Avyakt murli for Thursday 21 January 1971 - 1
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
21-01-71 om shanti avyakt baapdaada madhuban
ab nahin to kab nahin
aaj baapdaada harek bachche ke mastak mein kya dekhte hain? baap jab bachchon ko dekhte hain to yeh shubh bhaavna hoti hai ki harek bachcha oonch te oonch bhaagya banaaye। vartamaan samay vardaata ke roop mein vardaan dene ke liye aaye huye hote bhi harek aatma yatha yog yatha shakti vardaata se vardaan praapta karti rehti hai। is samay ko vishesh vardaan hai -- sarva aatmaon ko vardaan praapta karaane ka। ab nahin to kab nahin। aaj in aatmaon (raajyapaal tatha unki yugal) ko bhi vardaan praapta karne ka shubh divas kahenge। saare kalpa ke andar yeh alaukik milan bahut thode se padmaapdam bhaagyashaali aatmaon ka hi hota hai। samparka ke baad sambandh mein aana hai। kyonki sambandh se hi shreshtha praapti hoti hai। do shabd sadaiv yaad rakhna-ek svayan ko; doosra samay ko yaad rakhna। agar svayan ko aur doosra samay ko sadaiv yaad rakhte rahenge to is jeevan mein anek janmon ke liye shreshtha praalabdha pa sakte hain।
raajyapaal tatha unki yugal se mulaakaat
apne asli ghar mein aaye ho -- aise mahsoos karte ho? apne ghar mein kitna jaldi aana hota hai, maaloom hai? jaise duty se oph hone ke baad apna ghar yaad aata hai। isi reeti se apne is shareer nirvaah ki duty se oph hone ke baad apna ghar yaad aana chaahiye। sambandh ko badhaana hai। ek sambandh ko badhaane se arthaat is sambandh ki aavashyakta samajhne se anek prakaar ki aavashyaktaaen poorn ho jaati hain। sabhi aavashya- kataaen poorn karne ke liye ek aavashyakta samajhne ki hai। jaise shareer nirvaah ke liye anek saadhan aavashyak samajhte hain, vaise aatmik unnati ke liye ek saadhan aavashyak hai। isliye sadaiv apne ko akaalmoorta samajhte chalenge to akaale mrityu se bhi, akaal se, sarva samasyaaon se bach sakenge। maansik chintaaen, maansik paristhitiyon ko hataane ka ek hi saadhan yaad rakhna hai -- sirf apne is puraane shareer ke bhaan ko mitaana hai। is deh-abhimaan ko mitaane se sarva paristhitiyaan mit jaayengi। ab kuchh poochhne ka raha hi nahin। sirf sambandh mein aate rehna। sabhi se milne ke liye phir aayenge। ab sabhi se chhutti।