Avyakt murli for Monday 12 November 1979

>

12-11-79 om shanti avyakt baapdaadaamdhuban

bangaal-bihaar, taamilnaadu tatha videshi bhaai bahnon ke sammukh uchchaare hue mahaavaakya

‘‘aaj chaaron or ke lovely bachchon ke sneh ke saaz amritvele se baap-daada ne sune। sneh ka return, baap-daada door desh vaasi se, avyakt vatan vaasi se,bachchon ke samaan saakaar vatan nivaasi aakar bane। sneh ka swaroop hai samaan banna। to baap-daada samaan swaroop mein sneh ka return (Return) de rahe hain,ab bachchon ko kya return karna hai?jab baap bachchon ke samaan ban sakte hain to bachchon ko bhi samaan banna hai। yahi sneh ka return hai।’’

2. ab is varsha mein kaun-si vishesh samaanta dikhaavenge?samay ki raftaar teevra gati se chal rahi hai। baap-daada ki sarva srishti ki aatmaayen baap-daada aur aap sarva param poojya aatmaon ke prati sankalp dvaara bhinna-bhinna roop se ek arzi rakh rahe hain। us arzi ko poorn karne vaale, aatmaon ki arzi ki aavaaz sunte ho?

amritvele ka mahatva

3. amritvele chaaron or ke tamoguni vaataavran ya vibration ke vaayumandal mein praayah lop sthiti ka samay hota hai arthaat tamogun ka prabhaav daba hua hota hai। aise samay par sahaj hi pukaar aur upkaar hota। pukaar sunna bhi sahaj hai, upkaar karna bhi sahaj hai। vardaan lena bhi sahaj hai aur daan dena bhi sahaj hai kyonki vaataavran vritti ko badalne vaala hota hai। aise samay par, aap sarva vardaani aatmaon ki svayan ki sthiti bhi, baap ki vishesh vardaanon ki chhatrachhaaya ke kaaran, baap ke samaan sampanna aur daataapan ki hoti hai। brahmalok ke nivaasi baap vishesh roop se gyaan-soorya ki light aur might ki kirnen vishesh bachchon ko vardaan roop mein dete hain। isliye is samay ko ‘brahm muhoortta’ka samay kehte hain।

4. kya is samay par aap svayan ka saare din ki shreshtha sthiti va karma ka muhoortta nikaalte ho?jaisa muhoortta nikaalna chaaho woh nikaal sakte ho। saath-saath avyakt vatan-vaasi brahma baap bhaagya-vidhaata ke roop mein is amritvele bhaagya arthaat amrit baantate hain। jitna bhaagya roopi amrit brahma baap dvaara lena chaaho woh le sakte ho। lekin buddhi roopi kalash amrit dhaaran karne ke yogya ho। kisi bhi prakaar ka vighna ya rookaavat na ho। to aise samay par lena aur dena saath-saath chalna hai। vardaani aur mahaadaani donon part saath-saath chalna hai। aisi sthiti mein sthit hone vaali upkaari aatmaon ko, aatmaon ki pukaar bhi spashta sunaai degi। itni spashta sunaai degi jaise kaanon mein koi baat kah raha ho।

pukaar par upkaar kaise?

5. to vartamaan samay sarva ki ek hi pukaar kaun-si hai, woh jaante ho? dhaarmik netaaon, raajnetaaon aur sarvashreshtha science vaale aur saath-saath aam janta ki ek hi pukaar hai ki ab jaldi mein kuchh badalna chaahiye। sarva kshetra ki aatmaayen ab apne ko fail anubhav karne lagi hain। ab koi supreme power chaahiye। is chaahna ka deepak va is aavashyakta ko mahsoos karne ke sankalp ka deepak jag chuka hai। ab usko aur tez karne ke liye aap sarva aatmaon ke sankalp ka ghrit chaahiye jisse sarva ki pukaar ke oopar upkaar kar sako। (aaj do-chaar baar beech-beech mein bijli jaati rehti thi) dekho yeh light bhi shiksha de rahi hai। jaise light ek second mein aati aur chali jaati hai,aise hi aap bhi ek second mein pukaar vaalon ke paas upkaari ban pahunch jaao। aisa abhyaas aane aur jaane ka ho। abhi-abhi pukaar suni aur abhi- abhi pahunche। ab sarva ki pukaar mehnat se chhoot sahaj praapti karne ki hai। science vaale bhi bahut mehnat kar thak gae hain। dhaarmik aatmaayen bhi saadhna karke thak gai hain। raajnaitik log anek dal-badluon ke chakra se thak gaye hain। aur aam janta samasyaaon se thak gai hai। ab sabki thakaavat utaarne vaale kaun?

dropdi ke paanv dabaane ka arth

6. jaise kalpa pahle ke yaadgaar shaastron mein varnan hain ki svayan baap ne dropdi ke paanv dabaaye,to baap samaan upkaari bachche ban sarva aatmaon ki thakaavat mitaao। ab buddhi roopi paanv thak gaye hain, buddhi mein smriti ke switch ko dabaao। yahi buddhi roopi paanv dabaana hai।

7. ab suna is varsha kya karna hai? ek second mein jhalak aur pharishtepan ki falak dikhaao। yahi baap ke sneh ka return hai। anya aatmaon ki samasyaaon ka samaadhaan swaroop banne se svayan ki samasyaayen svatah hi samaapta ho jaavengi। isliye ab samaadhaan swaroop bano। ek varsha mein aisa swaroop parivartan kiya hai na?vishwa-parivartak svayan ke parivartak ban chuke hain na?va abhi bhi banna hai? banna hai va ab vishwa-seva karni hai? ab seva karne ka samay hai, lene ke saath dene ka samay hai। ek hi sankalp mein lena hai aur dena hai। aisi fast speed chaahiye।

antim season aur unki taiyaari

intazaar to kiya lekin intazaam bhi kiya? intazaar kiya baap ke aane ka aur baap aakar kya dekhenge? intazaam। koi aisa intazaam kiya?jaise yahaan sthool season ka intazaam karte ho, sevaadhaari taiyaar karte ho,saamagri taiyaar karte ho ki kisi ko bhi koi takleeph na ho, samay vyartha na ho,kahin queue mein khada na rehna pade, iske liye sab saadhan apnaate ho। yeh to hai braahmanon ki madhuban ki season। lekin ab antim season kaun-si aane vaali hai? sarva aatmaon ki gati-sadgati karne ki season aani vaali hai। uske liye saadhan apnaaye hain?tadaphti hui aatmaon ko queue mein khada karne ka kashta nahin dena hai। aate jaaen aur lete jaaen। tadaphti aatmaaen ek second bhi rook nahin sakengi। haahaakaar kar dengi। aise season ki taiyaari ki hai। mahaarthiyon ko queue mein khada karne nahin dena chaahiye aur loole-langade,aisi aatmaon ko queue mein kya khada karenge! london mein bhi queue lagaavenge kya?foreigners queue mein khade honge? phir kya karenge?ever ready banna padega। bhaarat vaale ya foreign vaale ever ready bane bina master gati sadgati daata nahin ban sakte। jyaada purushaarthi jeevan mein rahne se bhi oopar ab daataapan ki sthiti mein raho। har second check karo ki daata ke bachche daata bane hain? har sankalp aur har second mein daata ban karke chalo। to aap sabka bhi second mein highjump ho jaavega। dene mein beezi honge to maaya bhi busy dekh vaar karne ki bajaae namaskaar karegi। samjha?ab kya karna hai? chaaron or ke bachchon ko jo saakaar roop se bhale door hain lekin sneh se sameep hain, aise snehi aur sameep bachchon ko baap-daada samaan bhav ke vardaan se yaad ka return de rahe hain। (bizli banda) chanchal mein bhi achal। yeh to kuchh bhi nahin hain, antim season ke samay kisi bhi prakaar ke saadhan nahin milenge। abhi to bahut saadhan hain। yeh bhi practice karo ki vaataavran mein halchal ho lekin smriti aur vritti achal ho। zara bhi halchal na ho ki yeh kya hua! yeh practice ho rahi hai? baap-daada ko bhi drama anusaar puraani duniya ki koi to scene scenery dikhaavenge na। achha –

aise sada upkaari, har second master gati-sadgati daata, shaktiyon ke bhandaar se bharpoor, akhut khazaane ke daata,sarva aatmaon ki thakaavat mitaane vaale athak sevaadhaari,aise baap samaan, sameep bachchon ko baap-daada ka yaad-pyaar aur namaste।

videshi bachchon ke saath - sabhi sada ek-ras sthiti mein sthit rehte hue, auron ka bhi ek baap se sambandh judaane mein,sarva praapti karaane mein tatpar rehte ho?ek baap doosra na koi, aisi sthiti nirantar aur natural bani hai ki banaani padti hai? abhyaas karna padta hai ya svatah hi yeh stage rehti hai?kahaan tak pahunche ho? jab parichay mil gaya apna bhi aur baap ka bhi phir baar-baar attention dene ki aavashyakta hai?

maaya-ek khilauna aur shikaar

maaya tang karti hai kya? ab namaskaar karne ka samay hai na ki vaar karne ka। kya abhi tak maaya ka vaar hota hai? samay prati samay jaise stage aage badhti ja rahi hai, ab maaya ka vaar nahin hona chaahiye। agar maaya aaye bhi, to use khel samajhkar dekho। aise anubhav ho jaise saakshi hokar had ka drama dekhte hain। aise is maaya ke khel ka drama dekho to bahut maza aayega, phir ghabraayenge nahin। to aisi stage abhi honi chaahiye। kaisi bhi vikraal roop se maaya aaye lekin aap usko khilauna samjhenge to woh khel ho jaayega। jaise shikaari shikaar karta hai, usmein bhi vaar hota hai, lekin shikaar samajhne ke kaaran woh ghabraata nahin hai। khush hota hai। aap sab bhi maaya ke shikaari ho। shikaari kabhi darte nahin। ghabraate nahin, khush hote hain। is baar madhuban se yeh dridh sankalp karke jaao ki sada khilaadi ban karke khel dekhenge। taaki videsh se maaya vaar karne ki bajaae namaskaar karna shuru kar de। aise videshi sankalp karte hain?ab sabhi taraph se maaya ka vaar samaapta।

teachers ke saath –

teachers arthaat shikshak। baap bhi shikshak ke roop se part bajaate hain। to shikshak baap samaan master world shikshak hue। jaise baap vishwa ka shikshak hai, sirf bhaarat ka nahin hai ya sirf foreign ka nahin,poore vishwa ka hai। aise master shikshak arthaat behad ke shikshak। to jo behad ke shikshak hain unhon ka nasha kya hoga? behad ka nasha,behad ki khushi, behad ki praapti,behad ki praalabdha। to aisi teachers ho na? kyonki jaise baap ka title mila hai to title ke pramaan kartavya aur gun bhi vahi honge na। to behad mein rehti ho? sthiti bhi behad ki। dehaabhimaan-had ki sthiti hui,deheebhimaani banna yeh hai behad ki sthiti। dehaabhimaan mein aayenge to anek prakaar ki haden hain - main female hoon,yeh bhi had hai na। isi prakaar deh mein aane se anek karma ke bandhanon mein had mein aana padta। jab dehi ban jaate ho to ye sab bandhan khatma ho jaate hain। to sthiti bhi behad ki arthaat deheebhimaani rahe।

teachers arthaat behad mein rahne vaali, teachers arthaat bandhanon se mukta rahne vaali। jaise aap log bhi kehte ho bandhan mukta hi jeevanmukta…to jo behad ki sthiti mein rahne vaale honge woh bandhan-mukta,jeevanmukta honge। bhavishya ka jeevanmukti nahin, abhi ki jeevanmukti। is sangamayugi brahman jeevan mein rehte hue vaayumandal,vibration,tamoguni vrittiyaan,maaya ke vaar,in sabse mukta। isko kaha jaata hai jeevanmukta। to teacher arthaat abhi ke jeevanmukta। to aise ho? teacher bhi paribhaasha hi yeh hai। teacher ka title koi kam nahin hai।

teacher banna arthaat baap samaan banna। teacher banna arthaat baap ki gaddi par baithna। to jo jiski gaddi par, kursi par, seat par baithenge, to seat ka karttavya va seat ke qualification prektikal mein laane padenge। to teachers ka kitna mahatva hai। naam ke saath kaam bhi hai। to aise ho? kya samajhti ho? teachers ko dekhkar baap ko vishesh khushi hoti hai kyonki teachers hain baap ki phrendas। jab do phrendas aapas mein milte hain to kitne khush hote hain to teachers hain sabse sameep phrendas। to khushi hogi na?phrendsa bante hi tab hain jab samaan hote hain। to samaan ho na? jo is samay samaan bante hain vahi bhavishya mein bhi brahma baap ke saath-saath sarva jeevan ke vishesh part mein bhi saath rehte hain। jaise phrendsa har kaarya mein sada saath-saath rehte hain na। to jo aise samaan teacher bante hain woh shuru se saath padhenge, saath khelenge aur phir saath mein hi raajya karenge। to aise samaan teachers ho na? vaayda bhi hai saath jiyenge, saath marenge…aur saath hi raajya mein aayenge। itne tak vaayda hai। to aise hi samaan teachers ho?

samaan aur svabhaav

aisi samaan teachers ki vartamaan nishaani kya hogi? sada samaan aatma is samay svamaan mein hogi। samaanta ka svamaan prektikal mein dikhaai dega। jaise baap sada svamaan mein sthit hai isi prakaar samaan aatmaayen bhi svamaan mein hongi। neeche nahin aayengi। har kadam svamaan ka hoga। to svamaan ko dekhne se hi sabke mukh se niklega ki yeh to svamaandhaari baap-samaan hai। svamaan hi unka sinhaasan hoga। bhavishya sinhaasan ke pahle svamaan ke sinhaasan par sada kaayam hongi। sinhaasan se neeche nahin aayengi। aisi ho?baap to harek ko isi shreshtha nazar se dekhte hain। achha - sabhi santushta ho?jahaan bhi ho vahaan santushta ho? sada santushta rehna, yeh bhi teacher ki vishesh qualification hai। teacher ka mukhya gun hi hai - sada santushta rehna aur sada santushta karna। agar koi kahe ki main to santushta hoon,doosron ko santushta nahin kar sakti to yeh bhi teacher ki yogyata ke virooddha hai। teachers ka karttavya hai - santushta karna। agar svayan nahin kar sakti to kisi ke bhi sahayog se karna zaroor hai।

teacher ko to sada vighna-vinaashak ban karke anekon ke vighna-vinaashak banne ka aadhaar banne ke nimitta banaaya hai। koi samasya le karke aaye aur samaadhaan swaroop ban karke jaaen। aisi teachers ho na?

prashn :- aap brahman aatmaayen vishesh aatmaon ki list mein ho?is list mein kaun aate hain?

uttar :-vishesh aatmaon ki list mein vahi aate jinmen koi-na-koi visheshta hai। koi bhi brahman bachcha aisa nahin jismen koi visheshta na ho sabse pahli visheshta to yahi hai jo baap ko jaan liya, baap ko pa liya। koto mein kou aur kou mein bhi koi ne jaana। to baap bhi usi nazar se dekhte hain ki yeh vishesh aatmaayen hain। vishesh aatmaon ko sada khushi ke jhoole mein jhoolna chaahiye। laadle bachche kabhi bhi mitti mein paanv nahin rakhte, aap laadle bachche sada baap ki yaad ke godi mein raho। sab-kuchh karte bhi baap ki god mein raho, neeche na aao।