Avyakt murli for Sunday 4 October 1981

>

04-10-81 om shanti avyakt baapdaada madhuban

"sankalp shakti ka mahatva"

sarvasiddhi swaroop banaane vaale baapdaada bole:-

baapdaada sarva bachchon ko antim stage arthaat sampanna aur sampoorn stage-isi shaktishaali sthiti ka anubhav karaate hain। jis sthiti mein sada master sarvashaktivaan, master gyaansaagar,sarva gunon mein sampanna,har sankalp mein, har shvaas mein har second sada saakshi-drashta aur sada baap ke saatheepan ka, sarva brahman parivaar ki shreshtha aatmaon ke sneh, sahayog ke saatheepan ka sada anubhav hoga। aise anu- bhooti hogi jaise science ke saadhnon dvaara door ki vastu sameep anubhav karte hain। aise divya buddhi dvaara kitni hi door rahne vaali aatmaon ko sameep anubhav karenge। jaise sthool mein saath rahne vaali aatmaon ko sameep anubhav karenge। jaise sthool mein saath rahne vaali aatma ko spashta dekhte,bolte,sahayog dete aur lete ho, aise chaahe America mein baithi hui aatma ho lekin divya-drishti,divya drishti traansa nahin lekin roohaaniyat bhari divya drishti- jis drishti dvaara natural roop mein aatma aur aatmaon ka baap bhi dikhaai dega। aatma ko dekhoon yeh mehnat nahin hogi, purooshaartha nahin hoga lekin hoon hi aatma, hain hi sab aatmaayen। shareer ka bhaan aise khoya hua hoga jaise dvaapar se aatma ka bhaan kho gaya tha। sivaae aatma ke kuchh dikhaai nahin dega। aatma chal rahi hai, aatma kar raheen hai। sada mastak mani ke taraph tan ki okhe va man ki okhe jaayengi। baap aur aatmaaen- yahi smriti nirantar natural hogi। us samay ki bhaasha kya hogi? shreshtha sankalp ki bhaasha hogi। bhaashan karne vaale nahin, aatmik aakarshan karne vaale hogen। bolne se nahin lekin sthiti ke dvaara, shreshtha jeevan ke darpan dvaara sahaj hi swaroop anubhav karaayenge। mukh ke bajaae nayan hi swaroop anubhav karaane ke saadhan ban jaayenge। naynon ki bhaasha sankalp ki bhaasha hai। sankalp shakti aapke mukh ke aavaaj ki gati se bhi tej gati se kaarya karegi। isliye shreshtha sankalp ki shakti ko aise svachchha banaao jo jara bhi vyartha ki asvachchhata bhi na ho। jisko kaha jaata hai line clear।

is sankalp shakti dvaara bahut hi kaarya saphal hone ki siddhi ke anubhav karenge। jin aatmaon ko, jin sthool kaaryon ko va sambandh samparka mein aane vaali aatmaon ke sanskaaron ko, mukh dvaara va anya saadhnon dvaara parivarttan karte hue bhi sampoorn saphalta nahin anubhav karte,ve sab ummeeden sankalp shakti dvaara sampoorn saphal aise ho jaayengi jaise hui padi theen। chaaron or jaise sthool aakaash mein bhinna-bhinna sitaare dekhte ho aise vishwa ke vaayumandal ke aakaash mein chaaron or saphalta ke sitaare chamakte hue dekhenge। varttamaan samay ummeedon ke taare aur saphalta ke taare donon dikhaai dete hain lekin antim samay, antim sthiti, baap ke ant mein khoye hue shreshtha sthiti mein saphalta ke sitaare hi hoge। yeh roohaani nayan, yeh roohaani moortta aise divya darpan ban jaayegi- jis darpan mein har aatma bina mehnat ke aatmik swaroop hi dekhegi। second mein is darpan dvaara aatmik swaroop ka anubhav karne ke kaaran baap ki taraph aakarshit ho, aho prabhu ke geet gaate, dehbhaan se sahaj arpan ho jaayenge। aho aapka bhaagya! oho mera bhaagya! is bhaagya ki anubhooti ke kaaran deh aur deh ke sambandh ki smriti ka tyaag kar denge kyonki bhaagya ke aage tyaag karna ati sahaj hai।

aap sab bhi is sahaj tyaag aur bhaagya ko lene chaahte ho va dene vaale banne chaahte ho? yeh to nahin sochte ho ki itne varshon ki mehnat se to ant samay sahaj tyaag aur bhaagya vaale ban jaaen, kya pasanda hai? ant mein sahaj anubhav zaroor karenge lekin kitne samay ka anubhav hoga?jitne thode samay ki pahchaan utne hi thode samay ke liye praapti। aap sab bahukaal ke saathi ho aur bahukaal ke raajya adhikaari ho। ant ki kamjor aatmaon ko mahaadaani vardaani ban anubhav ka daan aur punya karo। yahi second ka shaktishaali sthiti dvaara kiya hua punya aadhaakalpa ke liye poojneey aur gaayan yogya bana dega। kyonki antim kaal mein aatmaon ke antim samay mein aap sampoorn aatmaon dvaara praapti ke anubhav aur sampoorn swaroop ke pratyakshata ka sampanna swaroop,yahi antim anubhav ka sanskaar lekar aatmaae aadhaakalpa ke liye apne ghar mein vishraami hogeen। kuchh praja banengi,kuchh bhakta banengi isliye ant kaal jo ant mati so dvaapar mein bhaktapan ki gati mein arthaat shreshtha bhakta maala ke shiromni aatmaayen ban jaayengi। koi vishwa adhikaari ke roop mein dekhenge,koi praja banne ke sanskaar kaaran aapke raajya mein praja ban jaayengi। koi ati poojya swaroop mein dekhenge to bhakta aatmaayen ban jaayenge। aisi shreshtha sthiti, jis sthiti dvaara itni siddhi ko paayenge, aisi shreshthata ka anubhav kar rahe ho? sankalp ke ækhazaane ke mahatva ko jaante hue shreshtha sankalp ki shakti jama kar rahe ho? samjha antim stage kya hai?

baapdaada bhi to aavaaj se pare jaayenge ya aavaaj mein hi aayenge? practice karo aavaaj mein kam aane ki to aavaaj se pare ki sthiti svatah hi aakarshan karegi। pahla get to aavaaj se pare jaane ka khulta hai na! to get kholne ka udghaatan kab karenge? aur to udghaatan bahut karte ho na- madhuban mein? iska udghaatan baapdaada akele karenge ya saath me karenge? to taiyaar ho? achchhaaphir doosre baari iska hisaab lenge। hisaab to lena padega na! achha-

aise sarva siddhi-swaroop aatmaon ko, sankalp shakti dvaara sarva ki shreshtha kaamnaaon ko poorn karne vaale, sva ke sampanna darpan dvaara sarva aatmaon ko niji swaroop dikhaane vaale,baap ko pratyaksha kar sarva shaktiyon ke vardaani swaroop punya aatmaon ko baapdaada ka yaad-pyaar aur namaste।

teachers ke saath - ‘‘yeh sevaadhaari group hai। teachers nahin sevaadhaari। baap bhi sabse pahle sevaadhaari ban karke aate hain। sabse bade te bade title baap apne oopar world saventa ka hi rakhte hain। to jaise baap ka title hai vaise bachchon ka bhi। sevaadhaari samajhne se svatah hi nirvighna ho jaate। kyonki sevaadhaari arthaat tyaagi aur tapasvi। jahaan tyaag aur tapasya hai vahaan bhaagya to unke aage daasi ke samaan aata hi hai। to sabhi sevaadhaari ho na! teacher bankar nahin rehna, sevaadhaari bankar rehna। nahin to kya hota hai, agar aap apne ko teacher samjhengi to aane vaale thoda bhi aage badhege to ve bhi apne ko teacher samajhne lagenge। teacher samajhne se sookshm yeh kaamna utpanna hoti ki koi gaddi mile, koi sthaan mile। yeh bhi maaya ka bahut bada vighna hai। teacher hoon to seat chaahiye, maan chaahiye,shaan chaahiye। sevaadhaari dene vaale hote, lene vaale nahin। to jaise aap nimitta aatmaayen hogi vaise aur bhi aapko dekhkar sevaadhaari sada rahenge। phir chaaron or tyaag tapasya ka vaataavran rahega। jahaan tyaag aur tapasya ka vaataavran hai vahaan sada vighnavinaashak ki stage hai। to sabhi sevaadhaari ho na! teacher kahne se student kehte ham bhi kam nahin, sevaadhaari kahne se sab number one bhi hain to ek do se kam bhi hain। to naam bhi apna sevaadhaari samjho aur chalo। saare vighnon ki jad hai apne ko teacher samajhkar stage lena। phir follow teacher karte hain, follow father nahin karte।

vriddhi ko to pa hi rahe ho, abhi vriddhi ke saath vidhi poorvak vriddhi ko paate chalo। vidhi kam hoti hai to vriddhi mein vighna jyaada hote। to vidhi sampanna vriddhi ko paane vaale bano। mehnat achhi kar rahe ho।

party se:-

sabhi sada sukh ke saagar baap ki smriti mein rehte hue swaroop ka anubhav karte ho? kyonki sukh ke saagar ke bachche ho। to jaise baap sukh ka saagar hai vaise bachche bhi sukh-swaroop hain। master hain na! to sada duhkh ki duniya mein rehte hue sukh swaroop hain। master hain na! kabhi bhi duhkh ki lahar to nahin aati? chaahe duniya mein kitna bhi duhkh ashaanti ka prabhaav ho lekin aap nyaare aur pyaare ho kyonki aap sukh ke saagar ke saath ho। aise sada sukhi,sada sukhon ke jhoole mein jhoolne vaale apne ko anubhav karte ho? sankalp mein bhi duhkh nahin। duhkh ka sankalp aana yeh bhi master sukh ke saagar ke bachchon ka nahin। kyonki aatma duhkh ki duniya se kinaara kar sangam par pahunch gai। kinaara chhod chuke ho na! chhoda hai ki abhi duhkh ki duniya mein ho?koi rassi bandhi hui to nahin hai na? sab rassiyaan toot gai hain? jab sab rassiyaan toot gai to sukh ke saagar mein lahraate raho। nahin hai na? sab rassiyaan toot gai hain? jab sab rassiyaan toot gai to sukh ke saagar mein lahraate raho।