Avyakt murli for Tuesday 9 December 1975

>

09-12-75 om shanti avyakt baapdaadaamdhuban

mahaaveer arthaat vishesh aatmaon ki visheshtaaen

vishesh purooshaartha se vishesh anubhvi banaane vaale vishesh aatmaon ke prati shiv baba bole:-

mahaarthi arthaat mahaaveeron ka sangathan। mahaaveer arthaat vishesh-aatma। aise mahaaveer, vishesh aatmaon ke sangathan ki visheshta kaun-si hoti hai? vartamaan samay vishesh aatmaon ki visheshta yeh honi chaahiye jo ek hi samay sabki ek-ras, ek-tik sthiti ho। arthaat jitna samay, jis sthiti mein thaharna chaahe, utna samay, us sthiti mein sangathit roop mein sthit hon - sangathit roop mein sabke sankalp roopi anguli ek ho। jab tak sangathan ki yeh practice nahin hai, tab tak siddhi nahin hogi। sangathan mein hi halchal hai, to siddhi mein bhi halchal ho jaati hai। siddhi ki knowledge hai, lekin swaroop mein nahin aate। order mile aur ready। vishesh nimitta bani hui vishesh aatmaon ko hi practical mein laana hai na। abhi order ho ki paanch minute ke liye vyartha sankalp bilkul samaapta kar beejroop powerful sthiti mein ek-ras sthit ho jaao - to aisa abhyaas hai? aise nahin koi manan karne ki sthiti mein ho, koi rooh-roohaan kar raha ho aur koi avyakt sthiti mein ho। order hai beejroop hone ka aur kar rahe hain rooh-roohaan to order nahin maana na। yeh abhyaas tab hoga jab pahle vyartha sankalpon ki samaapti karenge। halchal hoti hi vyartha sankalpon ki hai। to in vyartha sankalpon ki samaapti ke liye apne sangathan ko shaktishaali va ek mat banaane ke liye kaun-si shakti chaahiye ki jisse sangathan powerful aur ek-mat ho jaae aur vyartha sankalp bhi samaapta ho jaayen?

iske liye ek to faith aur samaane ki shakti chaahiye। sangathan ko jodne ka dhaaga hai faith। kisi ne jo kuchh kiya, maano wrong bhi kiya,lekin sangathan pramaan va apne sanskaaron pramaan va samay pramaan usne jo kiya uska bhi zaroor koi bhaav-arth hoga। sangathit roop mein jahaan service hai, vahaan uske sanskaaron ko bhi merciful ki drishti se dekhte hue, sanskaaron ko saamne na rakh ismen bhi koi kalyaan hoga isko saath milaakar chalne mein hi kalyaan hai aisa faith jab sangathan mein ek doosre ke prati ho,tab hi saphalta ho sakti hai। pahle se hi vyartha sankalp nahin chalaane chaahien। jaise koi apni galti ko mahsoos bhi karte hain lekin usko kabhi phailaayenge nahin balki use samaayenge। doosra usko phailaayega to bhi bura lagega। isi prakaar doosre ki galti ko bhi apni galti samajh phailaana nahin chaahiye। vyartha sankalp nahin chalaane chaahiyen balki unhein bhi sama dena chaahiye। itna ek-do mein faith ho! sneh ki shakti se theek kar dena chaahiye। jaise laukik reeti bhi ghar ki baat baahar nahin karte hain, nahin to isse ghar ko hi nuksaan hota hai। to sangathan mein saathi ne jo kuchh kiya usmein zaroor rahasya hoga,yadi usne wrong bhi kiya ho, to bhi usko parivartan kar dena chaahiye। yeh donon prakaar ke faith rakh kar ek-doosre ke samparka mein chalne se, sangathan ki saphalta ho sakti hai। ismen samaane ki shakti jyaada chaahiye। vyartha sankalpon ko samaana hai। beete hue sanskaaron ko kabhi bhi vartamaan samay se tally na karo arthaat past ko present na karo। jab past ko present mein milaate hain, isse hi sankalpon ki queue lambi ho jaati hai aur jab tak yeh vyartha sankalpon ki queue hai, tab tak sangathit roop mein ekras sthiti ho nahin sakti।

‘doosre ki galti so apni galti samajhna’ - yeh hai sangathan ko majboot karna। yeh tab hoga jab ek-doosre mein faith hoga। parivartan karne ka faith ya kalyaan karne ka faith। jaise aatma-gyaaniyon ke siddhi ka gaayan hai, vaise aap sabke sangathan ka ek hi sankalp ho। ek sankalp ki shakti sangathit roop mein na hone ke kaaran bigde hue hain। jaise bigdi hui shakti hai vaise result bhi bigda hua hai। ismen samaane ki shakti zaroor chaahiye। dekha aur suna - usko bilkul sama kar, vahi aatmik drishti aur kalyaan ki bhaavna rahe। jab agyaaniyon ke liye kehte ho - apkaariyon par upkaar karna hai;to sangathan mein bhi ek doosre ke prati raham ki bhaavna rahe। abhi raham ki bhaavna kam rehti hai kyonki aatmik-sthiti ka abhyaas kam hai।

aisa powerful sangathan hone se hi siddhi hogi। abhi aap siddhi ka aahvaan karte ho, lekin phir aapke aage siddhi svayan jhukegi। jaise satayug mein prakriti daasi ban jaati hai, vaise siddhi aapke saamne svayan jhukegi। siddhi aap logon ka aahvaan karegi। jab shreshtha knowledge hai, stage bhi powerful hai to siddhi kya badi baat hai?alpakaal vaalon ko siddhi praapta hoti hai aur sadaakaal sthiti mein rahne vaalon ko siddhi praapta na ho,yeh ho nahin sakta। to yeh sangathan ki shakti chaahiye। ek ne kuchh bola, doosre ne sveekaar kiya। saamna karne ki shakti brahman parivaar ke aage use nahin karni hai। vo saamna karne ki shakti maaya ke aage use karni hai। parivaar se saamna karne ki shakti use karne se sangathan powerful nahin hota। koi bhi baat nahin janchati to bhi ek-doosre ka satkaar karna chaahiye। us samay kisi ke sankalp va bol ko kat nahin karna chaahiye। isliye ab samaane ki shakti ko dhaaran karo।

jaise saakaar baap ko dekha। authority hote hue bhi baap ke aage bachche to chhote hi hain, rachna hain - lekin rachna hote hue bhi bachchon se regard ke bol bolte the। kabhi kisi ko bhi kuchh nahin kaha, authority hote hue bhi authority ko use nahin kiya to aapas mein bhaai-behen ke naate aapko kaisa hona chaahiye?

sangathit roop mein aap brahman bachchon ki aapas ke samparka ki bhaasha bhi avyakt bhaav ki honi chaahiye। jaise pharishte athva aatmaayen aatmaon se bol rahi hain! kisi ki suni hui galti ko sankalp mein bhi sveekaar na karna aur na karaana hi chaahiye। aisi jab sthiti ho tab hi baap ki jo shubh kaamna haisangath na ki, woh practical mein hogi। ek bhi powerful sangathan hone se ek-doosre ko kheenchate hue 108 ki maala ka sangathan ek ho jaayega। ek-mat ka dhaaga ho aur sanskaaron ki sameepta ho tab-hi maala bhi shobhegi। daana alag hoga ya dhaaga alag-alag hoga to maala shobhegi nahin।

ab pratyakshata varsha manaane se pahle svayan mein va nimitta bane hue sevaadhaariyon ke sangathit roop se yeh shakti bhi pratyaksha honi chaahiye। agar svayan mein hi shakti ki pratyakshata nahin hogi, to baap ko pratyaksha karne mein jitni saphalta chaahte ho, utni nahin hogi। draamaanusaar hona hai, woh to ho hi jaata hai। lekin nimitta bane hue ko nimitta banne ka phal dikhaai de, woh nahin hota। bhaavi kara rahi hai।

isliye sangathit roop mein, aise vishesh purooshaartha ki len-den aur yaad ki yaatra ke programme hone chaahien । vishesh purooshaartha athva vishesh anubhvon ki aapas mein len-den ho। aisa sangathan paandavon ka hona chaahiye। aise vishesh yog ke programme chalte rahe to phir dekho vinaash jvaala ko kaise pankha lagta hai। yog- agni se vinaash ki agni jalegi। woh hai vinaash-jvaala,yeh hai yog jvaala। jo jvaala se jvaala prajvalit hogi। aap logon ke yog ka saadhaaran roop hai to vinaash jvaala bhi saadhaaran hai। sangathan powerful ho। jaise jab koi cheej banti hai to usmein paani chaahiye,ghi chaahiye aur namak bhi chaahiye,nahin to woh cheez ban na sake। vaise har-ek mein apni-apni visheshta hai lekin yahaan to sarva ki visheshtaaon ka sangathan chaahiye। kyonki samay bhi ab challenge kar raha hai na। achha!

is murli ka saar

1. sangathan mein halchal hone se hi siddhi mein bhi halchal ho jaati hai। sangathit roop se sabki sthiti ki sankalp roopi anguli ek hone se hi siddhi hogi।

2. vyartha sankalpon ki samaapti ke liye, apne sangathan ko shaktishaali va ek-mat banaane ke liye ek to ek-doosre mein faith aur doosra samaane ki shakti ki aavashyakta hai।

3. saamna karne ki shakti brahman parivaar ke aage nahin, maaya ke aage use karni hai। parivaar mein saamna karne ki shakti use karne mein sangathan powerful nahin hota।

4. jaise koi cheez banaane ke liye ghi, namak aur paani sab kuchh chaahiye vaise hi har-ek mein apni-apni visheshta to hai lekin sarva ki visheshtaaon ka sangathan chaahiye।