Avyakt murli for Friday 30 April 1982

> 30-04-82 om shanti avyakt baapdaada madhuban

“vistaar ko bindi mein samaao”

behad ke baapdaada apne ever ready bachchon prati bole:-

‘‘baapdaada is saakaari deh aur duniya mein aate hain, sabhi ko is deh aur duniya se door le jaane ke liye। door-desh vaasi sabhi ko door-desh nivaasi banaane ke liye aate hain। door-desh mein yeh deh nahin chalegi। paavan aatma apne desh mein baap ke saath-saath chalegi। to chalne ke liye taiyaar ho gaye ho va abhi tak kuchh sametne ke liye rah gaya hai?jab ek sthaan se doosre sthaan par jaate ho to vistaar ko samet parivartan karte ho। to door-desh va apne sweet hom mein jaane ke liye taiyaari karni padegi?sarva vistaar ko bindi mein samaana pade। itni samaane ki shakti, sametne ki shakti dhaaran karli hai? samay pramaan baapdaada direction de ki second mein ab saath chalo to second mein, vistaar ko sama sakenge?shareer ki pravritti,laukik pravritti,seva ki pravritti,apne rahe hue kamzori ke sankalp ki aur sanskaar pravritti,sarva prakaar ki pravrittiyon se nyaare aur baap ke saath chalne vaale pyaare ban sakte ho? va koi pravritti apne taraph aakarshit karegi? sab taraph se sarva pravrittiyon ka kinaara chhod chuke ho va koi bhi kinaara alpakaal ka sahaara ban baap ke sahaare va saath se door kar denge? sankalp kiya ki jaana hai, direction mila ab chalna hai to double light ke udan aasan par sthit ho ud jaayenge?aisi taiyaari hai? va sochenge ki abhi yeh karna hai, woh karna hai? sametne ki shakti abhi kaarya mein la sakte ho va meri seva, mera centre, mera jigyaasu, mera laukik parivaar ya laukik kaarya - yeh vistaar to yaad nahin aayega? yeh sankalp to nahin aayega?jaise aap log ek drama dikhaate ho, aise prakaar ke sankalp - abhi yeh karna hai, phir vaapas jaayenge - aise drama ke muaaphik saath chalne ki seat ko paane ke adhikaar se vanchit to nahin rah jaayenge - abhi to khoob vistaar mein ja rahe ho,lekin vistaar ki nishaani kya hoti hai? vriksha bhi jab ati vistaar ko pa leta to vistaar ke baad beej mein sama jaata hai। to abhi bhi seva ka vistaar bahut teji se badh raha hai aur badhna hi hai lekin jitna vistaar vriddhi ko pa raha hai utna vistaar se nyaare aur saath chalne vaale pyaare, yeh baat nahin bhool jaana। koi bhi kinaare mein lagaav ki rassi na rah jaae। kinaare ki rassiyaan sada chhooti hui hon। arthaat sabse chhootti lekar rakho। jaise aajkal yahaan pahle se hi apna maran mana lete hain na- to chhutti le li na। aise sab pravrittiyon ke bandhanon se pahle se hi vidaai le lo। samaapti-samaaroh mana lo। udti kala ka udaan aasan sada taiyaar ho। jaise aajkal ke sansaar mein bhi jab ladaai shuru ho jaati hai to vahaan ke raaja ho va president ho unhon ke liye pahle se hi desh se nikalne ke saadhan taiyaar hote hain। us samay yeh taiyaar karo, yeh order karne ki bhi margin nahin hoti। ladaai ka ishaara mila aur bhaaga। nahin to kya ho jaae?president va raaja ke badle jel bird ban jaayega। aajkal ki nimitta bani hui alpakaal ki adhikaari aatmaayen bhi pahle se apni taiyaari rakhti hain। to aap kaun ho? is sangamayug ke hero paartadhaari arthaat vishesh aatmaayen। to aap sabki bhi pahle se taiyaari chaahiye na ki us samay karenge?margin hi second ki milni hai phir kya karenge? sochne ki bhi margin nahin milni hai। karoon na karoon, yeh karoon, woh karoon,aise sochne vaale ‘saathi'ke bajaae ‘baaraati' ban jaayenge। isliye antahvaahak sthiti arthaat karmabandhan mukta karmaateet - aisi karmaateet sthiti ka vaahan arthaat antim vaahan,jis dvaara hi second mein saath mein udenge। vaahan taiyaar hai? va samay ko ginti kar rahe ho? abhi yeh hona hai,yeh hona hai,uske baad yeh hoga, aise to nahin sochte ho? taiyaari sab karo। seva ke saadhan bhi bhal apnaao। naye-naye plan bhi bhale banaao। lekin kinaaron mein rassi baandhakar chhod nahin dena। pravritti mein aate ‘kamal'banna bhool na jaana। vaapis jaane ki taiyaari nahin bhool jaana। sada apni antim sthiti ka vaahan - nyaare aur pyaare banne ka shreshtha saadhan - seva ke saadhnon mein bhool nahin jaana। khoob seva karo lekin nyaarepan ki khoobi ko nahin chhodna। abhi isi abhyaas ki aavashyakta hai। ya to bilkul nyaare ho jaate ya to bilkul pyaare ho jaate। isliye ‘nyaare aur pyaarepan ka balance' rakho। seva karo lekin ‘merepan'se nyaare hokar karo। samjha kya karna hai?ab nai-nai rassiyaan bhi taiyaar kar rahe hain। puraani rassiyaan toot rahi hain। samajhte bhi nai rassiyaan baandh rahe hain kyonki chamkeeli rassiyaan hain। to is varsha kya karna hai? baapdaada saakshi hokar ke bachchon ka khel dekhte hain। rassiyon ke bandhane ki race mein ek do se bahut aage ja rahe hain। isliye sada vistaar mein jaate saar roop mein raho।

vartamaan samay seva ki result mein quantity bahut achhi hai lekin ab us quantity mein kvaaliteej bharo। quantity ki bhi sthaapna ke kaarya mein aavashyakta hai। lekin vriksha ke patton ka vistaar ho aur phal na ho to kya pasanda karenge? patte bhi ho aur phal bhi hon ya sirf patte hon? patte vriksha ka shrringaar hain aur phal sadaakaal ke jeevan ka source hain। isliye har aatma ko pratyakshaphal swaroop banaao arthaat vishesh gunon ke, shaktiyon ke anubhvi moorta banaao। vriddhi achhi hai lekin sada vighna-vinaashak,shaktishaali aatma banne ki vidhi sikhaane ke liye vishesh attention do। vriddhi ke saath-saath vidhi sikhaane ka, siddhisvaroop banaane ka bhi vishesh attention। snehi sahayogi to yathaashakti banne hi hain lekin shaktishaali aatma, jo vighnon ka,puraane sanskaaron ka saamna kar mahaaveer ban jaae, is par aur vishesh attention। svaraajya adhikaari so vishwa raajya adhikaari aise vaaris quality ko badhaao। sevaadhaari bahut bane ho,lekin sarva shaktiyon dhaari aisi visheshta sampanna aatmaon ko vishwa ki stage par laao।

is varsha- harek aatma prati vishesh anubhvi moorta ban vishesh anubhvon ki khaan ban, anubhvi moorta banaane ka mahaadaan karo। jisse har aatma anubhav ke aadhaar par ‘angad' samaan ban jaae। chal rahe hain, kar rahe hain, sun rahe hain,-suna rahe hain, nahin। lekin anubhvon ka khajaana pa liya - aise geet gaate khushi ke jhoole mein jhoolte rahen।

is varsha- seva ke utsavon ke saath udti kala ka utsaah badhta rahe। to seva ke utsav ke saath-saath utsaah avinaashi rahe, aise utsav bhi manaao। samjha। sada udti kala ke utsaah mein rehna hai aur sarva ka utsaah badhaana hai।

is varsha - har ek ko yeh lakshya rakhna hai ki harek ko bhinna-bhinna varga ke aatmaon ki seva kar variety vargon ki har aatma ko baap ka banaakar, variety varga ka guldasta taiyaar kar baap ke aage laana hai। lekin hon sabhi roohaani roohe gulaab। vriksha bhal variety hon,vi.aai.pi. bhi hon to alag-alag occupation vaale bhi hon,saadhaaran bhi hon, gaanv vaale bhi hon lekin sabko anubhvon ki khaan dvaara anubhvi moorta banaakar praapti swaroop banaakar saamne laao। isko kaha jaata hai - roohaani roohe gulaab। guldasta banaana lekin meraapan nahin laana। mera guldasta sabse achha hai to roohe gulaab nahin ban sakenge। ‘‘meraapan laaya to guldasta murjhaaya''। isliye samjho - baba ke bachche hain, mere hain isko bhool jaao। agar mere banaayenge to un aatmaon ko bhi behad ke adhikaar se door kar denge। aatma chaahe kitni bhi mahaan ho lekin sarvagya nahin kahenge। saagar nahin kahenge। isliye kisi bhi aatma ko behad ke varse se vanchit nahin karna। nahin to vo hi aatmaayen aage chal mere banaane vaalon ko ulhanen dengi ki humein vanchit kyon banaaya? unhon ke vilaap us samay sahan nahin kar sakenge। itne duhkhamay dil ke vilaap honge। isliye is vishesh baat ko vishesh dhyaan se samajhna। vishesh seva bhal karo। tan ki shakti, man ki shakti, dhan ki shakti, sahayog dene ki shakti,jo bhi shaktiyaan hain,samay ki bhi shakti hai in sabko samartha kaarya mein lagaao। aage ka nahin socho। 84 mein kya hoga, 85 mein kya hoga? jitna lagaaya utna jama hua। to samjha kya karna hai! sarva shaktiyon ko lagaao। svayan ko sada udti kala mein udaao। aur auron ko bhi udti kala mein le jaao। utsaah ka slogan bhi mila na!

is varsha- double utsav manaane hain aur roohaani roohon ka guldasta harek ko taiyaar karna hai। aaj aaye hue bhi variety gudlasta hi hain। chaaron or ke aa gaye hain na। desh-videsh ka variety guldasta ho gaya na! double videshiyon ne bhi last milan mein hissa le liya hai। baapdaada bhi aane ki badhaai dete hain। badhaai bhi sabko mil gai to milna ho gaya na! sabne mil liya! badhaai le li baaki kya raha? toli! to line lagaate aana aur toli lete jaana। aisa hi samay aane vaala hai। jab itna bada haal bana rahe ho to kya haal hoga?sada ek rasam to nahin chalti hain na! is baar to vishesh bhaaratvaasi bachchon ka ulhana poora kiya। har season ka apna-apna rasam-rivaaj hota hai। agle varsha kya hota so dekhna। abhi hi bata den to phir maja nahin aayega। sabhi gudlaston sahit aayenge na। quality banaakar laana - kyonki number to quality sahit quantity par milega। aise to bheed ikatthi karne mein to netaayen bhi hoshiyaar hain। quantity ho lekin quality sahit। aisa guldasta laana। sirf patton ka guldasta nahin le aana। achha-

aise sada antim vaahan ke ever ready, sarva aatmaon ko anubhvi moorta banaane ke mahaadaani,sada vardaata,vidhaata,behad ke baap se behad ka varsa dilaane ke nimitta banne vaali aatmaayen, sada sevaadhaari ke saath-saath shaktishaali aatmaayen banaane vaale,vriddhi ke saath vidhi dvaara praaptiyon ki siddhi praapta karne vaale,aise baap samaan seva karte, seva se nyaare aur baap ke saath chalne vaale pyaare,aise sameep aur samaan aatmaon ko baapdaada ka yaadapyaar aur namaste।''

sevaadhaariyon se:- ek hain - aatmaon ko baap ka parichay de baap ke varse ke adhikaari banaane ke nimitta sevaadhaari aur doosre hain - yagya sevaadhaari। to is samay aap sabhi yagya seva ka part bajaane vaale ho। yagya seva ka mahatva kitna bada hai - usko achhi tarah se jaante ho? yagya ke ek-ek kane ka kitna mahatva hai? ek-ek kana muhron ke samaan hai। agar koi ek kanen jitna bhi seva karte hain to muhron ke samaan kamaai jama ho jaati hai। to seva nahin ki lekin kamaai jama ki। sevaadhaariyon ko - vartamaan samay ek to madhuban vardaan bhoomi mein rahne ka chance ka bhaagya mila aur doosra sada shreshtha vaataavran uska bhaagya aur teesra sada kamaai jama karne ka bhaagya। to kitne prakaar ke bhaagya sevaadhaariyon ko svatah praapta ho jaate hain। itne bhaagyavaan sevaadhaari aatmaayen samajhkar seva karte ho?itna roohaani nasha smriti mein rehta hai ya seva kartekarte bhool jaate ho?sevaadhaari apne shreshtha bhaagya dvaara auron ko bhi umang ullaas dilaane ke nimitta ban sakte hain। sabhi sevaadhaari jitna bhi samay jis bhi seva mein rahe - nirvighna rahe! mansa mein bhi nirvighna। kisi bhi prakaar ka kabhi bhi vighna va halchal na aaye isko kaha jaata hai ‘seva mein saphaltaamoorta'। chaahe kitna bhi sanskaar va paristhitayaan neeche-oopar hon lekin jo sada baap ke saath hain, sada follow father hain, sada si father hain woh sada nirvighna rahenge aur agar kahaan bhi kisi aatmaon ko dekha, aatmaon ko follow kiya to halchal mein aa jaayenge। to sevaadhaari ke liye seva mein saphalta paane ka aadhaar - ‘si father va follow father'। to sabhi ne sachchi dil se seva ki na?seva karte yaad ka chart kaise raha? achha! apna shreshtha bhaagya bana liya। result achhi hai। badi bhaagyavaan aatmaayen ho jo yagya seva ka chance mila hai। to aisa karttavya karke jaao - jo aapka yaadgaar ban jaayen aur phir kabhi aavashyakta pade to aapko hi bulaaya jaae। athak hokar jo seva karte hain unka phal vartamaan aur bhavishya donon jama ho jaata hai। to sabhi ne apna-apna achha part bajaaya।