Avyakt murli for Thursday 20 May 1971

>

20-05-71 om shanti avyakt baapdaada madhuban

vidhaata, vardaata-pan ki stage

vidhaata aur vardaata - yeh donon hi gun apne mein anubhav karte ho? jaise baap vidhaata bhi hai aur vardaata bhi hai, vaise hi apne ko bhi donon hi praapti-swaroop samajhte ho? jitna-jitna vardaata bante jaayenge utna hi vardaata ban vardaan dene ki shakti badhti jaayegi। to donon hi anubhav hote hain va abhi sirf vidhaata ka part hai, ant mein vardaata ka part hoga? kya samajhti ho? (koi ne kaha donon part abhi chal rahe hain, koi ne kaha abhi ek part chal raha hai) vardaan kin aatmaon ko dete ho aur vardaata kiske liye bante ho? ek hota hainolejko dena, doosra hai vardaan roop mein dena। to vidhaata ho ya vardaata ho? kinhon ko vardaan deti ho? vidhaata arthaat gyaan dene vaale to bante hi ho, lekin kahaan vidhaata ke saath- saath vardaata bhi banna padta hai। woh kab? jab koi aisi aatma himmatheen, nirbal lekin ichchhuk hoti hai, chaahna hoti hai ki ham kuchh praapti karen। aisi aatmaon ke liye gyaan-daata banne ke saath-saath aap vishesh roop se us aatma ko bal dene ke liye shubh-bhaavna rakhte ho va shubhchintak bante ho। to vidhaata ke saath-saath vardaata bhi bante ho। extra bal apni taraph se unko vardaan ke roop mein dete ho। to vardaan bhi dena hota aur daata bhi banna hota hai। isliye donon hi ho। yeh anubhav kab kiya hai? bhakti maarga mein saakshaatkaar dvaara vardaan praapta hota hai kyonki woh aatmaaen itni nirbal hoti hain jo gyaan dhaaran nahin kar sakteen svayan purushaarthi nahin ban sakteen। isliye vardaan ki ichchha rakhti hain, aur vardaan roop mein unko kuchh-na-kuchh praapti hoti hai। is reeti jo kamzor aatmaaen aapke saamne aati hain, jin aatmaon ki ichchha ko dekhkar taras ki, raham ki bhaavna aati hai। merciful ban apni sabhi shakti ki madad de unko ooncha uthaana - yeh hai vardaan ka roop। abhi bataao ki donon hi ho ya ek? koi aatmaon ke prati aap logon ko vishesh programme bhi rakhne padte hain, kyonki apni shakti se woh dhaaran nahin kar paate hain। to shakti ka vardaan dene vaali shiv-shaktiyaan ho। isliye sunaaya ki abhi jyaadaasarvischalni hai knowledge ke vidhaataapan ki। ant mein nolejdene ki service kam ho jaayegi, vardaan dene ki sarvisajyaada hogi। isliye ant ke samay vardaan lene vaali aatmaon mein vahi sanskaar merge ho jaayenge aur vahi merge hue sanskaar dvaapar mein bhakta ke roop mein emerge honge। to abheenolejaarthaat gyaan ke daata ki service hai, phir vardaata ki hogi। samjha? phir itna samay hi nahin hoga, na aatma mein shakti hogi। isliye vardaata ban vardaan dene ki service hogi। abhi yeh service kam karte ho, phir jyaada karni hogi। abhi vaaris banaane keesarvishai, phir hogi sirf praja banaane ki service। parantu thode samay mein itni praja banaane ke liye vardaata moortta banne ke liye mukhya kya attention rakhna pade? vardaataamoorta ban thode samay mein anek aatmaon ko vardaan de saken, uske liye kya karna pade? vardaata banne ke liye mukhya purooshaartha yahi karna pade, baar-baar jo bhakti maarga mein gaayan kiya hai ki vaari jaaoon। yeh gaayan agar practical mein kar lo to jiske oopar vaari jaate ho woh aapko bhi sarva vardaan dekar vardaataamoorta bana dete hain। to har samay, har karma mein, har sankalp mein yeh socho ki ‘vaari jaaoon’ ka jo vachan diya tha woh paalan kar rahi hoon। to baap vardaataamoorta hai na। aap sabhi bhi baap samaan vardaataamoorta ban jaate ho। to itni checking karte ho? ek sankalp bhi kiske prati na ho, jo bhi sankalp uthta hai usmein baap ke prati kurbaan ka, vaari jaane ka rahasya bhara hua ho। aisi checking karte raho to phir maaya saamna karne ka saahas rakh sakegi? saamna karne ka saahas nahin rakhegi, lekin baar-baar namaskaar kar vidaai legi। samjha?

to aisa banne ke liye itni checking chaahiye। aur doosri baat - vardaaneemoorta banne ke liye sarva shaktiyon ko apne mein dekhna chaahiye ki itna stock jama kiya hai jo doosre ko de sakoon? agar jama hi nahin kiya hoga to doosre ko kya denge! to vardaaneemoorta banne ke liye sarva shaktiyon ko apne mein itna jama karna pade jo doosre ko de saken। itna jama ka khaata hai? va kamaaya aur khaaya, yeh result hai? ek hota hai kamaaya aur khaaya - doosra hota hai jama karna aur teesra hota hai jo itna bhi nahin kama sakte jo svayan ko bhi chala saken, doosre ki madad le apne ko chalaana padta। to teesri stage va doosri stage se paar hue ho? woh hai kamaaya aur khaaya। aur pahli stage hai jama karna। to roj apna bank balance dekhte ho? bahut bhikhaari bheekh maangane ke liye aayenge। to itna hi jama karna pade jo sabhi ko de sako। jama karna seekhe ho? kitna jama kiya hai, khaate se to pata lag jaata hai na। apna khaata dekha hai? kai aise bhi hote hain jo nikaal kar khaate jaate hain, maaloom nahin padta hai। phir jab achaanak khaata dekhte hain to samajhte hain ki yeh kya ho gaya! aise to yahaan honge hi nahin। achha।

jama kiye hue khaate vaale ka vishesh gun va karttavya kya dikhaai dega? jiske paas khajaana jama hoga uski soorat se ek to vartamaan aur bhavishya arthaat eeshvareey nasha aur naaraayni nasha dikhaai dega aur unke naynon va mastak se sarva aatmaon ko spashta apna nasha dikhaai dega। yeh jama hone vaale ki nishaani dikhaai degi। unki soorat hi serviceable hogi, soorat hi sarviskarti rahegi। jiske paas jaasti athva kam jama hota hai to woh bhi unki soorat se dikhaai deta hai। to jama kie hue ki soorat va moorat se hi maaloom pad jaata hai। jaise jad chitra banaate hain to unmein bhi kai aise chihna dikhaate hain jo un jad chitron se bhi anubhav hota hai। woh bolte to nahin hai, lekin soorat va moorta se anubhav hota hai। vaise hi aapki yeh soorat har sankalp, har karma ko spashta karegi। to apne aap ko aisa check karo ki meri soorat se koi bhi aatma ko nasha va nishaana dikhaai deta hai? jaise koi oonch kul ka bachcha hota hai to woh bhale gareeb ban jaaye lekin uski jhalak aur phalak dikhaati hai ki yeh koi aise oonch kul ka hai। vaise hi jo sadaiv khazaane se sampanna hoga uski soorat se kabhi chhip nahin sakta। aapke paas darpan hai? sadaiv saath rakhte ho? har samay darpan dekhte rehte ho? kai aise bhi hote hain jinko baar-baar darpan dekhne ki aavashyakta bhi nahin hoti hai। to aap second-second dekhte ho va dekhne ki aavashyakta hi nahin padti? jab tak apni checking ka natural abhyaas ho jaaye tab tak baar-baar checking karni padti hai। dheere-dheere phir aise ban jaayenge jo baar-baar dekhne ki bhi darkaar nahin padegi। sadaiv saje-sajaaye hi rahenge। jab tak yeh sadaiv saje-sajaaye rahne ki aadat pad jaaye tab tak baar-baar apne ko dekhna aur banaana padta hai। jab do-chaar baar dekh liya ki jab maaya kisi bhi prakaar se, kis bhi reeti se mere shrringaar ko bigaad nahin sakti, phir baar-baar dekhne ki zaroorat hi nahin। phir to apna saakshaatkaar doosron ke dvaara bhi aapko hota rahega। doosre svayan varnan karenge, gun gaan karenge। achha।

sabhi vijayi ratna ho na। vijayi ratna to ho, lekin vijay ki maala kitni apne gale mein daali hai, woh bhi dekhna pade। yeh vijay ki maala din- pratidin badhti jaati hai। to badh rahi hai aur kahaan tak badhi hai - yeh bhi dekhna pade। jab maala lambi hoti hai to phir kya karte hain? double karke daalte hain, jisse saara shrringaar sundar ban jaata hai। to itni badi maala apne gale mein daali hai? yeh bhi check karo ki aaj ke din mere vijay ki maala mein kitne vijayi ratna badhe। achha।

drishti se srishti badalti hai -yeh bhi abhi ki kahaavat hai। kaisi bhi tamoguni va rajoguni aatmaayen aayen, lekin aapki satoguni drishti se unki srishti, unki sthiti badal jaaye, unki vritti badal jaaye। aage chalkar yeh anubhav bahut aatmaayen karengi। jaise yaadgaar dikhaaya hua hai ki teenon lokon ka saakshtkaar karaaya। yeh bhi abhi ka gaayan hai। aap logon ke saamne aane se drishti dvaara unhon ko teen lok to kya apni poori jeevan kahaani ka maaloom pad jaaye। jaise shuru mein sthaapna ke samay gyaan keesarvisaitni nahin thi, nazarse nihaal karte the। to ant mein bhi gyaan keesarviskarne ka mauka nahin milega। jo aadi hua hai vahi ant mein aap logon dvaara chalna hai। jaise vriksha ka pahle beej pratyaksha roop mein hota hai, beech mein woh beej merge ho jaata hai, phir ant mein vahi beej pratyaksha roop mein dikhaai deta hai। to aap aadi aatmaon mein bhi jo pahla foundation pada hua hai vaheesarvisaanta mein bhi honi hai। achha।