Avyakt murli for Thursday 11 March 1971

>

11-03-71 om shanti avyakt baapdaada madhuban

paristhitiyon ko paar karne ka saadhan - ‘svasthiti’

vyakta mein rehte avyakt sthiti mein rahne ka abhyaas abhi sahaj ho gaya hai। jab jahaan apni buddhi ko lagaana chaahen to laga saken - isi abhyaas ko badhaane ke liye apne ghar mein athva bhattheemen aate ho। to yahaan ke thode samay ka anubhav sadaakaal banaane ka prayatna karna hai। jaise yahaanbhattheeva madhuban mein chalte-phirte apne ko avyaktaphrishta samajhte ho, vaise karmakshetra vaasarvis-bhoomi par bhi yeh abhyaas apne saath hi rakhna hai। ek baar ka kiya hua anubhav kahaan bhi yaad kar sakte hain। to yahaan ka anubhav vahaan bhi yaad rakhne se va yahaan ki sthiti mein vahaan bhi sthit rahne se buddhi ko aadat pad jaayegi। jaise laukik jeevan mein na chaahte hue bhi aadat apni taraph kheench leti hai, vaise hi avyakt sthiti mein sthit hone ki aadat ban jaane ke baad yeh aadat svatah hi apni taraph kheenchegi। itna purooshaartha karte hue kai aisi aatmaayen hain jo ab bhi yahi kehti hain ki meri aadat hai। kamjori kyon hai,

krodh kyon kiya, komal kyon bane? kahenge - meri aadat hai। aise javaab abhi bhi dete hain। to aise hi yeh sthiti va is abhyaas ki bhi aadat ban jaaye; to phir na chaahte hue bhi yeh avyaktasthiti ki aadat apni tarphaaakarshitakregi। yeh aadat aapko adaalat mein jaane se bachaayegi। samjha? jab buri-buri aadten apna sakte ho to kya yeh aadat nahin daal sakte ho? do-chaar baari bhi koi baat practical mein laai jaati hai to practical mein laane se practice ho jaati hai। yahaan is bhatthi mein athva madhuban mein is abhyaas ko practical mein laate ho na। jab yahaan practical mein laate ho aur practice ho jaati hai to woh practice ki hui cheej kya ban jaani chaahiye? nechooral aur nature ban jaani chaahiye। samjha? jaise kehte hain na - yeh meri nature hai। to yeh abhyaas practice se nechooral aur nature ban jaana chaahiye। yeh sthiti jab nature ban jaayegi phir kya hoga? nechooral kelemiteez ho jaayegi। aapki nature na banne ke kaaran yeh nechooral kelemiteez rooki hui hain। kyonki agar saamna karne vaale apne sva-sthiti se un paristhitiyon ko paar nahin kar sakenge to phir woh paristhitiyaan aayengi kaise। saamna karne vaale abhi taiyaar nahin hain, isliye yeh parda khulne mein deri pad rahi hai। abhi tak in puraani aadton se, puraane sanskaaron se, puraani baaton se, puraani duniyon se, puraani deh ke sambandhiyon se vairaagya nahin hua hai। kahaan bhi jaana hota hai to jin cheejon ko chhodna hota hai unse peeth karni hoti hai। to abhi peeth karna nahin aata hai। ek to peeth nahin karte ho, doosra jo saadhan milta hai uski peeth nahin karte ho। seeta aur raavan ka khilauna dekha hai na। raavan ke taraph seeta kya karti hai? peeth karti hai na। agar peeth kar diya to sahaj hi unke aakarshan se bach jaayenge। lekin peeth nahin karte ho। jaise shmashaan mein jab nazdeek pahunchte hain to pair is taraph aur munh us taraph karte hain na। to yeh bhi peeth karna nahin aata hai। phir munh us taraph kar lete hain, isliye aakarshan mein kahaan phans jaate hain। to donon hi prakaar ki peeth karne nahin aati hai। maaya bahut aakarshan karne ke roop rachti hai। isliye na chaahte hue bhi peeth karne ke bajaay aakarshan mein aa jaate hain। usi aakarshan mein purooshaartha ko bhool, aage badhne ko bhool rook bhi jaate hain; to kya hoga? manzil par pahunchne mein deri ho jaayegi। kumaaron ki bhattheehai na। to kumaaron ko yeh khilauna saamne rakhna chaahiye। maaya ki taraph munh kar lete hain। maaya ki taraph munh karne se jo pareekshaayen maaya ki taraph se aati hain, unka saamna nahin kar sakte hain। agar us taraph munh na karo to maaya ki paristhitiyon ko munh de sako arthaat saamna kar sako। samjha?

kumaaron ka sada pure aur satoguni rahne ka yaadgaar kaunsa hai, maaloom hai? sanantakumaar। unhon ki visheshta kya dikhaate hain? unhon ko sadaiv chhota kumaar roop hi dikhaate hain। kehte hain - unhon ki sadaiv 5 varsha ki aayu rehti hai। yeh purity ka gaayan hai। jaise 5 varsha ka chhota bachcha bilkul pure rehta hai na। sambandhon ke aakarshan se door rehta hai। bhal kitna bhi laukik parivaar ho lekin sthiti aisi ho jaise chhota bachcha pure hota hai। vaise hi purity ka yeh yaadgaar hai। kumaar arthaat pavitra avastha। usmein bhi sirf ek nahin, sangathan dikhlaaya hai। drishtaanta mein to thode hi dikhaaye jaate hain। to yeh aap logon ka sangathan pyoreeti ka yaadgaar hai। aisi purity hoti hai jismen apvitrata ka sankalp va anubhav hi nahin ho। aisi sthiti yaadgaar samaan banaakar jaani hai। bhatthi mein iseelie aaye ho na। bilkul is duniya ki baaton se, sambandh se nyaare banenge tab daivi parivaar ke, baapdaada ke aur saari duniya ke pyaare banenge। vaise bhi koi sambandhiyon se jab nyaare ho jaate hain, laukik reeti bhi alag ho jaate hain to nyaare hone ke baad jyaada pyaare hote hain। aur agar unhon ke saath rehte hain va unhon ke sambandh ke lagaav mein hote hain to itne pyaare nahin hote hain। woh hua laukik। lekin yahaan nyaara banna hai gyaan sahit। sirf baahar se nyaara nahin banna hai। man ka lagaav na ho। jitna-jitna nyaara banenge utna- utna pyaara avashya banenge। jab apni deh se bhi nyaare ho jaate ho to woh nyaarepan ki avastha apne aap ko bhi pyaari lagti hai - aisa anubhav kab kiya hai? jab apni nyaarepan ki avastha apne ko bhi pyaari lagti hai, to lagaav se nyaari avastha pyaari nahin lagegi? jis din deh mein lagaav hota hai, nyaaraapan nahin hota hai to apne aap ko bhi pyaare nahin lagte ho, pareshaan hote ho। aise hi baahar ke lagaav se agar nyaare nahin hote hain to pyaare banne ke bajaay pareshaan hote hain। yeh anubhav to sabhi ko hoga। sirf aise-aise anubhav sadaakaal nahin bana sakte ho। aisa koi hai jisne is nyaare aur pyaarepan ka anubhav nahin kiya ho? apne ko yogi kahlaate ho। jab apne ko sahaj raajayogi kahlaate ho to yeh anubhav nahin kiya ho, yeh ho nahin sakta। nahin to yeh title apne ko de nahin sakte ho। yogi arthaat yeh yogyata hai tab yogi hain। nahin to phir apne parichay mein yeh shabd nahin kah sakte ho ki ham sahaj raajayog ki padhaai ke student hain। student to ho na। student ko padhaai ka anubhav na ho, yeh ho nahin sakta। haan, yeh zaroor hai ki is anubhav ko kahaan tak sadaakaal bana sakte ho va alpakaal ka anubhav karte ho। yeh pharka ho sakta hai। lekan jo puraane stoodentas hain unhon ka anubhav alpakaal nahin hona chaahiye। agar ab tak alpakaal ka hi anubhav hai to phir kya hoga? sangamayug ka varsa aur bhavishya ka varsa - donon hi alpa samay praapta hoga। samjha? jo poora samay varsa praapta karne ka hai woh nahin kar sakenge, alpa samay karenge। to isi mein hi santushta ho kya?

aaj kumaaron keebhattheeka aarambha hai na। bhattheeka aarambha arthaat pakne ka aarambha। koi svaaha hoga, koi bhatthi mein pakega, koi purity ka sankalp dridh karega। yahaan to karne liye hi aaye ho na। ab dekhna hai ki jo kaha woh kiya? yeh jo group hai woh poora maaya se innocent aur gyaan se saint bankar jaana। jaise satayugi aatmaayen jab yahaan aati hain to vikaaron ki baaton ki nolejse innocent hoti hain। dekha hai na। apna yaad aata hai ki jab ham aatmaayen satayug mein theen to kya theen? maaya ki nolejse innocent theen - yaad aata hai? apne woh sanskaar smriti mein aate hain va suna hua hai isliye samajhte ho? jaise apne is janma mein bachpan ki baaten spashta smriti mein aati hain, vaise hi jo kal ke aapke sanskaar the woh kal ke sanskaar aaj ke jeevan mein sanskaaron ke samaan spashta smriti mein aate hain va smriti mein laana padta hai? jo samajhte hain ki hamaare satayugi sanskaar aise hi mujhe spashta smriti mein aate hain jaise is jeevan ke bachpan ke sanskaar spashta smriti mein aate hain, woh haath uthaao।

yeh spashta smriti mein aana chaahiye। saakaar roop mein (brahma baap mein) spashta smriti mein the na। yeh smriti tab hogi jab apne aatmik-swaroop ki smriti spashta aur sadaakaal rahegi। to phir yeh smriti bhi spashta aur sadaakaal rahegi। abhi aatmik-sthiti ki smriti kab-kab deh ke parde ke andar chhip jaati hai। isliye yeh smriti bhi parde ke andar dikhaai deti hai, spashta nahin dikhaai deti hai। aatmik-smriti spashta aur bahut samay rahne se apna bhavishya varsa athva apne bhavishya ke sanskaar swaroop mein saamne aayenge। aapne chitra mein kya dikhaaya hai? ek taraph vikaar bhaagte, doosri taraph buddhi ki smriti baap aur bhavishya praapti ki taraph। yeh lakshmi-naaraayan ka chitra dikhaaya hai na। yeh chitra kiske liye banaaya hai? doosron ke liye ya apni sthiti ke liye? to bhavishya sanskaaron ko spashta smriti mein laane ke liye aatmik-swaroop ki smriti sadaakaal aur spashta rahe। jaise yeh deh spashta dikhaai deti hai, vaise apni aatma ka swaroop spashta dikhaai de arthaat anubhav mein aaye। to ab kumaaron ko kya karna hai? saint bhi banna hai, innocent bhi banna hai। sahaj padhaai hai na। do shabd mein aapka poora course ho jaayega। yeh chhaap lagaakar jaana।kamzori, pareshaani aadi -- in baaton se bilkul innocent। kamjori shabd bhi samaapta hona hai। is group ka naam kaunsa hai? simpalisiti aur purity mein rahne vaala group। jo simple hota hai vahi beautiful hota hai। simpalisiti sirf dress ki nahin lekin sabhi baaton ki। nirhankaari banna arthaat simple banna। nirakrodhi arthaat simpool। nirlobhi arthaat simple। yeh simpalisiti purity ka saadhan hai। achha। salogan kya yaad rakhenge? kumaar jo chaahe so kar sakte hain। jo bhi baaten kaho woh ‘‘pahle karenge, dikhaayenge, phir kahenge’’। pahle kahenge nahin। pahle karenge, dikhaayenge, phir kahenge। yeh salogan yaad rakhna। achha।