Avyakt murli for Sunday 12 October 1975

>

12-10-75 om shanti avyakt baapdaadaamdhuban

complaint samaapta kar complete banne ki prerna

ateendreey sukh ke jhoole mein jhulaane vaale, sarva-sambandhon ka alaukik anubhav dene vaale, sarva aatmaon ke hitkaari shiv baba vatson ke prati bole –

aap-samaan niraakaari, deh ki smriti se nyaare, aatmik swaroop mein sthit hote hue,saakshi hokar, apna aur sarva aatmaon ka part dekhne ka abhyaas mazboot hota jaata hai?sada saaksheepan ki stage smriti mein rehti hai?jab tak saakshi swaroop ki smriti sada nahin rehti to baapdaada ko apna saathi bhi nahin bana sakte। saakshi avastha ka anubhav, baap ke saatheepan ka anubhav karaata hai। apne ko khuda-dosta samajhte ho na?arthaat apne man ka meet baapdaada ko banaaya hai? dil ka dilvaala baap ko hi banaaya hai? ek dilvaala baap ke sivaay aur kisi se bhi dil ki len-den karne ka sankalp maatra bhi nahin hai, aisa anubhav karte ho?agar ek baap ke saath sarva-sambandhon ke sukh, sarva- sambandhon ke preeti ki praapti anubhav karte ho to aur kahin bhi,kisi sambandh mein buddhi ja nahin sakti। har shvaas, har sankalp mein sada baap ke sarva-sambandhon mein buddhi magan rahni chaahiye। kai bachchon ki complaint hai ki vyartha sankalp bahut aate hain,buddhi baap ki taraph lagti nahin hai। na chaahte hue bhi kahin-na-kahin buddhi ka lagaav chala jaata hai va sthool pravritti ki zimmevaari buddhi ko ekaagra banne nahin deti। puraani duniya ka samparka va vaataavran, vritti ko chanchal bana deta hai। jitna teevra purooshaartha karna chaahte hain, utna kar nahin paate hain,high-jump de nahin paate। saare din mein isi prakaar ki kampalentas baapdaada ke paas bahut aati hain।

master sarvashaktimaan kahlaate hue bhi apne hi svabhaav, sanskaar se mazboor ho jaate hain, to baapdaada ko bhi aisi baaten sunte hue meethi hansi bhi aati hai ba 145 aur raham bhi aata hai। jab apne svabhaav-sanskaar ko mita nahin sakte, to saare vishwa se tamopradhaan aasuri sanskaar mitaane vaale kaise banenge?jo apne hi sanskaaron ke vash ho jaayen, woh sarva vasheebhoot hui aatmaon ko mukta kaise kar sakenge? jo apne hi sanskaaron,jisse svayan hi pareshaan hain woh auron ki pareshaani kaise mitaayenge?aise sanskaaron se mukti paane ki saral yukti kaun-si hai? karma mein aane se pahle sanskaar,sankalp mein aate hain - ‘‘yeh kar doonga, aisa hona chaahiye,yeh kya samajhte hain, main bhi sab karna jaanta hoon।’’ is roop ke sankalpon mein sanskaar utpanna hote hain। jab jaante ho ki is samay sanskaar sankalp-roop mein apna roop dikha rahe hain,to sadaiv yeh aadat daalo va abhyaas karo ki har sankalp ko pahle check karna hai ki kya yeh sankalp baap-samaan hai?

jaise kai bade aadmi hote hain, ve jo kuchh bhi sveekaar karte hain, to pahle us cheez ki checking hoti hai। jaise president hai ya koi bhi vishesh vyakti ya bade-bade raaja hote hain,to unka har bhojan pahle check hota hai, phir ve sveekaar karte hain। unhein koi bhi vastu denge to pahle unki checking hoti hai ki kahin usmein kuchh ashuddhi ya mix to nahin hai? woh bade aadmi aap ke aage kya hain?aapke raajya mein ye bade aadmi paanv bhi nahin rakh sakte। ab bhi aapke paanv par padne vaale hain। jab raajaaon ke bhi raaja bante ho aur srishti ke beech shreshtha aatma kahlaate ho to aap vishesh aatmaon ka yeh sankalp roopi buddhi ka jo bhojan hai uske liye bhi checking honi chaahiye। jab bina checking ke sveekaar karte ho tab dhokha khaate ho। to har sankalp ko pahle check karo। jaise sone ko yantra dvaara check karte hain ki sachcha hai ya mix hai, real hai athva rolda gold hai? aise hi yeh check karo ki sankalp baapdaada samaan hain ya nahin hai? is aadhaar se check karo, phir vaani aur karma mein laao। aadhaar ko bhool jaate ho, tab shoodra-pane ke aur vish ke sanskaar mix ho jaate hain। jaise bhojan mein vish mix ho jaay to woh moorchhit kar deta hai, aise hi sankalp roopi aahaar va bhojan mein puraane shoodra-pan ka vish mix ho jaata hai to baap ki smriti aur samarthi swaroop se moorchhit ho jaate ho। to apne ko vishesh aatmaayen samajhte hue apneaapka svayan hi checker bano। samjha?vishesh aatma ki apni shaan mein raho to pareshaan nahin honge। achha yeh hui sanskaaron ko mitaane ki yukti। agar is kaarya mein sada busy rahege va sada holi-hans swaroop mein sthit honge,to shuddh va ashuddha, shoodrapan aur braahmanpan ko sahaj hi check kar sakenge aur buddhi isi kaarya mein busy hone ke kaaran vyartha sankalpon ki complaint se free ho jaayegi।

doosri baat - saara din, baap ke sarva-sambandhon ka, har samay pramaan sukh nahin le paate ho। jo gopiyon aur pondavon ke charitra gaaye hue hain। baap se sarva- sambandhon ka sukh lena aur magan rehna athva sarva-sambandhon ke lav mein lavleen rehna - woh anubhav abhi kiya nahin hai। baap aur shikshak in vishesh sambandhon ka sukh anubhav karte ho lekin sarva-sambandhon ke sukhon ki praapti ka anubhav kam karte ho। isliye jin sambandhon ke sukhon ka anubhav nahin kiya hai un sambandhon mein buddhi ka lagaav jaata hai aur woh aatma ka lagaav va buddhi ki lagan,vighna-roop ban jaati hai। to saare din mein bhinna-bhinna sambandhon ka anubhav karo। agar is samay baap se savar-sambandhon ka sukh nahin liya hai to sarva-sukhon ki praapti mein,sarva-sambandhon ki rasna lene mein kami rah jaayegi। abhi agar yeh sukh nahin liya to kab lenge? aatmaon se sarva-sambandh to saara kalpa anubhav karenge lekin baap se sarva-sambandhon ka anubhav abhi nahin kiya to kabhi bhi nahin karenge। to in sarva-sambandhon ke sukhon mein saara din-raat apne ko busy rakho। in sukhon mein nirantar rahne se aur sarva-sambandh asaar aur neeras anubhav honge। isliye buddhi ek thikaane par sthit ho jaayegi aur uska bhatakna banda ho jaayega aur aap in sukhon ke jhoole mein sada jhoolte rahege। aisi sthiti banaane se teevra purushaarthi svatah aur sahaj ban jaayenge,sarva complaint samaapta ho complete ban jaayenge। samjha? apne kampalentas ka responsa achha –

aise sada ateendriy sukhon ke jhoole mein jhoolne vaale, sada baap ke saath sarva-sambandh nibhaane vaale,sada svayan ko saakshi aur baap ko saathi samajhne vaale,aise khuda-dosta,sada khudaai-khidmat mein rahne vaale,aise baap-samaan bachchon ko baapdaada ka yaad-pyaar aur namaste।

sunne mein khush hote ho, lekin nibhaane mein kahin mazboor ho jaate ho। jab sunne mein itni khushi hoti hai, to swaroop banne mein kitni khushi hogi? is samay sabhi harshit mukh ho, aise hi sada harshitmukh raho to svayan ka bhi samay bachaayenge aur nimitta bani hui aatmaon ka bhi samay bacha lenge। abhi tak girne aur chadhne mein, svayan ko sambhaalne mein va buddhi ko thikaane lagaane mein 25% samay jo ismen jaata hai,to yeh samay bach jaayega aur woh kamaai mein jama ho jaayega। ab bachat karna seekho। samjha?

is murli ka mukhya saar –

1. agar ek baap ke saath sarva-sambandhon ke sukh va preeti ki praapti ka anubhav karte ho to aur kahin bhi kisi sambandh taraph buddhi nahin ja sakti।

2. apne ko vishesh aatma samajhte hue apne aap ka hi svayan checker bano। sadaiv yeh aadat daalo va abhyaas karo ki har sankalp ko pahle check karna hai ki yeh sankalp baap-samaan hai,ek dilvaala baap ke sivaay aur kisi se bhi dil ki len-den karne ka sankalp to nahin hai?

3. saakshi avastha ka anubhav baap ke saatheepan ka anubhav karaata hai।

4. vishesh aatma ki nishaani hai - woh sada apni shaan mein rehta hai,kabhi bhi pareshaan nahin hota।