Avyakt murli for Wednesday 14 June 1972

>

14-06-72om shanti avyakt baapdaadaamdhuban

svasthiti mein sthit hone ka purooshaartha va nishaaniyaan

apne aadi aur anaadi sva-sthiti ko jaante ho? sada apni sva- sthiti mein sthit rahne ka attention rehta hai? jo sva-sthiti arthaat apni anaadi sthiti hain us sva-sthiti mein sthit hona mushkil lagta hai? aur sthiti mein sthit hona mushkil ho bhi sakta hai, lekin sva-sthiti mein sthit hona to svatah hi aur saral hai na। sva-sthiti mein sada sthit rahen iske liemukhyachaar baaten aavashyak hain। agar woh chaaron hi baaten sadaiv kaayam hain to sva-sthiti sada rehti। agar chaaron mein se koi ki bhi kami hai to sva-sthiti mein bhi kam sthit ho sakta hai। sva-sthiti ka jo varnan karte ho usko saamne rakhte hue phir socho ki kaun-si chaar baaten sada saath honeechaahie? sva-sthiti ke lakshan kya hote hain? jo bhi baap ke gun hain un gunon ka swaroop hona isko kehte hain - sva-sthiti va anaadi sthiti। to aisi sthiti sada rahe iske liye chaar baaten kaunsi aavashyak hain। smriti mein aata hai jin chaar baaton ke hone se anaadi sthiti automatically rehti hai? sukh- shanti-aananda-prem ki sthiti svatah hi rehti hai। pahle yeh socho ki anaadi sthiti se madhya ki sthiti mein aate hi kyon ho? iska kaaran kya hai? (deh- abhimaan) deh-abhimaan mein aane se kya hota hai, deh-abhimaan mein aane ke kaaran kya hote hain? par-sthiti sahaj aur sva-sthiti mushkil kyon lagti hai? deh bhi to sva se alag hai na। to deh mein sahaj sthit ho jaate ho aur sva mein sthit nahin hote ho, kaaran? vaise bhi dekho to sada sukh va shaantimay jeevan tab ban sakti hai jab jeevan mein chaar baaten hon। woh chaar baaten hain - hailtha, vailtha, happy aur holi। agar yeh chaar baaten sada kaayam rahen to duhkh aur ashaanti kabhi bhi jeevan mein anubhav na karen। aise sva-sthiti ka swaroop bhi hai - sada sukh-shanti-aananda-prem swaroop mein sthit rehna। to sva-sthiti se bhi vismriti mein aate ho iska kaaran kya hota hai? vailtha ki kami va hailtha ki kamzori va holi nahin bante ho। iske saath-saath happy arthaatharshitanheen rah sakte ho। to hailtha, vailtha kaunsi? aatma sada nirogi rahe, maaya ki koi bhi vyaadhi aatma par asar na kare isko kaha jaata hai healthy। aur phir wealthy bhi ho arthaat jo khazaana milta rehta hai va jo sarva-shaktiyaan baap dvaara varse mein praapta hue hain us praapta hue gyaan khazaane ko va sarva-shaktiyon ke khazaane ko sada kaayam rakho to bataao sva-sthiti se neeche aa sakte ho? itna hi phir holi। sankalp, svapna mein bhi koi apvitrata na ho to sva-sthiti svatah hi ho jaaegi। in chaar baaton ki kami hone kaaran sva-sthiti mein sada nahin rah sakte ho। yeh chaar baaten chaik karo - healthy, wealthy kahaan tak bane hain? healthy, wealthy aur holi - yeh teenon hi baaten hain to happy automatically honge। to in chaar baaton ko sada dhyaan mein rakho। vaise bhi rogi kab bhi apne ko sukhi nahin samajhte। rogi hone kaaran duhkh ki lahar na chaahte hue bhi uthti rehti। to yahaan bhi sada healthy nahin hain, tab duhkh ki va ashaanti ki lahar utpanna hoti hai। to yeh chaaron hi baaten sada kaayam rahen iska kaun-sa purooshaartha hai jo yeh kab bhi gaayab na hon? iske liye sahaj purooshaartha sunaao jo sabhi kar saken। zara bhi mushkil baat hoti hai to kar nahin paate ho। sahaj chaahte ho na। kyonki aatma mein aadi devta dharma ke sanskaar hone kaaran aadha kalpa bahut sahaj sukhon mein rehte ho, koi mehnat nahin karte ho, to woh aadhe kalpa ke sanskaar aatma mein hone kaaran abhi koi mushkil baat hoti hai to woh kar nahin paate ho। sada sahaj ki ichchha rehti hai। to woh sahaj purooshaartha kaun-sa hai? yaad bhi sahaj kaise ho? yaad sahaj aur sada rahe aur healthy, wealthy, happy, holi bhi kaayam rahen iska purooshaartha sunaao। chaaron hi baaten saath-saath rahen। jaise aap bhi niraakaar aur saakaar donon roop mein ho na। niraakaar aatma aur saakaar shareer donon ke sambandh se har kaarya kar sakte ho। agar donon ka sambandh na ho to koi bhi kaarya nahin kar sakte। aise hi niraakaar aur saakaar baap donon ka saath va saamne rakhte hue har karma va har sankalp karo to yeh chaaron baaten automatically aa jaaegi। sirf niraakaar ko va sirf saakaar ko yaad karne se chaaron baaten nahin aayegi। lekin niraakaar aur saakaar donon hi sada saath rahen to saath hone se jo sankalp karenge woh pahle zaroor unse verify karaayenge, verify karaane ke baad koi bhi karma karne se nishchay buddhi hokar karenge। jaise dekho saakaar mein agar koi nimitta shreshtha aatma saath mein hai to unse koi bhi baat verify karaaye phir karenge, to nishchay-buddhi hokar karenge na। nirbhayta aur nishchay donon gunon ko saamne rakh karenge। to jahaan sada nishchay aur nirbhayta hai vahaan sadaiv shreshtha sankalp ki vijay hai। jo bhi sankalp karte ho, agar sada niraakaar aur saakaar saath va sammukh hai, to verify karaane ke baad nishchay aur nirbhayta se woh karenge। samay bhi vesta nahin karenge। yeh kaam karen va na karen,safalhoga va nahin hoga? yeh vyartha sankalp sabhi khatma ho jaayenge। vartamaan samay aatma mein jo kamzori ki vyaadhi hai woh kaun-si hai? vyartha sankalpon mein vyartha samay ganvaane ki, yahi vartamaan samay aatma ki kamzori hai। is beemaari ke kaaran sada healthy nahin rehte। kab rehte hain, kab kamzor ban jaate hain। sada healthy rahne ka saadhan yeh hai। samay bhi bach jaayega। aap practical mein aise anubhav karenge jaise saakaar mein koi saakaar roop mein verify karaate। hai common baat, lekin isi common baat ko practical mein kam laate ho। suna bahut samay hai, lekin anubhvi nahin bane ho। baapdaada sada saath hai yeh anubhav karo to healthy wealthy nahin rahenge? baapdaada niraakaar aur saakaar daanon ke saath hone se hailtha aur vailtha dono aa jaati hain aur happy to automatically honge। to sahaj purooshaartha kaun-sa hua? niraakaar aur saakaar donon ko sada saath mein rakho। sada saath na rakhne kaaran yeh result hai। kya saath rakhna mushkil lagta hai? jab jaan liya aur pahchaan liya, maan liya ki sabhi sambandh ek saath hain, doosra na koi to usmein chalne mein kya mushkil hai? saath kyon chhodte ho? seeta ka saath kyon chhoota? kaaran -- lakeer ko ullanghan kiya। yeh chandravanshi seeta ka kaam hai, lakshmi ka nahin। to maryaada ke lakeer ke baahar buddhi jara bhi na jaae। nahin to chandravanshi banenge। buddhi roopi paanv maryaada ki lakeer se sankalp va svapna mein bhi baahar nikalta hai to apne ko chandravanshi seeta samajhna chaahiye, sooryavanshi lakshmi nahin। sooryavanshi arthaat shoorveer। jo shoorveer hota hai woh kab koi ke vash nahin hota hai। to sada saath rakhne liye apne ko maryaada ki lakeer ke andar rakho, lakeer ke baahar na niklo। baahar nikalte ho to phakeer ban jaate ho। phir maangate rehte ho - yeh madad mile, yeh salvation mile to yeh ho sakta hai। maangata hua na! phakeer banne ka arth hi hai -- hailtha, vailtha gavaan dete ho, isliye phakeer ban jaate ho। to na lakeer ko paar karo na phakeer bano। lakeer ke andar rahne se maayaajeet ban sakte ho। lakeer ko paar karne se maaya se haar kha lete ho। isliye sada healthy, wealthy, happy aur holi bano। check karo ki - in chaaron mein se aaj kis baat ki kami rahi, aaj hailtha theek hai, vailtha hai, happy hai, holi hai? na hai to kyon? us rog ko jaankar phauran hi uski davaai karo aur to sabhi prakaar ki davaai mil chuki hai। sabhi praaptiyaan hain। to sabhi praapti hote bhi samay par kyon nahin kar paate ho? samay ke baad smriti mein kyon aate ho? yeh kamzori hai jo samay par kaam nahin karte। samay ke baad bhi karte ho to samay to beet jaata hai na। samay par sabhi smriti rahe, uske liye apni buddhi itni vishaal va knowledgeful nahin bani hai। to phir koi sahaara chaahta hai, woh sahaara sada saath rakho to kab haar nahin hogi। to kab bhi apne ko rogi na banaana zara bhi kisi prakaar ka rog pravesh ho gaya to ek vyaadhi phir anek vyaadhiyon ko laati hai। ek ko hi khatma kar diya to anek aayengi hi nahin। ek mein albele rehte ho, halki baat samajhte ho, lekin vartamaan samay ke pramaan halki vyaadhi bhi badi vyaadhi hai। isliye halke ko hi bada samajh vahaan hi khatma kar do to aatma kab nirbal nahin hogi, healthy rahegi। saakaar mein bhi sada saath rahne ke anabhvi ho। akele rehna pasanda nahin karte ho। jab sanskaar hi saath rahne ke hain to aise saath rakhne mein kami kyon karte ho, nivrittimaarga vaale kyon bante ho? jaise woh nivrittimaarga vaale praapti kuchh bhi nahin karte, dhoondhate hi rehte hain। aisi haalat ho jaati hai, vaastavik praapti ko praapta nahin kar paate ho। to sada saath rakho, sambandh mein raho। parivaar ki paalna mein raho to jo paalna ke andar sadaiv rehte hain woh sada nishchit aur harshitrahte hain। paalna ke baahar kyon nikalte ho? nivritti mein kab na jaao। to saath ka anubhav karne se svatah hi sarva praapti ho jaayengi। sanyaasiyon ko itna thokte ho aur svayan sanyaasi ban jaate ho? sanyaasiyon ko kehte ho na yeh bhikhaari hain। in maangane vaalon se ham achhe hain। shuru ka geet hai na --’mehtar unse behtar hai…’ to jis samay aap log bhi saath chhod dete ho to baapdaada va parivaar ko chhod aap bhi kaanton ke jangal mein chale jaate ho। jaise woh jangalon mein dhoondhate rehte hain, vaise hi maaya ke jangalon mein svayan hi saath chhod phir pareshaan ho dhoondhate ho ki kahin sahaara mil jaae। nivrittimaarga vaale akele hone ke kaaran kab bhi karma ki safalta nahin pa sakte hain। jo bhi karma karte, unkeesfaltaamilti hai? to jaise unhein koi bhi karma keesfaltaanheen milti isi prakaar agar aap bhi saath chhod akele nivritti maarga vaale ban jaate ho to karma ki safaltaanheen hoti hai। phir kehte ho safalta kaise ho? akele mein udaas hote ho to maaya ke daas ban jaate ho। na akele bano, na udaas bano, na maaya ke daas bano। achha।