Avyakt murli for Monday 5 February 1979

>

05-02-79om shanti avyakt baapdaadaamdhuban

‘‘madhuban nivaasiyon ke saath baap daada ki rooh roohaan’’

aaj vishesh yaadgaar bhoomi, jiski mahima aaj bhi bhakta log kar rahe hain aise mahaan bhoomi va mahaan teertha sthaan par rahne vaale vishesh bhaagyashaali aatmaon se milne aaye hain। jaise bhoomi samartha hai,jis bhoomi mein aane se anek aatmaon ka vyartha samaapta ho jaata hai - sab samartha ban jaate hain, anek prakaar ke anubhvon ka khazaana sahaj praapta kar lete - aisi bhoomi jis dvaara jo vardaan chaahen woh vardaan yaad aur bhoomi ke aadhaar se sahaj hi pa sakte hain। aisi bhoomi ke nivaasi svayan kya honge! bhakta log is divya bhoomi ke va shreshtha sthaan ke darshan ke liye ab tak bhi tadapte rehte। aise bhoomi par rahne vaale darshaneey moorta hain? jaisa sthaan ka mahatva hai aise hi sthiti bhi rehti hai va sthiti se sthaan ki mahima jyaada hai? door rahne vaale sirf madhuban ki smriti se hi samartha ban jaate hain - to madhuban nivaasi kya honge? jaisa mahatva hai vaise hi mahaan hain?madhuban sthool sookshm praaptiyon ka bhandaara hain - sabhi apni speed aur stage shreshtha samajhte ho? madhuban nivaasiyon ko jo saadhan hain,sang hain, bhoomi ke mahatva ka sahayog hai, vaayumandal ka sahaj saadhan hai usi pramaan siddhi swaroop hai? varsha beete,yeh varsha bhi beet gaya, naya varsha chaalu ho gaya iska bhi maas poora ho gaya - ek maas ki reejalta me bhi anubhav kya raha। chadhti kala ka anubhav raha?har kadam jama karne vaala arthaat samartha raha -svayan ke prati aur sarva ke prati vighna vinaashak rahe? jabki samay sameep aa raha hai to chaaron hi subject mein marks chaahiye। jaise seva ke liye sabhi ke mukh se ek aavaaz nikalta hai ki sevaadhaari bahut achhe hain, vaise hi gyaan - yog aur dhaarnaayukta bhi hon। jaise total vaayumandal mein svarga ka anubhav karte hain, vaise vyaktigat bhi svargavaale arthaat sarva praapti swaroop anubhav karen। chalte phirte ek do ko pharishta nazar aayen। achha –

is varsha sabhi varga vaalon ko samparka mein laao। aise samparka mein hon jo apni authority se ishaara milte hi sab kaarya sampanna kar den। samay par samparka karte ho, baad mein samparka halka ho jaata hai, abhi samparka badhaao। jaise shuru mein lakshya rehta tha ki harek ka bhaagya zaroor banaana hai, vaise ab lakshya ho ki har varga ki aatmaon ko samparka mein laakar vishesh seva ke arth nimitta banaakar sahayog len। abhi sabhi sthaanon par madhyam quality hai, lekin aakhreen to sab tak pahunchna hai,aisi vishesh aatma nikle jo ek dvaara anekon ko sandesh praapta ho jaae। umang-utsaah paida ho jaae,tab to queue lagegi। is varsha yeh quality ki service honi chaahiye। vishwa pita ka title hai to vishwa mein to variety chaahiye na। naastik bhi hon to bhi samparka mein zaroor aayen। gyaan ko bhi na sunen lekin parivartan dekhkar samparka mein aayen। nai vishwa ke sthaapna ke liye sab prakaar ke beej chaahiye। tab vishwa kalyaankaari ban sakenge। dharma,raajya ke netaayen bhi itna zaroor maanen ki inhon ka parivartan aur jo vidhi hai woh bahut achhi hai। dharma netaayen bhi aise anubhav kar sahayog mein aayenge। achha –

teachers ke saath mulaakaat :-

sabhi teachers vishesh sevaadhaari arthaat baap ko apni vaani dvaara aur karma dvaara pratyaksha karna। pratyaksha karna hi vishesh sevaadhaariyon ka karttavya hai - ab tak jo kiya woh yathaashakti nambarvaar purooshaartha anusaar bahut achha kiya lekin ab tak result mein aatmaon ko yeh anubhav - ki yeh mahaan aatmaayen hain, mahaan jeevan vaali hain yeh anubhav koi-koi aatmaon ne kiya aur varnan bhi karte hain lekin ab baaki kya raha? baap ne jeevan banaakar bachchon ko aage kiya jo jeevan ki mahima karte rehte lekin ab bachchon ka kartavya kya hain?

jo baap backbone hai, guptaroop mein part baja rahe hain, baap ko pratyaksha karna hai, sunaane vaalon ko pahchaante hain,lekin banaane vaala abhi bhi gupta hai to ab banaane vaale ko pratyaksha karna arthaat vijay ka jhanda lahraana hai। vishesh jis samay stage par aate ho us samay svayan bhi baap ke sneh aur praapti mein lavleen swaroop ho - jaise laukik reeti se bheen koi kiske sneh mein lavleen hota hai to chehre se,naynon se,vaani se anubhav hota hai ki yeh lavleen hain - aashuk hai - aise jab stage par aate ho to jitna apne andar baap ka sneh emerge hoga utna sneh ka baan auron ko bhi sneh mein ghaayal kar dega।

bhaashan ki link sochna, points duhraana, yeh swaroop nahin ho lekin sneh aur praapti ka sampanna swaroop ho - authority ho - jis cheez ki authority hote hain unko sochna nahin padta hai। socha hua hi hota hai। stage par aane ke pahle manan karke buddhi mein pahle se hi topic ka spashteekran kar lena chaahiye। us samay is attention mein nahin rehna chaahiye। topic taiyaar hogi to topic ki bhi authority ho bolenge। point ko hi sochte rahenge to authority anubhav nahin hogi। pahle sneh or praapti swaroop ho - doosra jab bolna shuru karte ho to ek andar ki authority aur bol mein pahle dil ki aavaaz se baap ki mahima ho - jaise din hai shivraatri ka - to shivraatri arthaat baap ko pratyaksha karne ka din isi ko hi parmaatma-bomb kaha jaata। jo andar mein samaaya hua hai woh logon ko pratyaksha dikhaai de। yeh hai bomb ka phatna। jaise bomb phatta hai to kya karta hai - sabko agni mein jala deta hai to yeh parmaatma-bomb arthaat sneh ka bomb, sambandh jodne ka bomb - dil ke aavaaz se mahima karne ka bomb - sabhi ko lagan mein magan ki aag mein sabhi ko hila de। jab bomb phatta hai to sab hil jaate hain na। to sabki buddhi ko hilaave yeh kiski mahima hai! yeh kiski authority se bol rahe hain, yeh kya aur kiska sandesh de rahe hain - authority bhi ho, madhurta bhi ho - shabdon ki madhurta ho lekin andar samaai hui authority ho - shabd bhi merciful ki bhaavna ke hon - spashta bhi karte rahen lekin spashta karte hue baap ki mahima karte hue sambandh bhi jodte jaaen। ham yeh kyon kehte,isse kya praapti hoga, ham logon ka anubhav kya hai। ek ghadi ki bhi praapti kya hai। aise beech-beech mein nizi anubhav ka aavaaz lage - sirf bhaashan nahin lage - lagan mein magan moorta anubhav ho - yeh naveenta hai - log kehte hain lekin swaroop nahin bante - aapka bol aur swaroop donon saathsaath hon - spashta bhi hon,sneh bhi ho,namrata bhi,madhurta bhi aur mahaanta bhi ho, satyata bhi ho lekin swaroop ki namrata bhi ho,isi roop se baap ko pratyaksha karna hai। nirbhay ho lekin bol maryaada ke andar hon - donon baaton ka balance ho - jahaan balance hota hai vahaan kamaal dikhaai deti hai aur woh shabd kade nahin, meethe lagte hain to authority aur namrata donon ke balance ki kamaal dikhaao। isko kaha jaata hai baap ki pratyakshata ka saadhan। jaise jhoothe shaastron ki authority vaale bhi kitni authority se bolte hain। jo bilkul asatya baat usko kaise siddha kar bataate hain। na sirf siddha karte hain lekin manvaate bhi hain, satavchan mahaaraaj kahalvaate bhi hain, jab woh jhooth ki authority vaale bhi itna prabhaav daal sakte yeh to anubhav ke bol hain-praapti swaroop ke bole hain - baap se sambandh hai uski baaten hain, to kyon nahin kahalvaayenge va manvaayenge। to ab samjha kya karna hai –

parichay ko poora spashta karna hai - ek point sunaakar baap ke taraph attention khinchavaao, saari points bolkar baap ki mahima ke bol,bol karke baap taraph attention khinchavaao, baar-baar patthar par sneh ka paani daalte jaao tab yeh patthar paani hoga।

aur jitna ho sake silence ka prabhaav ho - roop rekha hi alaukik ho - simple svachchha, roohaaniyat va pyooriti ke vibration hon - sunne vaali jo sahayogi brahman aatmaayen hoti unhon mein bhi vaayumandal ko banaane ka sankalp ho - jaise agarbatti vaayumandal ko parivartan kar deti vaise sab brahman aatmaon ki vritti raham ki vriti agarbatti ka kaam kare - jo aane se hi unko mahsoos ho yeh sabha koi alaukik sabha hai। achha - sneh milan se sneh ki jholi bharkar jaavenge aur phir sabko sneh baant denge। baap ka sneh - aisa sneh swaroop ho jaavenge jo sabko aapke chitra, chalan se baap ka sneh nazar aaye। aisa milan mana rahe ho na। sneh milan arthaat dridh sankalp dvaara svaprivartan aur sab ke parivartan sahayogi banna। yeh hai sneh milan ki visheshta। sneh milan arthaat practical sanskaar milan - jaise milan mein haath milte hain na - yeh milan hain sanskaar milan - agar sabke sanskaar milkar baap samaan ho jaaen - ek hi sabke sanskaar ho jaaen to kya hoga? ek raajya,ek dharma vaali duniya aa jaavegi। yahaan ek hona hi ek dharma ek raajya ki duniya ko laane ka aadhaar banegi। sneh milan arthaat complain khatma aur complete hokar jaaen। ulhane khatma ullaas mein aa jaayen - yeh hai sneh milan।

videshi bhaai bahnon se mulaakaat :-baapdaada sabhi lavleen rahne vaale bachchon ko dekh harshaat hote hain - jo sada lavleen rehte uski nishaani kya hoti? lavleen aatma ko yaad mein rahne ka purooshaartha nahin karna padega। lekin svatah yogi hoga। sivaay baap aur seva ke kuchh dikhaai nahin dega। jab buddhi ko ek hi thikaana mil jaata to buddhi ka bhatakna svatah hi banda ho jaata। lavleen aatma sarva praaptiyon mein rah auron ko praapti karaane mein tatpar hogi। isliye sada maayaajeet hogi - lavleen rahne vaale ho ya mehnat karne vaale ho - videsh mein rahne vaali aatmaon ko vishesh videsh ki sevaaartha yogi jeevan ka anubhav seva mein saphalta moorta bana sakta hai। jitna-jitna apni stage ko powerful banaavenge, powerful arthaat sarva praapti ke anubhvi moorta। tab saphaltaamoorta honge। kyonki din pratidin variety prakaar ki ichchha vaali aatmaayen aapke saamne aavengi to sarva ichchhaaon ko poorn karne vaale tab ban sakenge jab sarva praapti ke anubhvi swaroop honge। aapko sabhi dhoodhne aavenge ki sukh shanti ke master daata kahaan hain! jab apne paas sarvashaktiyon ka stock hoga tab to sabko santushta kar sakenge। jaise videsh mein rivaaj hai ek hi store mein sab cheezen mil jaati। aise aapko bhi banna hai। aise bhi nahin ki sahan shakti ho lekin saamna karne ki shakti nahin। sarvashaktiyon ka stock chaahiye tab saphalta moorta ban sakenge। abhi videsh mein mansa seva ka vaataavran aur bhi powerful banaao। kyonki vahaan ki variety aatmaayen vaayumandal se prabhaavit hongi। pahle vibration unhon ko kheechenga phir knowledge sun sakenge। mansa seva karne ke liye sada ekaagrata ka abhyaas chaahiye। vyartha samaapta ho tab mansa seva kar sakenge। madhuban se mansa powerful service ka anubhav karke aur vahaan ke liye abhyaasi bankar jaao। jo bhi dekhen woh anubhav karen ki yeh shaktiyon ki khaan aaye hue hain। jo shaktiyaan anubhav mein aa gai to anubhav sadaakaal jeevan ka ang hota hai, jyaada se jyaada anubhvon ki khaan bankar ja rahe hain? jaise baap parphaikta hai to bachche bhi baap samaan - koi deephaikta na ho। achha।

sevaadhaari group se baat cheet

sevaadhaari arthaat baap samaan। kyonki baap bhi sevaadhaari bankar aate hain। baap ka swaroop hi hai vishwa sevak। jaise baap vishwa sevaadhaari hai vaise aap sab bhi baap samaan vishwa sevaadhaari ho! shareer dvaara sthool seva karte ho lekin mansa dvaara vishwa parivartan ki seva mein tatpar rehte। tan-man donon mein sevaadhaari। ek hi samay par donon hi ikatthi seva karte ho। aise nahin tan ki seva karte to man ki nahin kar sakte। donon hi ek samay par karne se double praapti hogi। double sevaadhaari hi double taajdhaari bante hain। agar single seva karenge to double taaj nahin milega। karma karte hue chaik karo double seva ke badle single to nahin ho gai। attention rakhte-rakhte sanskaar ban jaayenge। jo mansa aur karmana donon seva saath-saath karte, saakshaatkaar dekhne vaale ko anubhav hoga yeh koi alaukik shakti hai। log svatah hi aapke peechhe honge। isi abhyaas ko aage badhaao। itna abhyaas badhaao jo natural aur nirantar ho jaae।achha –