Avyakt murli for Monday 27 November 1978

>

27-11-78om shanti avyakt baapdaadaamdhuban

alpakaal ke naam aur maan se nyaare hi sarva ke pyaare ban sakte hain

sadaakaal ke liye ‘‘ichchhaamaatram avidya’’ banaane vaale baap-daada boleh -

aaj baap-daada vishesh bachchon se milan manaane aae hain, jaise bachche nirantar yogi hain arthaat baap ke sneh ke saagar mein sada lavleen hain aise hi baap bhi bachchon ke sneh mein nirantar bachchon ke gun gaate hain - har bachche ki gun maala aur har bachche ke shreshtha charitra ke chitra baap-daada ke paas hain। baap-daada ke paas bahut bada,bahut sundar chaitanya moortiyon ka mandir kaho va chitrashaala kaho sada saamne hai। harek ka chitra aur maala sada baap dekhte rehte hain। kinhon ki maala badi hai,kinhon ki chhoti hai। tum sabko to ek baap ko yaad karna padta - baap-daada ko sarva bachchon ko yaad karna padta - ek ko bhi bhool nahin sakte। agar bhoolen to ulhanon ki maala pahanni pade। to bachche ulhanon ki maala pahnaate baap vijayi maala pahnaate - bahut hoshiyaar hain bachche ! madad lene mein hoshiyaar hain- himmat rakhne mein nambarvaar hain - suna to bahut hai ab baaki kya karna hai। ab to sirf milan manaate rehna hai। jaise abhi ka milan sampanna stage ka anubhav karaata hai aise nirantar milan manaao। sunne ka return sada baap samaan sampanna swaroop mein dikhaao। anek tadapti hui aatmaon ke intazaar ko samaapta karo - sampanna darshaneey moortta ban anekon ko darshan karaao। ab duhkh ashaanti ki anubhooti ati mein ja rahi hai - unhein apni antim stage dvaara samaapta karne ka kaarya ati teevrata se karo। master rachta ki stage par sthit ho apni rachna ke behad duhkh aur ashaanti ki samasya ko samaapta karo - duhkh harta sukh karta ka part bajaao। sukh shanti ke khazaane se apni rachna ko mahaadaan aur vardaan do, rachna ki pukaar sunne mein aati hai! va apni hi jeevan ki kahaani dekhne aur sunaane mein busy ho ! apne jeevan ke karmon ki kahaani jaanne vaale trikaaldarshi bane ho na। to abhi har karma anya aatmaon ke kalyaan prati kaarya mein lagaao। apni kahaani jyaada varnan na karo - mera bhi kuchh karo va mera bhi kuchh suno,mere phaisle karne mein samay do - ab anekon ke phaisle karne vaale bano - harek ke karma gati ko jaan gati sadgati dene ke phaisle karo - facilities (Facilities) na lo - ab to daata bankar do - koi bhi seva prati va svayan prati salvation ke aadhaar par svayan ki unnati va seva ki alpakaal ki saphalta praapta ho jaayegi lekin aaj mahaan honge kal mahaanta ki pyaasi aatma ban jaayenge। sada praapti ki ichchha mein rahenge। nma ho jaae kaam ho jaae iske ichchha maatram avidya swaroop na ban sakenge। jaise baap naam roop se nyaare hain to sabse adhik naam ka gaayan baap ka hai - vaise hi alpakaal ke naam aur maan se nyaare bano to sadaakaal ke liye sarva ke pyaare svatah ban jaayenge। naam aur maan ke bhikhaareepan ka anshamaatra bhi tyaag karo - aise tyaagi vishwa ke bhaagya vidhaata ban sakte। karma ka phal khaane ke abhyaasi jyaada hain - isliye kachcha phal kha lete hain - jama hone arthaat pakne nahin dete। kachcha phal khaane se kya hota hai ? koi na koi halchal ho jaayegi। aise hi sthiti mein halchal ho jaati hai। karma ka phal to svatah hi aapke saamne sampanna swaroop mein aayega। ek shreshtha karma karne ka sau guna sampanna phal ke swaroop mein aayega lekin alpakaal ki ichchha maatram avidya ho। tyaag karo to bhaagya aape hi aapke peechhe aayega। ichchha - achha karma samaapta kar deti hai। isliye ichchha maatram avidya। is vidya ki avidya। mahaan gyaani swaroop hain - ismen jyaada samajhdaar na banna। yeh hona hi chaahiye। mainne kiya,mujhe milna hi chaahiye - isko insaaph na samajhna। mera kuchh insaaph (nyaay) hona chaahiye। bhagwan ke ghar mein bhi insaaph na ho to kahaan insaaph milega - kabhi bhi insaaph maangane vaale nahin banna। kisi bhi prakaar ke maangane vaala svayan ko tripta aatma anubhav nahin karega। to sada sarva praaptiyon se tripta aatma bano। brahman jeevan ka salogan hai apraapta nahin koi vastu master sarva shaktimaan ke khazaane mein। yeh salogan sada smriti mein rakho। ab guhya gyaan ke saath-2parivartan bhi guhya karo। mushkil lagta hai kya? anekon ki mushkil ko sahaj karnevaale ho salvation army ho।

aise sada mahaadaani vardaani alpakaal ki ichchha maatram avidya vaale svayan ke tyaagi sarva ke bhaagya banaane vaale vidhaata, sada sampanna aur santushta rahne vaale, sarva ki samasyaaon ka samaadhaan karnevaale - aise baap samaan mahaan aatmaon ko baap-daada ka yaad pyaar aur namaste।

deedi aur brijendraaji se baatcheet

khilaadi bankar har samay ka khel dekhne mein maza aata hai na। khilaadi ki stage sada harshit mukh rahne ka anubhav karaati hai। kisi bhi prakaar ki koi bhi baat, jisko duniya vaale aapda samajhte hain lekin khilaadi ban khel karne vaale aur khel dekhne vaale aisi aapda ke roop ko bhi khel ko jaise manoranjan anubhav karenge। bade mein badi aapda manoranjan drishya anubhav ho - yeh hai master rachta ki stage। jaise mahaavinaash ko bhi svarga ke get khulne ka saadhan bataate ho - kahaan mahaavinaash aur kahaan svarga ka get! to mahaavinaash ki aapda ko bhi manoranjan ka roop de diya na - to aise kisi bhi prakaar ki chhoti badi samasya va aapda manoranjan ka roop dikhaai de। haay-haay ke bajaae oho! shabd nikle। isko kaha jaata hai angad ke samaan stage। jo yogiyon ki stage log varnan karte hain - duhkh bhi sukh ke roop mein anubhav ho - duhkh-sukh samaan,ninda stuti samaan। yeh duhkh hai, yeh sukh hai - iski knowledge hote hue bhi duhkh ke prabhaav mein nahin aao। duhkh ki bhi balihaari sukh ke din aane ki samjho। isko kaha jaata hai sampoorn yogi। parivartan ki shakti isko kaha jaata hai। dushman ko bhi dosti mein parivartan kar den - dushman ki dushmani chal na sake। dushman ban aave aur balihaar bankar jaave। yeh hai shaktiyon ki mahima। aise shakti sena taiyaar hai! jab vishwa ko parivartan karne ki challenge karte ho to yeh kya badi baat hai - iska sahaj saadhan hai - lene vaala nahin lekin dene vaala daata bano। daata ke aage sab svayan hi jhukte hain। vaise bhi koi cheez do to woh apna sir aur aankhe neeche kar lete hain - nirmaanta dikhaane liye aise karte hain। woh sthool yukti hai aur yahaan sanskaar svabhaav se jhukenge। tab to dushman bhi balihaar jaayenge। to aisi shakti sena taiyaar hai! (brij ko) baambe le aai ho na - baambe ki sena aise taiyaar hai! first chance baambe ko mila hai - to first chance vaale fast bhi chaahiye na! baambe vaalon ko vishesh return dena padega।

(baambe vaale silver jubilee (Silver Jubilee) mana rahe hain) silver jubilee bhale manaao lekin svayan ke sanskaar milan ki jubilee bhi manaao। aisi jubilee mein to baap-daada bhi aa sakte। bhaashan vaali jubilee mein nahin aayenge - sanskaar milan ki jubilee mein aayenge। haan pahle dikhaao - baambe ek egzaampal bane - sada vijayi, sada nirvighna,aisi jubilee manaao। woh jubilee hai logon ko jagaane ke liye

logon ko bhi aajkal anubhav karaane vaale anubhvi moortiyon ki darkaar hai। jaise videsh mein anubhav karaane ka aarambha hua hai - woh anubhav karte hain ki koi roohaani shakti bol rahi hai। aisi lahar bhaarat mein anubhav karaao। aisi silver jubilee sunaao - topic dvaara top ki stage ka anubhav karaao - aisa plan karaao - aisa plan banaao। jaise mandir jaane se hi vritti parivartan ho jaati hai vaise programme mein aate hi kuchh nai anubhooti anubhav karen। alpakaal ke liye karen to bhi alpavaal ki chhaap smriti mein rah jaaegi। samjha - ab kya karna hai। achha –

is murli ka saar-

1. sunne ka return sada baap samaan sampanna swaroop mein dikhaao। anek tadaphti hui aatmaon ke intazaar ko samaapta karo।

2. jaise baap naam roop se nyaara hai to sabse adhik naam ka gaayan baap ka hai-vaise hi alpakaal ke naam se nyaare bano to sada kaal ke liye sabke pyaare svatah ban jaavenge। naam aur maan ke bhikhaareepan ka anshamaatra bhi tyaag karo।

3. ichchha-achha karma samaapta kar deti hai। isliye ichchha maatram avidya bano।