Avyakt murli for Sunday 15 September 1974

>

15-09-74 om shanti avyakt baapdaadaamdhuban

purooshaartha ka antim lakshya hai - avyakt pharishta-pan

vighna-vinaashak, gyaansoorya,patit paavan baap-daada ne sangamayugi brahman bachchon ke prati mahaavaakya uchchaare:-

abhi tum bachchon ka antim-sthiti banaane ka antim purooshaartha chal raha hai। jo mahaarthi bachche nimitta bane hue hain, un ko apne purooshaartha ki raphtaar mein bhi sabke aage nimitta banna hai। shreshtha purooshaartha kaun-sa hota hai? woh kisko dekh follow karenge?jaise ki saakaar mein purooshaartha kaise karna hai aur purooshaartha kisko kaha jaata hai? pahle to purooshaartha ke symbol (simbal) arthaat saakaar brahma baba ko dekhte hue sab aage badhte the lekin is samay saakaar mein,symbol kaun hain?-mahaarthi। kya mahaarthiyon ka aisa purooshaartha chal raha hai ki jisko dekh kar anya aatmaon ka bhi purooshaartha sample ho jaae। antim purooshaartha kaun-sa hai, kya usko jaante ho?jaise shuru-shuru mein deh-abhimaan ko mitaane ka purooshaartha rakha ki ‘‘main chaturbhuj hoon।’ isse stra-bhaan, kamjori, kaayarta aadi sab nikal gai aur aap nirbhay aur shaktishaali ban gaye। to jaise aadi mein deh-abhimaan mitaane ke liye,ki ‘main chaturbhuj hoon’,yeh practical purooshaartha chala na? chalte-phirte va baat karte yeh nasha rehta tha ki ‘main naari nahin hoon,main chaturbhuj hoon’to ye donon sanskaar aur woh donon shaktiyaan mil gai jaise ki ye donon kaarya ham kar sakte hain, to vaise hi antim lakshya kaun-sa smriti mein rahe, jisse ki automatically woh lakshan aa jaaen?

woh antim lakshya purooshaartha ke liye kaun-sa hai? woh hai-avyakt pharishta ho rehna। avyakt-roop kya hai?-pharishta-pan। usmein bhi light-roop saamne hai-apna lakshya। woh saamne rakhne se jaise light ke karva (Aura) mein yeh mera aakaar hai। jaise vatan mein bhi avyakt-roop dekhte ho, to avyakt aur vyakta mein kya antar dekhte ho? vyakta,paanch tatvon ke kaarba mein hain aur avyakt,light ke kaarba mein hain। light ka roop to hai, lekin aaspaas chaaron or light hi light hai, jaise ki light ke kaarba mein yeh aakaar dikhaai deta hai। jaise soorya dekhte ho to chaaron or phaili soorya ki kirnon ki light ke beech mein, soorya ka roop dikhaai deta hai। soorya ki light to hai, lekin uske chaaron or bhi soorya ki light parchhaai ke roop mein, phaili hui dikhaai deti hai। aur light mein vishesh light dikhaai deti hai। isi prakaar se, main aatma jyoti roop hoon-yeh to lakshya hai hi। lekin main aakaar mein bhi kaarba mein hoon। chaaron or apna swaroop light hi light ke beech mein smriti mein rahe aur dikhaai bhi de to aisa anubhav ho। jaise ki aaine mein dekhte ho to spashta roop dikhaai deta hai,vaise hi knowledge roopi darpan mein, apna yeh roop spashta dikhaai de aur anubhav ho। chalte-phirte aur baat karte,aise mahsoos ho ki ‘main light-roop hoon,main pharishta chal raha hoon aur main pharishta baat kar raha hoon।’to hi aap logon ki smriti aur sthiti ka prabhaav auron par padega।

karttavya karte hue bhi ki main pharishta nimitta is kaarya arth prithvi par paanv rakh raha hoon, lekin main hoon avyakt desh ka vaasi, ab is smriti ko jyaada badhaao।‘‘main is kaarya-arth avatrit hui hoon arthaat jaise ki main is kaarya-arth prithvi par vatan se aai hoon, kaarobaar poori hui, phir vaapas apne vatan mein। jaise ki baap aate hain,to baap ko smriti hai na ki ham vatan se aaye hain, karttavya ke nimitta aur phir hamko vaapis jaana hai। aise hi aap sabki bhi yeh smriti badhni chaahiye ki main avtaar hoon arthaat main avatrit hui hoon, abhi main brahman hoon aur phir main devta banoongi-yeh bhi vaastav mein mota roop hai। yeh stage bhi saakaari hai। abhi aap logon ki stage aakaari chaahiye,kyonki aakaari se phir niraakaari sahaj banenge। jaise baap bhi saakaar se aakaari bana,aakaari se phir niraakaari aur phir saakaari banenge।’’

ab aap logon ko bhi avyakt vatanvaasi stage tak pahunchna hai, tabhi to aap saath chal sakenge। abhi yeh saakaar se avyakt roop ka part kyon hua?-sabko avyakt sthiti mein sthit karaane kyonki ab tak us stage tak nahin pahunche hain। abhi antim purooshaartha yeh rah gaya hai। isi se hi saakshaatkaar honge। saakaar swaroop ke nashe ki points to bahut hain ki main shreshtha aatma hoon, main brahman hoon aur main shakti hoon। is smriti se to aapko nashe aur khushi ka anubhav hoga। lekin jab tak is avyakt swaroop mein,light ke kaarba mein svayan ko anubhav na kiya hai, tab tak auron ko aapka saakshaatkaar nahin ho sakega। kyonki jo daivi swaroop ka saakshaatkaar bhakton ko hoga, woh light roop ki kaarba mein chalte-phirte rahne se hi hoga। saakshaatkaar bhi light ke bina nahin hota hai। svayan jab light-roop mein sthit honge,aapke light roop ke prabhaav se hi unko saakshaatkaar hoga। jise shaastron mein dikhaate hain ki kans ne kumaari ko maara, to woh ud gai, saakshaat-roopdhaari ho gai aur phir aakaashvaani ki। vaise hi aap logon ka saakshaatkaar ho, to aisa anubhav hoga ki maano yeh devi dvaara aakaashvaani ho rahi hai। woh sunne ko ichchhuk honge ki yeh devi ya shakti mere prati kya aakaashvaani karti hai। aap mein ab yeh naveenta dikhaai de। saadhaaran bol nazar na aayen, oopar se aakaashvaani ho rahi hai, bas aisa anubhav ho। isliye kaha ki ab jvaalaamukhi banne ka samay hai। ab aapka gopeepan ka part samaapta hua। mahaarthi jo aage badhte ja rahe hain,unka is reeti service karne ka part bhi automatically badli hota jaata hai। pahle aap log bhaashan aadi karti theen aur course karaati theen। abhi chairman ke roop mein thoda bolti ho, course aadi aapke jo saathi hain, woh karaate hain। abhi is samay,koi ko aakarshan karna,himmat aur ullaas mein laana, yeh service rah gai hai, to pharka aa jaata hai na? isse bhi aage badh kar yeh anubhav hoga jaise ki aakaashvaani ho rahi hai। kahenge yeh koi avtaar hain-aur yeh koi saadhaaran shareerdhaari nahin hain। avtaar pragat hue hai। jaise ki saakshaatkaar mein anubhav karte-karte devi pragat hui hai। mahaavaakya bole aur praayahlop। abhi ki stage va purooshaartha ka lakshya yeh hona hai।

ab sthool kaarobaar se bhi, jaise ki upraam hote jaavenge। ishaare mein suna, direction diya aur phir avyakt vatan mein। jaise saakaar mein dekha, anubhav kiya, neeche aaye, direction diya, suna aur phir oopar। shuru aur ant ki kaarobaar mein raat aur din ka antar dikhaai de। abhi jimmevaariyaan to aur bhi badhengi। aise nahin,ki jimmevaariyaan kam hogi, tab pharishta banenge, nahin! jimmevaariyaan aur service ka vistaar to chaaron or aur badhega। jaise ab videsh ki bhi service badhi na aur vistaar bhi hua na? aise hi bhinna-bhinna prakaar ki jo service ho rahi hai, woh badhegi zaroor। vishwa ki har prakaar ki aatmaon ka uddhaar hone ka gaayan bhi shaastron mein hai na? practical mein hua na,tab to iska shaastron mein gaayan hai?yeh sab hoga। ab to ek-ek sthaan par baithe ho, phir das-das sthaan,sambhaalne padenge phir to ek jagah baith bhi nahin sakenge। abhi to chhahaath maas ek hi jagah baithte ho, lekin phir to light house misal chaaron or service karte rahenge।

jo nimitta bane hue mukhya hain, serviceable hain aur raajyabhaagya ki gaddi lene vaale hain, aise ananya ratna light house misal ghoomte aur chaaron or light dete rahenge। light house ka bhi practical roop chaahiye na?ek anekon ko light denge। behad vishwa ke maalik, phir woh koi ek area ke had ka hi jimmevaar ho,aisa to ho nahin sakta। chaahe nimitta-maatra bhale hi unka ek thikaana ho, jaise light house ka nimitta thikaana to ek hai na? lekin service ek thikaane ki nahin karte balki chaaron or light phailaate hain। isi reeti sthaan bhale ek hi hoga, lekin jo apne mein visheshtaayen hongi ya shaktiyaan hain,uska laabh chaaron or ho। abhi tak sirf ek sthaan par hi aapki visheshta ka laabh hai। soorya ek sthaan ko hi roshni deta hai kya? to aapki bhi vishesh shakti roopi kirnen chaaron or phailni chaahiye na? nahin to master sarvashaktimaan aur gyaan sitaare aap kaise siddha honge? master gyaansoorya arthaat baap-samaan। sitaare hote hue bhi baap-samaan stage। woh to ashta ratna hi praapta karenge na? agar koi sitaara ek hi sthaan par,apna prakaash phailaata hai aur woh timtimaata usi apni area mein hi roshni deta hai to usko master gyaansoorya va baap-samaan nahin kahenge। jab tak woh baap-samaan ki stage par nahin aaya hai,tab tak baap-samaan takhta nahin le sakta। isliye apni stage aisi banaao jo service badhe।

chakradhaari banne se hi chakravarti mahaaraaja banenge। yahaan chakradhaari, vahaan chakravarti। jismen light ka bhi chakra ho aur seva mein prakaash phailaane vaala chakra bhi ho,tab hi kahenge-’chakradhaari’। aisa chakradhaari hi chakravarti ban sakta hai। chalte-phirte light ka chakra harek ko dikhaai dega, jaise in aankhon se dikhaai pad raha hai। aashcharya khaavenge ki yeh sachmuch hai va main hi dekh raha hoon? aapke light ka roop aur light ka crown aisa common ho jaayega ki chalte-phirte sabko dikhaai dega। yeh light ke taajdhaari hain। jaise saakaar mein light ka anubhav karna common baat thi aur khvaahish karni nahin padti thi। sabko usi roop se nazar aata tha, jaise ki in aankhon se dekh rahe hain। aise aap logon ko anubhav hoga। dekhte-dekhte woh khud gum hone lagenge-main kahaan hoon aur kya dekh raha hoon? jaise saakaar dvaara anubhav karte the ki svayan se hi kabhi-kabhi aashcharya khaate the; ki kya mere paanv yahaan hain,athva mool vatan ya sookshm vatan mein hain?jaise saakaar dvaara aapko anubhav hote the,vaise hi phir aapke dvaara sabko anubhav hoga। tab to samaan ki stage mein aavenge। woh tab honge,jab beech-beech mein apne is swaroop ki smriti laate rahenge। saakaar ne bhi gupta-purooshaartha kiya। isi prakaar aap logon ko bhi yeh gupta purooshaartha va gupta mehnat karni hai। itna attention hai?tension hote hue bhi attention rahe।

abhi to phir bhi raat aur din mein aaraam karne ka time milta hai, lekin phir to yeh rest lena,yeh bhi samaapta ho jaayega। lekin jitna avyakt light roop mein sthit honge, utna hi shareer se pare ka abhyaas hone ke kaaran yadi do-chaar minute bhi jaise ki ashareeri ban jaavenge, to maanon jaise ki chaar ghante ka aaraam kar liya। aisa samay aayega jo ki neend ke bajaae chaar-paanch minute ashareeri ban jaavenge,jaise ki neend se shareer ko khuraak mil jaati hai, vaise hi yeh bhi khuraak mil jaayegi। shareer to puraane hi rahenge। hisaab-kitaab puraana to hoga hi। sirf usmein yeh addition hogi। light-swaroop ke smriti ko majboot karne se hisaab-kitaab chukta karne mein bhi light roop ho jaavenge। jaise injection lagaane se paanch minute mein hi pharka pad jaata hai, vaise hi neend ki goli lene se bhi pareshaani samaapta ho jaati hai। aap bhi aise hi samjho ki yeh ham neend ki khuraak lete hain। aisi stage laane ke liye hi yeh abhyaas hai।

amrit vele bhi jaise yeh abhyaas karna hai-ham jaise ki avatrit hue hain। kabhi aise samjho ki main ashareeri aur paramdham ka nivaasi hoon athva avyakt roop mein avatrit hui hoon aur phir svayan ko kabhi niraakaar samjho। yeh teen stejis par jaane ki aisi practice ho jaae jaise ki ek kamre se doosre kamre mein jaana hota hai। to amrit vele yeh vishesh‘ashareeri-bhav’ka vardaan lena chaahiye abhi vishesh yeh anubhav ho। achha! chadhti kala sarva ka bhala। chadhti kala ka, practical swaroop kya hota hai? usmein sarva ka bhala hota hai। inse hi chadhti kala ka apna purooshaartha dekh sakenge। sarva ka bhala hi siddha karta hai ki chadhti kala hai। vaastav mein yahi thermometer hai।

aap logon ka shuru mein tha-sheetla devi ka part। abhi hai-jvaala devi ka part। pahle sneh se, sameep sambandh mein aaye aur ab phir,shakti swaroop banna hai। abhi sirf gun aur sneh ka prabhaav hai ya knowledge ka prabhaav hai, lekin saakshaatmoorta anubhav karen ki yeh koi saadhaaran shakti nahin hai। jaise soorya ki kirnen phailti hain, vaise hi master sarvashaktimaan ki stage par shaktiyon va visheshtaaon roopi kirnen chaaron or phailti anubhav karen। ‘main vighna-vinaashak hoon’, is smriti ki seat par sthit hokar kaarobaar chalaayenge to vighna saamne tak bhi nahin aavenge। achha!’’

mahaavaakyon ka saar

(1) jis prakaar praarambha mein deh abhimaan ko mitaane ke liye yeh abhyaas kiya ki‘main chaturbhuj hoon’,vaise hi purooshaartha ka antim lakshya hai-avyakt pharishta ho rehna।

(2) karttavya karte hue bhi,is smriti ko jyaada badhaao ki main pharishta nimitta is kaarya-arth prithvi par paanv rakh raha hoon lekin main hoon avyakt desh ka। main is kaarya-arth avatrit hua hoon।

(3) jo daivi swaroop ka saakshaatkaar bhakton ko hoga woh light roop ki kaarba mein chalte-phirte rahne se hoga।

(4) aap logon ko avyakt vatanvaasi stage tak pahunchna hai,tab to saath chal sakenge।

(5) jo nimitta bane hue mukhya hain,serviceable hain, raajyabhaagya ki gaddi lene vaale hain, aise ananya ratna light house misal ghoomte hue chaaron or light dete rahenge।

(6) pavitrata ki light ka bhi chakra ho aur seva ka prakaash phailaane vaala bhi chakra ho tab kahenge-’chakradhaari।’aisa chakradhaari hi chakravarti ban sakta hai।