Avyakt murli for Monday 31 January 1977

>

31-01-77om shanti avyakt baapdaadaamdhuban

bhakton ko sarva praapti karaane ka aadhaar hai- ichchha maatram avidya ki sthiti

saakshaat baap samaan, sada saakshaatkaar moortta, sarva aatmaon ki kaamnaaon ko sampanna karne vaale, sada apne bhaagya ke gungaan karne vaale daata ke samaan sada dene vaale mahaadaani, vardaani aatmaon prati baba bole:-

apne ko highest authority (Highest Authority;oonch te oonch hasti) samajhte ho? apni pyooriti (Purity;pavitrata) ki personality (Personality;vyaktitva) ko jaante ho?apni avinaashi property(Property;sampatti) ko baap dvaara praapta kar sampanna anubhav karte ho? is puraani duniya mein alpa kaal ke had ki padhaai aur had ke pojishan (Position) ki authority samajhte hain, unke aage aap sabhi ki olmaaeeti authority (ALMIGHTY Authority;sarvashaktivaan) behad ki aur avinaashi hai। aisi authority mein sada rehte hue har karma karte ho? baap-daada har bachche ko behad ka maalik banaata hai। behad ki maalikpan mein behad ki khushi rehti hai। apne khushi ke khazaane ko jaante ho na?baap bachchon ke bhaagya ki rekhaaen dekhte hue harshit hote hain ki shreshtha bhaagya banaane vaale koton mein koi-koi aatmaaen hain।

baap bachchon ko dekh jyaada harshit hote hain ya bachche apne bhaagya ko dekh jyaada harshit hote hain? kaun jyaada harshit hote hain? aap aisi shreshtha aatmaaen ho jo aapke har karma charitra ke roop mein gaae jaate hain। har charitra ki abhi tak bhi pooja hoti rehti hai। abhi tak bhi bhakta log aap darshaneey moortiyon ka ek second darshan karne ke liye tadaph rahe hain। aise bhakton ki tadaph anubhav karte ho?bhakton ko prasanna karne ke liye dil mein raham aur kalyaan ki shubh bhaavna utpanna hoti hai?bhakton ko prasanna karne ka saadhan kaun-sa hai, usko jaante ho? bhakton ko aap devtaaon dvaara kya praapta hone ki ichchha hai,isko jaante ho na? bhakton ki sarva praapti karne ka aadhaar ‘bhakton ki bhaavna’ hai। bhakton ko sarva praapti karaane ka aadhaar - aapki ‘ichchha maatram avidya’ ki sthiti hai। jab svayan ‘ichchha maatram avidya’ ho jaate ho, tab hi anya aatmaon ki sarva ichchhaaen poorn kar sakte ho। ‘ichchha maatram avidya’ arthaat sampoorn shaktishaali beej roop sthiti। jab tak master beej roop nahin bante,beej ke bina patton ko kuchh praapti nahin ho sakti। anek bhakta aatmaaen roopi patte jo sookh gae hain, murjha gae hain, unko phir se apne beej roop sthiti dvaara shaktiyon ka daan do। jaise jad chitron ke darshan par bhakton ki queue (Queue;line) lag jaati hain,vaise aapko chaitanya mein bhi apne bhakton ki queue anubhav hoti hai? kya abhi tak bhi bhakton ke pukaar ke geet sunna achha lagta hai? baap-daada jab vishwa ka sair karte hain to bhakton ka bhatakna, pukaarna dekhte aur sunte hain to taras aata hai। aap kahenge ki baap-daada hi saakshaatkaar kara de, aur bhakton ki ichchha poorn kar de। aise sochte ho? lekin drama mein naam bachchon ka,kaam baap ka hai। to bachchon ko nimitta banna hi padta hai। vishwa ke maalik bachche banenge ya baap banega? praja aapki banegi ya baap ki banegi?to jo poojya hote hain unki praja banti hai,unke hi phir baad mein bhakta bante hain। to apni praja ko ya apne bhakton ko ab bhi nimitta ban shanti aur shakti ka vardaan do।

jaise baap bachchon ke aage pratyaksha hue, vaise ab aap ishtadev bhi apne bhakton ke aage pratyaksha hovo। devta va devi arthaat dene vaale, to vidhaata ke bachche vidhaata bano। apne light ka crown (Crown) dikhaai deta hai?ratna jadit taaj is light ke taaj ke aage koi badi baat nahin lagegi। jitna-jitna sankalp, bol aur karma mein pyooriti ko dhaaran karte jaate hain, utna yeh light ka crown spashta hota jaata hai। baapdaada bhi sabhi bachchon ke nambarvaar crown dekhte hain। jaise bhavishya mein raajya ke taaj bhi nambarvaar honge, vaise yahaan bhi nambarvaar hain। to apne number jaante ho? chhota taaj hai ya bada taaj? taaj hai to sabhi ke oopar! jab se baap ke bachche bane,pavitrata ki pratigya ki,to return (Return;badle) mein taaj praapta ho hi jaata hai। sunaaya tha na- almighty authority ke bachche banne se arthaat alaukik janma hote hi taaj,takhta aur tilak janmasiddha adhikaar ke roop mein praapta hota hai। aise apne bhaagya ke chamakte hue sitaare ko dekhte ho?agar sada apne bhaagya aur bhaagya vidhaata ke gun gaate raho to sada gun sampanna ban hi jaayenge। apni kamjoriyon ke gun nahin gaao, bhaagya ke gun gaate raho। ‘prashn se paar ho prasanna chitta raho।’jab tak khud ke prati koi na koi prashn hai,kaise karen?kya kare?tab tak doosron ko prasanna nahin kar sakenge। samjha? ab apna nahin socho, bhakton ka jyaada socho। ab tak lena nahin socho, lekin dena socho। koi bhi ichchhaaen apne prati na rakho lekin anya aatmaon ki ichchhaaen poorn karne ka socho। to svayan svatah hi sampanna ban jaayenge। achha।

aise saakshaat baap samaan sada saakshaatkaar moortta, sarva aatmaon ki kaamnaaon ko sampanna karne vaale, sada highest authority ki sthiti mein sthit, pyooriti ke personality mein rahne vaale, sada apne bhaagya ke gungaan karne vaale, daata ke samaan sada dene vaale mahaadaani,sarva vardaanon se sampanna vardaani, aise mahaan aatmaon ko baap-daada ka yaad- pyaar aur namaste।