Avyakt murli for Friday 8 January 1982

>

08-01-82 om shanti avyakt baapdaada madhuban

"landan group ke saath avyakt baapdaada ki mulaakaat"

ati meethe, ati pyaare baapdaada bole:-

‘‘aaj vishesh landan nivaasi bachchon se milan manaane ke liye aaye hain। vaise to sabhi baapdaada ke liye sada priy hain, sabhi ko vishesh milne ka chance mila hai lekin aaj nimitta landan nivaasiyon se milna hai। landan nivaasi bachchon ne seva mein dil va jaan, sik va prem se apna sahayog diya hai aur dete hi rahenge। sva ke udti kala mein bhi achha atainshan hai। nambarvaar to jahaan-tahaan hain hi। phir bhi purooshaartha ki raphtaar achhi hai। (ek pakshi udta hua class mein aa gaya) sabhi udna dekhkar ke khush ho rahe ho। aise hi svayan ki bhi udti kala kitni priy hogi। jab udte ho to free ho, svatantra ho। aur udne ke bajaae neeche aa jaate ho to bandhan mein aa jaate ho। udti kala arthaat bandhanmukta,yogayukta। to landan nivaasi kya samajhte hain? udti kala hai na? neeche to nahin aate ho? agar neeche aate bhi ho to neeche vaalon ko oopar le jaane ke liye aate ho,vaise nahin aate। jo neeche ki stage par sthit hain unhon ko himmat aur ullaas dila ke udaane ke liye seva ke prati neeche aaye aur phir oopar chale gaye,aisi practice hai?kya samajhte ho? landan nivaasi group sada deh aur deh ki duniya ki aakarshan se nyaare aur sada baap ke pyaare hain। isko kaha jaata hai - kamal-pushpa samaan। seva arth rehte hue bhi ‘nyaare aur pyaare'। to nyaara pyaara group hai na?landan se saare videsh ke seva kendron ka sambandh hai। to landan nivaasi is seva ke vriksha ka foundation ho gaye। foundation kamjor to saara vriksha kamjor ho jaayega। isliye foundation ko sada apne oopar seva ki jimmevaari sahit attention rakhna hai। vaise to harek ke oopar apni aur vishwa ke seva ki jimmevaari hai। us din sunaaya tha ki sab jimmevaari ke taajdhaari hain। phir bhi aaj landan nivaasi bachchon ko vishesh atainshan dila rahe hain। yeh jimmevaari ka taaj sada ke liye double light banaane vaala hai। bojh vaala taaj nahin hai। sarva prakaar ke bojh ko mitaane vaala hai। anubhvi bhi ho ki jab tan-man-dhan, mansa-vaacha-karmana sab roop se sevaadhaari ban,seva mein busy rehte ho to sahaj hi maayaajeet jagatjeet ban jaate ho। deh ka bhaan svatah hi, sahaj hi bhoola hua hota hai?mehnat nahin karni padti। anubhav hai na?seva ke samay baap aur seva ke sivaae aur kuchh nahin soojhta। khushi mein naachte rehte ho। to yeh jimmevaari ka taaj halka hai na? arthaat halka banaane vaala hai। isliye baapdaada sabhi bachchon ko‘roohaani sevaadhaari' ka title vishesh yaad dilaate hain। baapdaada bhi roohaani sevaadhaari ban kar ke aate hain। to jo baap ka swaroop woh bachchon ka swaroop। to sabhi double videshi taajdhaari ho na?baap samaan sada roohaani sevaadhaari। aankh khuli, milan manaaya aur seva ke kshetra par upasthit hue। good morning se seva shuru hoti hai aur good night tak seva hi seva hai। jaise nirantar yogi aise hi nirantar roohaani sevaadhaari। chaahe karmana seva bhi karte ho to karmana dvaara bhi roohon ko roohaaniyat ki shakti bharte ho kyonki karmana ke saath-saath mansa seva bhi karte ho। to karmana seva mein bhi roohaani seva। bhojan banaate ho to roohaaniyat ka bal bhojan mein bhar dete ho,isliye bhojan ‘brahma bhojan'ban jaata hai। shuddh anna ban jaata hai। prasaad ke samaan ban jaata hai। to sthool seva mein bhi roohaani seva bhari hai। aise nirantar sevaadhaari, nirantar maayaajeet ho jaate hain। vighna vinaashak ban jaate hain। to landan nivaasi kya hain? - ‘nirantar sevaadhaari'। landan mein maaya to nahin aati hai na ki maaya ko bhi landan achha lagta hai?achha—

landan nivaasi abhi kya varna chaahte hain? achhe-achhe ratan hain landan ke। jagah-jagah par gaye hain। vaise sabhi videsh ke sevaakendra ek se doosre,doosre se teesre, aise khulte hain। abhi total kitne sevaakendra hain? (50) to 50 jagah ka foundation landan hai। to vriksha sundar ho gaya na। jis tana se 50 taal taaliyaan nikle woh vriksha kitna sundar hua। to videsh ka vriksha bhi vistaar vaala achha phaleebhoot ho gaya hai। baapdaada bhi bachchon ke, sirf landan nahin sabhi bachchon ke seva ka ummag utsaah dekh khush hote hain। videsh mein lagan achhi hai। yaad ki bhi aur seva ki bhi,donon ki lagan achhi hai। sirf ek baat hai ki maaya ke chhote roop se bhi ghabraate jaldi hain। jaise yahaan india mein kai brahman jo hain,ve choohe se bhi ghabraate hain,kaakroch se bhi ghabraate hain। to sirf videshi bachche isse ghabra jaate hain। chhote ko bada samajh lete hain। lekin hai kuchh nahin। kaagaj ke sher ko sachcha sher samajh lete hain। jitni lagan hai na utna ghabraane ke sanskaar thoda-sa maidaan par aa jaate hain। to videshi bachchon ko maaya se ghabraana nahin chaahiye, khelna chaahiye। kaagaj ke sher se khelna hota hai ya ghabraana hota hai? khilauna ho gaya na? khilaune se ghabraane vaale ko kya kahenge? jitni mehnat karte ho us hisaab se,double videshi sabhi number one seat le sakte ho kyonki doosre dharma ke parde ke andar, double parde ke andar baap ko pahchaan liya hai। ek to saadhaaran swaroop ka parda aur doosra dharma ka bhi parda hai। bhaaratvaasiyon ko to ek hi parde ko jaanna hota hai lekin videshi bachche donon parde ke andar jaanne vaale hain। himmat vaale bhi bahut hain,asambhav ko sambhav bhi kiya hai। jo Christian ya anya dharma vaale samajhte hain ki hamaare dharma vaale brahman kaise ban sakte,asambhav hai। to asambhav ko sambhav kiya hai,jaanne mein bhi hoshiyaar,maanne mein bhi hoshiyaar hain। donon mein number one ho। baaki chal karke chooha aa jaata hai to ghabra jaate ho। hai sahaj maarga lekin apne vyartha sankalpon ko mix karne se sahaj bhi mushkil ho jaata hai। to ismen bhi jump lagaao। maaya ko parakhne ki aankh tej karo। misaandarastainda kar lete ho। kaagaj ko real samajh lena misaandarastaiding ho gai na। nahin to double videshiyon ki visheshta bhi bahut hain। sirf ek yeh kamzori hai - bas। phir apne oopar hansate bhi bahut hain, jab jaan lete hain ki yeh kaagaj ka sher hai, real nahin hai to hansate hain। check bhi kar lete, change bhi kar lete lekin us samay ghabraane ke kaaran neeche aa jaate hain ya beech mein aa jaate hain। phir oopar jaane ke liye mehnat karte to sahaj ke bajaae mehnat ka anubhav hota hai। vaise jara bhi mehnat nahin hai। baap ke bane, adhikaari aatma bane, khajaane ke,ghar ke, raajya ke maalik bane aur kya chaahiye?to abhi kya karenge? ghabraane ke sanskaaron ko yahaan hi chhodkar jaana। samjha! baapdaada bhi khel dekhte rehte hain, hansate rehte hain। bachche gahraai mein bhi jaate hain lekin gahraai ke saath-saath kahaan-kahaan ghabraate bhi hain। last so fast ke bhi sanskaar hain। pahle videshiyon mein vishesh phansane ke sanskaar the abhi hain fast jaane ke sanskaar। ek mein nahin phansate hain lekin anekon mein phans jaate hain। ek hi life mein kitne pinjare hote hain? ek pinjare se nikalte doosre mein phansate, doosre se nikalte teesre mein phansate। to jitna hi phansane ke sanskaar the utna hi fast jaane ke sanskaar hain। sirf ek baat hai, chhoti cheej ko bada nahin banaao। bade ko chhota banaao। yeh bhi hota hai kya?yeh question nahin। yeh kya hua? aise bhi hota hai?iske bajaae jo hota hai,kalyaankaari hai। question khatma hone chaahiye। fullstop। buddhi ko ismen jyaada nahin chalaao nahin to energy vesta chali jaati hai aur apne ko shaktishaali nahin anubhav karte। question mark jyaada hote hain। to ab madhuban ki vardaan bhoomi mein question mark khatma karke, fullstop laga ke jaao। question mark mushkil hai,fullstop sahaj hai। to sahaj ko chhodkar mushkil ko kyon apnaate ho! usmein energy vesta hai aur fullstop mein life hi baista ho jaayegi। vahaan vesta vahaan baista। to kya karna chaahiye? abhi vesta nahin karna। har sankalp baista, har second baista। achha landan nivaasiyon ke saath-saath ki rooh- roohaan ho gai।

landan ke sabhi sikeeldhe bachchon ko baapdaada ka padmaapadmaguna yaadapyaar sveekaar ho। saakaar mein madhuban mein nahin pahunche hain lekin baapdaada sada bachchon ko sammukh dekhte hain।

jo bhi serviceable bachche hain, ek-ek ka naam kya len, jo bhi sabhi hain, sabhi sahayogi aatmaayen hain,sabhi bephikar ban phakhur mein rehna kyonki sabka saathi svayan baap hai। achha- sabhi ko yaadapyaar sveekaar।