Avyakt murli for Sunday 8 November 1981

>

08-11-81 om shanti avyakt baapdaada madhuban

"antar sampanna karne ka saadhan - ‘turanta daan mahaapunya"

gunon ke saagar avyakt baapdaada bole:-

''aaj baapdaada savere praatahkaal ki vatan ki,baapdaada donon ke rooh-roohaan ki chitron sahit kahaani sunaate hain। kahaani sunne mein sabko roochi hoti hai na! to aaj ki kahaani kya thi? brahma baap vatan ke bageeche mein sair kar rahe the। sair karte hue saamne kaun the?baap ke saamne sada kaun rehte hain? yeh to sabhi achhi tarah se jaante ho na? baap bachchon ki maala smaran karte। kaun-si maala? gun maala। to brahma baap gun maala smaran kar rahe the। shiv baap ne brahma se poochha - ‘‘kya smaran kar rahe ho?'' brahma baap bole - ‘‘jo aapka kaam so mera kaam'' bachchon ke gun-maalaaon ko dekh rahe the। shiv baap poochhe - ‘‘kya-kya dekha?'' kya dekha hoga? koi bachchon ki sirf naikles ke maaphik maala thi aur koi bachchon ki paanv tak lambi maala thi। koi bachchon ki kai ladiyon ki maala thi। koi bachche itni maalaaon se saje hue the jaise maalaayen unki dress ban gai thi।

brahma baap variety gun-maalaaon se saje hue bachchon ko dekh-dekh harshit ho rahe the। aap harek apni gun-maala ko jaante ho? kitne saje hue ho,yeh apna chitra dekhte ho? brahma baap chitra-rekha ban chitra kheench rahe the। arthaat chitra mein takdeer ki rekhaayen kheench rahe the। aap svayan bhi svayan ka chitra arthaat takdeer ki tasveer kheench sakte ho na? photo kheench sakte ho na? photo nikaalne aata hai? apna va doosre ka?apna photo kheenchane aata hai?to aaj sabka photo vatan mein tha। kitna bada camera hoga! sirf aap logon ka nahin,sabhi braahmanon ka photo tha। maalaaon ka shrringaar dekhte koi-koi bachchon ki visheshta kya dekhi - har gun heeron ke roop mein variety roop rekha aur rang vaale the। vishesh chaar prakaar ke rang the। jismen mukhya chaar sabjektas ke chaar rang the। subject to jaante ho na?gyaan-yog-dhaarna aur seva।

gyaan swaroop ki nishaani kaun-sa rang hoga? gyaan swaroop ki nishaani - golden colour jo halka-sa gold colour hone ke kaaran us ek hi heere se sarva rang dikhaai dete the। ek hi heere se bhinna-bhinna rangon ki kirnon ke maaphik chamak dikhaai deti thi। door se aise anubhav karenge jaise chamak raha hai। aur yeh usse bhi sundar soorya। kyonki sarva rango ki kirnen door se hi spashta dikhaai deti theen। chitra saamne aa raha hai na! kaise chamak raha hai heera?

yaad ki nishaani - yeh to sahaj hai na? yaad mein yahaan bhi baithte ho to kya karte ho?laal rang। lekin is laal rang mein bhi golden rang mix tha, isliye aapki is duniya mein woh rang nahin hai। kahne mein to laal rang aayega।

dhaarna ki nishaani saphed rang। lekin saphedi mein bhi jaise chandrama ki light ke beech sunahri rang mix karo ya chaandani ke rang mein halka-sa peela rang add karo to dikhaai chaandani jaisa dega lekin halka sa sunahri hone ke kaaran uski chamak aur hi sundar ho jaati hai। yahaan woh rang bana nahin sakenge। kyonki ve chamakne vaale rang hain। kitni bhi trial karo lekin vatan ke rang yahaan kahaan se aayenge?

seva ki nishaani hara rang। seva mein chaaron or hariyaali kar dete ho na! kaanto ke jangal ko phoolon ka bageecha bana dete ho।

to abhi suna chaar rang kaun se hain? in chaar rango ke heeron se saji hui maalaayen sabke gale mein theen। ismen bhinna-bhinna size aur chamak mein antar tha। koi ki gyaan swaroop ki maala badi thi to koi ki yaad swaroop ki maala badi thi। aur koi-koi ki chaar hi maalaayen thode se antar mein thi। jinhon ki chaar hi rangon ki anek maalaayen theen- woh kitne sundar lagte honge?to baapdaada sabki result maalaaon ke roop mein dekh rahe the। door se heere aise chamak rahe the jaise chhote-chhote bulb ki line-yeh tha chitra। ab is chitron dvaara result dekh brahma baap bole - ‘‘samay ki raphtaar pramaan sarva bachchon ka shrringaar sampanna hua hai?'' kyonki result mein to antar tha। to is antar ko sampanna kaise karen? brahma baap bole - ‘‘bachche mehnat to bahut karte hain! mehnat ke saath sabki ichchha bhi hai, sankalp bhi karte hain''। baaki kya rah gaya? jaante to sab ho na! knowledgeful to ban gaye ho। to bataao kya antar rah jaata hai, jisse koi ki naikles,koi ki paanv tak lambi maalaayen, woh bhi anek maalaayen? sunte bhi ek ho, sunaate bhi ek ho, vidhi bhi sabki ek hai aur vidhaata bhi ek hai, vidhaan bhi ek hai, baaki kya antar rah jaata hai? sankalp bhi ek hai, sansaar bhi ek hai? phir antar kyon?

brahma baap ko aaj bachchon par bahut-bahut sneh aa raha tha। sabhi chitron ko sampanna banaane ke liye teevra umang aa raha tha ki abhi ka abhi hi sabko maalaaon se saja den। baap to saja bhi den lekin dhaaran karne ki samartha bhi chaahiye! sambhaalne ki samartha bhi chaahiye। to brahma ne shiv baap se poochha - kya baat hai? bachche saath chalne ke liye sampoorn sajte kyon nahin hain? saath mein to saje sajaaye hi jaayenge। kaaran kya nikla? shiv baap bole - antar to chhota-sa hai। sochte sab hain,karte bhi sab hain lekin koi- koi hain jo sochte aur karte ek hi samay par hain। arthaat sochna aur karna saath-saath hai,woh sampanna ban jaate hain aur koi-koi hain jo sochte hain aur karte bhi hain lekin sochne aur karne ke beech mein margin rah jaati hai। sochte bahut achha hain lekin karte kuchh samay ke baad hain। usi samay nahin karte hain। isliye sankalp me jo us samay ki teevrata, umang-ullaas-utsaah hota hai woh samay padne se percentage kam ho jaati hai। jaise garam va taaji cheez ka anubhav aur thandi va rakhi hui cheez ka anubhav mein antar aa jaata hai na! taaji cheez ki shakti aur rakhi hui cheez ki shakti mein antar pad jaata hai na! cheez kitni bhi badhiya ho lekin rakhi hui to uski result vahi nahin nikal sakti। aise sankalp jo karte hain woh usi samay practical mein karna-uski result, aur sochna aaj, karna kab, uski result mein antar pad jaata hai। beech mein samay ki margin hone ke kaaran, ek to sunaaya ki percentage sab ki kam ho jaati hai। jaise taaji cheez ke vitaaminsa mein pharka pad jaata hai। doosra - margin hone ke kaaran samasyaaon roopi vighna bhi aa jaate hain। isliye sochna aur karna saath-saath ho। isko kaha jaata hai - ‘‘turanta daan mahaapunya।''nahin to mahaapunya ke bajaae punya ho jaata hai। to antar ho gaya na? mahaapunya ki praapti aur punya ki praapti mein antar ho jaata hai। samjha kaaran kya hai? chhota sa kaaran hai। karte bhi ho sirf ‘ab'ke bajaae ‘kab' karte ho isliye mehnat jyaada karni padti hai। to brahma baap bachchon se bole - ‘‘ab is kaaran ka nivaaran karo।''suna aaj ki kahaani! donon baap ke beech ki kahaani। ab kya karenge?nivaaran karo। nivaaran karna hi nimaarkan karna ho jaayega। to sva mein bhi nav-nimaarkan aur vishwa mein bhi nav-nirvaan। achha! aise sada saje-sajaaye,sochna aur karna samaan banaane vaale,sada baap samaan turanta daani mahaapunya-aatmaayen,donon baap ke shubh ichchha ko poorn karne vaale, aise sampanna aatmaon ko baapdaada ka yaadapyaar aur namaste।’’

teachers ke saath-sevaadhaari amritvele se lekar raat tak seva ki stage par ho? agar aaraam bhi karte ho to bhi stage par ho,stage par bhi sone ka part bajaate hain na! sabki najar hoti hai ki kaise soye hue hain। is reeti sevaadhaari arthaat 24ghante stage par part bajaane vaale। to har kadam, har second saari vishwa ke aage hain। sevaadhaari sada hero paartadhaari samajh karke chalen,centre par nahin baithe ho lekin stage par baithe ho,vishwa ki stage par। to itna attention rahne se har sankalp aur karma svatah hi shreshtha honge na! natural attention hoga। attention dena nahin padega lekin rahega hi kyonki stage par ho na! aur sada apne ko poojya aatma samjho to poojya aatma arthaat paavan aatma। kalpa-kalpa poojya hain। poojya samajhne se sankalp aur svapna bhi sada paavan honge। to aisa nasha rehta hai? vaise bhi sevaadhaari majority kumaariyaan hain। kumaariyaan double kumaariyaan ho gai, brahmaakumaari bhi aur kumaari bhi। to kitni mahaan ho gai। kumaari ki, ab 84ven antim janma mein bhi,charnon ki pooja hoti hai। to itni paavan bani ho tab itni pooja ho rahi hai। kumaariyon ko kabhi bhi jhukne nahin denge। kumaariyon ke charnon mein sab jhukte hain। charan dhokar peete hain। to woh kaun si kumaariyaan hain?brahmaakumaariyaan hain na! to sevaadhaari aisi shreshtha aatmaayen ho। kiski pooja ho rahi hai? aap logon ki। geet bhi hai na - pooja hoti hai ghar-ghar mein…। isliye bolo - jamaari pooja hoti hai। baapdaada bhi dekho namaste karte hain na! to itni poojya ho tab to baap bhi namaste karte hain। isi smriti swaroop mein rahne se sada vriddhi hoti rahegi। apni bhi aur seva ki bhi। sab vighna khatma ho jaayenge। isi smriti mein sab visheshtaayen bhari hain। achha

party se avyakt baapdaada ki mulaakaat:-

1.jeevan ki anek samasyaaon ka hal-teertha sthaan ki smriti- bhaagya vidhaata ki bhoomi par pahunchna yeh bhi bahut bada bhaagya hai। yeh koi khaali sthaan nahin hai, mahaan teerthasthaan hai। vaise bhi bhakti maarga mein maante hain ki teertha sthaan par jaane se paap khatma ho jaate hain,lekin kab hote hain, kaise hote hain, yeh jaante nahin hain। is samay tum bachche anubhav karte ho ki is mahaan teerthasthaan par aane se punya aatma ban jaate hain। yeh teerthasthaan ki smriti jeevan ki anek samasyaaon se paar le jaayegi। yeh smriti bhi ek taaveej ka kaam karegi। jab bhi yaad karenga to yahaan ke vaataavran ki shanti aur sukh aapke jeevan mein emerge ho jaayega। to punya aatma ho gaye na! is dharni par aana bhi bhaagya ki nishaani hai। isliye bahut-bahut bhaagyashaali ho। ab bhaagyashaali to ban gaye lekin saubhaagyashaali banna va padmaapadma bhaagyashaali banna yeh aapke haath mein hai। baap ne bhaagyashaali bana diya, yahi bhaagya samay prati samay sahayog deta rahega। koi bhi baat ho to madhuvan mein buddhi se pahunch jaana। phir sukh aur shanti ke jhoole mein jhoolne ka anubhav karenge। achha!

2.svadarshan chakradhaari ki nishaani hai - saphalta swaroop। sabhi apne ko svadarshan chakradhaari samajhte ho, baap ki jitni mahima hai, usi mahima swaroop bane ho? jaise baap ke har karma charitra ke roop mein abhi bhi gaaye jaate hain aise aapke bhi har karma charitra samaan ho rahe hain? aise charitravaan bane ho, kabhi saadhaaran karma to nahin hote hain? jo baap ke samaan svadarshan chakradhaari bane hain unse kabhi bhi saadhaaran karma ho nahin sakte। jo bhi kaarya karenge usmein saphalta samaai hui hogi। saphalta hogi ya nahin hogi, yeh sankalp bhi nahin uth sakta। nishchay hoga ki saphalta hui padi hai। svadarshan chakradhaari maayaajeet honge। maayaajeet hone ke kaaran saphaltaamoortta honge। aur jo saphaltaamoortta honge woh sada har kadam mein padmaapadmapti honge। aise padmaapadmapti anubhav karte ho?itni kamaai jama kar li hai jo 21janmon tak chalti rahe। sooryavanshi arthaat 21janmon ke liye jama karne vaale। to sada har second mein jama karte raho। achha।

3.chaitanya chheepmaala ke deepkon ka karttavya hai-andhakaar mein roshni karna। apne ko sada jage hue deepak samajhte ho? aap vishwa ke deepak avinaashi deepak ho jiska yaadgaar abhi bhi deepmaala manaai jaati hai। to yeh nishchay aur nasha rehta hai ki ham deepmaala ke deepak hain?abhi tak aapki maala kitni simran karte rehte hain? kyon simran karte hain? kyonki andhakaar ko roshan karne vaale bane ho। svayan ko aise sada jage hue deepak anubhav karo। timtimaane vaale nahin। kitne bhi toofaan aayen lekin sada ekras, akhanda jyoti ke samaan jage hue deepak। aise deepkon ko vishwa bhi naman karti hai aur baap bhi aise deepkon ke saath rehte hain। timtimaate deepkon ke saath nahin rehte। baap jaise sada jaagti jyoti hai, akhanda jyoti hai, amar jyoti hai, aise bachche bhi sada ‘amar jyoti'!amar jyoti ke roop mein bhi aapka yaadgaar hai। chaitanya mein baithe apne sabhi jad yaadgaaron ko dekh rahe ho। aisi shreshtha aatmaayen ho।

achha!