Avyakt murli for Friday 12 March 1982

>

12-03-82 om shanti avyakt baapdaada madhuban

“chaitanya pushpon mein rang, roop,khushbu ka aadhaar”

baagvaan shiv baba apne chaitanya phoolon ke prati bole:-

‘‘aaj baagvaan baap apne chaitanya bageeche mein variety prakaar ke phoolon ko dekh rahe hain। aisa roohaani bageecha baapdaada ko bhi kalpa mein ek baar milta hai। aisa roohaani bageecha roohaani khushboodaar phoolon ki raunak aur kisi bhi samay mil nahin sakti। chaahe kitna bhi naameegraami bageecha ho lekin is bageeche ke aage vo bageeche kya anubhav honge! yeh heere tulya vo kaudi tulya। aise chaitanya eeshvareey bageeche ka roohaani pushpa hoon - aisa nasha rehta hai? jaise baapdaada harek full ke rang, roop aur khushbu teenon ko dekhte hain aise apne rang, roop aur khushbu ko jaante ho?

rang ka aadhaar hai -gyaan ki subject। jitna-jitna gyaan swaroop honge utna rang aakarshan karne vaala hoga। jaise sthool phoolon ke rang dekhte ho, bhinnabhinna rang dekhte hue koi-koi rang vishesh door se hi aakarshit karta hai। dekhte hi mukh se yeh mahima zaroor niklegi ki kitna sundar phool hai! aur sada dil hogi ki dekhte rahen। aise hi gyaan ke rang mein range hue phool kitne sundar lagenge। aise hi roop aur khushbu ka aadhaar hai - yaad aur divya gun moorta। sirf rang ho aur roop na ho to bhi aakarshan nahin hogi। aur rang roop ho lekin khushbu na ho to bhi aakarshit nahin karenge। kaha jaata hai - yeh nakli hai, yeh asli hai। sirf rang roop vaale pushpa daikoreshan ke liye jyaada kaam aate hain lekin khushboodaar pushpa maanav apne sameep rakhenge। khushboodaar pushpa sada hi svatah hi seva ka swaroop hai। to apne se poochho - ki main kaun-sa pushpa hoon? kahaan bhi hain lekin svatah seva hoti rehti hai arthaat roohaani vaayumandal banaane ke nimitta bane hue hain। najdeek aane se arthaat samparka mein aane se khushbu pahunchti hai va door se hi khushbu phailaate hain! agar sirf gyaan sun liya, yog lagaane ke abhyaasi ban gaye lekin gyaan swaroop va yogi jeevan vaale va practical divyagun moorta na bane to sirf daikoreshan arthaat praja ban jaayenge। raaja ki praja daikoreshan hi hai। to allaah ke bageeche ke pushpa to ban gaye lekin kaun se? yahi apni checking karni hai। bageecha ek hai, baagvaan bhi ek hai lekin phoolon mein variety hai। double videshi apne ko kya samajhte hain? raajya adhikaari ho va raajya karne vaalon ko dekhne vaale?aaj baapdaada bageeche mein milne ke liye aaye hain। sabhi ke man mein rooh-roohaan karne ka sankalp rehta hai। to aaj rooh-roohaan karne ke liye aaye hain। vishesh do group hain na। baapdaada ko to sabhi desh-videsh donon taraph ke bachche ati priy hain। karnaatak vaale aur double videshi bhi sada khushi mein jhoolte rehte hain। madhuban mein aate sabhi maayaajeet banne ke anubhvi ban gaye ho va madhuban mein bhi maaya aati hai?madhuban mein aate hi ho maayaajeet sthiti ki anubhooti karne ke liye। to yahaan maaya ka vaar nahin lekin maaya haar kha kar jaayegi kyonki madhuban mein vishesh apni kamaai jama karne ke liye aate ho। double videshiyon ko to double laak laga dena chaahiye।

madhuban mein aakar vishesh apne mein kaun-si visheshtaayen dhaaran ki? (baba videshiyon se tatha karnaatak vaalon se prashn poochh rahe the) jaise sahajyogi banne ki visheshta dekhi vaise aur kya dekha? lav bhi mila,pees bhi mili,light bhi mili। sab kuchh mila na! jitni sva ko praapti hogi to praapti vaala seva ke sivaae rah nahin sakta। isliye praapti swaroop so seva swaroop svatah hi ho।

karnaatak vaalon ne bhi vriddhi achhi ki hai aur videsh mein bhi achhi vriddhi hui hai। videsh ne sevaakendra aur sevaadhaari bhi achhe nikaalen hain। baapdaada bhi bachchon ki himmat, umang,utsaah dekh harshit hote hain। chaahe desh mein, chaahe videsh mein seva ka umang utsaah bachchon mein dekh baap khush hote hain। achha jo sevaakendra mein rehte hain va seva mein upasthit hain - desh chaahe videsh mein, sab amritvela shaktishaali rakhte ho? yeh group bahut achha hai lekin achhe-achhe bachchon ko maaya bhi achhi tarah se dekhti hai। maaya ko bhi ve achhe lagte hain। isliye maayaajeet banna hai kyonki nimitta aatmaayen ho na। isliye vishesh attention। nimitta bani hui aatmaayen jitni shaktishaali hongi utna vaayumandal ko shaktishaali bana sakengi। nahin to vaayumandal kamjor ho jaaega। problems bahut aayengi। shaktishaali vaayumandal hone kaaran svayan bhi vighna vinaashak honge aur auron ke bhi vighna-vinaashak arth nimitta banenge। jaise soorya khud prakaashmay hai to andhakaar ko mitaakar auron ko roshni deta aur kichda bhasma karta hai। to jo nimitta bani hui aatmaayen hain ve shakti swaroop vighna vinaashak sthiti mein sthit rahne ka attention rakho। sirf svayan prati nahin। stock bhi jama ho jo auron ko bhi vighna-vinaashak bana sako। to yeh majority group master gyaan soorya hai! abhi sada yahi smriti swaroop bankar rehna hai ki - ‘main master gyaan soorya hoon।'svayan bhi prakaash swaroop aur auron ka bhi andhakaar mitaana hai। achha-

madhuban vaale bhi baapdaada ko yaad hain। madhuban nivaasi bhi brahman parivaar ki najron mein hain। jab madhuban ki mahima karte to saamne madhuban nivaasi aate hain। madhuban ki mahima ka to poora bhaashan bana hua hai। jo madhuban ki mahima hai woh madhuban nivaasi harek anubhav karte ho na, ki hamaari mahima hai। achha –

sada sarva visheshta sampanna vishesh aatmaon ko, sada svayan ke swaroop dvaara seva ke nimitta bane hue sevaadhaari aatmaon ko,sada rang roop aur khushboodaar phoolon ko baagvaan baapdaada ka yaadapyaar aur namaste।''

double videshi bachchon ka ek prashn rehta hai ki humein double service (eeshvareey seva ke saath naukri) ke liye kyon kaha jaata hai? is prashn ka uttar dete hue baapdaada bole-

‘‘samay kam hai aur praapti karne chaahte ho sabse jyaada। iske kaaran tan bhi lage, man lage aur dhan bhi lage, isliye teenon prakaar ki service karni pade। thode samay mein aapka teenon prakaar ka laabh jama hota hai kyonki dhan ki bhi marks hain। woh marks jama hone kaaran number aage le lete ho। to aap logon ke phaayde ke liye kaha jaata hai ki apna dhan lagaana to dhan ki subject mein bhi ek ka padma milta hai। sab taraph se agar ek hi samay mein laabh ho sakta hai to kyon na karo। baaki jab nimitta bani hui aatmaayen dekhengi, samay hi nahin hai,ise phursat hi nahin hai,apne khaane ka bhi samay nahin milta, yeh itna busy ho gaye hain to automatically usse free kar dengi। lekin jab tak itne busy ho jaao tab tak yeh zaroori hai। yeh vyartha nahin jaata hai, iski bhi marks jama ho rahi hain। busy ho jaayenge to drama hi aapko woh naukri karne nahin dega। koi na koi kaaran aisa banega jo chaaho bhi lekin kar nahin sakenge। iseelie jaise abhi chal rahe ho us mein hi kalyaan hai। aise nahin samjho ham surrender nahin hain। surrender ho,direction pramaan kar rahe ho। apne man se karte ho to surrender nahin ho। ismen agar apni mat chalaate ho, ki nahin! main to nahin karoongi,aur hi manmat hai। isliye svayan ko sada halka rakho। jo nimitta bani hui aatmaayen hain woh agar kehti hain to samjho ismen hamaara kalyaan hai। ismen aap nishchinta raho। ismen jo jyaada sochenge - mera shaayad part nahin hai, mere ko kyon nahin kaha jaata hai,yeh phir vyartha hai। samjha।

teachers ke prati:-teachers ke liye sevaasthaan kaun-sa hai? teachers sada vishwa ki stage par hain। aapka sevaasthaan hai - vishwa stage। to stage par samajhne se har karma attention se karenge। jab koi programme karte ho to stage par baithte samay kitna attention rehta hai। albela nahin hote। to teachers banna arthaat vishwa ki stage par rehna। centre par do bahnen rehti hon, lekin do nahin, vishwa ke aage ho। achha-

om shanti