Avyakt murli for Monday 8 January 1979

> > 08-01-79om shanti avyakt baapdaadaamdhuban

sangamayug mein samaanta mein sameep bhavishya sambandh mein bhi sameep aatmaaen

sarva ke vighnon ka vinaash karne vaale roohaani pita shiv baba bole –

aaj baap-daada chaaron or ke videshi aur deshvaasi bachchon ko door hote bhi sanmukh dekh sarva bachchon ko usmein bhi vishesh roop mein videshi bachchon ko ek baat ke liye vishesh shaabaas de rahe hain। kyonki kone-kone mein baap ke chhipe hue bachchon ne baap ko pahchaan nishchay se bahut achha jump lagaaya hai। bhinna-bhinna dharma ke parde ke andar hote hue bhi second mein parde ko hataae baap ke saath sahayogi aatmaaen ban gae, lagan mein aae hue vighnon ko bhi sahaj hi paar kar rahe hain। isliye baap-daada vishesh shaabaas dete hain। aise himmat rakhne vaale bachchon ke saath baap-daada ka sada sahayog hai - har bachche ke saathsaath har karma mein baap ka saath hain - sabhi bachchon ko baap-daada dvaara buddhi roopi lift ki gift mili hui hai। gift to sabko mili hui hai lekin usko kaarya mein laana harek ke oopar hai। bahut powerful aur bahut sahaj lift ki gift hai। second mein jahaan chaaho vahaan pahunch sakte ho। yeh wonderful lift teenon lokon tak jaane vaali hai। jaise hi smriti ka switch on kiya to ek second mein vahaan pahunch jaavenge। lift dvaara jitna samay jis lok ka anubhav karna chaaho utna samay vahaan sthit rah sakte ho - is lift ko vishesh use karne ki vidhi hai amritbele careful ban smriti ke switch ko yathaartha reeti se set karo to saara din automatically chalti rahegi। set karna to aata he na। achhi tarah se abhyaasi ho na। divya buddhi roopi lift saare din mein kahaan atakti to nahin hai। authority hokar is lift ko kaarya mein lagaane se kabhi bhi yeh lift dhokha nahin degi। vartamaan sangamayug ki lift yeh divya buddhi ki lift hai। saath saath bhavishya svarga ke raajya ki gift bhi baap-daada abhi dete hain - svarga ke get ki chaabi baap-daada bachchon ko hi dete hain। chaabi hai adhikaarpan arthaat adhikaari banna। adhikaar ki chaabi se get khula hua hai। to number one adhikaari kaun banta arthaat adhikaar dvaara get pahle kaun kholta usko bhi achhi tarah se jaante ho - lekin akele nahin kholte। udghaatan ke samay aap bhi sabhi honge na। dekhne vaale honge va karne vaale honge! kaun honge! saathi honge na! kam se kam taali bajaane ke saathi to honge na। khushiyon ki pushpa varsha karenge na। baap-daada samay ki sameepta ko dekh har bachche ka baap-daada ke saath kya sameep sambandh hai,dekh rahe hain। ati sameep kaun hai aur sameep kaun hain - aur thoda sa door se dekhne vaale kaun hai। bachchon ka double bhavishya baapdaada ke saamne aata hai। ek sangamayug ka bhavishya arthaat baap samaan banne ka bhavishya aur doosra first janma ka bhavishya arthaat svarga ka bhavishya। yahaan samaanta mein sameep honge aur vahaan sambandh mein sameep honge। jitna yahaan sameepta dvaara sada saath hai utna hi mool vatan mein bhi aisi aatmaaen saath-saath hain। aur svarga mein bhi har dincharya mein sambandh ka saath hai - jaise yahaan tumhi se boloon tumhi se kheloon, tumheen se saath nibhaaoonga vaise bhavishya mein bhi savere se saath bageeche mein khelenge,raas karenge,paathshaala me padhenge, sada milte rahenge aur phir saath-saath raajya karenge। jaise brahma baap sada svaraajya karne vaale arthaat sva adheen nahin lekin sva adhikaari the। aise brahma baap ko follow karne vaale jinhon ka sada sankalp saakaar mein hai ki svaraajya hamaara janmasiddha adhikaar hai, aise svaraajya karne vaale vahaan bhi saath mein raajya karenge। yahaan ke number one regular aur panchual godly student vahaan bhi saath-saath padhenge kyonki brahma baap number one godly student hai- jo yahaan atiindriy sukh ke jhule mein baap ke saath-saath sada jhoolte hain woh vahaan bhi jhoole mein saath jhoolenge। jo yahaan anek praaptiyon ki khushi mein naachte hain woh vahaan bhi saathsaath raas karenge। jo yahaan baap ke gun aur sanskaar ke sameep sarva sambandhon se baap ka saath anubhav karte hain vahi vahaan royal kul ke sameep sambandh mein aavenge - to baapdaada harek ke naynon se donon bhavishya dekhte hain - first janma mein aana hi first number ki praalabdha hai। to videshi bachche sab first janma mein aavenge na। itne sab first mein aavenge! first mein kaun aavenge uski pahchaan vishesh ek baat se karo। woh kaunsi?aadi se ab tak avyabhichaari aur nirvighna honge, vighna aae bhi hon to vighnon ko jump de paar kiya hai va vighnon ke vash hue - nirvighna ka arth yeh nahin ki vighna aae hi na hon - lekin vighna vinaashak va vighnon ke oopar sada vijayi rahe। yeh donon baaten agar aadi se ant tak theek hain to first janma mein saathi ban sakte hain - sahaj maarga hain na। achha –

karnaatak ke bachche bhi aae hain। yeh bhi bhaarat ka videsh hi hai। london se sahaj aa sakte hain lekin yeh bahut mehnat se aate hain। isliye mehnat ka phal pratyaksha baap ka milan hua hai। lagan vaale achhe hain - bachchon ki lagan ko dekh baap bhi harshit hote hain। sada isi lagan ke deepak ko baar-baar attention ke ghrit se avinaashi rakhna। karnaatak ke taraph deep bahut jagaate bhi hain - jaise sthool deepak jagaate rahe vaise ab lagan ka deepak sada jagta rahe। sab apne ko baap ke khushansheeb bachche samajhte ho na - achha aaj to milne ka din hai –

sabhi sikeeldhe bachchon ko shreshtha bhaagya banaane vaale bachchon ko sada svaraajya adhikaari bachchon ko, tilak aur takhtansheen bachchon ko baapdaada ka yaad-pyaar aur namaste।

party se mulaakaat (6-1-79)

1. brahman janma ki mukhya parsanaaleeti hai pyooriti -

sada apne ko man-vaani aur karma mein sampoorn pyooriti ki personality vaale anubhav karte hain? kyonki braahmanon ki parasnaalti hai hi pyooriti to jo brahman jeevan ki personality hai woh apne jeevan mein anubhav karte ho? jitni personality hogi utna hi vishesh aatmaaen gaai jaaengi। mukhya personality pyooriti hai। brahma baap bhi aadi dev va pahla prince kaise bane। is pyooriti ki personality ke aadhaar par one number ki personality ki list mein aae। to follow father hai na। sanskaar hi pavitrata ke hain। brahman janma ke sanskaar hi pavitra hain। isliye aajkal ke braahmanon dvaara hi kisi bhi prakaar ki shuddh va shreshtha kaarya karaate hain। kyonki unhon ko mahaan samajhte hain, shreshthata hi pavitrata hai। to aise brahman jeevan ke niji janma sanskaar apne mein anubhav karte ho। pavitrata janma sanskaar bani hai? jaise koi ke krodh ke sanskaar janma se hote hain to kehte hain chaahte nahin hain, mere janma ke sanskaar hain,aise yeh janma ke sanskaar svatahhi kaarya karte hain। kabhi svapna mein bhi apvitrata ke sankalp nahin aae isko kaha jaata hai pyooriti ki parasnaalti vaale। is parasnaalti ke kaaran hi vishwa ki aatmaaen aaj tak namaskaar kar rahi hain। mahaan aatmaon ko na jaante bhi namaskaar karte hain, saadhaaran ko nahin, to aise mahaan ho na।

2. moh ka beej hai sambandh – us beej ko kat karne se sab shikaayten samaapta - maataayen sab nashtomoha ho na। jab baap ke saath sarva sambandh jod liye to aur kismen moh ho sakta hai kya?bina sambandh ke koi mein moh nahin ho sakta। sada yeh yaad rakho jab sambandh nahin to moh kahaan se aaya,moh ka beej hai sambandh। jab beej ko hi kat kar diya to bina beej ke vriksha kaise paida hoga। agar abhi tak hota hai to siddha hai ki kuchh toda hai kuchh joda hai, do taraph hai। to do taraph vaale ko na manzil milti na kinaara hota। to aise to nahin ho na। sab nashtomoha ho na। phir kabhi shikaayat nahin karna ki kya karen bandhan hain, katta nahin…jahaan moh nashta ho gaya to smriti swaroop svatah ho jaate phir katta nahin mitta nahin yeh bhaasha khatma ho jaati। sarva praapti swaroop ho jaate। sada manamnaabhav rahne vaale man ke bandhan se bhi mukta rehte hain। achha - om shanti।

videshi bhaai bahnon ke saath –

sabhi baap ke sada nearest aur dearest ho? kya samajhte ho apne ko? apni kalpa pahle ki praalabdha spashta saamne hai na। double videshi aatmaon ka nambarvaar is sangamayug ke vishesh paarto mein vishesh part juda hua hai। double videshi bachchon ko baap daada dvaara vishesh vardaan hai, kaun sa?videshi bachche jab se janma lete hain tabhi pahli ghadi mein hi baapdaada dvaara vishesh vardaan sada chhatrachhaaya ke andar rahne ka mil jaata hai jaise bhaarat ke shaastron mein dikhaaya hai,jab shreekrishna ka janma hua to jel mein janma hote hue bhi jab nadi paar kiya to saanp hi safety ke saadhan ban gaye,to videshi bachchon ko vardaan hai ki kaise bhi vaataavran ashuddha hai, kaisi bhi jeevan part dekh rahe hain lekin phir bhi baap ki chhatrachhaaya bachchon ko sada safe rakhti aai hai aur ant tak rakhegi।

2. saath-saath videshi bachchon ko baap ke sada saath ke anubhav ki vishesh madad hai। teesri baat videshi bachchon ko vishesh roop se janmate hi seva ke sanskaar ka sahayog hai। yeh bhi vishesh draamaanusaar part mila hua hai। chauthi baat - yaad ki yaatra mein sahaj hi anubhvon ki khaan praapta hone ka vardaan bhi videshiyon ko praapta hai। to bataao kitne luckiest ho?baapdaada ke sangamayugi vishesh amulya ratna hi jin amoolya ratnon dvaara baap daada vishwa mein aise ratnon ko sempul ke roop mein rakhenge। isliye sada baap aur seva ke sivaae koi bhi baat yaad na rahe। saath ka anubhav karte ho?shakti sena kya samajhti hai?shiv aur shakti sada saath hain na, naam hi hai shakti,shiv shakti nahin। jo shiv shakti hai woh yaad ke sivaae rah nahin sakti। kabhi bhi koi kaarya karo to sada yeh socho ki vishwa seva ke arth nimittamaatra yeh kaarya kar rahe hain, isi ko hi kamal pushpa ke samaan kaha jaata hai to sabhi kamal pushpa ke samaan kaarya karte nyaare aur baap ke pyaare ban kar rehte ho?paandav kamalpushpa ke samaan hain na। yeh laukik kaarya bhi anek aatmaon ko samparka mein laane ka saadhan hai kyonki eeshvareey seva ke liye samparka to banaana hi padta hai na yahi bana banaaya samparka mil jaata hai। isliye double kaarya ke liye direction diye jaate hain। aur jaise samparka aage badhte jaayenge, samparka ki aavashyakta nahin rahegi phir laukik khada ho jaayega alaukik kaarya ke nimitta ban jaayenge। sabhi ki yeh stage aati hai aur sada hai। yeh bhi seva ka chance samajhkar kaarya karo।

Australia party -Australia vaalon ne baap ko pratyaksha karne ka sankalp saakaar mein bahut achha laaya hai। jo anubhav kiya woh anya aatmaon ko bhi karaane ka jo practical roop dikhaaya woh bahut achha। is visheshta ke kaaran Australia ka number baapdaada ke paas number one mein hai। jaise gaayan hai bhaarat ke liye ghar-ghar mandir jaise Australia vaalon ke ghar-ghar mein arthaat jo bhi aane vaale hain, yeh seva ka saboot dene mein ghar-ghar ko mandir banaane mein number one aa rahe hain। to aap sab kon ho gaye? mandir mein rahne vaali chaitanya moortiyaan। aap sab samajhte ho ham number one hain? baap ko bhi khushi hai। aise hi aapko dekhkar sab follow karenge। Australia mein queue sabse pahle lagegi। jaise baap bachchon mein ummeed rakhte hain to aap sabhi ummeedon ke sitaare ho। chaaron or aise aavaaz phailaao jo Australia ka aavaaz। bhaarat mein pahle pahunch jaae। aavaaz tab pahunchega jab bulanda hoga। bulanda aavaaz karne ke liye chaaron or se ek aavaaz nikle ki hamaara baap guptavesh mein aa gaya hai। jaise baap ne aap bachchon ko gupta se pratyaksha kiya vaise aap sabko phir baap ko pratyaksha karna hai। sab shaktiyaan milkar anguli dengi to sahaj hi ho jaayega। bahut achhe-achhe ratan hain। ek-ek ratna ki apni apni visheshta hai। sada apne ko kalpa pahle vaale ratna samajh kar chalenge to vijay ka janma siddha adhikaar praapta ho jaayega vijayi rahenge। achha - om shanti।