Avyakt murli for Saturday 20 December 1969

> 20-12-69om shanti avyakt baapdaada madhuban

“plen yaad se plans ki safalta”

aaj baapdaada kya dekh rahe hain । kya dekhne aur kya karne aaye hain?aaj baapdaada apne ati snehi bachchon se ek vaayda karaane liye aaye hain । vaayda karne mein to yeh aatmaaen aadi se hi praveen hain । jaise shuru mein vaayda karne mein koi deri nahin ki, kuchh socha nahin । is reeti se ab bhi baapdaada vaayda lene liye aaye hain । yoon to saare drama mein anek aatmaon ke beech tum aatmaayen hi himmatvaan prasiddha hui ho । jo himmat rakh baapdaada ke sameep rahe aur sneh bhi liya । madad li bhi aur ki bhi । to usi sanskaaron ko phir se taste karne aaye hain । ever ready to sabhi hain na । vaayda yahi hai ki abhi se sabhi ekta, svachchhata,maheenta, madhurta aur man,vaani, karma mein mahaanta yeh 5 baaten ek ek ke har kadam se najar aave । sunaaya tha na bhatthi ke baad service sthaanon par nikle । woh din yaad hai na । log sabhi kya kehte the? sabhi ke mukh se yahi nikalta tha ki yeh ek hi saachen se nikli hui hain । sabhi ki baat ek hi hai, sabhi ke rahan-sahan,sabhi ke aakarshan jahaan dekho vahi najar aata hai । woh kiska prabhaav padta tha? avyakti paalna ka prabhaav । vyakta mein hote hue bhi sabhi ko avyakt pharishte najar aate the । saadhaaran roop mein aakarshan moorta aur alaukik vyaktiyon dekhne mein aate the । ab phir se woh jaise 16 varsha ki bhatthi, yeh phir 16 din ki bhatthi । lekin ab se harek ko yeh maaloom padna chaahiye ki yeh badal kar aaye hain,duniya ko badalne ke liye । saare daivi parivaar ki is group par vishesh aash hai । to vishesh aatmaon ko apni visheshta dikhaani hai, kaunsi visheshta?woh baaten to paanch sunaai । jab yeh 5 baaten har sankalp, har bol,har karma mein yaad rakhenge tab hi vishesh aatmaaen sabhi ko najar aayenge । jab apne mein visheshta laayenge tab baap ko bhi pratyaksha kar sakenge । apne sampoorn sanskaaron se hi baap ko pratyaksha kar sakte ho । sirf service ke plans se nahin lekin apne sampoorn sanskaaron se, apni sampoorn shakti se baap ko pratyaksha kar sakte ho ।

bhal plans to banaane padte hain lekin plans bhi saphalta mein tab aayenge jab plen ke saath aapni lagna poori ho । plen yaad ho । koi bhi miksacharti na ho । plen yaad se hi saphal ho sakte hai । plen ke pahle chaiking karo । plen yaad mein hai । shuru-shuru ka vaayda kya hai woh geet yaad hai na,usko phir se saakaar roop mein laana hai arthaat buddhi ki lagan ek tumheen se hi hai woh saakshaatkaar saakaar roop mein sabhi ko hona chaahiye । ab samajh kya karne aaye ho aur kya dekhne aaye ho? bhaanti-bhaanti ki baaten baba ko achhi lagti hai । yeh rooh-roohaan hai । ismen koi fail hote hain । abhi to tum sabhi ko fail karne vaale ban gaye ho । fail hote nahin apne ko fail hone nahin dete - yeh bhi theek hai । lekin feel karte ho । apni baat mein vijayi banne ka art seekhna ho to bachchon se seekh sakte hain । yeh sirf thoda sa farka mit jaaye to yeh saari aatmaaen aap sabhi ke oopar mit jaayen । jaise aap sabhi baapdaada ke oopar mit gaye । vaise hi aapke bhakta aap shaktiyon ke oopar mit jaayen । lekin sirf yeh baaten mit jaayen । jo feel hota hai,yeh baat mit jaaye । sabhi se samajhdaar to nikle jo phauran hi sauda kar liya । saari srishti ki aatmaon ke aage himmavaan bhi hain, samajhdaar bhi hain । isliye baapdaada kehte hain sabhi se samajhdaar bachchon ka yeh sangathan hai । himmatvaan bhi hain । aur bhal kitne bhi himmat rakhe lekin yeh himmat turanta daan mahaapunya ki jo rakhi, aisi himmat abhi koi rakh nahin sakta । nadiyon mein to bhal sabhi nahaate hain lekin aap logon ne saagar mein nahaaya hai । saagar aur nadiyon mein nahaana - pharka to padta hai na । ismen to paas ho hi gai । abhi baaki ek baat rah gai hai paas hone ki । us ek baat mein oopar hi marks hain ।

koi bhi direction kabhi bhi kisi roop se,kahaan ke liye bhi nikle aur kitne samay mein bhi nikal sakta, ek second mein taiyaar hone ka direction bhi nikal sakta hai । to aise ever ready sabhi bane hain?jaise ashuddha pravritti ko chhodne ke liye koi baat sochi kya? jevar,kapde, baal-bachche aadi kuchh bhi nahin dekha na । to yeh jaise pavitra pravritti hai ismen phir yeh baaten dekhne ki kya aavashyakta hai । aage sirf sneh mein the । sneh se yeh sabhi kiya । gyaan se nahin । sirf sneh ne aisa ever ready banaaya । ab sneh ke saath shakti bhi hai । sneh aur shakti hote hue bhi phir ismen ever ready banne mein deri kyon । jaise shuru mein elaan nikla ki sabhi ko is ghadi maidaan mein aana hai vaise ab bhi repeat zaroor hona hai lekin bhinna-bhinna roop mein । aise nahin ki baapdaada bhavishya ko jaankar ke aap sabhi ko elaan deve aur aap is service ke bandhan mein bhi apne ko baandhe hue rakho । bandhan hote hue bhi bandhan mein nahin rehna hai । koi bhi aatma ke bandhan mein aana yeh nirbandhan ki nishaani nahin hai । isliye sabhi ko ek baat paas with honours ki paas karni hai, jo baaten aapke dhyaan mein bhi nahin hongi,svapna mein bhi nahin hongi un baaton ka elaan nikalna hai । aur aise paper mein jo paas honge vahi paas with honours honge । isliye pahle se hi suna rahe hain । pahle se hi eeshaara mil raha hai । isko kaha jaata hai - maheenta mein jaana । jo maheen buddhi honge unki visheshta kya hogi? maheen buddhi vaale kaisi bhi paristhiti mein apne ko mould kar sakenge । jaisi paristhiti usmein apne ko mould kar sakenge । saamna karne ka unmein saahas hoga woh kabhi ghabraayenge nahin । lekin uski gahraai mein jaakar apne ko usi reeti chalaayenge । to jab halke honge tab hi mould ho sakenge । narma aur garam donon hi honge tab mould honge । ek ki bhi kami hogi to mould nahin ho sakenge । koi bhi cheez ko garam kar narma kiya jaata hai । phir mould kiya jaata hai । yahaan kaunsi narmaai aur garmaai hai । narmaai hai nirmaanta, garmaai hai - shakti roop । nirmaanta arthaat sneh roop । jismen har aatma prati sneh hoga vahi nirmaanta mein rah sakenge । sneh nahin hai to na merciful ban sakenge na namrachit । isliye nirmaanta aur phir shakti roop arthaat jitni nirmaanta utna hi - phir maalikapna । shaktiroop mein hai maalikapna aur namrata mein sevaagun । seva bhi aur maalikapna bhi । sevaadhaari bhi ho aur vishwa ke maalikapne ka nasha bhi ho । jab yeh narmaai aur garmaai donon rahenge tab har baat mein mould ho sakenge । harek ko yeh dekhna hai ki hamaari buddhi ki taraaju garam aur narma donon mein ek samaan rehti hai । kahaan-kahaan ati nirmaanta bhi nuksaan karti hai aur kahaan ati maalikapna bhi nuksaan karta hai,isliye donon ki samaanta chaahiye । jitni samaanta hogi utni mahaanta bhi । ab samjha ki kis ek baat mein paas with honour honge? yeh final paper ka pahle enaaus kar rahe hai । har samay nirbandhan । service ke bandhan se bhi nirbandhan । elaan nikle aur ever ready ban maidaan par aa pahuncha । yeh final paper hai jo samay par niklega - practical mein । is paper mein agar paas ho gaye to aur koi badi baat nahin । is paper mein paas honge arthaat avyakt sthiti hogi । shareer ke bhaan se bhi pare hue to baaki kya badi baat hai । isse hi parkhege ki kahaan tapan apne us jeevan ki naeeya ki rassiyaan chhodi hai । ek hai sone ki janjeer doosri hai lohe ki । lohe ki janjeer to chhodi lekin ab sone ki bhi maheen janjeer hai । yeh phir aisi hai jo koi ko dekhne mein bhi aa na sake ।

isliye jaise koi bhi bandhan se mukta hote vaise hi sahaj reeti shareer ke bandhan se mukta ho sake,nahin to shareer ke bandhan se bhi bada mushkil mukta honge । final paper hai ant mati so gati । ant mein sahaj reeti shareer ke bhaan se mukta ho jaaye yeh hai paas with honour ki nishaani । lekin woh tab ho sakegi jab apna chola tight nahin hoga । agar taaitnes hogi to sahaj mukta nahin ho sakenge । taaitnes ka arth hai koi se lagaav । isliye ab yahi sirf ek baat check karo - aisa loose chola hua hai jo ek second mein is chole ko chhod sake। agar kahaan bhi atka hua hoga to nikalne mein bhi atak hogi । isi ko hi ever ready kaha jaata hai । aise ever ready vahi honge jo har baat mein ever ready honge । practical mein dekha na ek second ke bulaave par ever ready rah dikhaaya । yeh socha kya ki bachche kya kahenge?bachchon se bigar mile kaise jaave - yeh socha?elaan nikla aur ever ready । chole se easy hone se chola chhodna bhi easy hota hai, isliye yeh koshish har vakta karni chaahiye । yahi sangamayug ka gaayan hoga ki kaise rehte hue bhi nyaare the । tab hi ek second mein nyaare ho gaye । bahut samay se nyaare rahne vaale ek second mein nyaare ho jaayenge । bahut samay se nyaaraapan nahin hoga to yahi shareer ka pyaar pashchaataap mein laayega isliye inse bhi pyaara nahin banna hai । isse jitna nyaara honge utna hi vishwa ka pyaara banenge । isliye ab yahi purushaartha karna hai, aise nahin samajhna hai ki koi vyaadhi aadi ka roop dekhne mein aayega tab jaayenge us samay apne ko theek kar denge । aisi koi baat nahin hai peechhe aise-aise anokhe mrityu bachchon ke hone hain jo san shows father karenge । sabhi ka ek jaisa nahin hoga । kai aise bachche bhi hain jinhon ka drama ke andar is mrityu ke anokhe part ka gaayan san shows father karega । yeh bhi vahi kar sakenge jismen ek vishesh gun hoga । yeh part bhi bahut thodon ka hai । ant tak bhi baap ki pratyakshata karte jaayenge । yeh bhi bahut badi subject hai । ant ghadi bhi baap ka show hota rahega । aisi aatmaayen zaroor koi powerful hogi jinka bahut samay se ashareeri rahne ka abhyaas hoga । woh ek second mein ashareeri ho jaayenge । maano abhi aap yaad mein baithte ho kaise bhi vighnon ki avastha mein baithte ho,kaisi bhi paristhitiyaan saamne hote hue bhi baithte ho lekin ek second mein socha aur ashareeri ho jaaye । vaise to ek second mein ashareeri hona bahut sahaj hai lekin jis samay koi baat saamne ho, koi service ke bahut jhanjhat saamne ho parantu practice aisi honi chaahiye jo ek second,second bhi bahut hai, sochna aur karna saath-saath chale । sochne ke baad purushaartha na karna pade । abhi to aap sochte ho tab us avastha mein sthit hote ho lekin aisa jo hoga unka sochna aur sthit hona saath mein hoga । soch aur sthiti mein pharka nahin hoga । socha aur hua । aise jo abhyaasi honge vahi service karne ka paan ka beeda utha sakenge । aise koi nimitta hai lekin bahut thode, majority nahin hain । minority hai, unheen ke oopar yahaan hi phool barsaayenge । aise jo paas with honour honge, unheen ke oopar jo dvaapar ke bhakta hain woh ant mein is saakaar roop mein phoolon ki varsha karenge । jo ant tak san shows father karke hi jaayenge । aisa sarvisaplal mrityu hota hai । is mrityu se bhi service hoti hai । service ke prati bachche hi nimitta hai, na ki maa baap । woh to gupta rup mein hain । service mein maat- pita backbone hai aur bachche saamne hain । is service ke part mein maat-pita ka part nahin hai । is mein bachche hi baap ka show karenge । yeh bhi service ka ant mein medal praapta hota hai,aisa medal drama mein koi bachchon ko milna hai । abhi harek apne aap se judge kare ki ham aisa medal praapta karne liye nimitta ban sakte hain?

aise nahin sirf puraani bahne hi ban sakegi । koi bhi ban sakte hain । naye-naye ratna bhi hain jo kamaal kar dikhaayenge ।

abhi service mein naveenta laani hai । jaise apne mein naveenta laate ho vaise service mein bhi naveenta laani hai । naveenta laane ki 5 baaten yaad rakhni hain । sabhi ke mukh se yeh nikle ki yeh kahaan se aai hai । jaise shuru mein nikalta tha,parantu shuru mein vaani ka bal nahin tha abhi tumko vaani ka bal hai । lekin alaukik sthiti ka bal gupta ho gaya hai । chhip gaya hai । isliye ab phir se aisi alaukikta sabhi ko dikhaani hai jo sabhi mahsoos kare ki jaise shuru mein bhatthi se nikli hui aatmaayen kitni seva ke nimitta bani, ab phir se srishti ke drishya ko change karne ke nimitta bani hai । unse abhi ki service badi hai । to aisi shaktiroop aur sneh roop ban jaana hai । kitne bhi hajaaron ke beech khade ho to bhi door se alaukik vyakti najar aao । jaise saakaar roop ke liye varnan karte hai,koi bhi anjaan samajh sakta tha ki yeh koi alaukik vyakti hai । hajaaron ke beech mein woh heera chamakta tha । to follow father । unheen ke vibration apne mein nahin laana,apne vibration se unhon ko alaukik banaana - yahi naveenta laani hai । abhi service ke kaaran kuchh sansaari logon mein mix lagte hain । service ke prati sambandh mein rehte bhi nyaare rahne ka jo mantra hai - usko nahin bhoolna । abhi woh sambandh jo rakhna tha so rakh liya, abhi is reeti sambandh rakhne ki bhi aavashyakta nahin । service kaaran apne ko halka karne ki bhi jaroorat nahin । woh samay beet chuka । abhi laukik ke beech alaukik najar aao । anek vyaktiyon ke beech avyakt moorta lage । woh vyakta dekhne mein aaye, aap - avyakt dekhne mein aao yeh hai parivartan । shuru mein koi ke vibration athva sang mein apne mein parivartan laate the, isliye kehte the brahmaakumaari mein hath bahut hai lekin woh hath achha tha na । yeh hai eeshvareey hath, isliye ab vibration ke beech rehte apne ko nyaara aur pyaara banaana hai । itni service nahin karenge? sirf vaani se kurbaan nahin hote । aap logon ne kaise kurbaani ki?aantarik aatmasneh se । praja to bahut banaai lekin ab kurbaan karna hai । yeh service rahi hui hai । vaaris kam aur praja jyaada banaai hai । kyonki vaani se praja banti hai lekin eeshvareey sneh aur shakti se vaaris bante hain,to vaaris banaane hai । yeh first stage ka purushaartha hai । vaani se kisi ko paani nahin kar sakte lekin sneh aur shakti se ek second mein svaaha kara sakte hai । yeh bhi ant mein marks milte hain । vaaris kitne banaaye praja kitni banaai । vaaris bhi kis variety aur praja bhi kis variety ki aur kitne samay mein bane । final paper aaj suna rahe hain । kis-kis question par marks milte hai ek to yeh question antim result mein hoga doosra sunaaya ant tak service ka show । aur teesri baat thi aadi se ant tak jo avastha chalti aai hai usmein kitna baari fail hue hai,poora potaamel announce hoga । kitne baari vijayi bane aur kitne baari fail hue aur vijay praapta ki to kitne samay mein? koi bhi samasya ko saamna karne mein kitna samay laga? unki bhi marks milegi । to saare jeevan ki service aur svasthiti aur ant tak service ka saboot yeh teen baaten dekhi jaati hain ।

yahaan bhi har ek ek do ke saamne spashta dekhenge ki in teen baaton ka kya-kya potaamel raha hai?aur unko saamne laakar ke apni result ko bhi pahle se hi check kar sakte ho aur jo kami rah gai hai,unko revise kar poorn kar sakte ho । abhi bhi agar in baaton ki kami ho to bhar lo । make up kar sakte ho । aadha ghanta mein bhi gaadi make up ho jaati hai । jo 6 ghanta bhi nahin chalte woh aadha ghanta mein ho jaate hai । isliye ab make up karne ka last chance hai । ab result dekhenge । jaise shuru se samaachaar aate the ki kitni oonch aatmaayen hamaare paas aa pahunchi hain । aisa samaachaar phir se aana chaahiye । bhatthi ka arth hi hai badalna ।

achha !!!