Avyakt murli for Monday 30 November 1970

Brahma KumarisBrahma Kumaris> 30-11-70om shanti avyakt baapdaada madhuban

“workers ki wonderful circus”

master sarvashaktimaan bane ho? yeh jo group adharkumaaron ka hai yeh sabhi master sarvashaktimaan bane hue hain ya banne ke liye aaye hain? jo samajhte hain banne ke liye aaye hain woh haath uthaayen । baaki jo bane hue hain woh saamne aayen । jab master sarvashaktimaan hain to paas hi paas hain । kabhi fail nahin hote । kabhi bhi kis baat mein fail nahin hote । achha bhala kab feeling aati hain? nimitta bani hui teachers se certificate mila hai ki feeling proof hai? vartamaan samay ke anusaar yeh baaten koi maamooli nahin hain । vartamaan purushaartha ke pramaan maamooli baat bhi mahaan gini jaati hai । samjha jaise jitna bada aadmi, jitna adhik dhanvaan hota hai, utna chhota-sa bura karma va galti ka chhota-sa ek paise ka danda bhi uske liye bahut bada hota hai । to is reeti vartamaan samay maamooli bhi mahaan ki list mein gina jaata hai । master sarvashaktimaan arthaat feeling se pare । sabhi baaton mein full । knowledgeful । sabhi shabdon ke pichhaadi mein full aata hai । to jitna full bante jaayenge utna feeling ka flaw va flu yeh khatma ho jaayega । flawless ko full kaha jaata hai । sabhi master sarvashaktimaan ho? jinhonne haath nahin uthaaya hai ve bhi master sarvashaktimaan hain । kyonki sarvashaktimaan baap ko apna bana liya hai । sarvashaktimaan baap ko sarva sambandh se apna banaaya hai । yahi master sarvashaktimaan ki shakti hai । to sarvashaktimaan ko sarva sambandh se apna banaaya hai? jab itna bade se bada pratyaksha pramaan hai phir kyon nahin apne ko jaante aur maante ho । yeh pratyaksha pramaan sadaiv saamne rahe to maayaajeet bahut saral reeti ban sakte ho । samjha । jab sarva sambandh ek ke saath jut gae to aur baat rahi hi kya । jab kuchh rehta hi nahin to buddhi jaaegi kahaan । agar buddhi idhar-udhar jaati hai to siddha hota hai ki sarva sambandh ek ke saath nahin jode hain । jodne ki nishaani hai anekon se toot jaana । koi thikaana hi nahin to buddhi kahaan jaaegi । aur sabhi thikaane toot jaate hain । ek se jut jaata hai । phir yeh jo complain hai ki buddhi yahaan-vahaan daudti hai woh banda ho jaaegi । achha ।

yeh jo group samajhte hain ham bhatthi mein aaye hain jabki bhatthi mein hain hi phir vishesh roop se kyon aaye ho? ya kaho bhatthi mein to hain lekin battery kahaan tak charge hui hai woh vereephaai ya chaiking karaane aaye hain । charge karaane aaye ho va chaiking karaane aaye ho? (donon) hai to sabhi vailyooebul, serviceable workers group । is group ka title to sun liya na । yeh title sunkar sabhi khush ho rahe hain । parantu ismen lekin bhi hai । yeh lakshya bhi hai । yeh lakshya se bataate hain ki aage ke liye bhatthi se samaan bankar jaayenge । hai workers group, lekin workers ke badle kabhi-kabhi kya karte ho, maaloom hai? baapdaada vatan se workers ka action dekhte hain, jo yeh karte hain । kabhi-kabhi bahut vichitra circus karte hain । jaise circus mein bhinna-bhinna act dikhaate hain na । vaise yeh bhi apni-apni circus dikhaate hain । us circus mein kya-kya part bajaate hain woh dekhne yogya hota hai ki kabhi-kabhi workers apna vikraal roop dikha dete hain । apni kamiyon par vikraal roop dhaaran karne ke bajaay anya par vikraal roop ki circus dikhaate hain । chaahe vyavhaar mein, chaahe parivaar mein, chaahe parmaartha mein teenon mein yeh vikraal roop ki circus dikhaate hain । kabhi-kabhi phir doosri circus vyartha sankalp ke jhoole mein jhoolne ki dikhaate hain । vaastav mein jhoola jhoolna hai ateendriy sukh ka lekin jhoolte hain vyartha sankalpon ka । teesri circus kaun-si dikhaate hain । sthiti badli karne ki circus dikhaate hain । roop aur sthiti badalne ka part majority dikhaate hain । to vatan mein baith kar baapdaada workers group ki yeh circus dekhte hain । purushaarthi bahut achhe hain lekin purushaartha karte-karte kahaan-kahaan purushaartha achha karne ke baad praalabdha yahaan hi bhogne ki ichchha rakhte hain । to ichchha bhi hai, achha bhi hai । lekin praalabdha jama karni hai । lekin kahaan-kahaan apne purushaartha ki praalabdha ko yahaan bhogne ki ichchha se jama hone mein kami kar dete hain । samjha । to is baat ko khatma karke jaana hai । praalabdha ki ichchha ko khatma kar sirf achha purushaartha karo । ichchha ke bajaay achha shabd yaad rakhna । samjha । ichchha svachchhata ko khatma kar deti hai aur svachchhata ke bajaay sochta ban jaate hain । yeh hai vartamaan result । workers ka arth hai aur karta na ki sochta । baapdaada jaante hain yeh ummeedvaar ratnon ka group hai । ummeedvaar bhi ho, himmatvaan bhi ho sirf ek baat add karni hai । sahanshaktivaan banna hai । phir ummeedvaar se saphalta moorta ban jaayenge । samjha । abhi ummeedvaar moorta ho yeh ek baat add karne se saphalta moorta ban jaayenge । sampoornata ke sameepta ki nishaani hai saphalta । jitna-jitna apne ko saphalta moorta dekhte jaao utna samjho sampoornata ke najdeek hain । yeh group saphalta moorta banne ke liye kaun sa slogan saamne rakhenge? slogan yeh hai pyooriti hi sangamayug ki prosperity hai । yeh hai slogan । pyooriti ki kitna vistaar hai, pyooriti kaun-si aur kis yuktiyon se dhaaran kar sakte ho in topics par teachers class karaayengi । baapdaada sirf topic de rahe hain । pyooriti ke vistaar ko samajhna hai । sampoorn pyooriti kisko kaha jaata hai? to pyooriti hi prosperity hai yeh hai is group ka shreshtha slogan । samaapti ke samay sampoornata ki pareeksha lenge । paper ke question pahle se hi bata dete hain । phir to paas hona sahaj hai na । sampoornata kya hoti hai uski mukhya chaar baaton ka paper lenge । kaun-si chaar baaten yeh nahin bataayenge ।

achha !!!