Avyakt murli for Wednesday 18 June 1969
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
> 18-06-69om shanti avyakt baapdaada madhuban
party ke saath
1.paathshaala mein jaate ho। paathshaala ka pahla paath kya hai?apne ko marjeeva banaana marjeeva arthaat apne deh se, mitra sambandhiyon se, puraani duniya se marjeeva। yeh pahla paath pakka kiya hai? (sanskaar se marjeeva nahin hue hain) jab koi mar jaata hai to pichhle sanskaar bhi khatma ho jaate hain। to yahaan bhi pichhle sanskaar kyon yaad aana chaahiye। jabki janma hi doosra to pichhli baaten bhi khatma honi chaahiye। yeh pahla paath hai marjeeva banne ka। woh pakka karna hai। pichhle puraane sanskaar aise lagne chaahiye jaise aur koi ke the। hamaare nahin। pahle shoodron ke the abhi braahmanon ke hain। to puraane shoodron ke sanskaar nahin hone chaahiye। paraaye sanskaar apne kyon banaate ho। jo paraai cheej ko apna banaate hain unko kya kahenge?chor। to yeh bhi chori kyon karte ho? yeh to - shoodron ke sanskaar hain, braahmanon ke nahin। shoodra ki cheej ko brahman sveekaar kyon karte hain। achhoot ke saath kapda bhi lag jaaye to nahaate hain। to shudrapne ka sanskaar braahmanon ko lag jaaye to kya karna chaahiye? uske liye purushaartha karna chaahiye। jaise gandi cheej ko nahin chhoote hain vaise puraane saskaaron se bachna hai। chhoona nahin hai। itna jab dhyaan rakhenge to auron ko bhi dhyaan dila sakenge।
2.service ki saphalta ka mukhya gun kaun sa hai? namrata। jitni namrata utni saphalta। namrata aati hai nimitta samajhne se। nimitta samajhkar service karna। namrata ke gun se sab aap ke aage naman karenge। jo khud jhukta hai uske aage sabhi jhukte hain। nimitta samajhkar kaarya karna hai। jaise baap shareer ka aadhaar nimitta maatra lete hain। vaise aap samjho ki nimitta maatra shareer ka aadhaar liya hai। ek to shareer ko nimitta maatra samajhna hai aur doosra service mein apne ko nimitta sam- jhana। tab namrata aayegi। phir dekho saphalta aap ke aage chalegi। jaise baapdaada tempreri deh mein aate hain aise deh ko nimitta aadhaar samjho। baapdaada ki deh mein atechmennta hoti hai kya?aadhaar samajhne se adheen nahin honge। abhi deh ke adheen hote ho phir deh ko adheen karenge।
3. gaayan hai drishti se srishti banti hai। kaun si srishti banti hai aur kab banti hai? drishti aur srishti ka hi gaayan kyon hai, mukh ka gaayan kyon nahin hain? kaam par pahle-pahle kya badli karte hain? pahla paath kya padhaate hain? bhaai-bhaai ki drishti se dekho। bhaai-bhaai ki drishti arthaat pahle drishti ko badalne se sab baaten badal jaati hain। isliye gaayan hai ki drishti se srishti banti hai। jab aatma ko dekhte hain tab yeh srishti puraani dekhne mein aati hai। purushaartha bhi mukhya is cheej ka hi hai drishti badalne ka। jab yeh drishti badal jaati hai to sthiti aur paristhiti bhi badal jaati hai। drishti badalne se gun aur karma aap hi badal jaate hain। yeh aatmik drishti natural ho jaaye।
4. jo sangamayug par apna raaja banta hai woh praja ka bhi raaja ban sakta hai। jo yahaan apna raaja nahin woh vahaan praja ka raaja bhi nahin ban sakta। sangamayug par hi sabhi saskaaron ka beej padta hai। yahaan ke beej ke sivaae bhavishya ka vriksha paida ho nahin sakta hai। yahaan beej na daalenge to phool kahaan se niklega। yahaan apna raaja banne se kya hoga? apne ko adhikaari samjhenge। adhikaari banne ke liye udaarchit ka vishesh gun chaahiye। jitna udaarchitta honge utna adhi- kaari banenge। braahmanon ka mukhya kartavya hai padhna aur padhaana। ismen busy rahenge to aur baaton mein buddhi nahin jaayegi। to apne ko padhne aur padhaane mein busy rakho। aajkal tak baapdaada ne sunaaya hai ki man ki vritti aur avyakt drishti se service kar sakte ho। apni vritti-drishti se service karne mein koi bandhan nahin hain। jis baat mein svatantra ho woh service karni chaahiye।