Avyakt murli for Thursday 23 January 1969

> 23-01-69om shanti avyakt baapdaada madhuban

"asthiyaan hain – sthiti ki smriti dilaane vaali"

aaj main aap sabhi bachchon se avyakt roop mein milne aaya hoon । jo mere bachche avyakt roop mein sthit honge vahi isko samajh sakenge । aap sabhi bachche avyakt roop mein sthit ho kisko dekh rahe ho?vyakta roop mein ya avyakt roop mein?aap vyakta ho ya avyakt?agar vyakta mein dekhenge to baap ko nahin dekh sakenge । aaj avyakt vatan se mulaakaat karne aaya hoon । avyakt vatan mein aavaaj nahin parantu yahaan aavaaj mein aaya hoon । aap sabhi bachchon ke andar mein kaun-sa sankalp chal raha hai?abhi yeh avyakt mulaakaat hai । jaise kalpa pahle misal bachchon se roohroohaan chal rahi hai । rooh-roohaan karne meethe-meethe baba ne aap sabhi bachchon se milne bheja hai । jo the woh ab bhi hain । do teen din pahle meethe-meethe baba se rooh-roohaan chal rahi thi । rooh-roohaan kya hai, maaloom hai?baba ne bola, vatan ka anubhav karne ke liye taiyaar ho? kya javaab diya hoga? yahi kaha ki jo baap ki aagya । jaise chalaayenge, jahaan bithaayenge jis roop mein bithaayenge । bachchon ke andar yahi sankalp hoga ki baapdaada ne chhutti kyon nahin li? baba ko bhi yeh kaha । baba ne kaha agar sabhi bachchon ko bithaakar chhutti dilaaoon to chhutti denge? aap bhi bachchon ko dekh, service ko dekh bachchon ke sneh mein aa jaayenge । isliye jo baap ne karaaya vahi drama ki bhaavi kahenge । vyakta roop mein nahin, to avyakt roop se mulaakaat kar hi rahe hain । service ki vriddhi vaise hi hai, bachchon ki yaad vaise hi hai lekin antar yeh hai ki woh vyakta mein avyakt tha aur yeh avyakt hi hai । jo naynon ki mulaakaat jaante honge woh naynon se is thodi si mulaakaat mein apne prati shiksha direction le lenge । aap sabhi ko vatan mein to aana hi hai । bachchon se mula- kaat karne ke liye har vakta, har samay taiyaar hi rehte hain । ab jahaan tak bachchon ki jitni buddhi clear hogi,usi anusaar hi avyakt milan ka anubhav kar sakenge । shakti swaroop mein sthit hain? (deedi se) jaise saath the vaise hi hain । alag nahin । abhi shakti swaroop ka part pratyaksha mein dikhaana hai । jo baap ki shiksha mili hai,woh practical mein karke dikhaana hai । shakti sena bahut hai, abhi poora shakti swaroop ban jaana । abhi tak bachche aur baap ke sneh mein chalte rahe । ab phir baap se jo shakti mili hai us shakti se auron ko aisa shaktivaan banaana hai । vahi baap ke snehi baap ke saath ant tak rahenge । abhi meethe-meethe baba drishya dikhla rahe hain - aap sabhi bachchon ka । aap asthiyaan utha rahe the । asthiyon ko nahin dekhna sthiti ko dekhna । yeh asthiyaan sthiti swaroop hain । ek ek rag mein sthiti thi । to baahar se woh asthiyon ko rakha hai । parantu iska arth bhakti maarga ka nahin uthaana । in asthiyon mein jo sthiti bhari hui hai,hamesha usko dekhna hai । saadhaaran manushyon ko yeh baaten itna samajh mein nahin aayegi । bachchon ka sneh hai aur sada rahega, 21 janma tak rahega । aap sabhi satayugi duniya mein saath nahin chalenge? raajya saath nahin paayenge? saath hi hain,saath hi rahenge-janma janmaantar tak। abhi bhi aisa nahin samajhna, baap hai daada nahin ya daada hai to baap nahin । ham donon ek do se ek pal bhi alag nahin ho sakte । aise hi aap apne ko trimoorti hi samjho । iseelie kehte hain trimoorti ka badge hamesha saath rakho । jab brahma,vishnu aur shankar teen ko dekhte ho to aapke bhi trimoorti ki yaad arthaat apna swaroop aur baapdaada ki yaad,trimoorti ki sthiti mashhoor hai । ismen hi aap sabhi bachchon ka kalyaan hai । kalyaankaari baap jo kehte hain,jo karaate hain, usmein hi kalyaan hai । ismen ek ek mahaavaakya mein,ek-ek najar mein bahut kalyaan hai । lekin sthool ko parakhne vaale koi koi ananya aur mahaarthi bachche hain । ab aap bhi itna hi sheeghra karmaateet sthiti mein sthit rahne ka purushaartha karo । jaise yahaan har samay baapdaada ke saath vyateet karte the vaise hi har karma mein, har samay apne ko saath hi rakha karo । bachche, yahi shiksha yaad rakhna,kabhi nahin bhoolna । sambandh,sneh, smriti swaroop,saath-saath saralta swaroop, samarpan aur ek do ke sahayogi ban saphalta ko paate rehna । saphalta aap sabhi bachchon ke mastak ke beech chamak rahi hai । ab bahut samay hua hai aur kuchh kehna hai? sookshm vatan mein baithe bhi har bachche ki dincharya, har bachche ka chart saamne rehta hai । vyakta roop se abhi to aur hi spashta roop se dekhte hain । isliye sabhi ki result dekhte rehte hain ।

jitna avyakt sthiti mein sthit honge utna us avyakt sthiti se karmendriyon dvaara karma aisa hoga jaise shreemat raay de rahi hai । yeh anubhav bachche paayenge । ab apni avyakt sthiti ke aadhaar se aisa kaam karna,jaise shreemat ke aadhaar se har kaam hota raha hai । jis cheej ke saath baap ka sneh hai usse utna sneh rakhna hi apne ko saubhaagyashaali banaana hai । rag-rag mein kis ke saath sneh tha?5 tatvon se nahin । sneh gunon se hi hota hai । sneh tha, nahin । hai aur rahega । jab tak bhavishya nai duniya na bani hai tab tak yeh atoot sneh rahega । sneh aatma ke saath aur kartavya ke saath hi hai to phir shareer kya! ant tak saathi rahenge । jiska baap ke saath sneh hai vahi ant tak sthaapna ke kaarya mein madadgaar rahenge । isliye snehi hone ki koshish karo । kaisi bhi maaya aave, maayaajeet banna । jaise badge lagaate ho vaise mastak par yeh vijay ka badge lagaao ।

madhuban ka naksha saare world ke saamne museum ke roop mein hona chaahiye । avinaashi bhandaara hai iska aur bhi jyaada show karna hai। jaise sabhi bachche patra likhte the vaise hi likhte rehna । jaise direction lete the vaise hi lena । shareer ki baat doosri hai । service vahi hai । isliye jo bhi baat ho madhuban mein likhte rehna । apna poora connection rakhna । doosron ko bhi apni avastha ka saboot dena । aapko dekh aur bhi aise karenge ।

(vidaai ke samay)

yeh to aap bachche jaante ho ki jo bhi drama ka part hai ismen koi gupta rahasya bhara hua hai । kya rahasya bhara hua hai woh samay prati samay sunaate jaayenge । ab to aapka vahi yaadgaar jo aakaash mein hai,duniya vaale in aankhon se dekhenge ki yeh dharti ke sitaare kiski shreemat se chal rahe hain । baba ne kaha hai - jyaada samay vahaan nahin baithna ।