Avyakt murli for Wednesday 12 July 1972

>

12-07-72om shanti avyakt baapdaadaamdhuban

marjeevaapan ki smriti se grihasthi va pravritti ki vismriti

(adharkumaaron ki bhatthi mein)

apne aapko jahon chaaho, jab chaaho aise parivartan kar sakte ho? bhattheemen apne aapko parivartan karne ke liye aate ho na। to parivartan karne ki shakti anubhav karte ho? kaisa bhi vaayumandal ho, koi bhi paristhiti ho lekin apni sva-sthiti ke aadhaar se vaayumandal ko parivartan mein la sakte ho? vaayumandal ke prabhaav mein aane vaali aatmaayen ho va vaayumandal ko satopradhaan banaane vaali aatmaayen ho? apne ko kya samajhte ho? itna anubhav karte ho ki abhi koi bhi vaayumandal humein apni tarphaaakarshitanheen kar sakta? jo samajhte hain ki bhatthi mein aane ke baad itni himmat va shakti apne mein jama ki hai jo kahin bhi, kisi sthaan par jaate, jama ki hui shaktiyon ke aadhaar se vaayumandal va paristhiti mujh master sarvashaktivaan ko hila nahin sakti hai, apni sthiti ko ekras va atal, achal bana sakte hain, woh haath uthaaven। yeh baaten to spashta hain hi ki din- pratidin paristhitiyaan ati tamopradhaan banni hain। paristhitiyaan va vaayumandal abhi satopradhaan nahin banne vaala hai। ati tamopradhaan ke baad hi phir satopradhaan banne vaala hai। to din-pratidin vaayumandal bigadne vaala hai, na ki sudharne vaala। to jaise kamal pushpa keechad mein rehte hue nyaara rehta hai, vaise ati tamopradhaan, tamoguni vaayumandal mein hote hue bhi apni sthiti sada satopradhaan rahe - itni himmat samajh kar haath uthaaya na? phir aise to nahin kahenge ki yeh baat aise hui, isliye avastha neeche-oopar hui? chaahe prakriti dvaara, chaahe laukik sambandh dvaara, chaahe daivi parivaar dvaara koi bhi pareeksha aave va koi bhi paristhiti saamne aave usmein bhi apne aapko achal, atal bana sakenge na। itni himmat samajhte ho na? pareekshaaen bahut aani hain। paper to hone hi hain। jaise-jaise antim final result ka samay sameep aa raha hai vaise samay-prati-samay practical paper svatah hi hote rehte hain। paper programme se nahin liya jaata। automatically drama anusaar samay prati samay harek ka practical paper hota rehta hai। to paper mein paas hone ki himmat apne mein samajhte ho? ghabraane vaale to nahin ho na? angad ke maaphik zara bhi apne buddhiyog ko hilaane vaale nahin ho? yeh bhattheeadhar-kumaaron ki hai na। apne ko adhar kumaar to samajhte ho na? sankalp va sambandh mein adhar-kumaar ki smriti nahin rehti hai? jaise dekho, pahle behen-bhaai ki smriti mein sthit kiya gaya, usmein bhi dekha gaya ki behen-bhaai ki smriti mein bhi kuchh deh-abhimaan mein aa jaate hain, isliye usse bhi oonchi stage bhaai-bhaai ki bataai। aise hi apne ko adhar kumaar samajh kar chalte ho goya pravriti maarga ke bandhan mein bandhi hui aatma samajh kar chalte ho। isliye ab is smriti se bhi pare। adhar kumaar nahin, lekin brahma kumaar hoon। ab marjeeva ban gaye to marjeeva jeevan mein adhar-kumaar ka sambandh hai kya? marjeeva jeevan mein pravriti va grihasthi hai kya? marjeeva jeevan mein baap-daada ne kisko grihasthi bana kar nahin di hai। ek baap aur sabhi bachche hain na, ismen grihastheepan kahaan se aaya? to apne ko brahma-kumaar samajh kar chalna hai। agar adhar-kumaar ki smriti bhi rehti hai to jaisi smriti vaisi hi sthiti bhi rehti hai। is kaaran abhi is smriti ko bhi khatma karo ki ham adhar-kumaar hain। nahin। brahma-kumaar hoon। jo baap-daada ne duty di hai us duty par shreemat ke aadhaar par ja raha hoon। meri pravriti hai ya meri yugal hai - yeh smriti bheerongahai। yugal ko yugal ki vriti se dekhna va ghar ko apni pravriti ki smriti se dekhna, isko marjeeva kahenge? jaise dekho, har cheezko sambhaalne ke liye trustee mukarra kiye jaate hain। yeh bhi aise samajhkar chalo -- yeh jo had ki rachna baap-daada ne trustee banaakar sambhaalne ke liye di hai, woh meri rachna nahin lekin baap-daada dvaara trustee ban isko sambhaalne ke liye nimitta bana hua hoon। trasteepan mein meraapan nahin hota। trustee nimitta hota hai। pravriti-maarga ki vriti bhi bilkul na ho। yeh eeshvareey aatmaayen hain, na ki mere bachche hain। bhale chhote-chhote bachche hon, to bhi kya baap-daada ne chhote bachchon ki paalna nahin ki kya? jaise baap-daada ne chhote bachchon ki paalna karte hue eeshvareey kaarya ke nimitta bana diya, vaise hi chhote-chhote bachche va bade, jinhon ke prati bhi baap dvaara nimit bane ho, un aatmaon prati bhi yeh vriti rahni chaahiye ki in aatmaon ko eeshvareey seva ke yogya bana kar ismen laga dena hai। ghar mein rehte aisi smriti rehti hai? jaise eeshvareey parivaar ki anek aatmaon ke sambandh va samparka mein rehte ho vaise hi jin aatmaon ki duty mili hai, unhon ke saath bhi aise hi samparka mein aate va pharka rehta hai? jo aap logon ke samparka mein rahne vaali aatmaayen hain, unhon se result mangaai jaayegi। jaise seva-kendra ki nimitta bani hui bahnon va bhaaeeyon se us eeshvareey drishti, vriti se samparka mein aate ho, vaise hi un aatmaon se samparka mein aate ho va pichhle janma ka adhikaar samajh chalte ho? samay-prati-samay sthiti aur vriti oonchi hoti ja rahi hai na। aur jab tak samay ke pramaan apni sthiti aur vriti ko ooncha nahin banaaya hai va parivartan mein nahin laaya hai tab tak oonch pad kaise pa sakenge? jaise saakaar mein baap ko dekha - laukik sambandh ki vriti, drishti va smriti svapna mein thi? to follow father karna hai na। kya vahi laukik sambandhi saath nahin rehte the kya? to aap logon ko bhi saath rehte hue is smriti aur vriti mein chalne ki himmat rakhni hai। is bhatthi mein kya parivartan karke jaayenge? adharkumaar ka naam-nishaan samaapta। jaise bhatthi mein padne se har vastu ka roop parivartan ho jaata hai, vaise isbhattheemen ‘‘main pravriti maarga vaala hoon, main adhar kumaar hoon’’ - is smriti ko bhi samaapta karke yeh samajhna ki main brahmaakumaar hoon aur in nimitta bani hui aatmaon ki seva karne ke liye trustee hoon। is smriti ko majboot karke jaana। yahi hai bhatthi ka parivartan। itna parivartan karne ki shakti apne mein bhari hai va vahaan jaakar phir pravriti vaale ban jaayenge? abhi pravriti nahin samajhna lekin is grihastheepan ki vriti se par vriti arthaat door। grihasthi ki vriti se pare - aisi avastha bana kar jaane se hi agyaani aatmaayen bhi aapki chalan se, aapke bol se, nainon se jo nyaari aur pyaari sthiti gaai jaati hai, uska anubhav kar sakenge। ab tak duniya ke beech rehte hue duniya vaalon ko nyaari aur pyaari sthiti ka anubhav nahin kara paate ho kyonki apni vriti itni nyaari nahin bani hai। nyaari na banne ke kaaran itne pyaare bhi nahin bane ho। pyaari cheezasbhi ko svatah hi aakarshan karti hai। to duniya ke beech rehte hue aisi nyaari sthiti banaayenge to pyaari sthiti bhi svatah ban jaayegi। aisi pyaari sthiti anek aatmaon ko aapki taraph svatah hi aakarshan karegi। abhi bhi mehnat karni padti hai na। kyonki abhi tak jo nyaari aur pyaari sthiti honi chaahiye woh pratyaksha roop mein nahin hai। apne aapko pratyaksha karna padta hai। agar pratyaksha roop mein hon to pratyaksha karne ki mehnat na karni pade। to ab us shreshtha sthiti ko karma mein pratyaksha roop mein laao। ab tak gupta hai। duniya ke beech alaukik dikhaai dete ho? koi bhi door se aap logon ko dekhte alaukikta ka anubhav karte hain ki saadhaaran samajhte hain? practical jeevan ka itna prabhaav hai jo koi bhi dekh kar samjhe ki yeh koi vishesh aatmaayen hain? jaise sthool dress ko dekh kar samajh lete hain ki yeh ham logon se koi nyaare hain। vaise hi yeh soorat va avyakt moorta nyaaraapan dikhaave, tab prabhaav niklega। chalte-phirte aisi shreshtha sthiti ho, aisi shreshtha smriti aur vriti ho jo chaaron or ki vritiyon ko apni taraph aakarshan kare। jaise koi aakarshan ki cheezaaas-paas vaalon ko apni taraph aakarshit karti hai na। sabhi ka attention jaata hai। vaise yeh roohaaniyat va alaukikta aas-paas vaalon ki vritiyon ko apni taraph aakarshitanheen kar sakti hai? kya yeh stage ant mein aani hai? saadhaaran reeti bhi koi royal family ke bachche hote hain to unki activity se, unhon ke bol se na parichit hote hue bhi jaan lete hain ki yeh koi royal family ki aatmaayen hain। to kya alaukik vriti mein sthit rahne vaali shreshtha aatmaon ka door se itna prabhaav nahin pad sakta hai? kya mushkil hai? jo sahaj baat hoti hai woh karne mein deri lagti hai kya? aise samjhen ki bhatthi mein itne sabhi alaukik shaktishaali, master gyaan-soorya jab chaaron or jaayenge to jaise soorya chhip nahin sakta, vaise master gyaan-soorya ka prakaash va prabhaav chaaron or phailne se yahaan tak bhi practical saboot aayega? saboot kaun-sa? kam se kam jo aap dvaara prabhaavit hui aatmaayen hon, unhon ka samaachaar to aave। svayan na aaven, samaachaar tak to aave। harek ek-ek taraph jaakar prabhaav daale to kitne samaachaar-patra aayenge? aisa saboot denge? va jaisebhattheekarke jaate hain, kuchh samay prabhaavshaali rehte phir prabhaav mein aa jaate hain? baap to sadaiv ummeedvaar hi rehte hain। ab result dekhenge ki kahaan tak avinaashi result chalti hai aur kahaan tak atal-achal rehte hain?

vardaan-bhoomi mein vardaanon ki praapti jo ki hai, un praapta hue vardaanon se ab vardaataamoorta ban kar nikalna hai। koi bhi aatma sambandh va samparka mein aave to mahaadaani aur mahaavardaani, isi smriti mein rehte hue har aatma ko kuchh na kuchh praapti Nzaroor karaani hai। koi bhi aatma khaali haath nahin jaani chaahiye। aap to mahaadaani ho na। us daan ko sambhaalte hain va nahin, woh unki takdeer hui। aap to mahaadaani ban apna karttavya karte raho usi kalyaankaari vriti aur drishti se। vishwa-kalyaankaari hoon, mahaadaani hoon, vardaani hoon - isi powerful vriti mein rahne se aatmaon ko parivartan kar sakenge। abhi apni vriti ko powerful banaao। achha।