Avyakt murli for Monday 8 December 1975 - 2

>

08-12-75 om shanti avyakt baapdaadaamdhuban

bachchon ki vibhinna stejis

sada vijayi swaroop banaane vaale, sarva vardaanon ke adhikaari aur vishwa dvaara sada satkaari banaane vaale,vishwa-kalyaankaari pita bole:-

ashareeri bhav – yeh vardaan praapta kar liya hai? jis samay sankalp karo ki ‘main ashareeri hoon’,usi second swaroop ban jaao। aisa abhyaas sahaj ho gaya hai? sahaj anubhav hona - yahi sampoornata ki nishaani hai। kabhi sahaj, kabhi mushkil, kabhi second mein,kabhi minute mein ya aur bhi jyaada samay mein ashareeri swaroop ka anubhav hona arthaat sampoorn stage se abhi door hai। sada sahaj anubhav hona - yahi sampoornata ki parakh hai।

abhi-abhi baapdaada videsh aur apne bhaarat desh ke sarva bachchon ki dekhrekh karne chakkar par nikle। chakkar lagaate vishesh baat kya dekhi? teen prakaar ke bachchon ko dekha।

1. gyaan-ratnon aur yaad ki shakti ke dvaara sarva shaktiyon ko svayan mein sampanna karne vaale, nirantar chaitanya chaatrak jo har second lene vaale arthaat dhaaran karne vaale jinhen sivaay praapti ke ya svayan ko sampanna banaane ke aur koi lagaav nahin। raat hai athva din hai,lagan ekras hai -- aise chaitanya chaatrak videsh mein aur bhaarat mein donon hi sthaanon par dekhe।

2. service ki lagan mein magan - din-raat service ke plans banaane mein vyasta। service ke phal-swaroop svayan mein khushi ka anubhav karne vaale। lekin sarvashaktiyon ka, har sankalp mein maayaajeet banne ki shakti ka va ‘ashareeri bhav’ ke vardaan ki praapti ka anubhav karne mein sada ek-ras sthiti nahin। khushi ka anubhav vishesh, lekin shakti ka anubhav kam karne vaale knowledgeful ka anubhav jyaada aur powerful ka anubhav kam karne vaale, gyaan ka sumiran jyaada, samarthi-swaroop kam - aise bachche bhi dekhe।

3. din-raat manzil ko saamne rakhte hue, sampoorn banne ki shubh aasha rakhte hue,sada purooshaartha mein vyasta,purooshaartha mein samay jyaada aur praapti ke samay kam anubhav karne vaale, kisi-na-kisi samasya ka saamna karne mein hi jyaada samay lagaane vaale, mushkil ko sahaj banaane mein lagne vaale - aise bachche bahut samay yuddhasthal mein hi svayan ko anubhav karne vaale hain, ati-indriy sukh ke jhoole mein arthaat praapti ke anubhav mein kam samay rahne vaale। aise bhi bahut dekhe।

pahle number ke chaatrakon ki sthiti sada yahi rahi jo paana tha, woh pa liya। ab samay bhi baaki thoda raha hai। doosre number vaale jo serviceable,knowledgeful jyaada, powerful kam the unki sthiti yeh rehti hai ki pa liya hai, mil raha hai aur nishchay hai ki pa hi lenge। khushi ke jhoole mein jhoolte hain lekin beech-beech mein jhoole ko tej jhulaane ke liye koi aadhaar ki aavashyakta hai। woh aadhaar kya hai? koi anya dvaara ki hui service prati himmat,ullaas dilaane vaala ho arthaat ‘bahut achha’aur ‘bahut achha’ karne vaala ho। nahin to khushi ka jhoola jhoolte-jhoolte rook jaata hai। to rooke hue ko chalaana chaahiye। pahli stage vaalon ka automatic jhoola hai।

teesri stage vaalon ki sthiti-kabhi praapti va vijay ke aadhaar par ati harshit aur kabhi baar-baar yuddha ki paristhiti mein thakaavat anubhav karne vaale। kisi-na-kisi saadhan ke sahaare par svayan ko thode samay ke liye khush anubhav karne vaale - kabhi khush, kabhi shikaayat। kya karoon, kaise karoon, kar to raha hoon itni mehnat kar raha hoon, meri takdeer hi aisi hai, drama mein mera aisa hi part noondha hua hai aur kalpa pahle itna hi hua tha aise kabhi ooncha, kabhi neecha isi seedhi par chadhte-utarte rehte hain। aise teen prakaar ke bachche dekhe। samay ke pramaan vartamaan sthiti har samay sarva-praapti ke anubhav ki honi chaahiye। ab yeh last samay yuddha mein nahin lekin sada vijayeepan ke nashe mein rehna chaahiye। kyonki baap ne sarva-shaktiyon ka master bana diya hai, svayan se bhi shreshtha praapti ka adhikaari bana diya hai। aise master va sarva adhikaari doosri va teesri stage ke anubhav mein nahin lekin first stage ke anubhav mein rahne chaahiye। videshi group jo last is fast kahlaate hain। fast is first kaha jaata hai। to jo bhi videshi group aaya hai woh sab first stage vaale ho na?first stage arthaat sada anubhvi moortta। har second anubhav mein magna rahne vaale,aisa hai na?kabhi aur abhi kahne vaala nahin। kabhi yeh hota aur kabhi woh hota - yeh nahin। sada ek ke ras mein rahne vaale aur ek ke dvaara sarva anubhav paane vaale - usko kaha jaata first hai। baapdaada ko bhi aise last so fast vaale bachchon par naaz hai। har- ek ke mastak ki takdeer ki lakeer baapdaada to dekhte hain na - ki har ek bachche ka bhavishya kya hai? bhavishya ko dekh harshit hote hai। abhi ke aaye hue group mein bhi achhe ummeedvaar bachche hain। jo vishwa ke deepak ban baap-samaan anekon ko raasta bataane ke nimit banenge। abhi to vishesh videshiyon ke arth hain na? kuchh yahaan baithe hain sammukh aur kuchh videsh mein din-raat isi hi yaad mein rehte। woh kya anubhav kar rahe hain - jaise radio va T.vi. mein koi vishesh programme aana hota hai to sab apna-apna switch on karke rakhte hain। sabka attention us ek taraph hi hota hai। aise hi videsh mein chaaron or bachche apni smriti ka switch on karke baithe hain। sabka sankalp yahi ek madhuban ki smriti ka hai। door hote hue bhi kai bachche baap ko is sangathan mein sammukh dikhaai dete hain। achha।

aise saakaar roop mein sammukh baithne vaale va aakaari roop mein buddhiyog dvaara sammukh baithe hue aise sada vijayi swaroop, ateendriy sukh ke jhoole mein jhoolne vaale,praapti-swaroop,sarva vardaanon ke adhikaari, vishwa dvaara sada satkaari aur vishwa prati sada kalyaani, aise vishwa ke deepkon ko, baapdaada ke diltakhtansheen bachchon ko baapdaada ka yaad-pyaar aur namaste।

is murli ka saar

1. pahle number ke chaatrakon ki sthiti sada yahi rehti hai ki jo paana tha,woh pa liya। ve sada jhoole mein jhoolte rehte hain।

2. samay ke pramaan, vartamaan sthiti har samay sarva praapti ke anubhav ki honi chaahiye। kyonki baap ne tumhein sarva shaktiyon ka master bana diya hai।