahega । baaki ye samjha jaata hai ki ye jara manzil hai । kaam koi kam nahin hai । ye to jaise halva hai manushya ke liye । buddhi bhi aise hi kehti hai- barobar ye gyaan mila hai, nahin to aise bahut mushkil hai । ye sanyaasi bhi gharbaar chhodte hain । jab chale jaate hain to phir kya karega, hoga hi nahin । jangal mein unko kya milega? rahkar to dekhen । to ye tum bachchon ko grihastha vyavhaar mein rah karke, baap se yog rakhkar aur pavitra rah karke baap se varsa । abhi tum bachchon ko mehnat zaroor karni pade, kyonki kuchh inheritensa milta hai । unko to kuchh bhi nahin milta hai । haan, mahima hoti hai । dekho, kitni badi- badi kamaai hui hai, bade bade flats banaakar baithe hain! bade-bade ghamanda se unka aasan bane hue hain । bahut hi bade-bade aadmi, raadhaakrishnan jaise president unko ja karke mattha tekte hain । to dekho, pavitrata ke oopar ye apvitra mattha to tekte hain na । nahin to inka position to ye hai na- bhaarat ka king । vaastav me aise kahenge bhaarat ka king aur vo sanyaasiyon ke paas ja karke mattha tekte hain । kyon? kaaran? patit hain । vo paavan hain । unka sanyaas kiya hua hai । pharka dekho! bade-bade raaja log bhi sanyaasiyon ke paas jaate hain । dekho, gvaaliyar ki mahaaraani saadhu ke pichhaadi mein mattha tekti hai । kyon? kyonki vo paavan hain । are, sanyaas kiya hua hai । baaki agar history samjhi jaae to samjhen ye to duhkh dekar apne ghar ko ekdam khatam kar diya । ye to sirf naari pavitra banti hai to bhi dekho kitni radiyaan maarte hain ki bachcha ghar kaun sambhaalenge? ye karte hain, hamko ghar se, ye inko phoot daalte hain aur vo jo phoot daalkar chale jaate hain phir unko to koi poonchhata bhi nahin hai । to ye sabhi baaten samajhne ki hoti hain । ismen badi vishaal buddhi । dekho, manushya ek do paath aur ye matric padhkar thande ho jaate hain । koi to padhte padhte dekho kitna bada imtahaan paas kar lete hain । ye bhi to vishaal buddhi ki baat hui na । padhaai ke liye koi kahe ham padh nahin sakte, paise nahin hain । vaah! tumne suna hai ki jo queen Victoria thi, unka ek prime minister vaaldaveen tha । vo ghar mein balli jala karke padhta tha । bahut gareeb ka bachcha tha, ekdam gareeb ka bachcha tha aur padh nahin sakta tha, kyonki fee nahin de sakta tha । to gareeb ka bachcha balli bhi jalaakar padhte- padhte, prime minister jaakar bana । is samay bhi aise mehatron ke aulaad padhte padhte, padhte padhte empi ban jaate hain । purushaartha se to sab hota hai na । to hai hi purushaartha । purushaartha bada ki praalabdha badi? are bhai, purushaartha hi bada hai na । aise kabhi poonchhate hain to kehte hain- nahin, praalabdha mein hoga to padhega na । ham kehte hain nahin, purushaartha karega to praalabdha milegi na । ye bahut aapas me ladte hain- praalabdha badi ki purushaartha bada? bolte hain praalabdha mein hoga tab to purushaartha karenge na । agar aise kahenge ki praalabdha mein hoga to purushaartha karega to vo pahle hi fail ho jaaenge । jaise yahaan manushyon ko samjhaaya ki drama ke aadhaar drama ko samajhna hai । jo satayug pahle tha so phir hoga । to purushaartha bhi humein phir zaroor karna padega । jabki shreemat milti rehti hai । to agar drama me jab hai ki ham devta banenge tab to hamaara purushaartha zaroor hoga । hamko drama zaroor purushaartha karaaega । bas, ham chup karke baith jaate hain, drama zaroor karaaega । peechhe dekho gir padte hain । to praalabdha aur purushaartha ke liye bhi aise hi ek , do mein kehte hain । yeh drama ki baat kahege to bahut hi gir padte hain । samajh nahin hai । mukhya baat baba kehte hain ki baap ka parichay do to bhagwan to ek ho jaae । un ek bhagwan se phir siddha bhi to ho jaae ki geeta ka bhagwan bhi ek bhagwan hai, na ki saakaar, niraakaar । samjha na । bas, niraakaar hai to phir krishna ki jo bhi kuchh mahima hai, vo jhoothi ho gai । bhaagvat jhootha ho gaya, geeta jhoothi ho gai, phir unke baal-bachche bhi jhoothe ho gae । to ek cheej samjhaane se, ab vo jab talak na samjhe tab talak unke saath jaasti traaen-traaen karna vesta oph time ho jaata hai । isliye hamesha hi pahle vo parichay । so bhi baba kehte hain ki unse padhe likho, phir usmein likho ki geeta ka bhagwan, bhagwan ho sakta hai, phir inmen likho ki is hisaab se to geeta jhoothi ho gai । ab geeta jab maai-baap hai to unke jo bhi hain vo bhi to likho । vo itna samjhaane ki yukti hove । nahin to mattha maarne se kya phaayda hai! baap ko jisne na samjha, kab bhi kuchh bhi nahin samjhega । peechhe unke saath jaasti tik-tik karna vesta oph time ho jaata hai । isliye baba ne short mein yukti bataai hai bachchon ka time vesta bhi na ho aur aa karke unko samjha bhi sake । koi se bhi tum baat kar sakte ho, bhale sanyaasi bhi ho jaave । pahle-pahle ye baat । nahin maante ho, achha apna raasta lo । khalaas । jaasti baat karne ki koi darkaar nahin । koi poonchhe... । bolo- koi bhi prashn nahin poonchho ki ye kya hai, ye kya hai । ye kuchh bhi nahin samajh sakenge bilkul । pahle ye samjho ki tumhaara baap hai ya nahin? sab bachche hain, vo baap hai ya nahin? dekho, tum kehte ho na, barobar vo pita hai । sabka pita hai । likho, pita hai aur ek bhagwan hai । baaki sabhi rachna hain । sabhi creation hain । creator ek hai । baap ek hai । to abhi bataao, geeta ka bhagwan kaun hai? buddhi mein bada mushkil samjhega ki ye to niraakaar hai । ham kaise kahenge ye bhagwan hai? isne kaise aa karke ye geeta sunaai? phir vo to bata diya na ki prajaapita kya lagta hai? prajaapita brahma dvaara barobar ye manushya srishti paida hoti hai । kaun-si? brahman । srishti ko nahin hoti hai, adopt karte hain । shoodra se adopt karte hain brahman bante hain, phir brahman ban karke devta bante hain । pahle-pahle vo baap ki । vo likhaakar lena chaahiye, parantu baba sunaate hain, koi karte thode hi hain । koi phir aisa maante bhi nahin hain । koi aakar samjhaate hain, bataate bhi nahin hain ki barobar mainne likha liya hai । bas, aae-gae khel khalaas ho gaya । jo baba bhi samjhe ki isne righteous ve me samjhaaya hai । nahin to do-do ghanta, teen- teen ghanta samjhaane ki jaroorat nahin chaahiye, kyonki do-teen ghanta bhi samjhaaya na, vo bhi na samjha, to samjha jaaega na, phir bhool jaaega, kyonki usne pahli baat na samjhi, likhkar bhi na diya hua hai । jo unka naam-address hove, phir unko likhkar poochhe- are, baap se varsa lene ka kuchh purushaartha bhi karte ho? aise itni mehnat karni chaahiye jo aane vaale hain । unki address bhi li jaati hai । samjha bhi jaata hai । jab dekhte hain ki haan, ye samajhte hain baap ko aur ye to unko khushi mein le aana chaahiye na ki baap se behad ka varsa milega । sukhdhaam mein chalna hai । ye dukhdhaam hai । likho, ye duhkhadhaam hai । ye baap abhi yahaan sukhdhaam ka raasta bataate hain । brahmaakumaariyo sukhdhaam ka raasta bataati hain, shantidham ka raasta bataati hain । ye sabhi likha kar lena chaahiye jo phir margin rahe, phir unko chitthi bhi likh saken । to yukti se baith karke itna samjhaana chaahiye । dekho, do do ghata mattha maarte hain na । khalaas । phir nasha hi gum । to address chaahiye, jo samjhaate hain unko phir chitthi likh dena chaahiye ki tumko itna samjhaaya । tum bola- centre kholo ye karo, ye karo । tumhaara yahaan se gaya, vahaan ki vahi rahi । aise hi jaise bachcha baahar aata hai aur phir unki baahar ki chaati lagti hai, phir paap karne lag padte hain । tumhaari bhi ye aadat hui । dekho, itni mehnat jab ho yahaan bhi ya kahin bhi, tab service kahen । nahin to jaise-taise poora karna hai । koi aana hai, atainda karna hai । bahut aise hain jo samjhaate rehte hain, koi ek nahin hai । bahut samjhaate hain, parantu samjhaate aise hi hain aur bahut karke time vesta । nahin to unko ye khyaal karna chaahiye ki achha, 15 roj ke peechhe chalo unko ek chitthi bhi likh deve । yahaan tak jab service chale tab । baba to ek baar samjha dete hain na । das dapha, bees dapha kitna samjhaaenge! karne vaale ka kaam hai kartavya karna, auron ka kalyaan karna । to auron ka kalyaan karne ke liye phir neend fit jaani chaahiye । dekho, baba ki bhi to need phiti na vahaan ki ye sabhi dukhi ho pade hain । to baba ki bhi neend phitaay di na- radiyaan maar-maarkar, traahi-traahi karke । to dekho, phir vo bhi aa gae । vo neend kya karte hain, vahaan to shant hai na । tum bachchon ko bhi itni mehnat karni chaahiye । achha bachche, toli le aao । va project par pahle-pahle ye samjhaani, jo ye likhva rahe hain । pahle- pahle vo likhat ka chitra aana chaahiye ।.. .phir bolna- judge karo kya hai, kaun hai । itna to samjhaana chaahiye na । bhale time lagta hai, par service to karna hai na । shareer nirvaah ke arth dhandha karke office mein ya dhandhe mein, phir unmein kaaj gaya, phir baaki time mile, phir apna eeshvareey dhandha । baap kehte hain na- shareer nirvaah arth apna sab kuchh karo, phir is dhandhe ko bhi lago kyonki ismen phir phaayda bahut hai । usmein kya kamaakar aaega? 5-700 roj, achha 500 roj, 1000 roj, bas, phir baaki jo lagega ye service mein, bahut badi kamaai hoti hai । vo 21 janma ki kamaai ho jaati hai, jabardasta kamaai hai । tabhi baba kehte hain vo bhi karo । baaki time to bahut hai na । aaraam bhi karo । sab kuchh karo । time to bahut hai । din mein 24 ghante kuchh kam thode hi hai । abhi bahut bachche satsang mein jaayen, aise bahut geet gaate hain jo baat nahin । achha, aur baba raay dete hain jo sensible bachche hain, samjhu bachche hain, ye jab chhutti le karke, chhutti to lete hi hain, phir kya karna chaahiye? aashramon par jaana chaahiye । jaao bhaai, aaj arvinda ghosh ke aashram me jaao । sune to dher hain । vahaan ja karke sunen ki ye kya samjhaate hain, kya karte hain । phir vahaan yukti se... । kyonki vo to koi ko maaloom nahin padega ye kaun hai । poochhen unse । theek hai ya nahin? vo raay le liya, jo aaya so kar liya, baba ko kya maaloom । suna । (bhaai ne kaha- baba, jagdeesh bhaai se hoti hai) yahaan jagdeesh bhaai ki baat nahin hai । yahaan to baba ki baat hoti hai na । abhi dekho, bolte rehte hain na । kyon? tum arvinda ghosh ke aashram mein jaao । vahaan ja karke kaho ham yahi samajhne aae hain ki yahaan kya shiksha milti hai । ham roj subah ko jaayen, bhale vo yahaan na rahe, kahin bhi rahe, roj jaave, ek-ek se anubhav poochhen ki kya hua? kya praapti hoti hai? peechhe koi--koi dekhen ki nahin, inko teer lagaaven । to thoda teer bhi lagaaya jaae, kyonki geeta bahut karke bahut jagah mein aise । jahaan-jahaan gaya jaanch karne ke liye, peechhe koi se thoda baith gaya । ek se baith gaya to vo samjhega ki inko to shiksha bahut achhi milti hai । doosre ki jaanch karni hoti hai na । ek-ek ko dekh karke jaanch karni hoti hai । poochhna to bahuton se hota hai na । to aise bhi service bahut ho sakti hai । koi mana to hai nahin । mana nahin karega ki yeh kyon aae ho । hamaara dharma hai poochhna ki yahaan kya shiksha milti hai? phaayda kya hai? em-object kya hai? dekho, yahaan bhi aate hain na- uddeshya kya hai? to vahaan bhi jaakar uddeshya poonchho, kyonki tumko to sab kuchh maaloom hai । tum to jaani-jaananhaar ho gae ho । so bhi aisa jaana chaahiye na- phurta sensible shrewd । jaise ye kehte hain ki main mandiron mein gaya । achha kiya, parantu inki result phir roj aani chaahiye- ham aaj is madir mein gae । to baba samjhe ki nahin, inko kuchh aur raasta bataave । poonchha kisse, kya bola । unke saath unka taalluk hai phir geeta ka bhagwan kaun hai? unse sirf unka taaluk nahin hai, kyonki mool baat hoti hai geeta ka bhagwan ki, jisse sarvavyaapi ki baat nikal jaave । vo bhi theek hai, kya lagta hai? baap hai, ye hai । saath saath mein vo bhi zaroor chaahiye । to dekho, kabhi bachche likhte hain- baba, ye pahli do paheliyaan to hamne chhapaay liya । achha, chhapa liya na, chalo vo doosra chhapaao । ye to zaroor naya-naya milta rahega । ye vo raamaayan to nahin hai bas, ek dapha chhapa, chhapa । bhaagvat ek dapha chhapa, chhapa । yahaan to din-pratidin guhya baaten nikalti rahengi । thoda chhapaao । phir ye jo achha lage, chhapaao unko phaad kar phenk do, kisko nahin do ya do to bhi unmein kuchh na kuchh achha hi hai । ye to roj nai- nai baaten nikalti rahengi । aaj chhapegi, kal bolenge- isme ye correction chaahiye । ye to hota hi rehta hai । peechhe jab bhi vo samaachaar likhe ki ham aise kiya, aise kiya, ek do ko kiya । koi saboot aaya? koi ek- do aaya? nikla? vo to jab bataave tab baba samjhe na । jo-jo chitthi likhte hain, baba samjhaate hain ki phalaane-phalaane ke paas gae, unhonne ye-ye kiya aur unko ye sab baate aise sunaani chaahiye । kisko literature de diya, bilkul kuchh bhi nahin samjhega । litrechar le gaya, aise-aise manushya daal dete hain kone mein, yaad bhi nahin hota hai । kya vo baithkar koi padhega? kaun sunaaega unko? achha! meethe-meethe, sikeeldhe bachchon prati maat-pita, baapdaada ka yaadapyaar aur good morning । ham bachchon se kah hi dete hain ki bahuton ka kalyaan karen । bichaare bahut duhkhi hain । behad ke baap ko koi nahin jaante । sarvavyaapi ke gyaan se saari buddhi hi khatam ho gai hai । phir zaroor baap jaisa merciful banna chaahiye । knowledgeful blissful..... to tumko bhi to aap samaan banaate hain na- knowledgeful phir blissful । bas, yahi knowledge ki srishti ka chakra kaise chakkar lagaate hain । achha! bachchon se vidaai ।