Avyakt murli for Sunday 6 August 1972

>

06-08-72om shanti avyakt baapdaadaamdhuban

vrittichanchal hone ka kaaran - vrat mein halkaapan

parivartan-bhoomi mein aakar apne parivartan ka anubhav karte ho? bhatthi mein aana arthaat kamjoriyon va kamiyon ko bhasma karna। to aise anubhav karte ho ki kamjoriyon ka sada ke liye kinaara hota ja raha hai? apne mein itni will-power bharte ja rahe ho? kyonki is samay ka parivartan sadaakaal ka parivartan ho jaavega। jaise agni mein koi bhi vastu daali jaati hai to agni mein daali hui vastu ka roop, rang aur karttavya badal jaata hai, woh phir se pahle vaala ho nahin sakta। sadaakaal ke liye roop, rang, karttavya badal jaavega। to aise hi apne mein anubhav karte ho? kamjoriyon ka roop- rang badal raha hai, aisa parivartan kar rahe ho? apne andar dridh sankalp ho ki mujhe parivartithokar hi jaana hai। is dridh sankalp ki lagna ki agni esi tej prajvalit ki hai jo is shreshtha sankalp ki lagna ki agni mein poori tarah se kamjoriyaan bhasma ho jaayen? agar aag tej nahin hoti hai to na pahla roop rehta, na parivartan vaala roop rehta hai, beech mein hi adhoora rah jaata hai। to apne aapko dekho - is shreshtha sankalp ki agni itni tej prajvalit hui va saadhaaran sankalp kiya hai ki haan, prayatna kar rahe hain, ho hi jaavega? inko teevra purooshaartha nahin kaha jaata। karke hi dikhaavenge, isko kaha jaata hai teevra purushaarthi। is samay is bhatthi mein aaye hue apni stage teevra purushaarthi ka anubhav kar rahe ho? jo samajhte hain ki parivartan-bhoomi mein aate hi teevrapurushaartheeki list mein aa gaye hain, woh haath uthaao। teevrapurushaartheeki avinaashi chhaap laga li hai? avinaashi baap dvaara avinaashi praapti kar rahe ho na। jab baap avinaashi hai aur praaptiyaan bhi avinaashi hain; to avinaashi praapti dvaara jo apni stage bana rahe ho woh bhi avinaashi ho। itni himmat apne mein samajhte ho ki apni shubh vritti dvaara pravritti ko, paristhiti ko, prakriti ko badal sakte ho? agar apni vritti shreshtha hai to iske aage pravriti va paristhiti koi bhi prakaar ka vaar kar nahin sakti, kyonki shubh vritti hai hi yeh ki main master sarvashaktivaan, knowledgeful hoon, powerful hoon। to kya apni vriti ko itna shreshtha banaaya hai? sadaiv vriti ko check karo ki har samay apni vriti shreshtha hai, saadhaaran vriti to nahin rehti hai? vriti ko shreshtha banaane ke liye va pravriti mein rehte hue pravriti ki paristhitiyon se nivrit rahne ka kya saadhan apnaana pade? sunaaya tha na ki bhakti mein karte hain saadhna, yahaan gyaan-maarga mein hai saadhan। woh kaunsa saadhan hai? vriti chanchal ho to kya karenge? pahle to vriti chanchal hone ka kaaran kya hai? vriti chanchal va saadhaaran hone ka kaaran yahi hai ki jo aane se hi pahla vrat lete ho va pratigya karte ho, unse neeche aa jaate ho। vrat ko bhang kar lete ho va pratigya ko bhool jaate ho। pahla-pahla vrat hai - man, vaani, karma mein pavitra rahenge। yeh pahla-pahla vrat liya। aur, doosra vrat- ek baap doosra na koi - yeh vrat sabhi ne liya hua hai। jo vrat lekar beech mein chhod dete hain, to bhaktimaarga mein bhi vrat rakh phir beech mein khandan kar den to isko kya kaha jaavega? punyaatma ke badle paapaatma। aapne vrat kahaan tak dhaaran kiya hai? vrat ko sada kaayam rakha jaata hai। bhakta logon ki agar jaan bhi chali jaaye to bhi vrat nahin todte। to jab aap logon ne aane se hi vrat dhaaran kiya to sadaiv smriti mein rakho। smriti se kab bhi vritti chanchal na hogi। vritti chanchal na hogi to pravriti va paristhiti va prakriti ke koi bhi vighnon vash nahin honge, prakriti ko daasi, paristhiti ko sva-sthiti, pravriti ko shuddh pravritti ka sample banaakar dikhaavenge। vrat ko halka karne se hi vriti chanchal hoti hai। raakhi par yeh pratigya karaavenge na ki pavitra bano। to pahle svayan ko kangan baandhana pade tab doosron ko bhi is kangan mein baandh sakenge। jinko raakhi baandhate ho woh pavitra bante hain va vrat lete hain? itni himmat bhi nahin rakhte। kaaran? pahle baandhane vaale svayan vrat mein rehte hain? mansa mein koi bhi apvitrata agar aa jaati hai to poora vrat kahenge? is kaaran jitni baandhane vaale mein kami hai, to jisko baandhate ho unhon ke oopar bhi itna aapki pavitrata ke aakarshan ka prabhaav nahin padta hai। ek reeti-rasma ke maaphik sirf sandesh lete hain ki inhon ka yeh rahasya hai। vrat nahin lete, kyon? apna hi kaaran kahenge na va kahenge ki bhaagya mein nahin hai? bhaagya banaane vaale to aap ho na। bhaagya banaakar hi aao va bhaagya banaane ki itni teevra prerna dekar aao jo aapke peechhe- peechhe aakarshitho bhaagya banaane bina rah na saken। itni aakarshan vaali hai na। rivaaji aatmaon ke liye bhi misaal dete hain ki phalaane ke do shabdon mein itni shakti thi jo unke peechhe sabhi log bhaagte rehte। unhon ke aage aap kitni shreshtha aatmaaen ho! aajkal ke jo mahaatmaaen gaaye jaate hain woh aap logon ki praja ke bhi praja sadrishya nahin hain kyonki svarga ke adhikaari to nahin bante hain na। aapki praja ki bhi jo praja hogi woh svargavaasi to honge na। svarga ke sukh ka anubhav to karenge na। yeh to svarga mein aa hi nahin sakte। to jab itni shreshtha aatmaaen ho to koi vishesh karttavya karna chaahiye na। aap logon ke ek-ek bol mein itni shakti honi chaahiye jo jaise ki anubhveemoorta hokar bolte ho, aap bolte jaao aur woh anubhav karte jaayen। aajkal ke jo so-kaalda (so-called; tathaakthit) mahaatmaaen, pandit aadi hain, jab unhon mein bhi alpakaal ki itni shakti hai to aap master sarvashaktivaan ke ek- ek bol mein kitni shakti honi chaahiye? ek-ek bol ke saath kisko anubhav karaate jaao। jaise kisi ko pahla paath dete ho-aap aatma ho। bol ke saath unhon ko anubhav karaate jaao। yahi to visheshta hai। aise hi bhaashan karna, woh to log bhi karte hain। us reeti bolna, yeh woh bhi karte hain। lekin jo anya log nahin kar sakte hain woh shreshtha aatmaaen kar sakte ho, woh antar hi ismen hai। to yeh visheshta practical mein dikhaai de। woh kaise hogi? jab apne mein sarva visheshtaaon ko dhaaran karo। apne aap mein bhi agar visheshta ko dhaaran nahin kiya hai to auron ko bhi dhaarnaamoorta nahin bana sakte ho। isliye vriti ko shreshtha banaao। baapdaada ke sammukh jo vrat liya hai usmein sada kaayam raho। phir dekho, result kya nikalti hai! jab vrat liya hai ki ‘ek baap doosra na koi’, to phir buddhi kyon jaati hai? yeh vrat liya hai kya ki doosre se sunenge? tumheen se sunenge, tumheen se bolenge… yeh vrat liya hai। to phir doosri aatmaon ke taraph chanchal vriti se dekhte hi kyon ho va sunte hi kyon ho? jo baap se suna hai vahi bolna hai, phir aur shabd va vyartha baaten kaise kar sakte ho? yeh to vrat ko todna hua na। jab aatma- abhimaani ho rahne ka vrat liya hai to phir deh ko dekhte hi kyon ho? yeh vrat ko todna hua na। amritvele se lekar apne aapko check karo ki jo vrat liya hai us par chal rahe hain? sankalp kya karna hai, vaani mein kya bolna hai, karma karte hue kaise karmayogi ki sthiti rahegi -- yeh vrat liya hai na। pravriti mein rehte kamal pushpa samaan rahenge-yeh bhi vrat liya hai na। jo kamal phool samaan hoga woh paristhitiyon ke vash ho sakta hai kya? woh to nyaara aur pyaara hona chaahiye। agar shreshtha vritti mein sthit hon to koi bhi vaayumandal, vibration aadi dagmag kar sakte hain kya? vriti se hi vaayumandal banta hai। agar aapki vriti shreshtha hai to vriti ke aadhaar se vaayumandal ko shuddh bana sakte ho। itni power hai? va vaayumandal ki power tej hai? jis samay bhi koi vaayumandal ke vash ho jaate hain, ek hota hai mansa mein kamjori aai aur vahaan hi usko samaapta karna। lekin varnan bhi karte ho -- vaÌya karen vaayumandal aisa hai, vaayumandal ke kaaran meri vriti chanchal hui। jab yeh shabd bolte ho us samay apne ko kya samajhte ho? us samay kaunsi aatma ho? kamjor aatma। apne aapko bhoole hue ho। laukik roop mein bhi koi apne aapko bhoolta hai kya? main kaun hoon, kiska bachcha hoon, mera occupation kya hai -- agar yeh kisko bhool jaaye to sabhi hansenge na। us samay apne ko dekho-kya ham apne ko, apne baap ko, apne position ko bhool gaya? is vrat ko ab pakka karo। phir dekho, kaise sada ke vijayi hote hain। koi bhi baaten hila nahin sakengi। is vrat ko baar-baar apne buddhi mein revise karo ki kaunsi kaunsi pratigya baap se ki hai, kaunsa vrat liya hai; to phir yeh vrat riphreshhoga, smriti mein rahega। aur, jitna smriti mein rahega utneesmartheerhegi। to aisa apne ko samartha banaao। lakshya yeh rakhna hai ki hamkonambarvan aana chaahiye। number one group ki yaadgaar nishaani vardaan-bhoomi mein kya dekar jaate ho-us nishaani senambaraaapehi siddha ho jaavega। aisi yaadgaar nishaani dekar jaana। yaadgaar se unki smriti aati hai na। aisa example banne ke liye phir vishesh kamaal karni padegi। koi kamaal ki baat karke dikhaavenge tab to yaadgaar rahega। ab dekhenge yeh group kaunsi yaadgaar nishaani kaayam kar jaata hai। nishaani bhi avinaashi ho। ab to apne mein sarva-shaktiyon ki praapti ka anubhav karte ho na। dhaarnaamoorta ka paper to yahaan ho jaata hai। baaki practical paper paristhitiyon ko saamna karne ka, woh phir vahaan jaakar dena hota hai। uski result bhi yahaan aavegi। aisa practical paper dena hai jo sabhi mahsoos karen ki inmen to bahut parivartan hai। himmat rakhne se madad svatah hi milti hai। himmat mein kuchh jara-sa bhi kami hoti hai tab madad mein bhi kami padti hai। kai samajhte hain madad milegi to karke dikhaavenge। lekin madad milegi hi himmat rakhne vaalon ko। pahle himmate bachche, phir madde baap hai। himmat dhaaran karo to aapki ek guna himmat baap ki sau guna madad। agar ek bhi kadam na uthaaven to baap bhi 100 kadam na uthaavenge। jo karega vo paavega। himmat rakhna arthaat karna। sirf baap ke oopar rakhna ki baba madad karega to hoga -- yeh bhi purooshaarthaheen ke lakshan hain। baapdaada ko maaloom nahin hai ki hamko madad karni hai? kya aapke kahne se karenge? jo kahne se karta hai usko kya kaha jaata hai? jo svayan daata ban kar rahe hain unko kah karke karaana, yeh insult nahin hai? dene vaale daata ke aage 5 paise kya dete ho? to baapdaada ko bhi shiksha smriti mein dilaate ho ki aapko madad karni chaahiye? yeh sankalp kab na rakho। yeh to svatah hi praapta honge। jab apne ko vaaris samajhte ho to vaaris varse ke adhikaari svatah hi hote hain, maangana nahin padta hai। laukik mein to unhon ko svaartha rehta hai tab maangate hain। yahaan apna svaartha hi nahin to baaki rakh kar kya karenge। isliye yeh sankalp rakhna bhi kamjori hai। poora nishchay-buddhi banna hai -- baap hamaara saathi hai, baba sada madadgaar hai। nishchay buddhi vijayanti। aisa sada smriti mein rakhte huye, har kadam uthaao to dekho vijay aapke gale ka haar ban jaavegi। jinhon ke gale mein vijay ki maala padti vahi vijay maala ke manke bante hain। agar abhi vijayi nahin bante to vijay maala mein nahin aate। to yeh sada smriti mein rakh kadam uthaao to phir sada siddhi-swaroop ho jaavengi। koi sankalp va bol va karma siddha na ho - yeh ho hi nahin sakta, agar purooshaartha ki vidhi yathaartha hai to। koi bhi karma vidhipoorvak karne se hi siddhi hoti hai। vidhipoorvak nahin karte ho to siddhi bhi nahin hoti। vidhipoorvak ka pratyakshaphal ‘siddhi’ milegi hi। achha!