Avyakt murli for Monday 2 February 1976 - 2

>

02-02-76 om shanti avyakt baapdaadaamdhuban

bhakton aur paandavon ka potaamel

bhakton ko bhakti ka phal dene vaale bhagwan aur paandavon ko vishwa-parivartan arth shakti, prem aur sahayog dene vaale roohaani baap shiv bole:-

aaj baap-daada apne teen prakaar ke bachchon ka potaamel dekh rahe the। teen prakaar kaun-se? ek -- mukh-vanshaavli brahman jo baap-daada ke saath-saath nayi duniya ki sthaapna ke kaarya mein sahayogi hain। doosreõ baap-daada ke, braahmanon ke sumiran mein va pukaarne mein sada masta rahne vaale bhakta। teesre - puraani duniya ke parivartan karne arth nimitta bane hue yaadav। in teenon ke sambandh se sthaapna ka kaarya sampanna hona hai। isliye teenon ke kaarya ka potaamel dekh rahe the। to kya dekha? kaarya-arth nimitta bane hue teenon prakaar ke bachche apne-apne kaarya mein lage hue to zaroor hai lekin teenon hi kaaryakarttaaon ke kaarya mein jab tak teevrata mein ati nahin hui hai tab tak ant nahin ho sakta। kyonki ant ki nishaani ati hai। teenon mein hi kaarya ka force hai, lekin full force (Full Force) hi kaarya ke course ko samaapta karega।

bhakton ke potaamel mein bhakti ke alpakaal ka phal jo bhakton ko praapta hota hai usmein dekha ki 75% bhakta sirf apne naam, maan aur shaan prati svaartha swaroop ke bhakta hain। isliye unke karma ke phal ka khaata samaapta hua pada hai। baap ko phal dene ki aavashyakta nahin। baaki 25% bhakta nambarvaar lagan pramaan bhakti kar rahe hain। unki bhakti ka phal isi puraani duniya mein praapta hona hai kyonki bhakti ka khaata ab aadha kalpa ke liye samaapta hona hai। uski gatividhi kya dekhi ki bhakton ko bhi apni bhakti ka phal - abhi-abhi kiya,abhi-abhi mila। arthaat alpakaal ki lagan ka phal abhi hi alpakaal mein praapta ho jaata hai, bhavishya jama nahin hota। bhakton ki praapti ka roop aise hai ki jaise baarish ke mausam mein cheentiyon ko pankh lag jaate hain aur ve bahut khushi mein udne lag jaati hain। lekin woh alpakaal ki udaan usi season(Season) mein hi unko samaapta kar deti hai। vahaan hi praapti aur vahaan hi samaapti। vaise hi ab ke bhakta arthaat kaliyugi tamopradhaan bhakta alpakaal ke phal ki praapti mein khush ho jaane vaale hain। isliye unke phal ki praapti ka kaarya drama anusaar jaise samaapta hua hi pada hai। sirf 5% praapti ka kaarya ab raha hua hai,jo ab ati arthaat full force se chillaayenge। usmein bhi vishesh shaktiyon ko pukaarenge ki - ‘‘vardaan do,shakti do,saahas aur himmat do।’’abhi yeh ati mein jaakar phir samaapta hone vaala hai। to bhakton ke potaamel ka register samaapta hua hi pada hai। jo thoda-bahut raha hai woh abhi-abhi karma aur abhi-abhi phal ke roop mein samaapta ho jaavega। yeh tha bhakton ka samaachaar।

doosra - yaadav-sena ka samaachaar। unke potaamel mein kya dekha? har kadam par unke question-marks (?) dekhe। speed (Speed) tej karne ke bahut chaatrak dekhe। lekin jitna speed ko tej karte,utna hi question-mark ki deevaar baar-baar aane ke kaaran speed (Speed) ko teevra nahin kar paate। question marks kaun-se?ek to aarambha kaun kare - main karoon ya woh kare? doosra - ab karen ya kab karen? teesra- iski result kya hogi? kabhi krodh-agni prajvalit hoti, kabhi phir ‘kya hoga’ ka sankalp roopi paani chheente samaan agni sheetal kar deta hai। chautha question (Question) yeh sab karaane vaala kaun, prerak kaun? ismen confuse (Confuse) ho jaate। unki gatividhi kya dekhi? apne aap ko hi nahin samajh rahe hain। hosh aur josh - isi duvidha mein hain। isliye svayan se hi pareshaan ho jaate hain। ekaantavaasi banna chaahte,lekin buddhi ekaagra nahin hoti। isliye baar-baar josh mein aa jaate। bahut teji se plan banaate,full taiyaari bhi kar lete,samay, sena,shastra aur sthaan sab set kar lete hain,aise hi samajhte ki abhi hua ki hua। bahut fast (Fast) taiyaari mein rehte। lekin last practical ke samay mein kanphyoojda (Confused) roopi signal (Signal) lag jaata। isliye unki taiyaari mein sirf prerak ki prerna ke ek second ka pharka hai। intazaam hai lekin us second ki prerna ke intazaar mein hain। unki gatividhi second tak pahunchi hai। intazaam samaapta kar intazaar kar rahe hain। to unka potaamel sampanna taiyaariyon ka dekha। ab sirf ek kaarya mein lage hue hain - refine hai lekin apne vivek dvaara apni taiyaari ko final kar rahe hain। final karne ki ek file abhi rahi hui hai। yeh tha yaadvon ka samaachaar। abhi apna sunne ki ichchha hai?

prerna lene vaale to taiyaar hain lekin prerna dene vaalon ka kya haal hai? vaise kahaavat hai - ‘dene vaala de, lene vaala thak jaaye।’lekin is baat mein lene vaale, na milne ke kaaran thak rahe hain। lene vaale lene ke liye taiyaar hain aur dene vaale svayan mein hi ab tak lage huye hain। to brahma mukhvanshaavli braahmanon ka potaamel kya hua hai?vo jaante hoya sunaayen?braahmanon ke register mein visheshta kya dekhi? vishwa-parivartan va vishwa-kalyaan ki shubh bhaavna majority (Majority) ke paas emerge (Emerge) hai, lekin chalte-chalte jaise yaadvon ki speed question-marks (?) ke kaaran teevra nahin hoti,aise braahmanon ki shreshtha bhaavna ka pratyaksha phal praapta hone vaala hi hota hai to beech mein koi-na-koi royal (Royal) roop ki kaamna shubh kaamna ko merge (Merge) kar deti hai। to braahmanon ki gatividhi mein shubh bhaavna aur royal (Royal) roop ki kaamna -in donon ki kalaabaazi chal rahi hai। jaise pake huye phal ko panchhi samaapta kar dete hain vaise bhaavna ke praapta huye phal ko kaamna roopi panchhi samaapta kar deta hai। to braahmanon ke parivartan karne ki vidhi siddhi-swaroop na banne ka kaaran bhaavna badal ‘kaamna’ho jaana hai। isliye purooshaartha jvaala roop mein nahin hota hai। braahmanon ka jvaala-roop vinaashajvaala ko prajvalit karega। isliye braahmanon ke potaamel mein ab last so fast (Last So Fast) purooshaartha jvaala-roop ka hi raha hua hai। yaadvon ka kaarya jaise sampanna hua hi pada hai,paandavon ka kaarya sampanna hone vaala hai। paandavon ke kaaran yaadav rooke hue hain। paandavon ki shreshtha shaan,roohaani shaan ki sthiti yaadvon ke pareshaani vaali paristhiti ko samaapta karegi। to apni shaan se pareshaan aatmaon ko shanti aur chain ka vardaan do। samjha? teenon ka potaamel suna? achha!

aise jvaala-swaroop sarva vinaashi kaamnaaon ko shreshtha aur shubh bhaavna mein parivartan karne vaale, bhakton ke alpakaal ke antim phal mahaadaani, vardaani roop mein dene vaale daata aur vardaata baap samaan sada dene vaale aur sarva ki manokaamnaaon ko sampanna karne vaale sampoorn pharishta aatmaon ko baap-daada ka yaad-pyaar aur namaste।