Avyakt murli for Wednesday 12 January 1977

>

12-01-77om shanti avyakt baapdaadaamdhuban

‘baalak so maalik’ banne vaalon ke teenon kaalon ka saakshaatkaar

trikaaldarshi shivbaaba har aatma ke teenon kaalon ko dekhte hue bole :-

aaj baap-daada har bachche ke teenon kaalon ko dekh rahe hain। past (Past;bhootkaal) mein aadi kaal ke bhakta hain ya madhyakaal ke?kya bhakti kaal samaapta ho gaya hai? bhakti ka phal - gyaan saagar aur gyaan ki praapti praapta karte hue gyaani tu aatma bane hain,ya ban rahe hain? bhakti ke sanskaar adheenta arthaat kisi ke adheen rehna,maangana,pukaarna,svayan ko sada sampannata se door samajhna, is prakaar ke sanskaar abhi tak ansh maatra mein rahe hue hain, ya vansh roop mein bhi hain? vartamaan samay baap samaan gun, karttavya aur seva mein kahaan tak sampanna bane hain? vartamaan ke aadhaar se bhavishya praalabdha kitni shreshtha bana rahe hain? aise harek ke teenon kaalon ko dekhte hue, ‘baalak so maalik’ banne vaalon ko dekhte hue gun bhi gaate hain,lekin saath-saath kahin-kahin aashcharya bhi lagta hai। apne-aap se poochho aur apne-aapko dekho ki abhi tak bhaktapan ke sanskaar ansh roop mein bhi rah to nahin gae hain? agar ansh maatra bhi kisi svabhaav,sanskaar ke adheen hain, naam,maan, shaan ke mangata (maangane vaale) hain; ‘kya’aur ‘kaise’ke question (Question) mein chillaane vaale, pukaarne vaale, bhakta samaan ‘andar ek baahar doosra’,aise dhokha dene ke bagule bhakta ke sanskaar hain,to jahaan bhakti ka ansh hai vahaan gyaani tu aatma ho nahin sakti, kyonki ‘bhakti hai raat aur gyaan hai din’। raat aur din ikatthe nahin ho sakte।

gyaani tu aatma, sada bhakti ke phal-swaroop, gyaan saagar aur gyaan mein samaaya hua rehta hai, ichchha maatram avidya, sarva praapti swaroop hota hai। aise gyaani tu aatma ka chitra apni buddhi dvaara kheench sakte ho? jaise aapke bhavishya shri krishna ke chitra ko janma se hi taajdhaari dikhaate hain,mukh mein golden spoon (Golden Spoon In Mouth) arthaat janmate hi sarva praapti swaroop dikhaate hain। health (Health), wealth (Wealth), happiness (Happiness) sabmen sampanna swaroop hain। prakriti bhi daasi hai। yeh sab baaten, jo bhavishya mein praapta hone vaali hain, uska anubhav ab sangamayug mein bhi hona hai,ya sirf bhavishya ka hi gaayan hai?sanskaar yahaan se le jaane hain ya vahaan banne hain?trikaaldarshi ki stage abhi hai ya bhavishya mein? sammukh baap aur varse ki praapti abhi hai athva bhavishya mein? shreshtha stage ab hai ya bhavishya mein?abhi shreshtha hai na।

sangamayug ke hi antim sampoorn stage ka chitra bhavishya chitra mein dikhaate hain। bhavishya ke saath pahle sarva praapti ka anubhav sangamayugi braahmanon ka hai। antim stage par taaj, takhta,tilakdhaari,sarva adhikaari moortta bante ho, maayaajeet,prakritijeet bante ho। sada saaksheepan ke takhta nasheen,baap-daada ke dil takhta-nasheen,vishwa-kalyaankaari ke jimmevaari ka taajdhaari,aatma-swaroop ki smriti ke tilakdhaari, baap dvaara mili hui alaukik sampatti - gyaan, gun aur shaktiyaan is sampatti mein sampanna hote ho। single taaj (Single Crown) bhi nahin, double taajdhaari (DOUBLECrown) hote ho। jaise double takhta - dil takhta aur saaksheepan ki stage ka takhta ka takhta hai,vaise jimmevaari arthaat seva ka taaj aur saath-saath sampoorn purity (Purity) light (Light) ka crown (Crown) bhi hota hai। to double taaj,double takhta aur sarva praapti sampanna swaroop golden spoon (Golden Spoon;sone tulya) to kya lekin heere-tulya ban jaate ho। heere ke aage to sona kuchh bhi nahin। ‘jeevan hi heera ban jaata hai’। gyaan ke gahne, gunon ke gahnon se saje-sajaae bante ho। bhavishya ka shrringaar is sangamayugi shrringaar ke aage koi badi baat nahin lagegi। vahaan to daasiyaan shrringaaregi,aur yahaan svayan gyaan-daata baap shrringaarta hai। vahaan sone va heere ke jhoole mein jhoolenge, yahaan baap-daada ki godi mein jhoolte ho, ateendriy sukh ke jhoole mein jhoolte ho। to shreshtha chitra kaun-sa hua? vartamaan ka ya bhavishya ka? sadaiv apne aise shreshtha chitra ko saamne rakho। isko kaha jaata hai - ‘gyaani tu aatma’ ka chitra।

to baap-daada sabke teenon kaalon ko dekh rahe hain ki harek ka praikteekal (Practical;vyavhaarik) chitra kahaan tak taiyaar hua hai?sabka chitra taiyaar hua hai?jab chitra taiyaar ho jaata hai tab darshan karne vaalon ke liye khola jaata hai। aise chaitanya chitra taiyaar ho jo samay ka parda khule? darshan sadaiv sampoorn moorti ka kiya jaata hai,khandit moorti ka darshan nahin hota। kisi bhi prakaar ki kami arthaat khandit moorti। darshan karaane yogya bane ho?svayan ka sochte ho ya samay ka sochte ho? svayan ke peechhe samay ka parchhaai hai। svayan ko bhi bhool jaate ho;isliye master trikaaldarshi ban apne teenon kaalon ko jaante hue svayan ko sampanna-moortta arthaat darshan moorti banaao। samjha?

samay ko ginti nahin karo। baap ke gunon va svayan ke gunon ki ginti karo। smriti divas to manaate rehte ho, lekin ab smriti-swaroop divas manaao। isi smriti divas ka yaadgaar shanti stambha, pavitrata stambha, shakti stambha banaaya hai, vaise hi svayan ko sab baaton ka stambha banaao jo koi hila na sake। baap ke sneh ke sirf geet nahin gaao, lekin svayan baap samaan avyakt sthiti swaroop bano, jo sab aapke geet gaae। geet bhale gaao - lekin jiske geet gaate ho woh svayan aapke geet gaae, aise apne ko banaao।

is smriti divas par baap sneh ka praikteekal roop dekhna chaahte hain। sneh ki nishaani hai - kurbaani। jo baap bachchon se kurbaani chaahte hain, woh sab jaante bhi ho। praikteekal swaroop svayan ki kamzoriyon ki kurbaani। is kurbaani ke man se geet gaao ki baap ke sneh mein kurbaan kiya। sneh ke peechhe kurbaan karne mein koi mushkil va asambhav baat bhi sambhav aur sahaj anubhav hoti hai। ‘ab ka smriti divas samarthi divas ke roop mein manaao’। smriti swaroop samartha swaroop। samjha?baap us din vishesh dekhenge ki kis-kis ne kaun-kaun si kurbaani aur kis percent aur kis roop mein chadhaai hai। majboori se ya mohabbat se,niyam pramaan nahin karna। niyam hai isliye karna hai - aise majboori se nahin karna। dil ke sneh ka hi sveekaar hota hai। agar sveekaar nahin hua to bekaar hua। isliye sunaaya ki ‘bagula bhagat’nahin banna svayan ko dhokha nahin dena। satya baap ke paas satya hi sveekaar hota hai। baaki sab paap ke khaate mein jama hota hai, na ki baap ke khaate mein। paap ka khaata samaapta kar baap ke khaate mein bharo;kadam mein padmon ki kamaai kar padmaapti bano। achha।

aise ishaare se samajhne vaale, samay ko nahin lekin svayan ki sochne vaale,baap ke sneh mein ek second ke dridh sankalp mein kurbaani karne vaale, double taaj, double takhtansheen, gyaani tu aatmaon ko baap-daada ka yaad-pyaar aur namaste।

teachers ke saathah

teachers arthaat sevaadhaari। seva mein saphalta ka mukhya saadhan hai - tyaag aur tapasya। donon mein se agar ek ki bhi kami hai to seva ki saphalta mein bhi itne percent kami hoti hai। tyaag arthaat mansa sankalp se bhi tyaag, sarakmastens(Circumstance;paristhiti) ke kaaran ya maryaada ke kaaran majboori se tyaag baahar se kar bhi lenge to sankalp se tyaag nahin hoga। tyaag arthaat gyaan-swaroop se sankalp se bhi tyaag, majboori se nahin। aise tyaagi aur tapasvi arthaat sada baap ki lagan mein lavleen,prem ke saagar mein samaae hue, gyaan,aananda,sukh,shanti ke saagar mein samaaye hue ko hi kahenge - ‘tapasvi’। aise tyaag tapasya vaale hi sevaadhaari kahe jaate hain। aise sevaadhaari ho na? tyaag hi bhaagya hai। bina tyaag ke bhaagya nahin ban sakta। isko kaha jaata hai teacher। to naam aur kaam donon teacher ke hain। keval naam teacher ka nahin। teacher arthaat position nahin,lekin sevaadhaari। teachers arthaat sabhi ko pojishan dilaane vaali,na ki position samajh usmein apne ko naamdhaari teacher samajhne vaali। jaise kaha jaata hai dena, dena nahin lekin lena hai - aise hi teacher apne pojishan ka tyaag karti hai to yahi bhaagya lena hai। achha।