Avyakt murli for Friday 22 January 1971

>

22-01-71 om shanti avyakt baapdaada madhuban

diltakhta-nasheen aatma ki nishaani

aaj is sangathan ko kaunsa sangathan kahenge? is sangathan ka kya naam denge? yeh sangathan hai brahma baap ki bhujaaen। isliye is sangathan ko baapdaada ke madadgaar, vaphaadaar, baapdaada ke diltakhta-nasheen, master sarvashaktivaan kahenge। ab samjha, itne anek titles is group ke nambarvaar purooshaartha anusaar hain। jo dil ke takhta nasheen honge unhon ki nishaani kya hoti hai? teachers hain isliye prashn-uttar kar rahe hain। takhtansheen ki nishaani kya hai? jo takhtansheen hue hain unki nishaani hai - ek to jab bhi koi takhta par baithte hain to tilak aur taaj donon takhtansheen ki nishaani hoti hai। is reeti diltakhta par viraajmaan aatmaon ki nishaani yahi hoti hai। unke mastak par sadaiv avinaashi aatmaakasthiti tilak door se hi chamakta hua nazraaayega। doosri baat -- aur sarva aatmaon ke kalyaan ki shubh bhaavna unke naynon mein va mukh se, mukh arthaat mukhda, face se dikhaai de। mukhde se yeh sab spashta dikhaai de yeh nishaani hai। teesri baat -- unka sankalp, vachan aur karma baap ke samaan ho। chauthi baat - jin aatmaon ki sarvisakre un aatmaon mein sneh, sahayog aur shakti teenon hi gun dhaaran karaane ki usmein shakti ho। yeh chaar baaten unki nishaani hai। abhi aap apneerijaltako check karo ki yeh chaar hi nishaaniyaan kahaan tak dikhaai deti hain। jaise jo svayan hota hai vaise hi samaan banaata hai। aaj teachers sangathan mein hain isliye yeh suna rahe hain, jinhon ki aap seva karti ho va kar rahi ho unhon mein yeh sab baaten bharni chaahiye। ab tak result kya hai? harek apni rijaltako to dekhte hi hain। majority kya dikhaai deti hai? koi mein sneheepan ki visheshta hai, koi mein sahayogeepan ki, lekin shakti roop ki dhaarna kam hai। iski nishaani phir kya dikhaai deti hai, maaloom hai? shaktipan ke kami ki nishaani kya hai? parakhne ki shakti kam ki nishaani kya hai? ek baat to sunaai - sarviski saphalta nahin। unki spashta nishaani do shabdon mein yeh dikhaai degi - unka har baat ‘kyon’, ‘kya’, ‘kaise’ …? question mark bahut hoga। drama ka full-stop dena unke liye bada mushkil hoga। isliye svayan hi ‘kyon, kya kaise’ ki uljhan mein hoga। doosri baat -- woh kabhi bhi sameep aatma nahin bana sakega। sambandh mein laayenge lekin sameep sambandh mein nahin laayenge। samjha? brahman kul ki jo maryaadaaen hain un sarva maryaadaaon swaroop nahin bana sakenge। kyonki svayan mein shakti kam hone ke kaaran auron mein bhi itni shakti nahin la sakte jo sarva maryaadaaon ko paalan kar saken। koi na koi maryaada ki lakeer ullanghan kar dete hain। samajhte sabhi honge, samajhne mein kami nahin hogi। maryaadaaon ki samajh poori hogi। parantu maryaadaaon mein chalna yeh shakti kam hogi। is kaaran jinhon ki woh seva karte hain unhon mein bhi shakti kam hone kaaran high jump nahin de sakte। sanskaaron ko mitaane mein samay bahut vesta karte hain। ab in baaton se apne swaroop ko check karo। jaise bahut badhiya aur meetha phal tab nikal sakta hai jab us vriksha mein sab baaton ka dhyaan diya jaata hai। dharti ukhaadne ka bhi khyaal, beej daalne ka, jal ka, sabhi ka dhyaan dena padta hai। aise shreshtha phal taiyaar karne ke liye sanskaar mitaane ki shakti, yeh hui dharti ukhaadne ki shakti। uske saath jaise sabhi cheejen beech daalne vaale dekhte hain, vaise snehi bhi banaaven, sahayogi bhi banaaven aur shakti-swaroop bhi banaaven। agar koi ek ki bhi kami rah jaati hai to kya hota? jo shuru mein sunaaya ki dil ke takhta nasheen nahin ban sakte। isliye teachers ko yeh dhyaan ek-ek ke oopar dena chaahiye।

aap log jab em-object sunaate ho to kya sunaate ho? devta banna yeh to lakshyadete ho। devtaaon ki mahima sarva gun sampanna। to vahlakshyarakhna chaahiye। sarva gun ek-ek aatma mein bharne ka prayatna karna chaahiye। aap teachers ko harek se mehnat itni karni chaahiye jo koi aatma bhi yeh ulahna na de ki hamaari nimitta bani hui teacher ne hamko is baat ke oopar dhyaan nahin khinchavaaya। woh kare na kare, woh hui unki takdeer। parantu aap logon ko sabhi ke oopar mehnat karni hai। nahin to ab tak ki result mein koi ulahnen abhi tak mil rahe hain। yahsarviski kami hai। isliye kaha ki sarva baaten unhon mein bharne se woh phal bhi aisa laayak banega। aap socho, jitna koi bada aadmi hota hai, unke saamne kaunsa phal rakhenge? bada bhi ho aur badhiya bhi ho। saakaar mein bhi koi cheez laate the to kya dekhte the? to ab baapdaada ke aage bhi aise jo phal taiyaar karte hain vahi saamne la sakte hain। isliye yeh dhyaan rakhna hai। jitna jo svayan jitne gunon se sampanna hota hai utna auron mein bhi bhar sakta hai। harek rachayita ki soorat rachna se dikhaai deti hai। sarvisaaap logon ke liye ek darpan hai, jis darpan dvaara apne andar ki sthiti ko dekh sakte ho। jaise darpan mein apni soorat sahaj aur spashta dikhaai deti hai। aise service ke darpan dvaara apni features-soorat nahin, seerat ka sahaj spashta saakshaatkaar hota hai। woh hai soorat ka aaina, yeh hai seerat ka aaina। harek ko apna saakshaatkaar spashta hota hai? hona chaahiye। agar ab tak spashta saakshaatkaar nahin hoga to apne ko sampoorn kaise bana sakenge। jab apni kamzoriyon ka maaloom hoga tab to shakti bhar sakenge। isliye agar svayan ke saakshaatkaar mein koi spashteekran na ho to nimitta bani hui bahnon dvaara madad le apna spashta saakshaatkaar karne ka prayatnazroorkarna। yeh baapdaada ka kaam nahin hai, baapdaada ka karttavya hai ishaara dena।

teachers ke features kaise hone chaahiye? teachers ko apne pharishtepan ke features dvaaraasarviskarni chaahiye। teachers dvaara yeh shabd ab tak nahin nikalnechaahieki yeh meri nature hai। yeh kehna shaktiheenta ki nishaani hai। ‘purooshaartha’ shabd, purooshaartha shabd se use nahin karte hain। parantu ‘purooshaartha’ shabd purooshaartha se chhudaane ka saadhan bana diya hai। isliye aap logon ke shabd rachna dvaara bhi aapke saamne aate hain। isliye sadaiv aise samjho jaise koi gumbaz mein joaavaazkiya jaata hai woh lautkar apne paas aa jaata hai। itna attention apne sankalpon par bhi rakhna hai। kahaan-kahaan se yeh samaachaar aate hain, kaunse? ki aajkal students sunte nahin hain। mehnat karte hain lekin aage nahin badhte hain, vahaan ke vahaan khade hain। yeh rijaltakyon? yeh bhi apni sthiti ka return hai। kyonki student bhi chalte- chalte nimitta bani hui teachers ki kamzaariyon ko parakh kar uska advantage uthaate hain। achha।