Avyakt murli for Thursday 16 October 1969

>

16-10-69om shanti avyakt baapdaada madhuban

“parakhne ki shakti ko teevra banaao”

aaj vishesh kya dekh rahe hai? parivartan kaise dekhte hai?is group mein prashra ka uttar dene mein hoshiyaar kaun hai? dekhne aur parakhne ki shakti kahaan tak aai hai? achha - yog ki sthiti mein nirantar rahne vaala kaun? divyagunon ki dhaarna mein divyagun moorta kaun najar aata hai? yeh kyon poochhte hai? kyonki agar parakhne ki practice hogi to jab duniya mein kaarya arth jaate ho aur aasuri sampradaay ke saath sambandh rakhna padta hai to parakhne ki practice hone se bahut baaton mein vijayi ban sakte ho। agar parakhne ki shakti nahin to vijayi nahin ban sakte। yeh to thodi-si rekh-dekh ki ki apne hi parivaar ki andar kahaan tak parakh sakte ho। yoon to harek ratna ek do se shreshtha hai। lekin phir bhi parakhne ki practice zaroor chaahiye। yeh parakhne ki practice chhoti baat nahin samajhna। is par hi number le sakte ho। koi bhi paristhiti ko, koi bhi sankalp vaali aatmaon ko,vartamaan aur bhavishya donon kaalon ko bhi parakhne ki practice chaahiye। vishesh karke jo paandav sena hai, unhon ko yeh parakhne ki shakti bahut aavashyak hai। kyonki aap gopon ko bahut prakaar ki paristhitiyaan saamne aati hai। unhon ka saamna karne liye yeh buddhi bahut aavashyak hai। parakhne ki power kaise aayegi - uske liye mukhya saadhan kaunsa hai?parakhne ki shakti ko teev banaane liye mukhya kaun sa saadhan hai? parakhne ka tareeka kaun sa hona chaahiye?tumhaare saamne koi bhi aaye unko parakh sakte ho? (harek ne apna-apna vichaar bataaya) sabhi ka rahasya to ek hi hai। avyakt sthiti va yaad va aatmik sthiti baat to vahi hai। lekin aatmik sthiti ke saath-saath yathaartha roop se vahi parakh sakta hai jinki buddhi mein jyaada vyartha sankalp nahin chalte honge। unki buddhi ek ke hi yaad mein, ek ke hi kaarya mein aur ekras sthiti mein hogi। woh doosre ko jaldi parakh sakenge। jinki buddhi mein jyaada sankalp utpanna honge to unki buddhi doosron ko parakhne ke liye bhi apne vyartha sankalp ki miksachriti hogi। isliye jo jaisa hai vaisa parakh nahin sakenge। to mool rahasya nikla buddhi ki saphaai। jitna buddhi ki saphaai hogi utna hi yog yukta avastha mein rah sakenge। yeh vyartha sankalp aur vikalpa jo chalte hai woh avyakt sthiti hone mein vighna hai। baar-baar is shareer ke aakarshan mein aa jaate hai uska mool kaaran hai ki buddhi ki saphaai nahin hai। buddhi ki saphaai arthaat buddhi ko jo mahaamantra mila hua hai usmein buddhi magan rahe। ek ki yaad ko chhod anek taraph buddhi jaane ke kaaran shaktishaali nahin rehte। vaise bhi jab buddhi bahut kaarya taraph lagi hui hoti hai। to anubhav kiya hoga buddhi mein veeknes,thakaavat mahsoos hoti hai। aur jo bhi hai yathaartha roop se nirnay nahin kar sakenge। isi reeti vyartha sankalp, vikalpa jo chalte hai,yeh bhi buddhi ko thakaavat mein laate hai। thaki hui koi bhi aatma na parakh sakegi na nirnay kar sakegi। kitna bhi hoshiyaar hoga to thakaavat mein unke parakhne,nirnay karne mein pharka pad jaata hai। saara din in sankalpon se buddhi thaki hui hone kaaran nirnay karne ki shakti mein kami aa jaati hai। isliye vijayi nahin ban sakte। haar khaane ka mukhya kaaran yeh hai। buddhi vani saphaai nahin hai। jaise unheen ki haath ki saphaai hoti hai na। aap phir buddhi ki saphaai se kya se kya kar sakte ho। woh haath ki saphaai se jhat se badal dete hai। deri nahin lagti। isliye kehte hai jaadoogar। aap mein bhi badalne ka jaadu aa jaayega। abhi badalne seekhe ho, lekin jaadu ke samaan nahin badal sakte ho arthaat jaldi nahin badal sakte ho। samay lagta hai। jaadu chalaane ke liye jitna samay jisko mantra yaad rehta hai,utna uska jaadu saphal hota hai। aapko bhi agar mahaamantra yaad hoga to jaadu ke samaan kaarya hoga। ab isi mein deri hai। to ab is bhatthi se kya bankar niklenge? (jaadoogar) agar itne jaadoogar bhaarat ke kone-kone mein,chha jaayenge to kya ho jaavega? ek maas ke adar kuchh aur najaara dekhne mein aayega? ab to taiyaari karni padegi na। agar itne jaadoogar badalne ka kaarya shuru kar denge to phir kya karna padega? aisi kuchh naveenta aap bhi dekhna chaahte ho aur baap-daada bhi chaahte hai। aisa aavaaj painal jaaye ki yeh kaun kahaan se pragat hue hai। aise mahsoos ho ki ek-ek sthaan par koi alaukik aatma avatrit hokar aai hai। ek avtaar itna kuchh kar sakta hai to yeh kitne avtaar hai। yahaan se jab jaao to aise hi samajhkar jaana ki ham is shareer mein avatrit hue hai - eeshvareey seva ke liye। agar yeh smriti rakhkar jaayenge to aapke har chalan mein alaukikta dekhne mein aayegi। jo bhi aapke daivi parivaar vaale va laukik parivaar vaale hai woh mahsoos kare ki yeh kuchh anokhe hi bankar aaye hai, badalkar aaye hai। jab aap ki badalne ki mahsoosta aayegi tab aap duniya ko badal sakenge। agar aap sabhi ke badalne ki bhaasna nahin to duniya ko nahin badal sakenge। khud badal kar duniya ko badalna hai। aise hi samajhkar chalna ki nimitta maatra is shareer vana loan lekar eethreey kaarya ke liye, thode din ke liye avatrit huye hai। kaarya samaapta karke phir chale jaayenge। yeh smriti, lakshya rakh karke, aisi sthiti banaakar phir chalna। yeh bageecha hai। baapdaada chaitanya bageeche mein aate hai। to kuchh vaani se khushbu lete hai, kuchh naynon se, kuchh mastak ke mani se। harek ke mastishka ke mani ki chamak baapdaada dekhte hai। aise hi agar aap sabhi bhi mastishka ke mani ko hi dekhte raho to phir yeh drishti aur vritti shuddh satopradhaan ban jaayegi। drishti jo chachal hoti hai uska mool kaaran yeh hai। mastishka ke mani ko na dekh shaareerik roop ko dekhte ho। roop ko na dekho lekin mastishka ke mani ko dekho। jab roop ko dekhte ho to aise hi samjho ki saamp ko dekh rahe hai। saamp ke mastishka mein mani hoti hai na। to mani ko dekhna hai na ki saamp ko। agar shareer bhaan mein dekhte ho to maano saamp ko dekhte ho। saamp ko dekha aur saamp ne kaata। saamp to apna kaarya karega। saamp mein vish bhi hota hai। koi-koi vishesh saamp hote hai। jinmen mani hoti hai। aap gopon ko saamp ko kaise maarna hai। kya karenge? aap saamp ko dekhte hue bhi saamp ko na dekho। mani ko hi dekho। mani ko dekhne se saamp ka jo vish hai woh halka ho jaayega। agar shareer roopi saamp ko dekha to phir unko ban jaayenge। un samaan ban jaayenge। lekin mani ko dekhenge to baapdaada ke maala ke mani ban jaayenge। ya to banna hai saamp ke samaan ya to banna hai maala ki mani। agar mani banna hai to dekho bhi mani ko। phir jo yeh complain hai woh badal kar complete ho jaayegi। sirf buddhi ki parakh se kahaan complain kahaan complete। raat-din ka pharka hai। lekin sindhi bhaasha mein likhenge to sirf do bindiyon ka pharka hai। yahaan bhi aise hai। do bindi ek svayan ki,ek baapdaada ki। yeh do bindi hi yaad rahe to complain ki bajaay complete ho jaaye। isliye aaj se yeh pratigya apne aap se karo। baapdaada ke saamne to bahut pratigyaaen ki hain lekin aaj apne aapse pratigya karo ki ab se lekar sivaae mani ke aur kuchh nahin dekhenge aur khud hi maala ke mani ban karke saare srishti ke beech chamkenge। jab khud mani banenge tab chamkenge। agar mani nahin banenge to chamak nahin sakenge। jab pratigya karenge tab hi pratyakshata hogi। apne aapse poorn roop se pratigya nahin kar paate ho isliye pratyakshata bhi poorn roop se nahin ho paati hai। pratyakshata kam nikalne ka kaaran apne aapse pratigya ki kami hai। abhi-abhi bolte ho phir abhi-abhi bhoolte ho। lekin ab pratigya ke saath-saath yeh bhi nishchay karo ki pratyakshata bhi laayenge tab aapki pratigya pratyakshata kar dikhaayegi। paandav sena hai gyaani tu aatma aur shakti sena hai snehi tu aatma। jo snehi hai woh yogi hai। abhi to ek-ek paandav ke mastak mein umang-utsaah jhalak raha hai। yeh umang aur utsaah ekras sada rahe। mehnat jo li hai uska phal dikhaana hai। agar mehnat li hui yahaan chuktu nahin karenge to phir satayug mein woh mehnat ka phal dena padega isliye jo mehnat li hai use bharkar dena।

harek sevaakendra se yeh samaachaar aana chaahiye yeh kumaar to avatrit hokar ke is prithvi par padhaare hai। aisa samaachaar jab aaye tab samjho ki phal nikal raha hai। abhi sthiti ki aavashyakta hai। jaise baapdaada loan lekar aate hai na। abhi to donon hi loan lete hai। thode samay ke liye aate hai kislie? milne ke liye। vaise hi aap sabhi bhi samjho ki ham loan lekar service ke nimitta aaye hain - thode samay ke liye। jab aisi sthiti hogi tab baap ka prabhaav duniya ke saamne aayega। donon hi hisaab theek kiya hai। ya lene ka kiya hai, dene ka nahin? 6 maas tak ekras rahenge na ki 15 din ke baad likhenge chaahte to hai lekin kya kare, yeh ho gaya aisi koi bhi complain nahin aaye। phir to deedi ka kaam halka ho jaayega। aap khud bhaari honge to saara kaarya bhaari ho jaayega। baapdaada ki aasha kahe va shuddh sankalp kahe yahi rehta hai aur rahega hi ki ek-ek number one ho। lekin saare kalpa ke andar jo ab ki sthiti banaayenge woh to ab ke hisaab se number one hai na। jo vaastavik sampoorn stage hai। iske liye kah rahe hai। sabhi yahi lakshya rakhe ki ham number one jaayenge। yeh nahin sochna ki sabhi kaise number one joyenge। ismen mahaadaani nahin banna hai। do baaten mukhya yaad rakhna hai ki ek to mani ko dekhna, deh roopi saamp ko na dekhna। aur doosri baat apne ko avatrit samjho। is shareer mein avatrit hokar kaarya karna hai। aur ek slogan sada yaad rakhna ki jo baapdaada kahenge, jo karaayenge, jaise chalaayenge, vaise hi karenge, chalenge, bolege,dekhenge। yeh hai paandav sena ka mukhya slogan। jo kahenge ve sochenge aur kuchh sochna nahin hai। in aankhon se aur kuchh dekhna nahin hai। aakhen bhi de di na। poore parvaane ho na। parvaane ko shama bigar aur kuchh dekhne mein aata hai kya?aapki aakhen aur kyon dekhti? jab aur kuchh dekhte hain to dhokha deti hai। apne ko dhokha na do। iske liye parvaanon ko sivaae shama ke aur kisi ko nahin dekhna hai। sampoorn arthaat poora parvaana hain। yeh hai chhaap। result to achhi hai lekin usko avinaashi rakhna hai। jab jaise chaahe vaisi sthiti bana sake। yeh man ko drill karaani hai। yeh zaroor practice karo। ek second mein aavaaj mein, ek second mein phir aavaaj se pare। ek second mein service ke sankalp mein aaye aur ek second mein sankalp se pare swaroop mein sthit ho jaaye। is drill ki bahut aavashyakta hai। aise nahin ki shaareerik bhaan se nikal hi na sake। ek second mein kaarya prati shaareerik bhaan mein aaye phir ek second mein ashareeri ho jaaye, jiski yeh drill pakki hogi woh sabhi paristhitiyon ka saamna kar sakte hai। jaise shaareerik drill subah ko karaai jaati hai vaise yeh avyakt drill bhi amritvele vishesh roop se karna hai। karna to saara din hai lekin vishesh practice karne ka samay amritvele hai। jab dekho buddhi bahut busy hai to usi samay yeh practice karo। paristhiti mein hote hue bhi ham apni buddhi ko nyaara kar sakte hai। lekin nyaare tab ho sakenge jab jo bhi kaarya karte ho woh nyaari avastha mein hokar karenge। agar us kaarya mein attachment hogi to phir ek second mein detach nahin honge। isliye yeh practice karo। kaisi bhi paristhiti ho। kyonki final paper anek prakaar ke bhayaanak aur na chaahte hue bhi apne taraph aakarshit karne vaali paristhitiyon ke beech honge। unki bhet mein jo aajkal ki paristhitiyaan hai woh kuchh nahin hai। jo antim paristhiti aane vaali hai,un paristhitiyon ke beech paper hona hai। iski taiyaari pahle se karni hai। isliye jab apne ko dekho ki bahut busy hoon,buddhi bahut school kaarya mein busy hai, chaaron or sarakmastaansej apne taraph khainchane vaali hai to aise samay par yeh abhyaas karo। tab maaloom padega kahaan tak ham drill kar sakte hai। yeh bhi baat bahut aavashyak hai। isi drill mein rehte rahenge to saphalta ko paayenge। ek-ek subject ki number hoti hai। mukhya to yahi hai। ismen agar achhe hain to number aage le sakte hain। agar is subject mein number kam hai to final number aage nahin aa sakte। isliye sunaaya tha ki gyaani tu aatma ke saath mein snehi bhi banna hai। jo snehi hota hai woh sneh paata hai। jisse jyaada sneh hota hai। to kehte hai yeh to sudh-budh hi bhool jaate hai। sudh-budh ka arth hi hai apne svarup ki jo smriti rehti hai woh bhi bhool jaate hai। buddhi ki lagan bhi uske sivaae kahaan nahin ho। aise jo rahne vaale hote unko kaha jaata hai snehi।

is group ka vishesh gun yahi hai ki sabhi baaton ko seekhne aur dhaaran karne aur aage ke liye bhi apne ko usmein chalaane ke liye chaatrak hai। chaatrak bane ho lekin saath mein charitravaan bhi banna hai। chaatrak hai, yeh is group ki visheshta hai। lekin chaatrak ka kaarya hota hai uske pyaasi rehna। yeh chitra charitra mein dekhe tab phir chaatrakon ke saath mein paatra bhi kahenge। abhi chaatrak to hai। phir result aane baad do title milenge, abhi chaatrak hain। phir vijay maala ke najdeek aane ke paatra bhi honge। jo slogan sunaaya aur jo bhatthi ki chhaap sunaai unko kaayam rakhenge to donon hi gun aa jaayenge।

achha !!