Avyakt murli for Wednesday 26 January 1983

>

26-01-83 om shanti avyakt baapdaada madhuban

daata ke bachche ban sarva ko sahayog do

sarva ko sahayog dene ke nimitta banaane vaale, sada daata shiv baba apne sevaadhaari bachchon ke prati bole:-

aaj baapdaada apne sevaadhaari saathiyon se milne aaye hain, jaise baapdaada oonche te oonche sthaan par sthit ho behad ki seva arth nimitta hain,aise hi aap sabhi bhi oonche te oonche saakaar sthaan par sthit ho behad ki seva prati nimitta ho। jis sthaan ke taraph anek aatmaon ki najar hai। jaise baap ke yathaartha sthaan ko na jaante hue bhi phir bhi sabki najar oonche taraph jaati hai,aise hi saakaar mein sarva aatmaon ki najar is mahaan sthaan par hi ja rahi hai aur jaayegi। ‘‘kahaan par hai’’ abhi tak isi khoj mein hain। samajhte hain ki koi shreshtha thikaana mile। lekin yahi woh sthaan hai, iski pahchaan ke liye chaaron or parichay dene ki seva sabhi kar rahe hain। yeh behad ka vishesh kaarya hi isi seva ko prasiddha karega ki milna hai va paana hai to yahaan se। yahi apna shreshtha thikaana hai। vishwa ke isi shreshtha kone se hi sadaakaal ka jeeydaan milna hai। is behad ke kaarya dvaara yeh advertise vishaal roop mein honi hai, jaise dharti ke andar koi chhipi hui va dabi hui cheejen achaanak mil jaati hain to khushi-khushi se sab taraph prachaar karte hain। aise hi yeh aadhyaatmik khazaanon ki praapti ka sthaan jo abhi gupta hai,isko anubhav ke netra dvaara dekh aise hi samjhenge jaise ganvaaya hua, khoya hua gupta khazaane ka sthaan phir se mil gaya hai। dheere-dheere sabke man se,mukh se yahi bol niklenge ki aise kone mein itna shreshtha praapti ka sthaan। isko to khoob prasiddha karo। to vichitra baap,vichitra leela aur vichitra sthaan, yahi dekh-dekh harshit honge। wonderful baat hai, wonderful kaarya hai yahi sabke mukh se sunte rahenge। aise sadaakaal ki anubhooti karaane ke liye kya-kya taiyaariyaan ki hain।

haal to taiyaar kar rahe hain, haal ke saath chaal bhi theek hai? haal ke saath chaal bhi dekhenge na। to haal aur chaal donon hi vishaal aur behad hai na। jese majdooron se lekar bade-bade injeeniyarsa,donon ke sahayog aur sangathan se haal ki sundar roop rekha taiyaar hui hai, agar majdoor na hote to engineer bhi kya karte। ve kaagaj par plan bana sakte hain, lekin practical swaroop to bina majdooron ke ho nahin sakta। to jese sthool sahayog ke aadhaar par sarva ki anguli lagne se haal taiyaar ho gaya hai। vaise haal ke saath wonderful chaal dikhaane ke liye aisa vishesh swaroop pratyaksha roop mein dikhaao। sirf buddhi mein sankalp kiya, yeh nahin। lekin jaise engineer ke buddhi ki madad aur majdooron ke karma ki madad se kaarya sampanna hua। isi reeti man ke shreshtha sankalp saath-saath har karma dvaara hi dikhaai deta hai। to aise chalne aur karne ko sankalp ,vaani haath va paanv dvaara sangathit roop mein vichitra swaroop se dikhaane ka dridh sankalp kiya hai? aisi chaal ka naksha taiyaar kiya hai?sirf 3hajaar ki sabha nahin lekin 3hajaar mein sada trimoorti dikhaai de। yeh sab brahma ke samaan karmayogi,vishnu ke samaan prem aur shakti se paalna karne vaale, shankar ke samaan tapasvi vaayum- ndal banaane vaale hain, aisa anubhav har ek dvaara ho। aisa svany mein sarva shaktiyon ka stock jama kiya hai? yeh bhi bhandaara bharpoor kiya hai?yeh stock check kiya hai?va sabhi aise busy ho gaye ho jo check karne ki phursat hi nahin?

seva ki avinaashi saphalta ke liye svayan ke kis vishesh parivartan ki aahuti daalenge? aisa apne aap se plan banaaya hai? sabse bade te badi den hai daata ke bachche ban sarva ko sahayog dena। bigde hue kaarya ko, bigde hue sanskaaron ko, bigde hue mood ko shubh bhaavna se theek karne mein sada sarva ke sahayogi banna - yeh hai bade te badi vishesh den। isne yeh kaha,yeh kiya, yeh dekhte, sunte,samajhte hue bhi apne sahayog ke stock dvaara parivartan kar dena jaise koi khaali sthaan hota hai to all-round sevaadhaari samay pramaan jagah bhar dete hain। aise agar kisi bhi dvaara koi shakti ki kami anubhav bhi ho to apne sahayog se jagah bhar do। jisse doosre ki kabhi ka bhi anya koi ko anubhav na ho। isko kaha jaata hai - daata ke bachche ban samay pramaan use sahayog ki den dena। yeh nahin sochna hai,isne yeh kiya, aisa kiya,lekin kya hona chaahiye woh karte raho। koi ki kami na dekhna,lekin aage badhte rehna। achde te achha kya ho sakta hai woh bhi sirf sochna nahin hai lekin karna hai। isko hi vichitra chaal ka pratyaksha swaroop kaha jaayega। sada achhe te achha ho raha hai aur sada achde te achha karte rehna hai - isi samartha sankalp ko saath rakhna। sirf varnan nahin karna lekin nivaaran karte nav nirmaan ke kartavya ki saphalta ko pratyaksha roop mein dekhte aur dikhaate rehna। aisi taiyaari bhi ho rahi hai na kyonki sabhi ki jimmevaari hote hue bhi vishesh madhuban nivaasiyon ki jimmevaari hai। double jimmevaari li hai na। jese haal ka udghaatan karaaya to chaal ka bhi udghaatan ho gaya hai? woh bhi rirhasal hui va nahin। donon ka mel ho jaayega tab hi saphalta ka nagaada chaaron or tak pahunchega। jitna ooncha sthaan hota hai utni light chaaron or jyaada phailti hai। yeh to sabse ooncha sthaan hai to yahaan se nikla hua aavaaz chaaron or tak pahunche uske liye light might house banna hai। achha –

sada svany ko har gun, har shakti sampanna saakshaat baap swaroop ban sarva ko saakshaatkaar karaane vaale,sada vachitra sthiti mein sthit ho saakaar chitra dvaara baap ko pratyaksha karne vaale, oonche te oonchi sthiti dvaara oonche te oonche sthaan ko, oonche te oonche praaptiyon ke bhandaar ko pratyaksha karne vaale, sarva ke man se mil gaya, pa liya ka geet nikalne ki sada shubhbhaavna, shubhkaamna rakhne vaale - aise sarva shreshtha behad sevaadhaariyon ko baapdaada ka yaadapyaar aur namaste।

madhuban nivaasiyon ke saath :- vardaan bhoomi par rahne vaalon ko sada santushta rahne ka vardaan mila hua hai na। jo jitna apne ko sarva praaptiyon se sampanna anubhav karenge woh sada santushta honge। agar jara bhi kami ki mahsoosta hui to jahaan kami hai vahaan asantushtata hai। to sarva praapti hai na। sankalp ki siddhi to phir bhi ho rahi haina। thodi mehnat karni padti hai kyonki apna raajya to hai nahin। jitni auron ke aage problem aati hai utna yahaan nahin। yahaan problem to khel ho gai hai phir bhi samay par bahut sahayog milta raha hai - kyonki himmat rakhi hai। jahaan himmat hai vahaan sahayog praapta ho hi jaata hai। apne man me koi halchal nahin honi chaahiye। man sadaiv halka rahne se sarva ke paas bhi aapke liye halkaapan rahega। thoda bahut hisaab kitaab to hota hi hai lekin us hisaab kitaab ko bhi ais hi paar karo jaise koi badi baat nahin। chhoti baat ko bada nahin karo। chhota karna va bada karna yeh apni buddhi ke oopar hai। abhi behad ki seva ka samay hai to buddhi bhi behad ki rakho। vaataavran shaktishaali banaana hai, yeh harek aatma svayan ko jimmevaar samjhe। jabki ek do ke svabhaav sanskaar se takkar nahin kha sakte। jaise kisko pata hai ki yahaan khadda hai va pahaada hai to jaanne vaala kab takraayega nahin। kinaara kar lega । to svayan ko sada safe rakhna hai। jab ek takkar nahin khaayega to doosra svayan hi bach jaayega। kinaara karo arthaat apne ko safe rakho aur vaayumandal ko safe rakho। kaam se kinaara nahin karna hai। apni safety ki shakti se doosre ko bhi safe karna yeh hai kinaara karna। aisi shakti to aa gai hai na।

saakaar roop mein follow karne ke hisaab se sabko madhuban hi dikhaai deta hai kyonki ooncha sthaan hai। madhuban vaale to sada jhoole mein jhoolte rehte। yahaan to sab jhoole। sthool praapti bhi bahut hai to sookshm praapti bhi bahut hai sada jhoole mein honge to kab bhoolen nahin hongi। praapti ke jhoole se utarte hain to bhoolen apni bhi dasre ko bhi dikhaai dengi। jhoole mein baithne se dharni ko chhodna padta hai। to madhuban vaale tosarva praapti ke jhoole mein sada jhoolte rehte। sirf praapti ke aadhaar par jeevan na ho। praapti aapke aage bhal aave lekin aap praapti ko sveekaar nahin kar lo। agar ichchha rakhi to sarva praapti hote bhi kabhi mahsoos hogi। sada apne ko khaali samjhenge। to aisa bhaagya hai jo bina mehnat ke praapti svayan aati hai। to is bhaagya ko sada smriti mein rakho। jitna svayan nishkaam banenge utna praapti aapke aage svatah hi aayegi। achha –

sevaadhaariyon se :- sevaadhaari ka arth hi hai pratyakshaphal khaane vaale। seva ki aur khushi ki anubhooti ki to yeh pratyakshaphal khaaya na। sevaadhaari banna yeh to bade te bade bhaagya ki nishaani hai। janma-janma ke liye apne ko raajya adhikaari banne ka sahaj saadhan hai। isliye seva karna arthaat bhaagya ka sitaara chamakna। to aise samajhte hue seva kar rahe ho na। seva lagti hai ya praapti lagti hai? naam seva hai lekin yeh seva karna nahin hai, milna hai। kitna milta hai? karte kuchh bhi nahin ho aur milta sab kuchh hai। karne mein sab sukh ke saadhan milte hain। koi mushkil nahin karna padta hai, kitna bhi hard work ho lekin salvation bhi saath-saath milti hai to woh hard work nahin lagta khel lagta hai। isliye sevaadhaari banna arthaat praaptiyon ke maalik banna। saare din mein kitni praapti karte ho? ek ek din ki, ek ek ghante ko praapti ka agar hisaab lagaao to kitna anginat hai, isliye sevaadhaari banna bhaagya ki nishaani hai। seva ka chance mila arthaat praaptiyon ke bhandaar bharpoor ho hue। sthool praapti bhi hai aur sookshm bhi। kahin bhi koi seva karo to sthool saadhan itne nahin milte jitne madhuban mein milte hain। yahaan seva ke saath-saath pahle to apne aatma ki , shareer ki paalna, double hoti hai। to seva karte khushi hoti hai ya thakaavat hoti hai? seva karte sadaiv yeh check karo ki double seva kar raha hoon। mansa dvaara vaayumandal shreshtha banaane ki or karma dvaara sthool seva। to ek seva nahin karni hai। lekin ek hi samay par double sevaadhaari ban karke apna double kamaai ka chance lena hai।

sabhi santushta ho? sabhi apne-apne kaarya mein achhi tarah se nirvighna ho?koi bhi kaarya mein koi khit-khit to nahin hai? kabhi aapas mein khit-khit to nahin karte ho। kabhi tera mera,mainne kiya tumne kiya - yeh bhaavna to nahin aati hai?kyonki agar kiya aur yeh sankalp mein bhi aaya mainne to jo bhi kiya woh saara khatma ho gaya। mera-pan aana maana saare kiye hue kaarya par paani daal dena। aise to nahin karte ho? sevaadhaari arthaat karaavanhaar baap nimitta banaae kara rahe hain। karaavanhaar ko nahi bhoolen। jahaan nimitta bhaav hoga main pan aaya to maaya bhi aai। nimitta hoon nirmaan hoon to maaya aa nahin sakti। sankalp ya svapna mein bhi maaya aati hai to siddha hota ki kahaan main-pan ka darvaaja khula hai। main-pan ka darvaaja banda rahe to kabhi bhi maaya aa nahin sakti। achha –