Avyakt murli for Saturday 30 June 1973

>

30-06-73 om shanti avyakt baapdaadaamdhuban

baba aur bachche

raajaaon ka raaja banaane vaale, jeevan ko shreshtha banaane vaale,raajayog sikhlaane vaale,nirantar yogi, sahaj yogi aur karmayogi banaane vaale sarvapriy baba bole:-

yeh sangathan kaun-sa sangathan hai? kya is roohaani paheli ko jaante ho? jaan gaye ho va jaan rahe ho? jaan gaye ho to jaanne ke saath jo jaana hai usko maankar chal rahe ho? pahli stage hai jaanna, doosri hai maanna aur teesri stage hai chalna। to kis stage tak pahunche ho? kya last stage tak pahunche ho? jinhonne haan ki unse prashn hai ki last stage arthaat teesri stage kya ever laasting hai? teesri stage tak pahunchna to sahaj hai aur pahunch bhi gaye hain। lekin last stage ko andar line karke ever-laasting banaao। ‘main kaun hoon’? yeh amoolya jeevan arthaat shreshtha jeevan ke apne hi bhinna naam aur roop ko jaante ho na? mukhya swaroop aur mukhya naam kaun-sa hai? jaise baap ke anek naam, anek karttavyon ke aadhaar par gaayan karte ho phir bhi mukhya naam to kahenge na? vaise aap shreshtha aatmaon ke bhi anek naam, anek karttavyon ke aadhaar par va gunon ke aadhaar par baap dvaara gaaye huye hain,unmein se mukhya naam kaun-sa hai? jab brahma-mukh dvaara janma liya to baap ne kis naam se bulaaya? pahle jab tak brahman nahin bane tab tak koi bhi karttavya ke nimitta nahin ban sakte। pahle brahma-mukh vanshaavli, brahma ke naate se janma lekar brahman bane arthaat brahmaakumaar aur brahmaakumaariyaan bane। surname hi apna yeh likhte ho। apna parichay kis naam se dete ho aur log aapko kis naam se jaante hain? -brahmaakumaar va brahmaakumaariyaan। is marjeeva jeevan ki pahli-pahli chhaap yeh lagi-brahmaakumaar aur brahmaakumaariyaan arthaat shreshtha braahmanpan ki।

pahle janma liya arthaat brahman bane to yeh pahla naam braahmanpan ka va brahmaakumaariyon ka pada jo ki teesri stage tak ever-laasting hai। evarlaasting arthaat har sankalp, bol,karma, sambandh,samparka aur seva sabhi mein brahman stage ke pramaan practical life mein chal rahe ho? sankalp mein bhi va bol mein bhi shoodrapan ka anshamaatra bhi dikhaai na de। braahmanon ka sankalp, bol, sanskaar,svabhaav aur karma kya hota hai yeh to pahle bhi sunaaya hai। kya usi pramaan ever-laasting stage hai va brahman roop mein har karma va har sankalp brahma baap ke samaan hai? jaisa baap vaise bachche। jo svabhaav, sanskaar ya sankalp baap ka hai kya vahi bachchon ka hai? kya baap ke vyartha sankalp chalte hain va kamjor sankalp utpanna ho sakte hain? agar baap ke hi nahin ho sakte to phir braahmanon ke kyon? baap achal, atal,adol sthiti mein sada sthit hai to braahamnon ka va bachchon ka pharja kya hai?laayak bachche ka pharja kaun-sa hota hai?-follow father ।

follow father ka yeh arth nahin ki sirf eeshvareey sevaadhaari ban gaye। lekin follow father arthaat har kadam par, va har sankalp mein follow father। kya aise follow father ho? jaise baap ke eeshvareey sanskaar, divya svabhaav, divya vriti va divya drishti sada hai,kya vaise hi vritti, drishti, svabhaav va sanskaar bane hain? aise eeshvareey seerat vaali soorat bani hai? jis soorat dvaara baap ke gunon aur karttavyon ki roop-rekha dikhaai de isko kaha jaata hai - ‘follow father।’jaise baap ke gungaan karte ho ya charitra varnan karte ho kya vaise hi apne mein woh sarvagun dhaaran kiye hain? apne har karma ko charitra samaan banaaya hai? har karma yaad mein sthit rah karte ho? jo karma yaad mein rah kar karte hain, woh karma yaadgaar ban jaata hai। kya aise yaadgaar-moortta arthaat karmayogi bane ho? karmayogi arthaat har karma yog-yukta, yukti-yukta,shakti-yukta ho। kya aise karmayogi bane ho? ya baithne vaale yogi bane ho?jab vishesh roop se yog mein baithte ho,us samay yogi jeevan hai arthaat yog-yukta hai ya har samay yog-yukta hai?jo varnan mein hai karmayogi, nirantar yogi aur sahajyogi, kya vahi practical mein hai? arthaat ever laasting hai? kya karmayogi ko karma aakarshit karta hai ya yogi apni yogshakti se karmaindriyon dvaara karma karaata hai? agar89 karma yogi ko karma apni taraph aakarshit kar le to kya aise ko yogi kaha jaay? jo karma ke vash hokar chalne vaale hain un ko kya kehte ho? ‘karmabhogi’kahenge na?jo karma ke bhog ke vash ho jaate hain arthaat karma ke bhog bhogne mein achhe va boore mein karma ke vasheebhoot ho jaate hain। aap shreshtha aatmaaen karmaateet arthaat karma ke adheen nahin,karmon ke partantra nahin। svatantra ho karmendriyon dvaara karma karaate ho? jab koi bhi aap logon se poochhte hain ki kya seekh rahe ho ya kya seekhne ke liye jaate ho to kya uttar dete ho? sahaj gyaan aur raajayog seekhne ja rahe hain। yeh to pakka hai na ki yahi seekh rahe ho। jab sahaj gyaan kehte ho to sahaj vastu ko apnaana aur dhaaran karna sahaj hai tab to sahaj gyaan kehte ho na? to sada gyaan swaroop ban gaye ho? jab sahaj gyaan hai to sada gyaan swaroop banna kya mushkil hai? sada gyaan swaroop banna yahi braahmanon ka dhandha hai।

apne dharma mein sthit hona natural cheej hoti hai na? isi prakaar raajayog ka arth kya sunaate ho? sarvashreshtha arthaat sabhi yogon ka raaja hai aur isse raajaai praapta hoti hai। raajaaon ka raaja banne ka yog hai। aap sabhi raajayogi ho ya raajaai bhavishya mein praapta karni hai? abhi sangamayug mein bhi raaja ho ya sirf bhavishya mein banne vaale ho? jo sangamayug mein raajya pad nahin pa sakte woh bhavishya mein kya pa sakte hain?to jaise sarvashreshtha yog kehte ho,aisa hi sarvashreshtha yogi jeevan to hona chaahiye na?kya pahle apni karmendriyon ke raaja bane ho?jo svayan ke raaja nahin woh vishwa ke raaja kaise banenge?kya sthool karmendriyon va aatma ki shreshtha shaktiyaan man,buddhi,sanskaar apne control mein hain? arthaat unhon ke oopar raaja bankar raajya karte ho?raajayogi arthaat abhi raajya chalaane vaale bante ho। raajya karne ke sanskaar va shakti abhi se dhaaran karte ho। bhavishya 21janma mein raajya karne ki dhaarna practical roop mein abhi aati hai। sahaj gyaan aur raajayog teesri stage tak aaya hai? sankalp ko order karo stop to stop kar sakte ho? buddhi ko daairekshan do ki shuddh sankalp va avyakt sthiti va beej roop sthiti mein sthit ho jaao to kya sthit karsakte ho? aise raaja bane ho?aise raajayogi jo hain unko kaha jaata hai - ‘follow father।’

jaise raaja ke paas apne sahayogi hote hain jis dvaara jis samay jo kattarvya karaana chaahe woh kara sakta hai। vaise hi yeh sangamayugi vishesh shaktiyaan, yahi aapke sahayogi hain। to jaise raaja koi bhi sahayogi ko order karta hai ki yeh kaarya itne samay mein sampanna karna hai vaise hi apni sarvashaktiyon dvaara aap bhi har kaarya ko sahaj hi sampanna karte ho ya order hi karte ho?saamna karne ki shakti aaye to kya kinaara kar dete hain? sahaj yogi arthaat sarvashaktiyaan kya aapke poorn roop se sahayogi hain? jab chaahon jis dvaara chaaho kya kaarya kara sakte ho?aise raaja ho?jaise puraane raajaaon ke darbaar mein aath ya nav ratna prasiddha hote the arthaat sada sahayogi hote the,aise hi aapki aath shaktiyaan sada sahayogi hain? isse hi apne bhavishya praarabdha ko jaan sakte ho। yeh hai darpan jismen apni soorat aur seerat dekhne se maaloom pad sakta hai।

chhah maas jo diye hain woh vinaash ki taareekh nahin di hai। lekin harek sangamayugi raaja apne raajya kaarobaar arthaat sada sahayogi shaktiyon ko ever ready banaakar taiyaar kar sake uske liye yeh samay diya hai। kyonki ab se agar raajya kaarobaar sambhaalne ke sanskaar nahin bharenge to bhavishya mein bhi bahut samay ke liye raaja ban raajya nahin kar sakenge। chhah maas ka arth samjha? apne har sahayogi ko saamne dekho aur apne sankalpo ko stop karke dekho। apni buddhi ko direction pramaan chalaakar dekho। is rehearsal ke liye chhah maas diye hain। samjha?

achha, sada sahaj gyaan swaroop, sada raajayogi, nirantar yogi, sahaj- yogi, sarva shaktiyon ko apna sahayogi banaane vaale,baap samaan sankalp, sanskaar aur karma karne vaale, aise sangamayugi sarva raajaaon ko baapdaada ka yaad pyaar aur namaste!