Avyakt murli for Monday 10 December 1979

>

10-12-79om shanti avyakt baapdaadaamdhuban

punya aatmaon ke lakshan

aaj baap-daada apne sarvashreshtha mahaan punya-aatmaon ko dekh rahe hain।1.punyaatma arthaat har sankalp aur har second apne aur anya aatmaon ke prati punya ka khaata jama karne aur karaane vaali। 2. punya aatma arthaat sada koi-na-koi khazaane ka mahaadaan kar punya kamaane vaali। 3.punya aatma arthaat sada unke naynon mein baap-daada ki moortta aur soorat mein baap-daada ki seerat, smriti mein baap-samaan samartha, mukh mein sada gyaan ratna arthaat sada amoolya bol, har karma mein baap-samaan charitra, sada baap-samaan vishvakal yaankaari vritti, har second har sankalp ke kalyaankaari,merciful kirnon dvaara chaaron or ke duhkh ashaanti ke andhakaar ko door karne vaale।4. punya aatma apni punya ki poonji se anek gareebon ko saahookaar banaane vaale। gyaan-swaroop punya aatma ke ek punya mein bhi bahut taakat hai kyonki direct paramatma-power ke aadhaar par punya aatma hain।

jaise dvaapar ke indirect daan-punya karne vaale sakaami alpakaal ke raajaayen dekhe va sune honge, un raajaaon mein bhi raajya satta ki full power thi। jo order karen, koi usko badal nahin sakta। chaahe kisi ko kya bhi bana den। kisi ko maalaamaal bana den, kisi ko phaansi par chadha den, donon authority thi। yeh hai indirect daan-punya ki satta jo dvaapar ke aadi mein yathaartha roop mein use karte the। peechhe dheere-dheere vahi raajya satta aythaartha roop mein ho gai। is kaaran aakhir ant mein samaapta ho gai। lekin jaise indirect raajya satta mein bhi itni shakti thi jo apni praja ko,parivaar ko alpakaal ke liye sukhi va shant bana dete the। aise hi aap punya aatmaon va mahaadaaniyon ko bhi direct baap dvaara prakriti-jeet,maayaajeet ki vishesh satta mili hui hai to aap almighty satta vaale ho। apni almighty satta ke aadhaar par arthaat punya ki poonji ke aadhaar par, shuddh sankalp ke aadhaar se, kisi bhi aatma ke prati jo chaaho,woh usko bana sakte ho। aapke ek sankalp mein itni shakti hai jo baap se sambandh jod maalaamaala bana sakte ho। unka hukm aur aapka sankalp। woh apne hukm ke aadhaar se jo chhen woh kar sakte hain - aise aap ek sankalp ke aadhaar se aatmaon ko jitna chaahe utna ooncha utha sakte ho kyonki direct parmaatma- adhikaar praapta hua hai - aisi shreshtha aatmaayen ho?lekin ab praiktil mein kyon nahin hota? adhikaar hai,almighty satta bhi hai phir usko use kyon nahin kar paate? kaaran kya hai? yeh shreshtha seva ab tak shuru kyon nahin hui hai?

sankalp shakti ka miss use nahin karo use karo

koi bhi satta ko saari history mein agar use nahin kiya hai uska vishesh kaaran hai apni satta ko misayooz karna। raajaaon ne raajaai ganvaai, netaaon ne apni kursi ganvaai,diktetarsa apni satta kho baithe - kaaran?apne niji kaarya ko chhod aisho-aaraam mein vyasta ho jaate hain। koi-na-koi baat ki taraph svayan adheen hote hain,isliye adhikaar chhoot jaata hai। vasheebhoot hote hain, isliye apna adhikaar misayooz kar lete। aise baap dvaara aap punya aatmaon ko jo har second aur har sankalp mein satta mili hui hai, authority mili hui hai,sarva adhikaar mile hue hain usko yathaartha reeti se satta ki value ko jaante hue usi pramaan use nahin karte। chhoti-chhoti baaton mein apne albelepan ke aish-aaraam mein ya vyartha sochne aur bolne mein miss use karne se jama hui punya ki poonji va praapta hui eeshvareey satta ko jaise use karna chaahiye vaise nahin kar paate। nahin to aapka ek sankalp hi bahut shaktishaali hai। shreshtha braahmanon ka sankalp aatma ke takdeer ki lakeer kheenchane vaala saadhan hai। aapka ek sankalp ek switch hai jisko on kar second mein andhakaar mita sakte ho।

5. punya aatmaon ka sankalp ek roohaani chumbak hai jo aatma ko roohaaniyat ki taraph aakarshit karne vaala hai।

6. punya aatma ka sankalp light house hai jo bhatke hue ko sahi manzil dikhaane vaala hai।

7. punya aatma ka sankalp ati sheetal swaroop hai, jo vikaaron ki aag mein jali hui aatma ko sheetla banaane vaala hai।

8. punya aatma ka sankalp aisa shreshtha shastra hai jo anek bandhanon ki partantra aatma ko svatantra banaane vaala hai।

9. punya aatma ke sankalp mein aisi vishesh shakti hai jaise jantra-mantra dvaara asambhav baat ko sambhav kar lete hain vaise sankalp ki shakti dvaara asambhav ko bhi sambhav kar sakte ho। vasheekran mahaamantra dvaara vasheebhoot aatma ko firefly muaaiphak uda sakte ho।

10. jaise aajkal ke yantron dvaara registaan ko bhi hara-bhara kar dete hain, pahaadiyon par bhi phool uga dete hain। kya aap punya aatmaon ke shreshtha sankalp dvaara na-ummeedvaar se ummeedvaar nahin ban sakta?aise har second ke punya ki punji jama karo। har second har sankalp ki value ko jaan,sankalp aur sekenda ko use karo। jo kaarya aaj ke anek padmapti nahin kar sakte woh aapka ek sankalp aatma ko padmaapadmapti bana sakta hai। to aapke sankalp ki shakti kitni shreshtha hai। chaahe jama karo au karaao, chaahe vyartha ganvaao,yeh aapke oopar hai। ganvaane vaale ko pashchaataap karna padega। jama karne vaale sarva praaptiyon ke jhoole mein jhoolenge। kabhi sukh ke jhoole mein, kabhi shanti ke jhoole mein, kabhi aananda ke jhoole mein। aur ganvaane vaale jhoole mein jhoolne vaalon ko dekh apni jholi ko dekhte rahenge। aap sab to jhoolne vaale ho na। raajasthaan aur yu.pi.vaale aaye hain।

raajasthaan vaale to raajya satta arthaat adhikaar ki satta, eeshvareey satta dvaara sada apne raajasthaan ko registaan se sabz banaane mein, registaan ko gulistaan banaane mein, jangal ko phoolon ka bageecha banaane mein hoshiyaar hain। raajasthaan mein mukhya sthaan mukhya kendra hai। to jahaan mukhya kendra hai woh sab mein mukhya hain na। raajasthaan ko to naaz hona chaahiye,nasha hona chaahiye। raajasthaan se naye-naye seva ke plans nikalne chaahiye। raajasthaan ko koi nai invention karni chaahiye। abhi ki nahin hai। raajasthaan ki dharti ka parivartan karna padega। uske liye baar-baar mehnat ka jal daalna padega। lagaataar ka khaad daalna padega। abhi halka khaad daala hai। achha, doosre din phir yu.pi. ki mahaanta sunaavenge। foreign to ab bhi phauran karne vaale hain। aajkal foreign phauran ho gaya hai। socha aur kiya। yu.pi. ki mahaanta ki maala bhi varnan karenge। abhi taiyaar karna phir doosre din maala pahnaaenge।

aise shreshtha sankalp ki vidhi dvaara aatmaon ki sadgati karne vaale eeshvareey satta dvaara aatmaon ko har vipda se chhudaane vaale, sada punya ki poonji jama karne aur karaane vaale, sada vishwa-kalyaan ke dridh sankalp dhaaran karne vaale,aise sarva shreshtha punya aatmaon ko baap-daada ka yaad, pyaar aur namaste।

teachers ke saath - teachers to sada chadhti kala ka anubhav karti chal rahi ho na? teachers ki visheshta - anubhvi moorta banna। teacher arthaat sunaane vaali nahin lekin teacher arthaat kahne ke saath anubhav karaane vaali। to sunaana aur swaroop mein anubhav karaana - yeh hai teachers ki visheshta। sunaane vaale ya bhaashan karne vaale, classes karaane vaale to dvaapar se bahut bade-bade naameegraami bane lekin yahaan gyaan-maarga mein naameegraami kaun banta hai?bhaashan vaale?jo sunaane ke saath-saath anubhav karaayen। teachers ko vishesh attention mein yahi seva ho ki mujhe, sada jahaan bhi hain vahaan ka aur uske saath behad ka vaayumandal vibrations sada shuddh banaana hai। jaise koi had ki khushbu vaataavran ko kitna badal leti hai, aise teachers ke gunon ki dhaarna ki khushbu, shakti ki khushbu vaayumandal va vibrations ko sada shaktishaali banaaye। teacher kabhi yeh nahin kah sakti ki vaayumandal aisa hai, inke vibrations ke kaaran mera purooshaartha bhi aisa ho gaya। teachers arthaat parivartan karne vaali, na ki svayan parivartan hone vaali। jo parivartan karne vaala hota hai woh kabhi kisi ke prabhaav mein svayan parivartit nahin hota hai। to teachers ki visheshta vaayumandal ko powerful banaana,kamzoron ko svayan shakti- shaali ban shakti ka sahayog dene vaali। dilshikasta ka umang hullaas badhaane vaali। to aisi teachers ho na? yeh hai teachers ka karttavya ya duty। aise svayan sampanna ho jo auron ko bhi sampanna bana saken। agar koi bhi shakti ki kami hogi to doosre bhi usi baat mein kamzor honge kyonki nimitta hain na। teachers ko sada alert aur ever ready hona chaahiye। sthool va sookshm aalasya ka naam-maatra bhi na ho। purooshaartha ka bhi aalasya hota hai aur sthool karma mein bhi aalasya hota hai। purooshaartha mein dilshikasta hote hain to aalasya aa jaata hain। kya karen, itna hi ho sakta hai,jyaada nahin ho sakta। himmat nahin hai, chal to rahe hain, kar to rahe hain। purooshaartha ki thakaavat bhi aalasya ki nishaani hain। aalasya vaale jaldi thakte hain, umang vaale athak hote hain। to teachers arthaat na svayan purooshaartha mein thakne vaali na auron ko purooshaartha mein thakne den। to all-rounder bhi hon aur alert bhi hon।

har kaarya mein sampanna। kabhi-kabhi teachers samajhti hain ki class karaana, intarnal kaarya karna hamaara kaam hai aur sthool seva,woh doosron ka kaam hai, lekin nahin। sthool kaarya bhi intarnal kaarya ki subject hai। yeh bhi padhaai ki subject hai,to isko halki baat nahin samjho। agar karmana mein marks kam hongi to bhi paas with honour nahin ban sakengi। balance hona chaahiye। isko seva na samajhna yeh bhi wrong hain। intarnal seva ka yeh bhi ek bhaag hai। agar pyaar se yogayukta hokar bhojan na banaao to anna ka man par prabhaav kaise hoga। sthool kaarya nahin karenge to karmana ki marks kaise jama hogi। to teachers arthaat speaker nahin,class karaane vaali,course karaane vaali nahin, jaisa samay jaisi subject usmein aise hi roochi poorvak seva mein saphalta praapta karen,isko kaha jaata hai - all-rounder। aise ho na ki intarnal vaali aur hain, eksatarnal vaaleen aur hain। donon ka hi aapas mein sambandh hai।

teachers ko tyaag aur tapasya to sada hi yaad hain na? kisi bhi vyakti ya vaibhav ke aakarshan mein na aayen। nahin to yeh bhi ek bandhan ho jaata hai karmaateet banne mein। to teachers apne aapke purooshaartha mein santushta hai? chadhti kala ki mahsoosta hoti hai? sabse santushta ho sabhi? apne purooshaartha se,seva se phir saathiyon mein,sabse santushta? sabke certificate hone chaahiye na?to sabhi certificate hain। kya samajhti ho? agar aap sachchaai se aur saphaai se santushta hain to baap bhi santushta hai। ek hota hai vaise hi kehna ki santushta hain,ek hota hai sachchaai-saphaai se kehna ki santushta hain। sada santushta! yahaan aai ho, koi bhi kami ho to apne prati ya seva ke prati,to jo nimitta bane hue hain unse len-den karna। aage ke liye chadhti kala karke hi jaana। kami ko bharne aur svayan ko halka karne ke liye hi to aate ho। koi bhi chhoti-si baat bhi ho jo purooshaartha ki speed mein rookaavat daalne ke nimitta ho to usko khatma karke jaana।

raajasthaan zone - paatiyon se mulaakaat :-baap-daada sabhi raazasthaan nivaasi bachchon ko kis nazar se dekhte hain? raajasthaan ke sabhi raaje bachche hain arthaat sva-raajyadhaari hain। ab svaraajyadhaari aur bhavishya mein vishwa-raajyadhaari। jitna svaraajya utna hi vishwa par raajya। jitne yahaan adhikaari bante,utna vahaan bhi bante hain। to sabhi svaraajyadhaari ho? sva par raajya adhikaari banne vaale anya aatmaon ko bhi svaraajya ke adhikaari bana sakte hain। to poora adhikaar praapta kiya hai ki kar rahe ho? apne purooshaartha se apni praarabdha ko samajh sakte ho। bahut samay ka purooshaartha to bahut samay ki praarabdha। baap varsa to sabko ek jaisa dete hain lekin varse ko sambhaalne vaale apni yathaashakti anusaar hi sambhaal sakte hain। laukik mein bhi baap jaaydaada ek jaisi baantate hain lekin use koi alpakaal chalaate, koi bahutkaal। koi ek vansh tak koi anek vanshon tak। to baap yahaan bhi varsa to ek-jaisa dete lekin sambhaalne vaale nambarvaar rhan। to raajasthaan vaale kaun-sa number hain। number one vaale ho? kaise karen? kya karen? aise kahne vaale to nahin ho na? kaise man ko lagaayen,kaise okhon ko ekaagra karen, aisi complaint karne vaale to nahin ho na? adhikaari kabhi ‘kaise’nahin kahenge? adhikaari to order se chalaayenge। adhikaari ko order se hi chalaane ka adhikaar hai। okhe dhokh deti hai aise nahin kahenge, order denge aise dekhna hai। yahi antar hai adhikaari aur adhin mein। kya karen, ho gaya, yeh bol adhikaari kabhi nahin bolenge। to aise adhikaari ho ki kabhi-kabhi vaale ho। agar kabhi-kabhi ke adhikaari honge to kabhi-kabhi jhoole mein jhoolenge। sada baap ke saath atiindriy sukh ke jhoole mein kabhi-kabhi vaale kaise jhoolenge? sada ka vardaan hai kabhi-kabhi ka,gyaan arthaat sada। bhakti mein kabhi praapti kabhi pukaar। lekin gyaan mein sada praapti। yahi to antar hai। to aap sab kaun ho - gyaani ya bhakta। gyaani ko avinaashi baap ka sadaakaal ka varsa hai। abhi tak kami kyon hai uska kaaran kya hai? (albelaapan) samajhdaar to bahut ho,samajhte bhi ho phir kyon nahin karte? albelepan ko samajhte bhi aane kyon dete?

albelaapan na aae uski vidhi kya hai? uski vidhi hai? sada svachintan karo aur shubh chintak bano। svachintan ki taraph attention kam hai, amritbele se lekar svachintan shuru karo aur baar-baar svachintan ke saath-saath sva ki chaiking karo। chainkig nahin karte, chintan nahin karte, isko ek dridh sankalp ki reeti se apne jeevan ka niji kaarya nahin banaate, isliye albelaapan aata hai। jaise bhojan khaana ek niji kaarya hai na, woh kabhi bhoolte ho kya? aaraam karna, yeh niji kaarya hai na, agar ek din bhi 2-4 ghante aaraam kam karenge to chintan chalega neend kam ki। jaise usko itna aavashyak samajhte ho vaise svachintan aur sva ki chaiking,isko aavashyak kaarya na samajhne ke kaaran albelaapan aata hai। pahle woh aavashyak samajhte ho yeh nahin। amritbele roz is aavashyak kaarya ko ri-reephresh karo tabhi saara din uska bal milega। agar phir bhi albelaapan aata to 3. apne-aapko saza do। jo sabse pyaari cheez va katrtavya lagta ho usse apne ko kinaara karo। pashchaataap karna chaahiye। abhi pashchaataap kar lenge to peechhe nahin karna padega।4. roz amritbele apni mahima,baap ki mahima, apna karttavya,baap ka karttavya revise karo। ek niji niyam banaao। albelaapan tab aata hai jab sirf direction samjha jaata, niyam nahin banaate। jaise daphtar mein jaana jeevan ka niyam hai to jaate ho na?aise neej-neej ko niyam do। amritbele uthkar apne niyam ko dohraao। mere jeevan ki kya visheshtaayen hain। brahman jeevan ke kya niyam hain। aur har ghante chainkig karo ki kahaan tak niyam ko apnaaya hai। har samay baar-baar checking karo,sirf raat ko nahin।

is vardaan bhoomi se dridh sankalp ki vishesh saugaat le jaana। jo bhi karo pahle dridh sankalp - ‘karna hi hai’yeh saugaat le jaao to sada yaad rahega। baar-baar attention ke chaukeedaar rakhna to woh pahra dete rahenge। albelepan ki nivritti ka saadhan hai। 5. baar-baar attention। sahaj maarga samajhte ho, isliye albele ho jaate ho। 6. koi kada niyam banaao। jaise bhakti mein kada vrat dhaaran karte hain, aise kada niyam banaayenge to albelaapan samaapta ho jaayega। jaise saakaar baap ko athak dekha na,aise hi follow father। pahle sva ke oopar mehnat phir seva mein mehnat। tabhi dharti ko change kar sakenge। abhi sirf ‘‘kar lenge - ho jaayega’’ is aaraam ke sankalpon ke Dunlop ko chhodo।‘‘karna hi hai’’ yeh mastak mein sada salogan yaad rahe to phir parivartan ho jaayega।

aapas mein purooshaartha ke sva unnati ke plans ka group banaao। unnati ki baaton par rooh-roohaan karo। len-den karte-karte baar-baar yeh repeat karte-karte revise kartekarte realisation bhi ho jaayegi। roz kis vishay par aur kya-kya deep rooh-roohaan ki, iska har saptaah samaachaar ka patra aana chaahiye। kya-kya rooh-roohaan ki। kya chart raha। yeh bhi unnati ka jhanda hai। dharmaraaj ke paas baap ka bachcha danda khaaye - yeh shobha dega?isliye abhi unnati ka jhanda theek hai।

abhi to chaaron or phailaav karo - raajasthaan ke hisaab se mukhyaalay ke hisaab se jhanda to ooncha hai na। ab aisa number one bano jo aapko sab follow karen। sva- unnati ki ek invention karke dikhaao to sab phaalon karenge।

aagra zone -deh ke bandhan se nyaara rahne vaala hi baap ka pyaara hai :- sabhi sada pravritti mein rehte bhi nyaare aur baap ke pyaare, aisi sthiti mein sthit ho chalte ho? jitne nyaare honge utne hi baap ke pyaare honge। to hamesha nyaare rahne ka vishesh attention hai?sada deh se nyaare aatmik swaroop mein sthit rehna। jo deh se nyaara rehta hai woh pravritti ke bandhan se bhi nyaara rehta hai। nimitta maatra direction pramaan pravritti mein rah rahe ho,sambhaal rahe ho lekin abhi-abhi order ho ki chale aao to chale aayenge ya bandhan aayega। sabhi svatantra ho?bigul baje aur bhaag aayen। aise nashtomoha ho?zara bhi 5% bhi agar moh ki rag hogi to 5 minute deri lagaayenge aur khatma ho jaayega। kyonki sochenge, niklen ya na niklen। to soch mein hi samay nikal jaayega। isliye sada apne ko check karo ki kisi bhi prakaar ka deh ka, sambandh ka, vaibhvon ka bandhan to nahin hain। jahaan bandhan hoga vahaan aakarshan hogi। isliye bilkul svatantra। isko hi kaha jaata hai - baap-samaan karmaateet sthiti। sabhi aise ho na?