Avyakt murli for Monday 26 January 1970

> 26-01-70om shanti […/…/…/jpg/Ray2.jpg]avyakt baapdaada madhuban

yaad ke yaatra ki sampoorn stage – २६-०१-१९७०

baapdaada bhi yahaan baithe hain aur aap bhi baithe ho | lekin baapdaada aur aap mein kya antar hai ? pahle bhi saakaar roop mein yahaan baithte the lekin ab jab baithte hain to kya feel hota hai ? jaise saakaar roop mein baap ke liye samajhte the ki loan le aaye hain | usi samaan anubhav abhi hota hai | abhi aate hain mehmaan bankar | yoon to aap sabhi bhi apne ko mehmaan samajhte ho | lekin aapke aur baap ke samajhne mein pharka hai | mehmaan usko kaha jaata hai jo aata hai aur jaata hai | abhi aate hain phir jaane ke liye | woh tha buddhiyog ka anubhav, yeh hai practical anubhav | dusre shareer mein pravesh ho kaise karttavya karna hota, yeh anubhav baap ke samaan karna hai | din pratidin tum bachchon ki bahut kuchh samaan sthiti hoti jaaegi | aap log bhi aise anubhav karenge | sachmuch jaise loan liya hua hai, karttavya ke liye mehmaan hain | jab tak apne ko mehmaan nahin samajhte ho tab tak nyaari avastha nahin ho sakti hai | jo jyaada nyaari avastha mein rehte hain, unki sthiti mein visheshta kya hoti hai ? oonkhi९ boli se unke chalan se upraam sthiti ka auron ko anubhav hoga | jitna oopar sthiti jaaegi, utna upraam hote jaayenge | shareer mein hote hue bhi upraam avastha tak pahunchna hai | bilkul deh aur dehi alag mahsoos ho | usko kaha jaata hai yaad ke yaatra ki sampoorn stage | va yog ki practical siddhi | baat karte-karte jaise nyaaraapan kheenche | baat sunte bhi jaise ki sunte nahin | aisi bhaasna auron ko bhi aaye | aisi sthiti ki stage ko karmaateet avastha kaha jaata hai | karmaateet arthaat deh ke bandhan se mukta | karma kar rahe hain lekin unke karmon ka khata nahin banega jaise ki nyaare rahenge, koi attachment nahin hoga | karma karnevaala alag aur karma alag hain – aise anubhav din prati din hota jaayega | is avastha mein jaasti buddhi chalaane ki bhi aavashyakta nahin hai | sankalp utha aur jo hona hai vaahi hoga | aisi sthiti mein sabhi ko aana hoga | mool vatan jaane ke pahle via sookshm vatan jaayenge | vahaan sabhi ko aakar milna hai phir apne ghar chalkar phir apne raajya mein aa jaayenge jaise saakaar vatan mein mela hua vaise hi sookshm vatan mein hoga | woh pharishton ka mela najdeek hai | kahaaniyaan bataate hain na | farishte aapas mein milte the | rooh roohon se baat karte the | vaahi anubhav karenge | to jo kahaaniyaan gai hui hain uska practical mein anubhav hoga | usi mele ke dinon ka intazaar hai |

abhi service ke nimitta hain | sabhi kuchh bhoole hue baithe hain | us avyakt sthiti mein man aur tan vyakta desh mein hai | aise anubhav hota hai ? achha-

apne ko kahaan ke nivaasi samajhte ho ? paramdham ke nivaasi samajhte ho ? yeh kitna samay yaad rehti hai ? yeh ek hi baat yaad rahe ki ham paramdham nivaasi aatma is vyakta desh mein eeshvareey karttavya karne ke nimitta aaye hue hain | madhuban mein aakar ke vishesh kaun sa gun liya hai ? madhuban ka vishesh gun hai madhurta | madhu arthaat madhurta | snehi | jitna snehi honge utna behad ka vairaagya hoga | yeh hai madhuban ka arth | ati snehi aur itna hi behad ki vairaagya vritti | agar madhuban ke vishesh gun jeevan mein dhaaran karke jaaen to sahaj hi sampoorn ban sakte hain | phir jo roohaani teachers banna chaahiye to number one ki teacher ban sakte ho | kyonki jaisi apni dharna hogi vaise auron ko anubhav mein la sakenge | in donon gunon ki apne mein dharna karni hai | madhuban ki lakeer se baahar nikalne ke pahle apne mein poori reeti yeh bharkar jaana | ek sneh se doosra behad ki vairaagya vritti se koi bhi paristhitiyon ko sahaj hi saamna karenge | saphalta ke sitaare banne ke liye yeh do gun mukhya madhuban ki saugaat le jaana hai | jaise kahaan bhi jaana hota hai to vahaan jaate hi poochha jaata hai ki yahaan ki vishesh cheez kya hain ? jo prasidda vishesh cheez hoti hai, woh zaroor saath mein le jaate hain | to yahaan madhuban ke do vishesh gun apne saath le jaana | jaise sthool madhu le jaate ho na | vaise yeh sookshm madhurta ki madhu le jaana | phir saphalta hi saphalta hai | asphalta aapke jeevan se mit jaaegi | saphalta ka sitaara apne mastak mein chamakte hue dekhenge |

tum saphalta ke sitaare ho va purushaartha ke sitaare ho ? kya samajhte ho ? saphalta ke sitaare ho ? jaisa lakshya hota hai vaisa hi lakshan hota hai | agar ab tak yahi sochte rahenge ki ham purushaarthi hain to aisa samajhne se kai chhoti-chhoti galtiyaan apne ko maaf kar dete ho | samajhte ho ham to purushaarthi hai | isliye ab purushaarthi nahin lekin saphalta ka svarup banna hai | kahaan tak purushaartha mein rahenge | jab svayan saphalta svarup banenge tab doosri aatmaon ko bhi saphalta ka maarga bata sakenge | agar khud hi ant tak purushaarthi chalte rahenge to sangam ke praalabdha ka anubhav kab karenge ? kya yeh jeevan purushaarthi hi rahenge ? is sangamayug ki praalabdha pratyaksha roop mein nahin praapta karenge ? sangam ke purushaartha ka phal kya ? (saphalta) to saphalta svarup bhi nishchay karne se saphalta hoti rahegi | jab yeh samjhenge ki mein hoon hi saphalta ka sitaara to asphalta kaise aa sakti hai | sarvashaktivaan ki santaan koi kaarya mein asphal nahin ho sakti | apne mastak mein vijay ka sitaara dekhte ho ya dekhenge ? vijay to nishchit hai hi na | vijay arthaat saphalta | abhi samay badal raha hai | jab samay badal gaya to apne purushaartha ko bhi badlenge na | ab baap ne saphalta ka roop dikhla diya to bachche bhi roop mein vyakta deh mein hote saphalta ka roop nahin dikhaayenge | apne ko sadaiv saphalta ka moorta hi samjho | nishchay ko vijay kaha jaata hai | jaisa vishvaas rakha jaata hai vaisa hi karma hota hai | nishchay mein kami hoti to karma mein bhi kami ho jaaegi | smriti shaktivaan hai to sthiti aur karma bhi shaktivaan honge | isliye kabhi bhi apni smriti ko kamzor nahin rakhna | shaktidal aur paandav kab asphal ho sakte hain kya ? apni kalpa pahle vaali baat yaad hai ki paandavon ne kya kiya tha ? vijayi bane the | to ab apne smriti ko shreshtha banaao | ab sangam par hai vijay ka tilak phir is vijay ke tilak se raaj tilak milega | is vijay ke tilak ko koi mita nahin sakte | aisa nishchay hai ? jo vijayi ratna hain unki har baat mein vijay hi vijay hai | unki haar ho nahin sakti | haar to bahut janma khaate rahe | ab aakar vijayi banne baad phir haar kyon ? “vijay hamaari hi hai” aisa ek bal ek bharosa ho |

(bachchi yadi gyaan mein nahin chalti hai to kya karen ? ) agar koi is maarga mein nahin chal sakte hain to shaadi karni hi pade | unhon ki kamjori bhi apne oopar se mitaani hai | saakshi ho mazboori bhi karna hota hai | woh hua farz | lagan nahin hai | farz paalan karte hain | ek hota hai lagan se karna, ek hota hai nimitta farz nibhaana | sabhi aatmaon ka ek hi samay yeh janma siddha adhikaar lene ka part nahin hai | parichay milna to zaroor hai, pahchaanna bhi hai lekin koi ka part abhi hai koi ka peechhe | beejon mein se koi jhat se phal deta hai, koi deri se phal deta hai | vaise hi yahaan bhi harek ka apne samay par part hai, koi deri se phal deta hai | vaise hi yahaan bhi harek ka apne samay par part hai | farz samajh karenge to maaya ka merge nahin lagega | nahin to vaayumandal ka asar lag sakta hai | isliye farz samajh karna hai | farz aur merge mein sirf ek bindi ka pharka hai | lekin bindi roop mein na hone kaaran farz bhi merge ho jaata hai | jo madadgaar hain unhon ko madad to sadaiv milti hai | baap ki madad har kaarya mein kaise milti hai yeh anubhav hota hain ? ek do ke vishesh gun ko dekh ek do ko aage rakhna hai | kisko aage rakhna yeh bhi apne ko aage badhaana hai |

shivjayanti par aavaaz phailaana sahaj hota hai, jitni himmat ho utna karo | kyonki phir samay aisa aana hai jo is service ke mauke bhi kam milenge | isliye jitna kar sakte ho utna karo | bhoolen kyon hoti hain ? uski gahraai mein jaana hai | antarmukh ho sochna chaahiye yeh bhool kyon hui ? yeh to maaya ka roop ha | main to rachayita baap ka bachcha hoon | apne saath ekaant mein aise-aise baat karo | ubhaarne ki koshish karo | kahaan bhi jaana hota hai to apna yaadgaar chhodna hota hai aur kuchh le jaana hota hai | to madhuban mein vishesh kaun sa yaadgaar chhoda ? ek-ek aatma ke paas yeh eeshvareey sneh aur sahayog ka yaadgaar chhodna hai | jitna ek do ke snehi sahayogi bante hain utna hi maaya ke vighna hataane mein sahayog milta hai | sahayog dena arthaat sahayog lena | parivaar mein aatmik sneh dena hai aur maaya par vijay paane ka sahayog lena hai | yeh len-den ka hisaab theek rehta hai | is sangam samay par hi anek janmon ka sambandh jodna hai | sneh hai sambandh jodne ka saadhan | jaise kapde silaai karne ka saadhan dhaaga hota hai vaise hi bhavishya sambandh jodne ka saadhan hai sneh roopi dhaaga | jaise yahaan jodenge vaise vahaan joota hua milega | jodne ka samay aur sthaan yeh hai | eeshvareey sneh bhi tab jud sakta hai jab anek ke saath sneh samaapta ho jaata hai | to ab anek sneh samaapta kar ek se sneh jodna hai | woh anek sneh bhi pareshaan karne vaale hain | aur yeh ek sneh sadaiv ke liye paripakva banaane vaala hai | anek taraph se todna aur ek taraph jodna hai | bina tode kabhi jut nahin sakta | abhi kami ko bhi bhar sakte ho | phir bharne ka samay khatma | aise samajh kar kadam ko aage badhaana hai |

sabhi teevra purushaarthi ho va purushaarthi ho ? teevra purushaarthi ke man ke sankalp mein bhi haar nahin ho sakti hai | aisi sthiti banaani hai | jo sankalp mein bhi maaya se haar na ho | isko kaha jaata hai teevra purushaarthi | ve shuddh sankalpon mein pahle se hi man ko busy rakhenge to aur sankalp nahin aaenge | poora bhara hua hoga to ek boond bhi jaasti pad nahin sakegi, nahin to baj jaayega | to yahi sankalp man mein rahe jo vyartha sankalp aane ka sthaan hi na ho | itna apne ko busy rakho | man ko busy rakhne ke tareeke jo milte hain, woh aap pure prayog mein nahin laate ho | isliye vyartha sankalp aa jaate hain | ek taraph busy rakhne se doosra taraph svayan chhut jaata hai |

manthan karne ke liye to bahut khazaana hai | ismen man ko busy rakhna hai | samay ki raftaar tez hai va aap logon ke purushaartha ki raftaar tez ha ? agar samay tez chal raha hai aur purushaartha dheela hai to uski result kya hogi ? samay aage nikal jaayega aur purushaarthi rah jaayenge | samay ki gaadi chhut jaaegi | savaar honevaale rah jaayenge | samay ki kaun si tez dekhte ho ? samay mein beeti ko beeti karne ki tez hai | vaahi baat ko samay phir kab repeat karta hai ? to purushaartha ki jo bhi kamiyaan hain usme beeti ko beeti samajh aage har sekand mein unnati ko laate jaao to samay ke samaan tez chal sakte ho | samay to rachna hai na | rachna mein yeh gun hai to rachayita mein bhi hona chaahiye | drama krieshan hai to krietar ke bachche aap ho na | to krietar ke bachche krieshan se dheele kyon ? isliye sirf ek baat ka dhyaan rahe ki jaise drama mein har sekand athva jo baat beeti, jis roop se beet gayi woh phir se repeat nahin hogi phir repeat hogi ५००० varsha ke baad | vaise hi kamjoriyon ko baar-baar repeat karte ho ? agar yeh kamjoriyaan repeat na hone paaen to phir purushaartha tez ho jaayega | jab kamjori sameti jaati hai tab kamjori ki jagah par shakti bhar jaati hai | agar kamjoriyaan repeat hoti rehti hain to shakti nahin bhaarti hai | isliye jo beeta so beeta, kamjori ki beeti hui baaten phir sankalp mein bhi nahin aani chaahiye | agar sankalp chalte hain to vaani aur karma mein aa jaate hain | sankalp mein hi khatma kar denge to vaani karma mein nahin aayenge | phir man vaani karma teenon shaktishaali ho jaayenge | buri cheez ko sadaiv fauran hi phenka jaata hai | achhi cheez ko prayog kiya jaata hai to buri baaton ko aise phenko jaise buri cheez ko phenka jaata hai | phir samay purushaartha se tez nahin jaaega | samay ka intazaar aap karenge to ham taiyaar baithe hain | samay aaye to ham jaaen | aisi sthiti ho jaaegi | agar apni taiyyaari nahin hoti hai to phir socha jaata hai ki samay thoda hamaare liye ruk jaayega |

baandheli ka yog tez hota hai | kyonki jis baat se koi rokte hain to buddhi zaroor us taraph lagi rehti hai | ghar baithe bhi charitron ka anubhav kar sakte ho | lekin aisi lagan chaahiye | jab aisi lagan-avastha ho jaaegi to phir bandhan kat jaayenge | ek ki yaad hi anek bandhan ko todnevaali hai | ek se jodna hai, anek se todna hai | ek baap ke sivaae doosra na koi | jab aisi avastha ho jaaegi phir yeh bandhan aadi sabhi khatma ho jaayenge | jitna atoot sneh hoga utna hi atoot sahayog milega | sahayog nahin milta, iska kaaran sneh mein kami hai | atoot sneh rakh karke atot sahayog ko praapta karna hai | kalpa pahle ka apna adhikaar lene liye phir se pahuch gae ho, aisa samajhte ho ? woh smriti aati hai ki ham hi kalpa pahle the | abhi bhi phir se ham hi nimitta banenge | jisko yeh nasha rehta hai unke chere mein khushi aur jyoti roop dekhne mein aata hai | unke chehre mein alaukik avyakti chamak rehti hai | unke naynon se, mukh se sadaiv khushi hi khushi dekhenge | dekhnevaala bhi apna duhkh bhool jaaye | jab koi dukhi aatma hoti hai to apne ko khushi mein laane liye khushi ke saadhan banaati hai na | to darpan mein chehra dekhne mein aaye | tumhaare chehre se service ho | na bolte hue aapka mukh service kare | aajkal duniya mein apne chehre ko hi shrringaarte hain na | to aap sabhi aatmaon ka bhi aisa shrringaara hua munh dekhne mein aaye | sarvashaktimaan baap ke bachche hain phir shakti na aaye yeh kaise ho sakta hai | zaroor buddhi ki taar mein kami hai | taar ko jodne ke liye jo yuktiyaan milti hain usko abhyaas mein laao | todne bigar jod lete hain to poora phir jutta nahin | thode samay ke liye jutta phir toot jaata hai | isliye anek taraph se todkar ek taraph jodna hai | iske liye sang bhi chaahiye aur attention bhi chaahiye | har kadam par, sankalp par attention | sankalp jo uthta hai woh check karo ki yeh hamaara sankalp yathaartha hai va nahin ? itna attention jab sankalp par ho tab vaani bhi theek aur karma bhi theek rahe | sankalp aur samay donon hi sangam yug ke vishesh khajaane hain | jisse bahut kamaai kar sakte ho | jaise sthool dhan ko soch samajhkar prayog karte hain ki ek paisa bhi vyartha na jaayen | vaise hi yeh sangam ka samay aur sankalp vyartha na jaaen | agar sankalp powerful hain to apne hi sankalp ke aadhaar par apne liye satayugi srishti laayenge | apne hi sankalp kamzor hain to apne liye tretaayugi srishti laate hain | yeh khazaana saare kalpa mein phir nahin milega | to jo mushkil se ek hi samay par milne vaali cheez hai, uska kitna moolya rakhna chaahiye | abhi jo bana so bana | phir bane hue ko dekhna padega | bana nahin sakenge | abhi bana sakte ho | uska ab thoda samay hai | doosron ko to kehte ho bahut gai thodi rahi | | | lekin apne saath lagaate ho ? samay thoda raha hai lekin kaam bahut karna hai | apne aap se dridh pratigya karo ki aaj se phir yeh baaten kabhi nahin rahengi | yeh sanskaar apne mein phir emerge nahin hone denge | yeh vyartha sankalp kabhi bhi utpanna nahin hone denge | jab aisi dridh pratigya karenge tab hi pratyaksha phal milega | ab din badalte jaate hain | to khud ko bhi badalna hai | ab dheele purushaartha ke din chale gae, ab hai teevra purushaartha karne ka samay | teevra purushaartha ke samay agar koi dheela purushaartha kare to kya kahenge ? isliye ab josh mein aao | baar-baar behosh na ho | sanjeevni booti saath mein rakh sadaiv josh mein raho | baaki haan karenge, ho jaayega, dekh lenge yeh akshar abhi na niklen | aisi baaten bahut samay suneen | ab baapdaada yahi sunne chaahte hain ki haan baba karke dikhaayenge |

apni chalan mein alaukikta laao to chalan ki aakarshan laukik sambandhiyon aadi ko bhi svayan khinchegi | laukik sambandh mein vaani kaam nahin karti | chalan ki aakarshan hogi | to ab bahut tez se chalna hai | abhi aisa badal kar dikhaao jo sabhi ke aage example bano | ab ek sekand bhi nahin ganvaana hai | check aap kar sakte ho | ab samay bahut thoda rah gaya hai | samay bhi behad ki vairaagya vritti ko utpanna karta hai | lekin samay ke pahle jo apni mhanat se karenge to unka phal jyaada milega | jo khud nahin kar sakenge unhon ke liye samay help karega | lekin woh samay ki balihaari hogi | apni nahin |

kitni baar baapdaada se mile hue ho ? yeh smriti mein hai ki anek baar yeh janma-siddha adhikaar mila hai | kitna bada adhikaar hai | jo kai prayatnon se bhi nahin praapta ho sakta, yeh sahaj hi praapta ho raha hai aisa anubhav kiya hai ? samay baaki kitna hai aur purushaartha kya kiya hai ? donon ki parakh hai ? samay kam hai aur purushaartha bahut karna hai | jab koi student last time par aakar daakhil hote hain to woh thode samay mein kitni mhanat karte hain | jitna samay tez ja raha hai itna tez purushaartha hai ? kab shabd nikaal hi dena chaahiye | jo teevra purushaarthi hote hain woh kab shabd nahin bolte, ab bolenge | ab se karenge | yeh sangam samay ka ek sekand bhi kitna bada moolyavaan hai | ek sekand bhi vyartha gaya to kitni kamaai vyartha ho jaaegi | pure kalpa ki takdeer banaane ka yeh thoda samay hai | ek sekand padmon ki kamaai karne vaala bhi hai aur ek sekand mein padmon ki kamaai ganvaata hai | aise samay ko parakh karke phir paanv tez karo | samasyaaen to banti rahengi | sthiti itni powerful ho jo paristhitiyaan sthiti se badal jaaen | paristhiti ke aadhaar par sthiti na ho | sthiti paristhiti ko badal sakti hai kyonki sarvashaktimaan ke santaan ho to kya eeshvareey shakti paristhiti nahin badal sakti! rachayita ke bachche rachna ko nahin badal sakte hain! rachna powerful hoti hai va rachayita ? rachayita ke bachche rachna ke adheen kaise honge | adhikaar rakhna hai na ki adheen hona hai | jitna adhikaar rakhenge utna paristhitiyaan bhi badal jaaengi | agar unke peechhe padte rahenge to aur hi saamna karengi | paristhitiyon ke peechhe padna aise hai jaise koi apni parchhaai ko pakadne se woh haath aati hai ? aur hi aage badhti hai to usko chhod do | vaayumandal ko badalna, yeh to bahut sahaj hai | itni chhoti si agarbatti, khushbu ki cheez bhi vaayumandal ko badal sakti hai | to gyaan ki shakti se vaayumandal ko nahin badal sakte ? yeh dhyaan rakhna hai, vaayumandal ko sadaiv shuddh rakhna hai | log kya bhi bolen | jis baat mein apni lagan nahi hoti hai to woh baat sunte hue jaise nahin sunte | tan bhaav vahaan ho lekin man nahin | aise to kai baar hota hai | man koi aur taraph hota hai aur vahaan baithe bhi jaise nahin baithte hain | tan se saath dena padta hai lekin man se nahin | uske liye sirf attention den ahai | jab tak himmat na rakh paanv nahin rakha hai to oonchi manzil lagegi | agar paanv rakhenge to phir lift ki tarah jhat pahunch jaayenge | himmat rakho to chadhaai bhi lift ban jaaegi | to himmat ka paanv rakho, kar sakte ho, sirf lok laaj ka tyaag aur himmat ki dhaarna chaahiye | ek do ka sahayog bhi badi lift hai | paristhitiyaan to aayengi lekin apni sthiti powerful chaahiye | phir jaisa samay vaisa tareeka bhi touch hoga | agar samay pramaan yukti nahin aati hai to samajhna chaahiye yog bal nahin hai | yogayukta hai to madad bhi zaroor milti hai | jo yathaartha purushaarthi hai unke purushaartha mein itni power rehti hai | jyaada sochna bhi nahin chaahiye | anek taraph lagaav hai, phir maaya ki agni bhi lag jaati hai | parantu lagaav nahin hona chaahiye | farz to nibhaana hai lekin usme lagaav na ho | aisa powerful rehna hai jo auron ke aage example ho | jo example bante hain woh egjaamin mein paas hote hain | egjaamin dene liye example ban dikhaao | jo sabhi dekhen ki ye kaise naveenta mein aa gae hain | aise sarvisebul banna hai jo aap ko dekh auron ko prerna mile | pahle jo shaktiyaan nikleen unhon ne itni shaktiyon ko nikaala | aap shaktiyaan phir srishti ko badlo | itna aage jaana hai | geet bhi hain na ham shaktiyaan duniya ko badal kar dikhaayenge | srishti ko kaun badlenge ? jo pahle khud badlenge | shaktiyon ki savaari sher par dikhaate hain | kaun sa sher ? yeh maaya jo sherni roop mein saamna karne aati hai unko apne adheen kar savaari banaana arthaat unki shakti ko khatma karna | aisi shaktiyaan jinki sher par savaari dikhaate hain vahi tum ho na | woh sabhi ka hi chitra hai | aisi sherni shaktiyaan kabhi maaya se ghabraati nahin | lekin maaya unse ghabraati hai | aise maaya jeet bane ho na | shakti bigar bandhan nahin tootenge | yaad ki shakti hai – ek baap doosra na koi | aisa saubhaagya koton mein koi ko milta hai | itna padma padmabhaagyashaali apne ko samajhte ho ? shakti dal bahut kamaal kar sakta hai | jo haddi seva karnevaale hote hain unko baap bhi madad karta hai | jo snehi hain, unse baap bhi snehi rehta hai | baap ke bhi vaahi bachche saamne rehte hain | bhaal koi kitna bhi door ho lekin baapdaada ke dil ke najdeek hai |

sabhi se achhi saugaat hai apne is chehre ko sadaiv harshit banaana | kabhi bhi koi pareshaani ki rekha na ho | jaise sampoorn chandrama kitna sundar lagta hai | vaise apna chehra sadaiv harshit rahe | chehra aisa chamakta hua ho jo aur bhi aapke chehre mein apna roop dekh saken | chehra darpan ban jaae | anek aatmaon ko apna mukhda dikhlaana hai | abhi padmaapadma bhaagyashaali banna hai | mahaadaani banna hai | raham dil baap ke bachche sarva aatmaon par raham karna hai | is raham ki bhaavna se kaisi bhi aatmaaen badal sakti hain | saare din mein yeh check karo ki kitne raham dil bane | kitni aatmaon par raham karna hai | is raham ki bhaavna se kaisi bhi aatmaaen badal sakti hai | saare din mein yeh check karo ki kitne raham dil bane ? kitni aatmaon par raham kiya | doosron ko sukh dene mein bhi apne mein sukh bharta hai | dena arthaat lena | doosron ko sukh dene se khud bhi sukh svarup banenge | koi vighna nahin aayenge | daan karne se shakti milti hai | andhon ko aankhen dena kitna mahaan kaarya hai | aap sabhi ka yahi kaarya hai | agyaani andhon ko gyaan netra dena | aur apni avastha sadaiv achal ho | tum bachchon ki sthiti ka hi yeh achalghar yaadgaar hai | jaise baapdaada ekras rehte hain vaise bachchon ko bhi ekras rehna hai | jab ek ke hi ras mein rahenge to ekras avastha mein rahenge | achha-