Avyakt murli for Monday 24 June 1974

>

24-06-74 om shanti avyakt baapdaadaamdhuban

raajayogi hi vishwa-raajya ke adhikaari

sarva shreshtha, sahajyogi,raajayogi,karmayogi,gyaanayogi bana, gaayan yogya va poojan yogya banaane vaale, sada poojya yogeshvar shiv baba bole :-

kya aap sabhi apne ko yogi samajhte ho? kya yogi ka title aap sabhi ko mil gaya hai? yogi hote hue bhi aap sabhi ek jaise yogi to nahin balki nambarvaar ho। jaise koi bhi padhaai padhne ke baad pareeksha paas karne ka saartiphiket milta hai, aur degree ka saartiphiket milta to kahlaane mein bhi vahi naam aata hai, jaise ki vakeel hai va doctor hai। aise hi yahaan bhi, jab knowledgeful baap ke dvaara yogi aur bhogi jeevan ki knowledge mili hai, to bhogi ke baad marjeeva bane to yahaan bhi brahmaakumaar va brahmaakumaari ka title marjeeva banne ke baad svatah hi mil jaata hai aur vaise hi yogi ka bhi title parantu nambarvaar milta hai। baaki ismen bhi kya pharka hai? jaise yog ki mahima karte hain ki woh sahjayog, nirantar yog,karma yog,va gyaan yog aur buddhiyog hai। phir uski bhi upma karte hain na? jaise ki doctors mein aur militri mein bhi bhinna-bhinna prakaar ke grades hote hain। usi reeti yahaan bhi yogiyon mein karmayogi aur buddhiyogi hain। yahaan bhi koi to sabhi lakshandhaari hain aur koi ek ya do, lekin sab nahin। jaise ki kisi ka buddhi ka yog hai lekin uska karmayog nahin hai ya phir kisi ka karmayog hai to woh sahajyogi nahin। ya jo gyaan mein sada nahin rehta to usko gyaanayogi nahin kahenge। yahaan bhi ek hi title milega to aap jo yog ki mahima auron ko sunaate ho,to woh svayan mein dhaaran karo। jaise raajayog arthaat jo karmendriyon par vijay praapta kar un par raajya karta hai, to woh bhavishya mein bhi shreshtha pad ko paata hai। raajayogi ka agar powerful yog hai, to hi usko raajayogi kahenge anyatha usko yogi hi kahenge,lekin raajayogi nahin kahenge। ab to yeh chaik karo ki kya main sabhi title dhaaran karne vaala yogi bana hoon? koi ke aath-das, to koi ke ek-do।

jaise doctor, vakeel aur engineer,militri mein yeh sab honge, vahaan karnal bhi hoga lekin uski list to alag-alag hogi। jaise banaaras mein bhi yooneevaarsiti dvaara title milta hai koi ko ek-do ya chhah aur koi ko aath-das, vaise hi yahaan bhi title lete hain। sirf ismen hi khush nahin hona hai ki main yogi hoon। jo mahima,yog ki gaai jaati hai, agar in sabko apne jeevan mein dhaaran kiya hai, to woh jitna hi yahaan gaayan hoga to woh utna hi vahaan poojyaneey hoga। jaise laukik reeti mein bhi bachcha baap ki pooja nahin karta,lekin baap ko poojneey to kehta hai na! isi prakaar jo satayug mein praja hogi,woh pooja to nahin karegi,lekin poojneey to kahegi arthaat regard to degi। ab list nikaalo ki aapne apne mein kitne title dhaaran kiye hain aur phir chaik karo ki aapmen kismen kami hai। title bhi tab milta hai,jab ki usmein paas hote hain। to jab aapko bhi apni sahajyogi ki sthiti dikhaai de aur sabhi yeh mahsoos karen ki aapka sahjayog hai, tab hi paas kahenge। aise hi gyaanayog mein bhi jo gyaan ki mahima hai ya uski upmaayen hain, kya woh sabhi mainne apne mein dhaaran ki hain? to phir aap svayan hi apne number ko jaan sakte ho। jaise koi kahe ki padhaai powerful hai,to yeh gyaan ki mahima hui na, na ki aapki। to ab dekho ki gyaan ke jitne bhi naam hain, kya woh sab mainne dhaaran kiye hain?

agar sab title gyaan aur yog ke dhaaran nahin kiye hain, to vishwa mahaaraajan va vishwa-mahaaraani ban nahin sakenge। chalo,paas with honour nahin, parantu paas to hona hai, phir paas hone ke liye bhi to 75% marks chaahiye। arthaat yeh sab dhaarnaayen va yogyataayen sabko apne mein dikhaai den। saare din ke chart mein jaise chaubees ghante hote hain, to usmein bhi aath ghante aaraam ke,phir usmein bache solah ghante, to solah ka pauna baarah ghante,lekin jinka bahut buddhi ka kaam hota hai, to teen ghante unko chhutti dete hain। aur baap hone ke naate ek ghanta vaise hi chhodte hain। to is prakaar aath ghante bache। to sahajyogi,raajayogi aadi jo bhi gyaan aur yog ke title hain, woh aap mein aath ghante to poorn roop mein hone hi chaahiye jisse ki anya aatmaayen bhi yeh mahsoos karen va saartiphiket pradaan karen ki haan yeh sab lakshan ismen hain, tab hi ismen 75% marks mil sakenge।

jo mahaarthi hain arthaat‘paas with honour’hone vaale hain, to unki neend ka time bhi yog-yukta sthiti mein gina jaata hai। unki stage aisi hogi, jaise ki part samaapta kar woh svayan paramdham mein hain aur unko yog ki hi mahsoosta hogi। jaise gaayan hai na ki brahma se brahman bane। yahaan to brahman se devta bante hain। lekin yeh brahma se brahman arthaat raat ko sote samay bas yahi sankalp hoga,ki ab main apna part poora kar karmaindriyon se alag hokar jaata hoon apne paarabrahma mein aur jab amrit vele uthenge,to mahsoos karenge ki mainne yeh aadhaar liya hai, part bajaane ke liye,to goya brahm se brahman bankar aaye hain। yahaan se to jaakar ve seedhe devta banenge। lekin yeh is samay ke hi ashta ratnon ka gaayan hai। jaise saakaar mein baap aur maa sarasvati ko dekha-unhein first, second number kis aadhaar par mila?unki jyaada samay ki kamaai to neend ki hi jama hui na? bhale ve sote bhi the,lekin aisa anubhav karte the ki neend mein nahin hain balki ham to jaag rahe hain aur phir unki thakaavat bhi door ho jaati thi kyonki jab aatma kamaai mein jaagrit hoti hai, to use thakaavat bhi nahin hoti। to jaise maa-baap ne neend ko yog mein badla to aap bhi first grade ke mahaarthiyon ko aisa hi follow karna hai। ab aisa anubhav to karte ho ki neend kam hoti jaati hai, lekin aisi avastha banaani hai। neend ko yog mein badlo aur follow father karo। saara din to ve aapke samaan hi saadhaaran the na?yeh hai first grade ki nishaani-ashta ratnon mein aane vaalon ki। doosre hain sau vaale aur phir teesre hain 16108 mein aane vaale। lekin yahaan mahaarthi to sabhi hain,ghode savaar koi nahin hai। lekin first, second aur third number hote hain।

isi prakaar, jaise kisi ne karmendriyon ko order diya aur usne vaisa hi kiya, to maano ki woh karmayogi hai lekin jo second grade vaale honge,to unhein ismen kabhi-kabhi saphalta va karmayogi ki mahsoosta aayegi aur kabhi-kabhi nahin aur baaki third grade vaale ko to tum jaan hi sakte ho। to jab aapne first grade ka banna hai, to pahle list nikaalo ki gyaanayog ke kitne titles hain aur aapne unmein se kitne dhaaran kiye hain? yeh class karaana। brahmaakumaar va brahmaakumaari ka title to sabko mil gaya par ismen hi khush na hona hai,balki sab titles ko pooraapoora dhaaran karna hai। achha!

avyakt baap-daada ki points

kya apne ko begampur ke baadshaah samajhte ho? baigar ke saath baadshaah bhi। baigar banne ki baaton mein baadshaah nahin aur na hi baadshaah banne ki baaton mein baigar hi banna hai। yahi buddhi ka kamaal chaahiye। jaisa samay, vaisi baat aur vaisa apna swaroop bana len। iske liye mukhya shakti kaun-si chaahiye? ismen chaahiye-nirnay ki shakti। jab pahle yeh jaano ki yathaartha nirnay karne ka kaun-sa samay hai, to us pramaan kaun-sa swaroop chaahiye, tab hi to vijayi ban sakenge na?nirnay shakti apne mein laane ke liye mukhya purooshaartha kaun-sa chaahiye?iske liye mukhya baat, apni buddhi ki va lagan ki sachchaai aur saphaai chaahiye। koi bhi cheez jitni saaph hoti hai, to utna hi usmein sab spashta dikhaai deta hai। arthaat nirnay sahaj ho sakta hai, lekin yahaan sirf saphaai hi nahin,lekin saphaai bhi kaun-si?-sachchaai ki। jitni-jitni buddhi ki lagan mein svachchhata arthaat sachchaai aur saphaai dhaaran ki hui hai to utni hi nirnay-shakti sahaj aa jaayegi। kya apne mein aisi chaiking karte ho? yaad mein rehna bahut sahaj hai। yaad ke saakaar swaroop ka sukh lene ke liye hi to yahaan aate ho na? lekin phir bhi nambarvaar kis aadhaar par hote hain? yahi hai sachchaai aur saphaai aur isse hi nirnay-shakti shreshtha hogi। jitni nirnay- shakti,utni saphalta hogi। sachchaai aur saphaai hai -- yeh koi badi baat nahin lekin kitni percentage mein hai, yeh chaik karne se number svatah hi nikal aayega। achha!