Avyakt murli for Thursday 7 February 1980

>

07-02-1980 om shanti avyakt baapdaada madhuban

"vichitra raajya darbaar"

baap-daada sabhi bachchon ke roop-basanta, donon ke bailansa (balance) dekh rahe hain। basanta banna aur roop mein sthit hona। donon ki samaanta hai?jaise basanta arthaat vaani mein aane ki bahut practice hai aise vaani se pare jaane ka abhyaas hai? sarva karmenindriyon ke karma ki smriti se pare ek hi aatmik swaroop mein sthit ho sakte ho? karma kheenchata hai ya karmaateet avastha kheenchati hai! dekhna, sunna,sunaana - ye vishesh karma jaise sahaj abhyaas mein aa gaye hain, aise hi karmaateet banne ki stage arthaat karma ko sametne ki shakti se akarma arthaat karmaateet ban sakte ho?ek hai karma-adheen stage, doosri hai karmaateet arthaat karma-adhikaari stage। jyaada samay kaun-si stage rehti hai? baap-daada harek sangamayugi karmendriyon-jeet svaraajyadhaari,raajya adhikaari raajaaon se poochhte hai ki harek ki raajya kaarobaar theek chal rahi hai? harek raajya-adhikaari roj apni raaj-darbaar lagaate hain? raajya darbaar mein raajya kaarobaari apne kaarya ki result deta hai? harek kaarobaari aap raajya adhikaari ke order mein hai? koi bhi kaarobaari khyaanat va milaavat (amaanat mein khyaanat) va kisi bhi prakaar ki khitkhit to nahin karte hain?kabhi aap raajya adhikaari ko dhokha to nahin dete hain? chalne ke bajaae chalaane to nahin lag jaate hain? aap raajya-adhikaariyon ka raajya hai ya praja ka raajya hai? aisi checking karte ho ya jab dushman aata hai tab hosh aata hai?roj apni darbaar lagaate ho ya kabhi-kabhi darbaar lagaate ho? kya haal hai aapke raajya-darbaariyon ka? raajya-kaarobaar theek hai? itna attention dete ho? abhi ke raaja hi janma-janmaantar ke raaja banenge। aapki daasi theek kaarya kar rahi hai? sabse bade-se-badi daasi hai - prakriti। prakriti roopi daasi theek kaarya kar rahi hai? prakritijeet ke order pramaan apna kaarya kar rahi hai? prakritijeet - prakriti ke order mein to nahin aa jaate?aapke raajya-darbaar ki mukhya 8sahayogi shaktiyaan aapke kaarya mein sahayog de rahi hain? raajya kaarobaar ki shobha hain - ye ashta shaktiyaan arthaat ashta ratan, ashta sahayogi - to aathon hi theek hain? apni result check karo। raajya kaarobaar chalaana aata hai?agar raajya-adhikaari albelepan ki neend mein va alpakaal ki praapti ke nashe mein va vyartha sankalpon ke naach mein masta honge to sahayogi shaktiyaan bhi samay par sahayog nahin dengi। to result kya samjhen? aajkal baap-daada harek bachche ki bhinnabhinna roop se result check kar rahe hain। aap apni result bhi check karte ho? pahle to sankalp shakti, nirnay shakti aur sanskaar shakti - teenon hi shaktiyaan order mein hai?phir 8shaktiyaan order mein hain?yeh teen shaktiyaan hain mahaamantri। to mantri-mandal theek hai ya hilta hai? aapke mantri bhi dalbadlu to nahin hain? kabhi maaya ke mureed to nahin ban jaate hain?

amaanat mein khyaanat

agar abhi tak bhi controlling power nahin hogi to final result mein kya hoga? fine bharne ke liye dharmaraaj puri mein jaana padega। yeh sajaayen fine hain। refine ban jaao to fine nahin bharna padega। jiski abhi se raajya darbaar theek hai woh dharmaraaj ki darbaar mein nahin jaayenge। dharmaraaj bhi unka svaagat karega। svaagat karaani hai ya baar-baar saugandha khaani hai। abhi nahin karenge, abhi nahin karenge- yeh baar-baar kehna padega। apna final phaisla kar liya hai ki abhi phaailon ke bhandaar bhare hue hain? khaata clear ho gaya hai ya mastak ke table par yeh nahin kiya hai,yeh nahin kiya hai - ye file rahi hui hai? yeh karna chaahiye,yeh chaahiye ki file to nahin bhari padi hain? puraane varsha ke saath puraana khaata khatma kiya! ya naye saal mein bhi puraane khaate ko jama karke lamba kiya hai?kya kiya hai? varsha parivartan hua to sanskaar bhi parivartan hua?agar ab tak bhi puraane khaate ka hisaab-kitaab chukta na kar badhaate chalenge to result kya hogi! jitna puraana khaata chalaate rahenge utna hi chillaana padega। yeh chillaana bada dardanaak hai। ek-ek second ek varsha ke samaan anubhav hoga। isliye abhi bhi `shiv-mantra'dvaara samaapti kar do। abhi kaeeyon ke khaate bhasma nahin hue hain। abhi puraane khaate hi chala rahe hain। sunaaya na - kaeeyon ki teen shaktiyaan abhi bhi baap ke sarva khazaanon mein khyaanat kar rahi hain। baap ne khazaanen diye hain, sva-kalyaan aur vishwa-kalyaan ke prati, lekin vyartha taraph lagaana, akalyaan ke kaarya mein lagaana - yeh amaanat mein khyaanat ho rahi hai। shreemat ke saath parmat aur janmat ki milaavat ho rahi hai। milaavat karne mein hoshiyaar bhi bahut hain। roop aisa hi rakhte hain jaise ki shreemat hai। shabd murli ke hi lenge lekin antar itna hoga jaise shiv aur shav। shiv baap ke bajaae shav mein atkenge। unki bhaasha badi royal roop ki hoti hai। sadaiv apne ko bachaane ke liye, kisne kiya hai, kaun dekhta hai, aise dilaase se svayan ko chalaate rehte hain। samajhte hain doosron ko dhokha dete hain,lekin svayan ka duhkh jama kar rahe hain। ek ka sau guna hokar jama hota rehta hai। isliye khyaanat aur milaavat ko samaapta karo। roohaaniyat aur raham ko dhaaran karo। apne oopar aur sarva ke oopar merciful bano। sva ko dekho। baap ko dekho auron ko nahin dekho। `he arjun'bano। jo ote so arjun। sada yeh slogan yaad rakho - `kahkar nahin sikhaana hai, karke sikhaana hai।'shreshtha karma karke sikhaana hai।ulta nahin sikhaana hai। main badal karke sabko badal ke dikhaaoonga। vyartha baaten sunte hue, dekhte hue, holi hans ban, vyartha chhod samartha dhaaran karo। sada chamkeeli drais mein saje-sajaaye sada suhaagin। baap aur main,teesra na koi। sada jhoole mein jhoolo। baap ki godi ke jhoolo ya sarva praaptiyon ke jhoole mein jhoolo। sankalp roopi naakhoon bhi mitti mein na jaae। samjha, is varsha kya karna hai? nahin to mitti ponchhate rahenge, saajan pahunch jaayega। woh manzil par pahunch jaayega aur aap ponchhate hue rah jaayenge। baraatiyon ki list mein aa jaayenge। samay ka intazaar nahin karna। sada svayan ko offer karo ki main ever ready hoon। samjha, ab kya karna hai?

beete hue varsha ki result mein abhi kaeeyon ke khaate clear nahin hain। ab tak puraane-puraane daag bhi kaeeyon ke rahe hue hain। rabad bhi lagaate hain, phir daag laga dete hain। kaeeyon ka to pahle chhota daag hai lekin chhipaate-chhipaate bada kar diya hai। kai chhipaate hain aur kai chaalaaki se apne ko chalaate hain। isliye gahra daag hota jaata hai। jaise bahut gahra daag hota hai to jis cheez par daag hota hai, vahi phat jaati hai,chaahe kaagaj par ho, chaahe kapde par ho। vaise yahaan bhi gahre daag vaale ko dil phaad kar rona padega। yeh mainne kiya - yeh mainne kiya। aise dil phaad karke rona padega। agar ek second bhi woh drishya dekho to vinaashkaal se bhi dardanaak hai,isliye sachche bano, saaph bano।baap-daada ko abhi bhi raham aata hai isliye roj apni raaj-darbaar lagaao। kachahri karo। check karne se change ho jaayenge।

aise sva-parivartan dvaara vishwa-parivartan karne vaale sada raajya adhikaari, sada roohaaniyat aur raham ki vritti vaale,vishwa mein sada sukhi, shant vaayumandal banaane vaale, bhatakti hui aatmaon ke liye light house aur might house - aise dridh sankalp karne vaale, puraani duniya ke aakarshan se door rahne vaale, aisi shreshtha aatmaon ko baap-daada ka yaad, pyaar aur namaste।

sevaadhaari bhaai-bahnon se -sevaadhaari arthaat baap-samaan। baap bhi sevaadhaari ban karke aate hain।sevaadhaari banna arthaat baap-samaan banna। to ye bhi samjho drama mein lottery mein naam nikla hai। seva ka chance milna arthaat lottery ka naam nikalna। sada seva ka chance lete rehna। sabhi ki result achhi hai - mubaarak ho।