Avyakt murli for Sunday 21 September 1975

>

21-09-75 om shanti avyakt baapdaadaamdhuban

pharishta arthaat jiska ek baap ke siva anya aatmaon se koi rishta nahin

ek ke dvaara sarva-sambandhon ke sukh ki anubhooti karaane vaale, mushkil ko sahaj karne vaale, deh roopi dharni se sada nyaare,karan-karaavanhaar shiv baba bole –

‘‘vaah re - main!’’ ka nasha yaad hai?woh din, woh jhalak aur phalak smriti mein aati hai? woh nashe ke din alaukik the। aise nashe ke din smriti mein aate hi nasha chadh jaata hai - itna nasha itni khushi jo sthool paanv bhi chalte-phirte natural dance karte hain - programme se dance nahin। man mein bhi naach aur tan bhi natural naachta rahe। yeh natural dance to nirantar ho sakta hai? okhon ka dekhna, haathon ka hilna aur paanv ka chalna sab khushi mein natural dance karte hain। unko pharishton ka dance kehte hain - aise natural dance chalta rehta hai?jaise kehte hain ki pharishton ke paanv dharti par nahin tikte। aise pharishte banne vaali aatmaayen bhi is deh arthaat dharti - jaise woh dharti mitti hai vaise yeh deh bhi mitti hai na? to pharishton ke paanv dharti par nahin rehte arthaat pharishte banne vaali aatmaon ke paanv arthaat buddhi is deh roopi dharti par nahin rah sakti। yahi nishaani hai pharishtepan ki। jitna pharishtepan ki sthiti ke sameep jaate rehte, utna deh roopi dharti se paanv svatah hi oopar honge। agar oopar nahin hain,dharti par rehte hain to samjho bojh hai। bojh vaali vastu oopar nahin rah sakti। halkaapan na hai, bojh hai to is deh-roopi dharti par baar-baar paanv aa jaayenge। pharishta arthaat halka nahin banenge। pharishton ke paanv dharti se oonche svatah hi rehte hain, karte nahin hain। jo halka hota hai unke liye kehte hain ki yeh to jaise hava mein udta rehta hai - chalta nahin hai,udta hai। aise hi pharishte bhi oonchi sthiti mein udte hain। aise natural pharishton ka dance dekhne aur karne mein bhi maja aata hai। mahaarthi teachers yeh natural pharishton ki dance karti rehti hain na?

karan-karaavanhaar shiv baba ne apne sammukh baithi teachers se poochha - (koi ne kaha, baba maaya ke haath kaat do) agar baap maaya ke haath kaat de to jo kaatega, woh paayega। baap to sab kuchh kar sakte hain। second ka order hai - lekin bhavishya banaane vaalon ka bhavishya kaise bane? baap sabke liye kar de ya sirf aapke liye kar de। phir to jaise aaj ki duniya mein rishvatkhor hain to yeh bhi vahi list ho jaayegi। isliye jaise nepaal mein bhi chhote bachchon ko khukhdi (chhuri) haath mein pakdaate hain। karte khud hain lekin haath bachchon ka rakhaate hain। itna ho sakta hai lekin himmat ka haath khud zaroor rakhna hai। itna to karna hai na?yeh teachers ki topic (charcha ka vishay) hai - saare din mein kitna samay pharishte rehte aur kitna samay pharishton ke bajaay mrityulok ke maanav hote ho?daivi parivaar ke rishton mein bhi pharishte nahin aate। woh to sadaiv nyaare rehte hain। rishte sab kisse hain? agar koi ko sakhi banaaya to baap se woh sakheepan ka rishta kam ho jaayega। koi bhi sambandh chaahe behen ka ya bhaai ka ya anya koi bhi rishta joda to ek se zaroor woh rishta halka hoga। kyonki bant jaata hai na? dil ka tukda-tukda ho gaya to toota hua dil ho gaya। toote hue dil ko baap bhi sveekaar nahin karte। yeh bhi guhya rishton ki philosophy hai।sivaay ek ke aur koi se rishta nahin - na sakha na sakhi। na behen na bhaai- nahin to us sambandh mein bhi aatma hi yaad aayegi।

pharishta arthaat jiska aatmaon se koi rishta nahin। preeti jutaana sahaj hai, lekin nibhaana mushkil hai। nibhaane mein hi number hote hain। jutaane mein nahin hote। nibhaana kisi-kisi ko aata hai, sab ko nahin aata। nibhaane ki line badli ho jaati hai। lakshya ek hota hai lakshan doosre ho jaate hain। isliye nibhaate koi- koi hain, jutaate sab hain। bhakta bhi jutaate hain lekin nibhaate nahin hain। bachche nibhaate hain,lekin usmein bhi nambarvaar। koto mein koi aur koi-koi mein bhi koi। koi ek sambandh mein bhi agar nibhaane mein kami ho gai ya sambandh mein jara-si bhi kami hui, maanon75% sambandh baap se hai aur 25% sambandh koi ek aatma se hai, to bhi nibhaane vaale ki list mein nahin rakhenge। baap ka saath 75% rakhte hain aur kabhi-kabhi25% koi ka saath liya to bhi nibhaane vaale ki list mein nahin aayenge। nibhaana-to nibhaana। yeh bhi guhya gati hain। sankalp mein bhi koi aatma na aaye। isko kehte hain sampoorn nibhaana। kaisi bhi paristhiti ho, chaahe man ki, tan ki,ya samparka ki-koi bhi aatma sankalp mein na aaye। sankalp mein bhi koi aatma ki smriti aai to usi second ka bhi hisaab banta hai। tabhi to aath paas hote hain। vishesh aath ka hi gaayan hai। zaroor itni guhya gati hogi? bada kada paper hai। to pharishta unko kaha jaata hai, jiske sankalp mein bhi koi na rahe। koi paristhiti mein, majboori mein bhi nahin। second ke liye sankalp mein bhi na ho। majboori mein bhi majboot rahe-tab hai pharishta। oonchi manzil hai,lekin ismen koi nuksaan nahin hai। sahaj isliye hai kyonki praapti padam guna hoti hai।

jo baap ke rishte se praapti hoti hai, woh usi second mein smriti mein nahin aati hai,bhool jaate hain isliye koi ka aadhaar le lete hain। praapti koi kam hai kya?mushkil se sahaj karne vaale baap ka hi gaayan hai, na ki koi aatma ka। to mushkil ke samay baap ka sahaara lena chaahiye, na ki kisi aatma ka sahaara lena chaahiye। lekin us samay woh praapti bhool jaati hai। kamzor hote hain। jaise doobte hue ko tinka mil jaata hai to uska sahaara le lete hain। us samay pareshaani ke kaaran jo tinka saamne aata hai, unka sahaara le lete hain, lekin usse be-sahaare ho jaayenge,yeh smriti mein nahin rehta?achha।

is murli ke vishesh gyaan-bindu

1. pharishta banne vaali aatmaon ke buddhi roopi paanv is deh roopi dharni par nahin tikte।

2. pharishta arthaat jiska anya aatmaon se koi rishta nahin। sarva rishte ek roohaani baap se hon। kaisi bhi paristhiti ho - chaahe man ki,tan ki ya samparka ki koi bhi aatma sankalp mein na aaye। jo majboori mein bhi majboot rahetab woh hai pharishta।