Avyakt murli for Monday 8 July 1974

>

08-07-74 om shanti avyakt baapdaadaamdhuban

master knowledgeful va sarva-shaktivaan vibhinna prakaar ki queue se mukta

sarva sambandhon ki rasna dene vaale, sarva ichchhaaen poorn karne vaale avyakt moorta baap-daada bole:-

aaj kaun-sa mela kahenge?-baap aur bachchon ka। woh to laukik sambandh mein bhi hota hai। lekin aaj ke mele ki visheshta kya hai jo aur kahin bhi nahin hoti?aatmaon aur paramatma ka mela to hai hi,aur koi alaukik baat sunaao। iski visheshta yeh hai ki yeh mela ek hi samay,ek se sarva sambandhon se,sarva-sambandh ke sneh aur praapti ka mela hai। sirf baap aur bachchon ka, sadguru aur follow karne vaale va samaan banne vaale aagyaakaari bachchon ka hi nahin,lekin ek hi samay, ek se sarva-sambandhon se milan manaane ka alaukik mela hai। yeh alaukikta va visheshta aur kahin nahin milegi। aisa mela manaane sab saagar ke kanthe par aaye hue hain। jabki sarva-sambandhon se sarva-praapti kar sakte ho to sirf ek-do sambandh se milan va praapti karne mein raaji nahin ho jaana hai। thode mein raaji hone vaale, bhakta kahlaaye jaate hain। bachche sarva-sambandh aur sarva-praapti ke adhikaari hain। isi adhikaar ko praapta karne vaali aatmaayen, gyaani tu aatma aur yogi tu aatma baap ko priy hai। apne se poochho aise baap ke priy bane ho? kya baap samaan niraakaari, nirhankaari,nirvikaari,nashtomoha aur smritisvaroop bane ho? smriti swaroop banne vaale ki nishaani kya anubhav hogi?woh sada sarva-samarthi-swaroop hoga।

nashtomoha banne ke liye sahaj yukti kaun-si hai? iske to anubhvi ho na?-sadaiv apne saamne sarva-sambandhon se baap ko dekhna aur sarva-sambandhon dvaara sarva-praaptiyon ko dekhna। ab sarva-sambandh aur sarva praaptiyaan ek dvaara anubhav ho rahi hain, to phir aur koi sambandh va praapti rah jaati hai kya?jahaan moh arthaat lagaav hai to kya sahaj va svatah hi anek taraph se tod,ek taraph se jodne ka anubhav nahin hota hai?ab tak bhi kahin aur kisi ke saath lagaav va moh hai, to siddha hota ki sarva-sambandh aur sarva praaptiyon ka anubhav nahin kar rahe hain।

aaj baap aur bachchon ki rooh-roohaan va milan-mele ka samaachaar sunaate hain। samaachaar sunne mein sabko interest aata hai na? ab is samaachaar mein dekhna ki main kahaan hoon?

pahle to amrit vele ka samaachaar sunaate hain। amrit vele ke bhinna-bhinna pose aur paazeeshan pahle bhi sunaai thi, aaj aur baat sunaate hain। jaise amritvela praarambha hota hai to chaaron or sarva-bachche pahle to number milaane ka purooshaartha karte hain ya phir connection jodne ka purooshaartha karte hain। phir kya hota hai line clear hone ke kaaran koi ka to number jaldi mil jaata hai aur koi number milaane mein hi samay bita dete hain। koi-koi number na milne ke kaaran dilshikasta ban jaate hain aur koi-koi number milaate to baap se hain,parantu beech-beech mein connection maaya se jut jaata hai। aisa maaya interfere karti hai ki jo woh chaahte hue bhi connection tod nahin sakte। jaise yahaan bhi aapki is duniya mein koi wrong number mil jaata hai, to woh kahne se bhi kat nahin karte hain,aap unko aur woh aapko kahenge ki kat karo। aise hi maaya bhi usi samay kamjor bachchon ka connection hi tod deti hai aur unheen ko tang bhi karti hai। kyon tang karti hai, uska bhi kaaran hai। kyonki ve saara din albele aur aalasya ke vash hote hain aur unka attention kam hota hai। aisi albeli aatmaon ko maaya bhi vishesh vardaan ke samay baap ki aagya par na chalne ka badla leti hai aur aisi aatmaon ka drishya bahut aashcharyajnak dikhaai deta hai। amritvele ke thode se samay ke beech anek swaroop dikhaai dete hain। ek to kabhi-kabhi baap ko sneh se sahayog lene ki arzi daalte rehte hain। kabhi-kabhi baap ko khush karne ke liye baap ko hi baap ki mahima aur karttavya ki yaad dilaate rehte hai ki aap to merciful ho,aap to sarvashaktimaan ho, vardaani ho, bachchon ke liye hi to aaye ho aadi aadi। kabhi-kabhi phir josh mein aakar, maaya se pareshaan ho sarvashaktiyaan roopi shastra use karne ka prayatna karte hain। ve phir kabhi talvaar chalaate hain, aur kabhi dhaal ko saamne rakhte hain। lekin josh ke saath aagyaakaari,vaphaadaar aur nirantar smriti swaroop banne ka hosh na hone ke kaaran unhon ka josh yathaartha nishaane par nahin pahunch sakta। yeh drishya bada hansi ka hota hai।

koi-koi phir aise bhole bachche hote hain jo ki eeshvareey praapti aur maaya ke antar ko bhi nahin jaante। nidra ko hi shant-swaroop aur beej roop stage samajh lete hain। alpakaal ke nidra dvaara rest ke sukh ko ateendriy sukh samajh lete hain। aise anek prakaar ke bachche anek prakaar ke drishya dikhaate rehte hain। lekin jo mahaarthi bachche ab tak ginti ke hain ya jo aap logon ki ginti mein hain ve unse bhi kam hain। aap log to ashta samajhte ho। lekin baap ki ginti mein ashta kam hain। ab tak ashta ratnon ke ashta shakti swaroop, sankalp,bol aur karma baap samaan banne ki stage praapta karte ja rahe hain। aise ashta ratnon se milne ke liye draamaanusaar baap se milne mein vishesh adhikaar praapta noondha hua hai। unhon ko number milaane ki aavashyakta nahin kyonki un aatmaon ka connection nirantar hai। yeh wireless ka connection viceless (nirvikaari) aatmaon ko hi praapta hota hai। sankalp kiya aur milan hua। aise vardaani bachche bahut kam hain। yeh hai amrit vele ka drishya।

baapdaada ke paas saare din mein paanch prakaar ki queue lagti hai (1) ek queue hoti hai bhinna-bhinna prakaar ki arzi le aane vaalon ki, kabhi svayan ke prati arzi le aate hain ki hame shakti do, sahayog do, buddhi ka taala kholo,himmat do ya yukti do। kabhi phir anya samparka mein aane vaali aatmaon ki arzi le aate hain ki mere pati va phalaane sambandhi ki buddhi ka taala khol do। kabhi-kabhi apni ki hui service ki saphalta na dekhkar yeh bhi arzi karte hain ki hamaari saphalta ho jaae, service ham karenge aur saphalta aap dena। hamaari yaad ki yaatra nirantar aur powerful ho jaae। hamaare yeh sanskaar khatma ho jaayen। aisi bhinna-bhinna prakaar ki arzi daalne vaale baap ke paas aate rehte hain।

(2) doosri queue hoti hai complaint karne vaalon ki। unhon ki bhaasha hi aisi hoti hai-yeh kyon, yeh kaise, kab aur kyon hoga?main chaahti hoon, phir bhi kyon nahin hota, yaad kyon nahin thaharti? laukik aur alaukik parivaar se sahayog kyon nahin milta? aisi anek prakaar ki kampalentsa hoti hain। unmein bhi vishesh do baaton mein ki vyartha sankalp kyon aate hain,shareer ka rog kyon aata hai,yaad kyon tootti hai aadi?is prakaar ki kampalentsa ki queue lambi hoti hai।

(3) kai baap-daada ko jyotishi samajh kar queue lagaate hain। kya hamaari beemaari mitegi?kya service mein saphalta hogi? kya mera phalaana sambandhi gyaan mein chalega? kya hamaare gaanv va shahar mein service vriddhi ko paavegi? kya vyavhaar mein saphalta hogi?yeh vyavhaar karoon ya yeh vyavhaar chhodoon? business karoon ya naukri karoon? kya main mahaarthi ban sakti hoon? kya aap samajhte ho,ki main banoongi? aise-aise grihastha-vyavhaar ki chhoti-chhoti baaten, ki kya meri saas ka krodh kam hoga?main baandheli ya baandhela hoon,kya mera bandhan tootega?kya main svatantra banoongi va banoonga athva kai yeh bhi vishesh baaten poochhte hain ki kya main total surrender hoonga? kya meri yeh ichchha poori hogi? aise yeh bhi queue hoti hai।

(4) chauthi queue hoti hai ulhana dene vaalon ki। aap aise time par kyon aaye jab ham buddhi ban gai aur ab main beemaar shareer vaali ban gai?aapne pahle kyon nahin jagaaya? deri se kyon jagaaya? aap sindha desh mein hi kyon aaye?pahle vahaan ki bahnen kyon nikleen? sangamayug par humein gop kyon banaaya?shakti first yeh reeti rasma kyon bani? kya is last janma mein hi mujhe baandheli banna tha? aisa karma- bandhan mera hi kyon bana? mujhe gareeb kyon banaaya, ki jo main dhan se sahayog nahin kar sakti। saakaar roop mein milne ka part hamaara kyon nahi bana? aise anek prakaar se ulhana dene vaalon ki queue bhi hoti hai।

(5) paanchavi queue bhi hoti hai woh ab kam hoti ja rahi hai woh hai royal roop se maangane ki। abhi kripa va aasheervaad shabd nahin kehte lekin usmein chaahna to bhari hi hoti hai।

suna kitne prakaar ki queue lagti hai? ab harek apne ko dekhe ki saare din mein aaj hamne kitni queue mein number lagaaye। jaise aajkal ek hi din mein anek queue lagaani padti hain na? vaise hi baap-daada ke paas bhi kai bachche saare din mein in queue mein thaharte rehte hain। na sirf avyakt roop mein va sookshm roop mein yeh baaten karte rehte hain,lekin jab avyakt se vyakta mein milne aate hain to bhi yeh chhoti-chhoti baaten poochhte rehte hain! master knowledgeful aur master sarvashaktimaan ki stage par sthit ho jaao to sab prakaar ki queue samaapta ho aap ek-ek ke aage aapki praja aur bhakton ki queue lage। jab tak svayan hi is queue mein busy ho, tab tak woh queue kaise lage? isliye ab apni stage par sthit ho,in sab queue se nikal, baap ke saath sangamayug mein mele ki anokhi visheshta yeh hai ki yeh mela ek hi samay, ek se sarva- sambandhon se, sarva-sambandhon ke sneh aur praapti ka milan manaane ka alaukik mela hai। sada milan manaane ki lagan mein apne samay ko lagaao aur lavleen ban jaao to yeh sab baaten samaapta ho jaavengi। in sab aarjiyon va kampalentsa ka response phir doosri baar karenge jo phir baar-baar yeh baaten poochhne ki va ismen samay ganvaane ki aavashyakta na rahe। achha!

aise anek prakaar ki queue se mukta, baap-daada ko sada saathi-sada sahayogi, ek second mein milan manaane vaale, sarva-sambandh ek baap se manaane vaale,sarva praapti swaroop,ichchha-maatram avidya ki sthiti mein sada rahne vaale aur ashta shakti swaroop bachchon ko baap-daada ka yaad pyaar,good night aur namaste।