Avyakt murli for Thursday 21 January 1971 - 2

>

21-01-71 om shanti avyakt baapdaada madhuban

avyakt vatan ka alaukik nimantran

aaj milne ke liye bulaaya hai। yeh avyakt milan avyakt sthiti mein sthit hokar hi mana sakte ho। samajh sakte ho? aaj dekh rahe hain - kaun-kaun kitne shakti-swaroop bane hain? aap logon ke chitron mein nambarvaar shaktiyon ka yaadgaar dikhaaya hua hai। shaktiyon ki parakh kin chitron dvaara kar sakte hain, maaloom hai? aapko apne shaktiyon ko parakhne ka chitra maaloom nahin hai! bhinna-bhinna nambarvaar shaktiyon ka yaadgaar bana hua hai। apna chitra bhool gaye ho! shaktiyon ke chitron mein bhinna-bhinna roop se aur phir bhujaaon ke roop mein nambarvaar shaktiyon ka yaadgaar hai। un chitron mein kahaan kitni bhujaayen, kahaan kitni dikhaate hain। koi ashta shaktiyon ko dhaaran karne vaali banti hain, koi usse adhik, koi usse kam। kahaan 4 bhujaaen, kahaan 8 bhujaaen, kahaan 16 bhi dikhaate hain, nambarvaar। to aaj dekh rahe hain - harek ne kitni shaktiyon ki dhaarna ki hai। master sarvashaktivaan kahlaate hain na। master sarvashaktivaan arthaat sarva shaktiyon ko dhaaran karne vaale। apne shakti-swaroop ka saakshaatkaar hota hai? avyaktavtan mein harek ka shakti roop dekhte hain to kya dikhaai deta hoga? vatan mein bhi baapdaada ki alaukik pradarshani hai। unke chitra kitne honge? aap ke chitra ginti mein aa sakte hain lekin baapdaada ke pradarshani ke chitra gin sakte ho? baapdaada nimantran dete hain। nimantran dene vaala to nimantran deta hai, aane vaalon ka kaam hai pahunchna। baapdaada aap sabhi se karod guna jyaada khushi se nimantran dete hain। harek ko anubhav ho sakta hai। avyakt sthiti ka anubhav kuchh samay lagaataar karo to aise anubhav honge jaise science dvaara door ki cheejen saamne dikhaai deti hain, aise hi avyaktavtan ki activity yahaan spashta dikhaai degi। buddhibal dvaara apne sarvashaktivaan ke swaroop ka saakshaatkaar kar sakte hain। vartamaan samay smriti kam hone ke kaaran samartheebhi nahin hai। vyartha sankalp, vyartha shabd, vyartha karma ho jaane kaaran samartha nahin ban sakte ho। vyartha ko mitaao to samartha ho jaayenge। purooshaartha ke bhinna-bhinna swaroop vatan mein harek ke dekhte rehte hain। bahut achha lgata hai। harek apne aap ko itna nahin dekhte honge jitna vatan mein harek ke anek roop dekhte hain। aap log bhi ek din khaas attention dekar dekhna ki saare din mein mere kitne aur kaise roop hue। phir bahut hansi aayegi - bhinna-bhinna pose dekhkar। aajkal ek ke hi bahut pose nikaalte hain। to apne bhi dekhna। apne bahu roopon ka saakshaatkaar karna। vatan mein aane ki dil to sabhi ki hoti hai lekin apne aap se poochho - jo braahmanpan ke karttavya karne hain woh sabhi kiye hain? sarva karttavya sampanna karne ke baad hi sampoorn banenge। ab ka samay aisa chal raha hai jo ek-ek kadam attention rakhkar chalne ka hai। attention na hone ke kaaran purooshaartha ke bhi tension mein rehte hain। ek taraph vaataavran ka tension rehta hai, doosre taraph purooshaartha ka bhi tension rehta hai। isliye sirf ek shabd aid karo - attention। phir yeh bahuroop ek hi sampoorn roop ban jaayega। isliye ab kadam-kadam par attention। sunaaya tha ki aajkal sarva aatmaayen sukh aur shanti ka anubhav karne chaahti hain। jyaada sunne nahin chaahti hain। anubhav karaane ke liye svayan anubhav-swaroop banenge tab sarva aatmaon ki ichchha poorn kar sakenge। din-pratidin dekhenge - jaise dhan ke bhikhaari bhiksha lene ke liye aate hain vaise shanti ke anubhav ke bhikhaari aatmaayen bhiksha lene ke liye tadpengi। ab sirf ek duhkh ki lahar aayegi to jaise lahron mein lahraati hui aatmaayen va lahron mein doobti hui aatma ek tinke ka bhi sahaara dhoondhati hai, aise aap logon ke saamne anek bhikhaari aatmaayen yeh bheekh maangane ke liye aayengi। to aisi tadapti hui ya bhikhaari pyaasi aatmaon ki pyaas mitaane ke liye apne ko ateendriy sukh va sarva shaktiyon se bharpoor kiya hua anubhav karte ho? sarva shaktiyon ka khazaana, ateendriy sukh ka khazaana itna ikaththa kiya hai jo apni sthiti to kaayam rahe lekin anya aatmaon ko bhi sampanna bana sako। sarva ki jholi bharne vaale daata ke bachche ho na। ab yeh drishya bahut jaldi saamne aayega।

doctor log bhi koi ko is beemaari ki davaai nahin de sakenge। tab aap logon ke paas yeh aushdhi lene ke liye aayenge। dheer-dheere yeh aavaaz phailega ki sukh-shanti ka anubhav brahmaakumaariyon ke paas milega। bhatakte-bhatakte asli dvaar par anekaanek aatmaayen aakar pahunchengi। to aise anek aatmaon ko santushta karne ke liye svayan apne har karma se santushta ho? santushta aatmaayen hi anya ko santushta kar sakti hain। ab aisi service karne ke liye apne ko taiyaar karo। aisi tadaphti hui aatmaayen saat din ke course ke liye bhi thahar nahin sakengi। to us samay un aatmaon ko kuchh-na-kuchh anubhav ki praapti karaani hogi। isliye kaha ki ab apne braahmanpan ke karttavya ko sampanna karne ke liye apne ko sampoorn banaate raho। ab samjha-kaunsi sarviskarni hai? jab tak aap vyaktamen bizeeho, baapdaada avyakt mein bhi madadgaar to hain na। himmate bachche madde baap। to bataao jyaada busy kaun hoga? jaise shuru mein vatan ka anubhav karaate the na। aisa anubhav karte the jo dhyaan mein jaane vaalon se bhi achha hota tha (baba aap abhi bhi anubhav karaao) anubhav karo। buddhi ka vimaan to hai hi। koi-koi bachche koi baat ki jiddakarte hain to baap ko kehna maanna padta hai। ab anubhav karne ki jidda karo। achha।

party se mulaakaat

praja to treta ke ant vaali chaahiye। dvaapar yug ke liye bhakta chaahiye। bhakta bhi banaao aur praja bhi banaao। ab to aisa samay aayega -- dete jaao, jholi bharte jaao। itni tadapti hui aatmaayen aayengi, unhein boond bhi denge to khush ho jaayengi। aisa samay ab aane vaala hai। jaise woh sunaate hain minute motor (sikke par chhaap ki masheen), aisi machinery chalegi। drishti, vritti, smriti, vaani sabhi se service chalegi। aapka ghar bhi aashram hai। unmein se jo bhi niklenge woh svayan centre par jaane ke liye rook nahin sakenge। inhonne to service ki sthaapna mein dhakke khaaye hain। aap log to bane-banaaye par aaye ho। inhonne mehnat kar makkhan nikaala, aap khaane par aa gaye lekin makkhan khaane vaale kitne shaktishaali hone chaahiye? sadaiv yeh khyaal rakho ki jo bhi aatmaayen samparka mein aati hain unko jo aavashyakta hai woh mile। roti ki aavashyakta vaale ko paani de do to… kisko maan dena padta hai, usko kaho jaakar dari par baitho to kaise baithega! koi ko dari par bithaakar course karaaya jaata hai koi ko sophe par। abhi governor aaya to kya kiya? regard diya na। agar rivaaji reeti se chalaao to chal na sake। kahaan regard dekar lena padta hai। sabhi ko ek jaisa dose dene se beemaar bhi pad jaate hain। aajkal doctors ke paas peshentas jaate hain to lamba course nahin chaahte hain। aaya injection lagaaya aur khalaas। yahaan bhi aise hai, aaya aur unko udaaya। aisi service karte ho? svabhaav se bheesarviskar sakte ho। drama anusaar kisko svabhaav bhi achha milta hai to us svabhaav ki bhi madad hai। saheli banaakar kisko anubhav se bhi prabhaavit kar sakte hain। chhod na do ki yeh gyaan sunte nahin hain। pahle samparka mein laakar phir sambandh mein laao। svabhaav se bhi kisko sameep la sakte ho। iska prayog karo।

tum sabhi vishwa ke kalyaan ke aadhaarmoorta ho। apne ko aadhaarmoorta samjhenge to bahuton ka uddhaar kar sakenge। jo aisi service karte hain woh us khaate mein, jaise bank mein bhinna-bhinna khaate hote hain, jo jo jiski sarviskarne ke nimitta bante hain woh us samay aise hi khaate mein jama hote hain। foundation jitna gahra daalenge utna mazboot hoga। foundation to daalte hain lekin gahraai mein daalne se, jaise sunaaya ki samparka mein to laaya hai parantu sambandh mein laana hai। jo anekon ko sambandh mein laata hai woh nazdeek sambandh mein aayega। jo anekon ko samparka mein laate hain woh vahaan bhi nazdeek samparka mein aayega।

2. saare din ke potaamel ko theek reeti se nikaal sakte ho? yeh maaloom padta hai ki mel gaadi ki raphtaar hai? baapdaada ke sanskaaron se mel karna hai। aap logon ko, jinhonne saakaar roop se saath rahkar second ke sankalp, sanskaar ka anubhav kiya hai, unse mel karna hai। auron ko buddhiyog se kheenchana padta hai। aap logon ko sirf saamne laana padta hai। isliye sankalp, sanskaar ko milaate jaana hai। samay nashta nahin karna hai, phauran nirnay karna hai ki kya karna hai, kya nahin karna hai? ismen samay ki bhi bachat hai aur buddhi ki shakti bhi jo nashta hoti hai uski bhi bachat hai। apne purooshaartha se santushta ho? sampoorn hone ka kya plan banaaya hai? apne ko jab badlenge tab auron ki sarvisakrenge। santushtata mensartiphiketmila hai? manapsandi ke saath-saath lok pasanda banna hai। sartiphiketaek to jo responsible hain unhonne diya to lokapsanda hue, rachna ko bhi santushta rakhna hai। unhon ki chalan se hi catch karna hai ki santushta hain? jab koi madhuban mein aate hain to nimitta bani hui bahnon dvaara apnaasartiphiketle jaaven।

yeh sabhi sartiphiketdharmaraaj puri mein kaam aayenge। jaise raaste mein kaar chalaane vaale ko certificate hota hai to dikha dene se raasta paar kar lete hain। aise dharmaraajpuri mein bhi yeh certificate kaam mein aayega। isliye jitna ho sake certificate lete jaao। kyonki tribunal mein bhi yahi mahaarthi baithte hain। inhon ki certificate kaam mein aayegi। yahaan sesartiphiketle jaane se doosri aatmaon ko satisfy karne ki visheshta aayegi। anubhvi bahnen anekon ko satisfy karne ki shiksha deti hain। anekon ko satisfy karne ki yukti hai certificate।

snehi banna aata hai ya shakti banna aata hai? shakti bharne vaale jo rachayita hain unki rachna bhi shaktishaali hone ke kaaran purooshaartha mein kab kaise, kab kaise dagmag nahin honge। agar student dagmag hote hain to usse parakh sakte hain ki shakti bharne ki yukti nahin hai। sameep laana yahi visheshta hai। shaktishaali banaana jo maaya se mukaabla kar len। yeh aid kar dena। vighna aave bhi lekin jyaada samay na chale। aaya aur gaya - yeh hai shakti roop ki nishaani। jo apne se santushta hota hai woh doosron se bhi santushta rehta hai। aur koi asantushta kare bhi parantu svayan santushta hain, to sabhi unse santushta ho jaayenge। doosre ki kami ko apni kami samajhkar chalenge to khud bhi sampoorn ban jaayenge। yeh kabhi nahin socho ki is kaaran se mera purooshaartha theek nahin chalta। meri kamjori hai, aisa samajhne se unnati jaldi ho sakti hai। nahin to doosre ki kami ke phaisle mein hi samay bahut jaata hai।

saakaar snehi ho ya niraakaar snehi ho? niraakaar snehi jo hote hain unki yeh visheshta jyaada hoti hai ki woh niraakaari sthiti mein jyaada sthit honge, saakaar sneheechritravaan honge। unka ek-ek charitra serviceable hoga। doosra woh auron ko bhi sneh mein jyaada la sakenge। niraakaari, nirhankaari donon samaan chaahiye।

baalak banna achha hai ya maalik banna achha hai? jitna ho sake sarviske sambandh mein baalakpan, apne purooshaartha ki sthiti mein maalikpan। samparka aur service mein baalakpan, yaad ki yaatra aur manthan karne mein maalikpan। saathiyon aur sangathan mein baalakpan aur vyaktigat mein maalikpan - yeh hai yuktiyukta chalna।

sada umang hullaas mein ekras rahne ke liye kaun si point yaad rahe? uske liye jo sadaiv sambandh mein aate - chaahe student, chaahe saathi sabhi ko santushta karne ki utkantha ho। utsaah mein rahne se jo eeshvareey umang utsaah hai woh sada ekras rahega। jisko dekho usse har samay gun uthaate raho। sarva ke gunon ka bal milne se sadaakaal ke liye utsaah rahega। utsaah kam hone ka kaaran auron ke bhinna-bhinna swaroop, bhinna-bhinna baaten dekhna, sunna, gun dekhne ki utkantha ho to ekras utsaah rahe। gun chor hone se aur chor bhaag jaayenge। sarva par vijayi banne ki yukti kya hai? vijayi banne ke liye harek ke dil ke raaz ko jaanna hai। jab harek ke mukh ke aavaaz ko dekhte ho, to aavaaz dekhne se unke dil ke raaz ko nahin jaan sakte। dil ke raaz ko jaanne se sarva ke dilon ke vijayi ban sakte ho। dil ke raaz ko jaanne ke liye antarmukhta chaahiye। jitna raaz ko jaanenge utna sarva ko raazeekar sakenge। jitna raazi karenge utna raaz ko jaanenge। tab vijayi ban sakenge।

saralchitta ki nishaani kya hai? jo svayan saralchitta rehta hai woh doosron ko bhi saralchitta bana sakta hai। saralchitta maana jo baat suni, dekhi, ki, woh saar-yukta ho aur saar ko hi uthaaye aur jo baat va karma svayan kare usmein bhi saar bhara hua ho। to purooshaartha bhi saral hoga aur jo saralpurushaartheehota hai woh auron ko bhi saral purushaarthi bana deta hai। saral purushaartheesab baaton mein all-round hoga। koi bhi baat ki kami dikhaai nahin degi। koi bhi baat mein himmat kam nahin hogi। mukh se aisa bol nahin niklega ki yeh abhi nahin kar sakte hain। yeh ek mukhya abhyaas practical mein laane se sab baaton mein sample ban sakte hain। sarva baaton mein sample banne se paas with honour ban sakte hain। aisa kabhi koi baat mein kehte ho, abhyaas nahin hai। all-round banna doosri baat hai, yeh hui kamaai। aalra- unda egzaampal banna doosri baat hai। har baat anya ke aage sample bankar dikhaana। har baat mein kadam aage badhaana apne dvaara sabhi ko kamaai mein hullaas dilaana - yeh hai all-round egjaampul banna।

sense mein jyaada rehte ho ya essence mein? sensibal jo hote hain woh itne saphaltaamoorta nahin ban sakte hain, essence mein rahne vaalon ki khushbu adhik samay chalti hai। unka prabhaav sadaakaal chalta hai। jo sirf sense mein rehte hain unka prabhaav to rehta hai parantu har samay nahin। sabhi ke gale mein vijay maala padi hai lekin nambarvaar। koi ke gale mein badi to koi ke gale mein chhoti। iska kaaran kya hai? jitna-jitna shuru se lekar mansa mein, vaacha mein, karmana mein aai hui samasyaaon ya vighnon ke oopar vijayi bane hain, us anusaar vijay maala harek ki banti hai। shuru se lekar dekho to maaloom pad sakta hai ki meri vijay maala kitni badi hai! aajkal chhoti maala bhi banaate to badi bhi banaate hain। jo jitna-jitna vijayi bante hain utna hi badi vijaymaala pahante hain। yeh jo chaturbhuj mein vijay maala ki nishaani hai sirf ek ki nahin, yeh vijayi ratnon ki nishaani hai। to harek apni-apni vijay maala ka saakshaatkaar kar sakte ho। jitna vijay maala pahanne ke adhikaari banenge utna hi taaj takhta us pramaan praapta hoga। to is samay vijay maala ke pramaan apna bhavishya takhta bhi samajh sakte ho। yahaan hi ab sabhi ko saakshaatkaar hona hai। saakshaatkaar sirf divya drishti se nahin, pratyaksha saakshaatkaar bhi hona hai। pratyaksha ka pramaan yeh bhi saakshaatkaar hai। isliye poochha ki kitni badi hai - vijay maala। ek hai sarviska bal, doosra hai sneh ka bal, isliye extra bal milne kaaran vishesh service ho rahi hai। jo svayan mein shaareerik ke hisaab se shakti nahin samajhte hain lekin yeh bal hone ke kaaran jaise aur koi chala raha hai। aisa anubhav karte hain। nimitta banne se bahut extra bal milta hai। jaise saakaar roop mein nimitta banne se extra bal tha। aise ismen bhi hai। ateendriy sukh ka anubhav hone se kya hota hai? ateendriy sukh milne se jo indriyon ke sukh ka aakarshan hai woh samaapta ho jaata hai। jo duhkh dene vaali cheej hai, woh kaunsi hai? indriyon ka aakarshan, sambandh ka aakarshan va koi bhi karmendriyon ke vash hone se jo bhinna-bhinna aakarshan hote hain woh ateendriy sukh va harsha dilaane mein bandhan daalte hain। ek thikaane buddhi tik jaane se ekras avastha rehti hai। isliye sadaiv buddhi ko ek thikaane mein tikaane ki jo yukti mili hai woh smriti mein rakho। hilne na do। hilna arthaat halchal paida karna। phir samay bhi bahut vyartha jaata hai। yuddha mein samay bahut jaata hai। shaktiyon ke chitra mein shaktiyon ki nishaani kya dikhaate hain? ek to woh alankaari hain, doosra sanhaari bhi hain। alankaar kislie hain? sanhaar karne ke liye। aise hi alankaari sanhaarkaari moorta apne ko samajhkar chalte chalo। jab yeh smriti mein rahega ki main sanhaar moorta hoon to ve maaya ke vash kabhi nahin honge। sadaiv yeh check karna hai ki alankaar sabhi theek reeti se dhaaran kiye hue hain! koi bhi alankaar agar dhaaran nahin kiye hue hain to vijayi nahin ban sakte hain। jaise suhaagin hoti hai, woh sadaiv apne suhaag ki nishaani ko kaayam rakhti hai। jaise dekho kabhi bhi apna sthool shrringaar kam ho jaata hai, neeche oopar hota hai to usko baar-baar theek karte hain। isliye koi bhi alankaar roopi shrringaar bigda hua hai to usko theek karna hai। jo ati puraane hote hain unko poora adhikaar lekar jaana hai। adhikaar lene ke liye hi apne oopar chhaap lagaane liye madhuban mein aate hain। yeh madhuban hai final thappa va chhaap lagaane ka sthaan। jaise post office hoti hai, usmein jab final thappa lagaate hain tab chittheejaati hai। yeh bhi svarga ke adhikaari banne ka chhaap madhuban hai। madhuban mein aana arthaat karod guna kamaai karna। jovighna-vinaashak hote hain woh vighnahaar nahin ban sakte। combined apne ko samjho। baapdaada to second, second ka saathi hai। jab se janma liya hai tab se lekar saath hai। yahaan janma bhi is samay hota hai, saathi bhi is samay milta hai। laukik mein janma pahle hota hai aur saathi baad mein। yahaan abhi-abhi janma, abhi-abhi saathi।

bambai nagri mein rehte hue proof ho? jo svayan proof nahin hain woh auron ke aage proof (saboot) bhi nahi ban sakte। dhaarna vaali jeevan auron ke aage proof ban jaati hai। proof kaun ban jaata hai? jo proof hai। bambai mein jaasti pooja kiski hoti hai? ganesh ki। uskovighna-vinaashak kehte hain, ganesh ka arth hai maastarnolej- full, vidyaapti। maastarnolejphul kabhi haar nahin kha sakte। kyonki nolejko hi light-might kehte hain। phir manzilpar pahunchna sahaj ho jaata hai।manzilpar pahunchne ke liye light might donon chaahiye। apni soorat ko aisa karna hai - jo aapki soorat se baapdaada donon dikhaai den। jo bhi karma karte ho woh har karma mein baapdaada ke gun pratyaksha hon। baapdaada ke mukhya gun kaun se varnan karte ho?gyaan, prem, aananda, sukh-shanti ka saagar। jo bhi karma karo woh sab gyaan sahit hon। har karma dvaara sarva aatmaon ko sukh-shanti, aanand ka anubhav ho। isko kehte hain baap ke gunon ki samaanta। aapko samjhaane ki aavashyakta nahin। aapke karma dekh unhon ke dil mein sankalp uthe ki yeh kiske bachche, kis dvaara aise bane। student bhi agar padhne mein achha scholarship lene vaala hota hai to unko dekh teacher ki yaad aati hai। isliye kahaavat hai student shows teacher yeh bhi service karne ka tareeka hai। alaukik janma ka har karmasarvisaprati ho। jitna sarvisakrenge utna bhavishya ooncha। jitna apne kosarvismen busy rakhenge utna maaya ke vaar se bach jaayenge। buddhi ko engej kar diya to koi disturb nahin karega। yeh bhi sangamayug ka vardaan hai - ekras avastha, ek ka hi dhyaan, ek ki heesarvismen jitna jo koi vardaan le। jaise koi nashe mein rehta hai usko aur kuchh soojhta nahin, aise is eeshvareey nashe mein rahne se aur duniya ki aakarshan se pare ho jaayenge।

(koi baandheli ne poochha - baba ham baandheli hain, hamko sankalp chalta hai ki ham service nahin karti hain?)

baandheli svatantra rahne vaalon se achhi hain। svatantra albele rehte hain। baandheli ki lagan achhi rehti hai। yaad ko powerful banaao। yaad kam hogi to shakti nahin milegi। yaad mein rehte yeh vyartha na socho ki sarvisanheen karti। us samay bhi yaad mein raho to kamaai jama hogi। yeh sochne se yaad ki power kam hogi। bandhan se mukta karne ke liye apni chalan ko change karo। jo ghar vaale dekhen ki yeh change ho gai hai। jo kada sanskaar hai woh change karo। woh apna kaam karen aap apna kaam karo। unke kaam ko dekh ghabraao nahin। jitna vo apna kaam force se kar rahe hain, aap apna force se karo। unke gun uthaao ki woh kaise apna karttavya kar rahe hain, aap bhi karo। saari srishti ki aatmaon ki bhent mein kitni aatmaon ko yeh bhaagya praapta hua hai। to kitni khushi honi chaahiye। khushi to naynon mein, mastak mein, hothon mein jhalakti rahni chaahiye। jo hai hi khushi ke khazaane ka maalik, uske baalak ho। to khazaane ke adhikaari to ho na। 5,000 varsha pahle bhi aaye the, yeh anubhav hai? smriti aati hai? spashta smriti ki nishaani kya hai? spashta smriti ki nishaani yeh hai - ki kisse milenge to apnaapan mahsoos hoga aur apne sthaan par pahunch gaya hoon, yeh vahi sthaan hai, jisko dhoondh raha tha। jaise koi cheez dhoondhane ke baad milti hai, is reeti se yeh bhaasna aaye ki asli parivaar se mile hain aur apnaapan ka anubhav ho। isko kehte hain spashta anubhav। doosri baat ki jo baat sunega woh unko sahaj spashta samajh mein aayegi। jaise pavitrata ki baat logon ko mushkil lagti hai parantu jo kalpa pahle vaale honge, adhikaari woh to samajhte hain ki hamaara svadharma hi hai। unko sahaj lagega। jaise koi jaani-pahchaani moortiyaan hoti hain unko dekhne se aisa anubhav hota hai ki yeh to apne hain। jitna sameep sambandh mein aane vaale honge woh spashta anubhav karenge। aisi anubhvi aatmaon ko karmabandhan todne mein deri nahin lagegi। nakli cheez ko chhodna mushkil nahin hota hai। achha -