Sakar murli du samedi 9 octobre 1965

> >

29-10-1965 madhuban aabooraatri murli saakaar baba om shanti madhuban

helo good evening ye 29 aktoobar ka raatri class hai

abhi ham aise karma karte hain, baba hamko sikhlaate hain, jo phir janma-janmaatar ham kabhi duhkhi nahin honge । ye samajhte ho ! … baap mila, jiske liye manushya bhaktimaarga mein aadhaakalpa hi dhakka khaate rehte hain । kislie? bhagwan ko milne ke liye । bhagwan to aa karke kehte hain main to aape hi aata hoon jab patiton ko paavan karna hota hai va narkavaasi ko svargavaasi banaana hota hai । to is samay mein jab ye maaloom padta hai to andar me achhi kahak aati hai ki ham kaise chhi-chhi ban gae the! abhi baba dvaara kitne achhe bante hain! kitne kagaal dukhi jhoothe gande ye vaishyaalay mein jaise kya ho gae the! abhi baap aa karke hamko shivaalay ka maalik banaate hain, vishwa ka maalik banaate hain । to khushi honi chaahiye na । abhi mat jo nahi samajhte honge unko itni khushi nahin hogi । nahin to isme khushi bahut hoti hai jinko ye nishchay hota hai ki abhi hamaara 84 janma poora hua hai, abhi baba se phir se ham apna varsa lete hain । jinko nishchay nahin hota hai unko itni khushi chadhne ki hai nahin; kyonki gaaya bhi hua hai na- nishchay buddhi vijayanti sanshaybuddhi vinashyanti । to nishchay jab hota hai ki baap mila to ye to pata hai, pakka hua ki svarga ka maalik banenge aur is samay mein ye jo narkavaasi hain, sab khatam ho jaaenge । narkavaasi dekho kitne hain! karodon hain । das baras ke andar duniya mein ye sab itne jo karodo manushya hain vo sabhi khatam ho jaaenge । vo hona hai zaroor; kyonki bhaarat mein jab in lakshmi-naaraayan ka raajya tha to. bahut thode the arthaat satayug mein bahut thode the । kalhayug mein bahut । dekho, vahi saamne chakra mein dekhenge to abhi kalhayug hai to 500 karod aadmi hain । satayug hai, thode aadmi hain । ye to samajhna chaahiye na ki abhi barobar maut hai aur jabki maut hai, vinaash hone ka hai to baap aate hain । baap aa karke sukh ka avinaashi varsa dete hain। abhi baba ke aage kai thoda- thoda samajhte hain, jab ghar jaaenge, jo thoda- thoda vo bhool jaaenge । agar roj aa karke sunte rahenge to thahar sakenge । agar na sunte rahenge to ye bhi bhool jaaenge aur vo nasha bhi gum ho jaaega thoda-bahut । to uska bhi nateeja kya hoga ki svarga me jaaenge; parantu jaakar bahut kam pad paaenge । dekho, abhi jaise yeh varshiyar baitha hai । abhi sunte rehte hain । inko achha bhi lagta hai, kahi moonjhata bhi hai । to itna khushi ka paara nahin chadhta hai । pata nahin vo aakar sunenge, na sunenge । to phir unka nateeja kya hoga! yahaan to phir bhi varshiyar hai, pad kuchh achha hai । in shabri se, gareebon se to achha pad hai na । phir agar nahin sunenge, nahin padhenge to kya hoga? jo-jo sunne vaale hain unka bahut ooncha pad ho jaaega, ye neeche ho jaaenge aur phir neeche bhi janma-janmaantar ho jaaenge । ye jo gareeb maataaen hain, jinka nishchay hai aur phir sunti rahengi, vo bahut ooncha pad pa lengi aur sun karke phir yaad karti rahengi । mool baat hai yaad mein । to itna pharka baba bataay denge । baba se kabhi koi poonchhate hain- baba, is samay mein chalo koi aisa itphaak ho jaave, mera shareer vinaash ho jaaega to bhala kis pad ko paaenge? baba bataay denge । to aise halke pad ko ya … pad ko ya phalaane pad ko bataay denge; kyonki maut ka to aajkal koi thikaana hi nahin hai । jitna bilkul hi jaldi-jaldi maut yahaan hai utna vahaan maut hota hi nahin hai jaise । vahaan koi shareer bhi chhodte hain to usko maut nahin kaha jaata hai । kaayda nahin hai । koi shareer aape hi aise hi chhoot nahin jaata hai, shareer ko aape hi chhodna padta hai apni marji se- abhi ham buddha hua hai, shareer buddha ho gaya, abhi kyon na chhota bachcha banen! to bas shareer chhoot jaaega jab unka time hoga, phir chhota bachcha ban jaaega । chhota bachcha to achha lagta hai na । dekho, god mein sambhaala jaata hai, bahut mumman kiya jaata hai । chhote bachche ko bahut pyaar kiya jaata hai । buddhe ko itna pyaar nahin jaata hai । … .unko kaun pyaar karega! isliye buddha jab hota hai to bolta hai- nahin, abhi main pyaar yogya bachcha banta hoon । vahaan aise mrityu hoti hai, usko phir mrityu nahin kaha jaata hai, parantu jab in baaton ko sunte raho, khushi mein chadhte rahen aur na inko sunenge to na khushi mein chalenge । achha, sabhi bachchon ki tabeeyat theek hai? kahi moonjhate ho to baba se poonchhate rahen । vahaan se bhi chitthi likh karke poonchhate rahen । … ye jo seeti hai na, dekho seedhi to sahaj hai na ki hamne abhi 84 janma poora kiya hai । abhi maut saamne hai । abhi ghar jaana hai । to ghar ko yaad karna baap ko yaad karna, baap ko yaad karna ghar ko yaad karna hai । baba to sadaiv ghar mein rehta hai na । to ye seedhi bhi sabke paas jaldi aa jaaegi । baba ne bahut jaldi likha hai ki inse thodi chhoti hogi । seedhi chhap rahi hai । baba ne bhej diya ki jaldi chhapaao in sabko bhejo । to seedhi bhi ghar mein rakhi hogi to samjhenge ki ham to abhi oonche jaaenge । 84 poora hua hai, abhi phir baba se varsa le rahe hain । dekho hai na, raatri class vo baba khada hai na, lakshmi-naaraayan baaju mein khada hai । dekhne me aata hai? (kisi ne kaha- ji) shivbaaba lakshmi-naaraayan । to ye baba jab bhaarat mein aate hai to aa karke vaikuntha ki baadshaahi dete hain aur 5000 varsha pahle is lakshmi-naaraayan ki baadshaahi thi । peechhe dekho, seedhi utarte hain, oopar se phir yahaan aa jaate hai । vahaan dikhlaaya bhi jaata hai ki satayug mein itne manushya hote hai । in bachchon ko to saara din in chitron ke oopar hi ghumaana chaahiye to ye samajh jaaen । jaldi in bachchon ko itna bada ye kitaab bhi mil jaaega jismen ye sabhi chitra honge । peechhe bachche roj baith karke dekhenge, unko achhi tarah se samjhenge । aaj ek bachcha yahaan baitha tha, chitron par kya likhta tha ki chitthi likhta tha, kya karta tha! kaun tha? (kisi ne kaha-ashnu । 63 janma vikaar mein jaane ke baad duhkhi hote aae hai, duhkhi hote aae hai, duhkhi hote aae hain । abhi to mahaaduhkh ka vo girega । ye bahut duhkh ka samay aata hai abhi । abhi to ye kehte hain barsaat nahin hui hai; parantu itni barsaat hogi jo sab khatam ho jaaenge ।… …ye sabhi shahar ke shahar khatam ho jaaenge, itni padegi । phir unke saath vo patthar itne- itne padenge । ye hone vaala hai, sab kuchh khatam hone ka hai । isliye baap kehte hain ki ye jo duniya hai isko dekhte hue nahin dekho । apni nai duniya ko yaad karo । nae ghar ko yaad karo; kyonki baap naya ghar taiyaar kara rahe hain । tum sabko bhi taiyaar kara rahe hain । pavitra bano, nahin to saja bhi khaakar jaaenge nae ghar me zaroor । gareeb honge to bhi sukhi honge, saahookaar honge to bhi sukhi honge । pharka zaroor rahega । pharka zaroor rehta hai । duniya mein pharka har ek mein rehta hi hai । koi gareeb, koi saahookaar, koi oonch, koi neech। vo vahi rehta hi hai । duniya mein ye kaayda hai; parantu ye hai duhkh ki duniya aur abhi sukh ki duniya sthaapan ho rahi hai । baaki thoda time । baaki aise mat samjho ki abhi patna mein duklha(dukaal) padega, bahut gareeb duhkhi honge । government unko bahut degi, phir aadha pet bhi khaaenge । aise kuchh na kuchh khaaenge । phir kai bahut door honge, na pahunch sakenge to bhookh mein mar bhi jaaenge । aise jab bhi tukad hote hain tabhi laakhon-karodon mar jaate hain । aise bhaarat mein bahut dapha hue hain । karodon mar jaate hain, door-door pahuncha nahin sakte hain aur ye hone ka hai, kyonki sarkaar nahin pahuncha sakegi । abhi ladaai shuru ho jaaegi to vahaan se anna aa nahin sakega । phir khilaaenge kahaan se? ye jo abhi kehte rehte hai ki ham ye karenge, ye karenge, vilaayat se beej magaaya vo bhokenge ham bahut karenge, ham ye karenge, ye karenge, karenge kuchh nahin । inka plan sab mitti me mil jaaega aur baba ka plan hi vijay pahnega, ye tum bachchon ka । achha, chalo bachchi । (myujik baja) abhi ghar chalte ho na bachche । naatak jab poora hota hai to ghar jaana hota hai । jo chaitanya naatak hote hai yahaan bhi… । ye bichaare… .vaalon ne to naatak bhi nahin dekhenge honge shaayad । ye to bichaare kuchh dekhte hi nahin hain । (kisi ne kaha-udhar raamaayan ka bahut naatak aata hai) । haan, phir bhi vo naatak dekhe to hain na kuchh। vo jo naatak hote hain, naatak karke, ye libaas. utaar karke ghar jaate hain to vahaan apne kapde, … । ghar to bachchon ka vahaan hai jahaan kapde nahin hain, shareer nahin hai। tum bachchon ne to 84 janma ka is saare naatak me part bajaaya । abhi 84 ka part … naatak poora hota hai । naatak jab poora hota hai to sabhi ghar jaate hai na । to ye naatak hota hai, to jo 500 karod aatmaaen vahaan se aaeen aur ye shareer dhaaran kar part bajaaya, abhi shareer chhod karke phir sab vaapas ghar chale jaaaige । to abhi baap aate hi hai ghar le jaane ke liye । pukaarte hi hai iseelie, duhkhi hote hai । baba, ye raavan ka raajya hai, ismen paanch vikaar, inse ham bahut duhkhi ho gae hain । hamko ghar le chalo । phir ghar jab jaate hai to phir aana to zaroor hai । to jab ghar jaate aate hai to phir duhkh hota hi nahin hai; kyonki pahle sukh, peechhe duhkh । baba ne samjhaaya hai na ki jo bhi manushya yahaan aate hain, pahle satopradhaan sato rajo tamo । ek bhi janma vaala hoga, do janma vaala bhi hoga, pichhaadi mein aata hoga vo bhi aise hi- thoda sukh, thoda duhkh । tum bachcho ko bahut sukh, abhi bahut duhkh । bhaarat mein ye jo ladaai hoti hai na, ye bahut kharaab ladaai hai । isliye yahaan kaha jaata hai ki rakta ki nadi bahne ke baad ghi ki nadi bahegi । to rakta ki nadi, ye maaraamaari yahaan hai, kyoki hindu aur musalmaan ye bahut puraane dushman hain । jab ye aapas mein ladenge to vahaan sab hindu mar jaaenge, yahaan sab musalmaan mar jaaenge, baaki bhi jo honge, sab mar-jhar karke baaki ja karke ye bhaarat ke thode manushya bachenge । meethe-meethe, sikeeldhe bachchon prati maat-pita, baapdaada ka yaadapyaar aur good night ।