Avyakt murli for Tuesday 16 January 1979

>

16-01-79om shanti avyakt baapdaadaamdhuban

tilak, taaj aur takhtadhaari banne ki yuktiyaan

deh se nyaare, dehi roop mein sthit rahne vaale pyaare bachchon ke prati baba bole:-

baapdaada sarva bachchon ke vartamaan aur bhavishya donon ke antar ko dekhte, aaj baapdaada bachchon ke vartamaan ko dekhte hue harshit bhi ho rahe the aur saath-saath kai bachchon ke vichitra chalan ko dekh raham bhi aa raha tha - baap kitna shreshtha banaate hain aur bachche apni hi thodi si gaphlat karne ke kaaran va albelepan ke kaaran shreshtha sthiti se neeche aa jaate hain। aaj baapdaada vishesh roop se bachchon ke bhinna-bhinna prakaar ke hansi ke roop dekh rahe the - brahman janma hote hi baapdaada sangamayugi vishwa seva ki jimmedaari ka taajdhaari banaata। lekin aaj ramneek khel dekha - koi-koi to taaj aur tilakdhaari bhi the lekin koi-koi taajdhaari ke badle kie hue pichhle va abke bhi chhote so bade paap va chalte-chalte ki hui avagyaaon ki gathri sir par thi। koi taajdhaari to koi sir par gathri liye hue the। usmein bhi nambarvaar chhoti badi gathri thi aur koi ke sir par double light ke bajaae,apne brahman jeevan ke sada trustee swaroop ke bajaay grihastheepan ke bhinna-bhinna prakaar ke bojh ki tokri bhi sir par thi। jisko dekh baapdaada ko raham bhi aa raha tha - aur kya dekha! kai bachche anek prakaar ke sahaj saadhan baap dvaara praapta hote hue bhi nirantar buddhi ka connection juta hua na hone ke kaaran sahaj ko mushkil banaane ke kaaran,anek prakaar ke mushkil saadhan apnaane mein thake hue roop mein dikhaai de rahe the। sahaj maarga ke bajaae purooshaartha ke saadhan, hath ke pramaan use kar rahe the। aur kya dekha!

jaise soorya ke aage baadal aane se soorya chhip jaata hai aise baar-baar maaya ke baadlon ke kaaran kai bachche gyaan soorya se kinaare ho soorya ko paane ke liye prayatna karte rehte। kab sanmukh kab kinaare, isi khel mein lage hue hain। saath-saath bachche natkhat hone ke kaaran baap ke yaad ki godi se nikal maaya ki dhool mein deh abhimaan ki smriti roopi mitti mein khelte rehte hain। gyaan ratnon se khelne ke bajaae mitti mein khelte hain। baap baar-baar mitti se kinaara karaate lekin natkhat sanskaaron ke kaaran phir bhi maile ban jaate। koi-koi bachche alpakaal ke sukhon ke aakarshanmay vastuon ki aakarshan mein aakar un hi vastuon mein itne busy ho jaate jo samay aur avinaashi praapti utna samay bhool jaati hai। phir hosh mein aate hain - aise anek prakaar ke vichitra roop bachchon ke dekhe। ab apne aapko dekho mera roop kaunsa hai? baapdaada to har bachche ko sada shreshtha swaroop mein dekhna chaahte hain। taaj ko,diltakhta ko chhod gathri kyon uthaate ho? taaj achha va tokri, gathri achhi lagti hain! teenon ke photo saamne rakho to kaunsa chitra pasanda aavega।63 janma yeh sab wonderful khel khele - ab sangamayug par kaunsa khel khelna hai। sabse achhe te achha khel hai baap aur bachchon ke mele ka khel। baap dvaara mile hue gyaan ratnon se khela। kahaan ratan aur kahaan mitti! ab kya karna hai?bachpan ke albelepan ke va natkhat ke khel bahut samay khele ab to vaanaprastha mein jaane ka samay sameep aa raha hai isliye ab in sab baaton ki samaapti ka dridh sankalp karo - sada taaj,takhta aur tilakdhaari bano। in teenon ka aapas mein sambandh hai। tilak hoga to taaj takhta zaroor hoga। apne shreshtha bhaagya, shreshtha praaptiyon ko baar-baar saamne laao - jab sarva praaptiyon ko aur praapta karaane vaale ko sada saamne rakhenge to kabhi bhi maaya se saamna karne mein kamjor nahin banenge। sirf ek baat yaad rakho - sarva sambandhon se har kaarya mein baapdaada sada saath hai। saath chhodne ke kaaran hi yeh vichitra khel khelne padte hain। vishwa ki jimmevaari uthaane vaale baap ka saath hote bhi apne had ki jimmevaari ke bojh ki tokri kyon uthaate ho? kya vishwa ka bojh uthaane vaale aapka yeh chhota sa bojh nahin utha sakte hain kya? phir bhi puraane sanskaar ke vash baar-baar bojh bhi uthaate aur phir thak kar chillaate bhi hain ki ab hamko chhudaao। ek taraph pakadte hain doosre taraph pukaarte hain - chhodo to chhoote - yeh ek second ki himmat anek janmon ke liye anek prakaar ke bojh se chhuda degi। pahlaapahla vaayda baap se kya kiya - yaad hai?mera to ek doosra na koi। jab meraapan hi samaapta ho gaya,ek mera rah gaya to phir had ki jimmevaariyon ka meraapan kahaan se aaya! deh ka meraapan kahaan se aaya। kamjoriyon ke sanskaaron ka meraapan kahaan se aaya - svayan ko gyaani tu aatma kahlaate ho - gyaan swaroop arthaat kehna,sochna aur karna samaan ho। sada samartha hon - gyaani tu aatma ka har karma samartha baap samaan, sanskaar gun aur kartavya samartha baap ke samaan hon - to samartha stage par sthit hone vaale yeh vyartha ke vichitra khel nahin khel sakte। sada milan ke khel mein busy rehte, baap se milan manaana aur auron ko baap samaan banaana - to is varsha kya karenge? 78 varsha bhi beet gaya - aap sab to 76 mein taiyaar the na। vinaash ke saath sthaapna vaale bhi taiyaar the na - yeh abhi ka to extra time mila hai - kislie? svayan ke prati mila hai? is extra samay ka bhi rahasya hai - peechhe aane vaale ulhana na den ki humein bahut thoda samay mila - jaise saude ke peechhe extra roong (ghaata) di jaati hai - vaise drama anusaar yeh samay bhi seva ke prati amaanat roop mein mila hua hai isi amaanat ko baapdaada ki shreshtha mat pramaan use karo - samjha is varsha kya karna hai।

har samay aur sankalp mein svayan ko vishwa seva mein itna busy rakho jo yeh sab vyartha ke khel svatah samaapta ho jaaen - yeh result baapdaada dekhne chaahte hain।

achha –

sada sankalp aur second ke bhi trustee samajhne vaale, ‘ek baap mera aur nahin koi mera’aise behad ke samartha sankalp vaale, sada vishwa kalyaan ke sankalp mein busy rahne vaale, baap samaan samartha sanskaar vaale,vyartha ko baap ke saath se sada ke liye vidaai dene vaale, aise gyaani tu aatma bachchon ko baap ki baar-baar badhaai ho - saathsaath aise takhtansheen bachchon ko baapdaada ka yaad-pyaar aur namaste।

party se mulaakaat (madraas zone)

sarva ka aakarshan baap ki taraph aakarshit karaane ka saadhan - chamakta hua divya sitaara :-

aapka divya sitaara sada chamakta dikhaai de to sitaare ki chamak sarva ko apne taraph svatah hi aakarshan karegi। koi bhi light ki vastu chalti hui aatmaon ko apne taraph aakarshit zaroor karti hai। yeh to avinaashi sitaara hai, to chamakte hue sitaaron ke taraph sarva ki aakarshan svatah hogi। sitaaron ki taraph aakarshit hona arthaat baap ke taraph aakarshit hona to sada anubhav karte ho ki hamaara aatmik swaroop ka sitaara chamak raha hai! sada chamakta hai va kabhi-kabhi chamakta hai। jab baap dvaara,knowledge dvaara sitaara chamak gaya to abhi bujh to sakta nahin lekin chamka ki percentage kam aur jyaada ho sakti hai,uska kaaran kya? attention ki kami। jaise deepak mein agar sada ghrit daalte rahen। to woh ekras jalta rahega, ghrit kam hua to halchal karega। aise attention kam ho jaata hai to percentage bhi chamak ki kam ho jaati। isliye baapdaada ki shreshtha mat hai roj amritvele saare din ke liye attention rakho। roj amritvele apni dincharya ko sait karo। agar koi bhi programme sait nahin hota hai to uski result kya nikalti? saphal nahin hota, to yahaan bhi agar roj apni dincharya sait nahin karenge to saphalta moorta anubhav nahin kar sakenge। attention rehta bhi hai, lekin aur andar line karo। vahaan attention hoga vahaan kisi bhi prakaar ka tension nahin ho sakta। jaise raat hoga to din nahin ho sakta, tension hai raat, attention hain din। to din aur raat donon ikatthe nahin rah sakte। agar kisi bhi prakaar ka tension hai to siddha hai attention nahin hai। saadhaaran attention aur sampoorn attention mein bhi antar hai। sampoorn attention arthaat jo baap ke gun va shaktiyaan hain woh apne mein ho। baap ke bachche bane to uska proof bhi to chaahiye na। saadhaaran attention arthaat ham hain hi baap ke bachche…। agar itne shreshtha baap ke bachche aur shreshthata na ho to kaun maanega ki yeh shreshtha baap ke bachche hain। to jo baap mein visheshta vahi bachchon mein dikhaai de - isko kaha jaata hai teevra purushaarthi। teevra purushaarthi arthaat sochna aur karna samaan। plan aur practical samaan।

2. aapka svadharma hai yaad aur karttavya hai seva :- sabhi sada yaad aur seva isi mein tatpar rehte ho? jo sada yaad aur seva mein lage hue hain unhon se maaya bhi sada ke liye namaskaar karke kinaara kar leti hai। maaya bhi jaanti hai ki yeh sada busy rahne vaale hain to disturb nahin karti। khaali rahne vaalon ko disturb karti hain। to sada busy raho phir maaya aa nahin sakti। yaad se apna bhavishya banaate,seva se auron ka bhi aur apna bhi। to yaad hi aapka svadharma hai aur seva karna hi aapka karttavya hai।

3. chadhti kala ki nishaani - sampoorn manzil sameep dikhaai de :- sada har karma mein chadhti kala ka anubhav karte hain? kadam aage badhaaya arthaat chadhti kala hui। har kadam mein chadhti kala hone se sampoorn stage tak bahut jaldi pahunch jaayenge। chadhti kala vaale ko sada apni sampoorn stage arthaat manzil spashta dikhaai degi। jitna jis vastu ke nazdeek jaate hain utna hi woh vastu spashta dikhaai deti hai, spashtata hi sameepta ki nishaani hai। abhi samay hai teevra purooshaartha ka,daud lagaane ka samay ab aa gaya, ab high jump lagaao। samay kam hai aur manzil oonchi hai। high jump dene ke liye double light chaahiye। bina double light bane jump nahin de sakte।

4. har karma ko shreshtha banaane ka saadhan - follow father :- jaise saakaar baap ke oopar itni jimmevaari hote hue bhi sada double light dekhi - uske antar mein to aapke paas bhi to kuchh bhi jimmevaari nahin hai, apne ko sada nimitta samajhkar chalo, jimmevaar baapdaada hain aap nimitta hain, nimitta samajhkar chalne se double light ho jaayenge। baap bhi itni badi javaabdaari sambhaalte hue nimitta samajhkar chale, to follow father। har karma karne ke pahle chaik karo ki follow father hain? isse har karma ati shreshtha hoga। shreshtha karma ki praalabdha automatically shreshtha hogi। baap ko kaapi karo to bhi baap samaan ban jaayenge। samaan banne vaale hi sameep ratan bante hain।

5. deh se nyaare dehi roop mein sthit rahne vaale hi baap ke pyaare :- sabhi apne ko deh se nyaare aur baap ke pyaare anubhav karte ho? jitna deh se nyaare bante jaayenge utna hi baap ke pyaare banenge। baap pyaara tab lagta hai jab deh se nyaare dehi roop mein sthit hote। to sada isi abhyaas mein rehte ho?jaise paandavon ki guphaayen dikhaate hain na,to guphaayen koi aur nahin hain, lekin paandav inheen guphaaon mein rehte hain। isi ko hi kaha jaata hai antarmukhta। jaise gupha ke andar rahne se baahar ke vaataavran se pare rehte hain aise anturmukhi arthaat sada deh se nyaare aur baap ke pyaare rahne ke abhyaas ki gupha mein rahne vaale duniya ke vaataavran se pare hote, woh vaataavran ke prabhaav mein nahin aa sakte। jo baap ka pyaara hoga woh nyaara zaroor hoga-kyoki jisse pyaar hai woh jaisa hoga vaisa hi banega। baap sada nyaara hai to jo baap ka pyaara hoga woh bhi sada nyaara hoga। to sada nyaare raho yahi abhyaas chalta rahe iske sivaae neeche nahin aao।

nairaabi party se mulaakaat :- sabhi apne ko koton mein koi aur koi mein bhi koi aisi mahaan aatma samajhte ho? jitna apne ko mahaan arthaat shreshtha aatma samjhenge utna har karma svatahhi shreshtha hoga। kyonki jaisi smriti vaisi sthiti svatah hi hoti hai। jaise anubhvi ho ki aadha kalpa deh ki smriti mein rahe to sthiti kya rahi? alpakaal ka sukh aur alpakaal ka dukh। to sada aatmik swaroop ki jab smriti rahegi to sadaakaal ke sukh aur shanti ki sthiti ban jaayegi। aisi smriti rehti hai? achha - aapka occupation hai patit paavni - is smriti se sahaj maayaajeet banenge :- aap sab sada saagar se sambandh rakhne vaali gyaan nadiyaan ho jismen anek aatmaayen gyaan snaan kar paavan banti hain to paavan banaane ki seva mein sada tatpar rehte ho? nadiyon ka mahatva tab hai jab saagar se sambandh hai,agar saagar se sambandh nahin to nadi bhi naala ban jaati। to aap chaitanya gyaan nadiyon ka hi gaayan hai patit paavni,isi seva mein sada busy raho। maaya ka vaar hona arthaat khaali hona। busy rehna arthaat maaya ke vaar se bach jaana। to sada busy rehte ho ya bahut samay ki saathi ke oopar raham aata hai jo use bhi chance de dete hon! jiska jo occupation hota woh kabhi bhoolta nahin। aapka occupation hi hai patit paavni to apna occupation na bhoolna hai, na chhodna hai to maayaajeet ban jaayenge। sada ke maayaajeet hi baap ke diltakhtansheen bante hain। haar khaana arthaat takhta se neeche aana। agar koi haar khaale to takhta thoda hi milega। to yahaan bhi maaya se haar khaana arthaat takhta se neeche aana।

teachers ka occupation hai sada santushtata ki khaan rehna aur sarva ko santushta banaana :- teachers to hain hi sada santushta। teachers arthaat sarva ko santushta banaane ki seva par upasthit। jitna svayan sampanna honge utna auron ko bhi bana sakenge। teachers ki visheshta hi hai har baat mein santushta। santushta bhi tab rah sakenge jab sada baap ke gunon aur karttavya mein samaan banenge। sada yeh chaik karo ki jo baap ka gun vahi mera hai, jo baap ka karttavya vahi mera karttavya hai। aise chaik kar chalne vaale sada santushta rehte bhi hain aur sarva ko bhi banaate hain। teachers arthaat santushtata ki khaan। sada sampanna, khaan ke samaan akhut ho। yahi teachers ka akyoopeshan hai।

vidaai ke samay :- kitni 18January aa gai? 10 varsha samaapta ho gae uska result kya?vaise bhi 10 varsha to koi kam nahin hain। saakaar ke 42-43varsha aur avyakt ke 10 varsha, to50 se oopar chale gaye na। to uski result kya? result chaahiye - parivartan। jo agle varsha ki baaten hain woh is varsha mein nahin honi chaahiye। to naveenta kya aai? jaise madhuban mein jo aate hain unhon se poochhte hain kya chhoda kya paaya। to is varsha ki result mein bhi dekho kya-kya chhoda kya paaya। kya-kya vardaan paaye, kya-kya vyartha chhoda। donon ki result dekho। new year manaate hain, jab varsha naya hua, naya varsha arthaat naveenta bhara hua। iski aapas mein result nikaalna। total mejoriti bhi kahaan tak apne mein parivartan samajhte hain। isliye baap-daada ne pahle bhi kaha ki result lene ke liye aayenge to woh result kya hui? seva vriddhi ko pa rahi hai, sevaadhaari aatmaayen svayan ke purooshaartha mein kya vriddhi pa rahi hain, donon ka balance jab samaan hoga tab samaapti hogi। sabhi sada sangamayug ke shreshtha bhaagya ko sumiran kar haarshit rehte ho? sangamayug ka bhaagya aur koi bhi yug mein pa nahin sakte। sangamayug ka ek-ek second ati bhaagyashaali hai। ek second kai janmon ka bhaagay banaane ke nimitta banta hai। to aise shreshtha bhaagya ko sada yaad rakhte, andar mein bhaagya ko dekh karke sada khushi mein naachte raho। vaah mera bhaagya - aise andar ki khushi baahar dikhaai deti hai doosre bhi dekhne vaale anubhav karen ki inhon ko kuchh mila hai, kuchh paaya hai। aise sada khush raho। sada attention rakho to maaya khushi ka khazaana chheen nahin sakti।achha - om shanti।